平靚正西餐 (已結業)

今日被調派到調景嶺做野做到７點，放工時去車站途中誤打誤撞見到呢間餐廳，決定醫埋肚先返家。餐廳細細間，落單個姨姨好忙，但都好熱心叫我等佢一陣。ＭＥＮＵ上唔算多種類，不過價錢真係好．平！由於太肚餓喇，所以嗱嗱臨叫野食！黑松露雜菌扁意粉 ($48) - 好濃郁黑松露味，扁意粉煮得軟硬剛好，意粉Creamy得來卻好有口感，好味！香脆蒜蓉飽 ($12) - 呢個價錢去麵包店都未必買到一條蒜蓉飽，呢度仲可以有４舊！Ｄ蒜蓉加左牛油炸過，成件事唔同哂，好脆好香好好味！宜蘭香蔥餡餅 ($12) - 一啖一粒，唔油膩，好香蔥味。香脆雞翼 ($12) - 炸到熱辣辣好脆！豆漿 ($7@)食哂所有野，我已經飽到唔想郁，埋單先＄９８！完全冇諗過而家香港仲可以有咁平既餐廳！我見好多人買外賣，應該係附近都好多人食。不得不提，店主姨姨真係超級好人，雖然佢忙到氹氹轉，但仍然對每張檯都招呼周到

酷熱天氣下唔想出街就叫左呢間既food panda.收左單話23分鐘到，過左10分鐘又話3分鐘到，3分鐘呢個mode持續左好耐。結果係71分鐘先到溫泉蛋carbonara 意粉，隻蛋已熟;芝士薯條已林；第一次食呢間，真係有點失望。個芝士唔夠多，唔夠香，個意粉既汁都唔夠多，同埋個味唔係特別好食。

支持有heart小店! 之前經過去食，真的平靚正！會再去過. 特別推介蜆肉意粉，有辣同唔辣. 喜歡重口味嘅拒介辣！ 同埋蒜蓉包都好得又平， 新鮮出爐熱食最正! 最好一去就order 因為即時整要D時間.

晚餐時間去，店全滿，等了五分鐘已經有位。 店主好有心，即叫即製，新鮮熱辣。 雞翼同意粉都好好味。 有台灣餡餅及蛋餅 係一大驚喜。雖然地點喺街市，但係環境好乾淨。 一定會再去幫襯!!

我就叫咗午餐B嘅卡邦尼煙肉扁意粉（$38），再加左杯台灣奶茶（+$7），我覺得呢個卡幫你意粉係做得幾唔錯嘅，因為佢有sauce之餘唔會太多，你會識到啲意粉嘅質素係幾唔錯嘅，而且佢嘅芝士份量都好足，令到個意粉會有好濃郁嘅味道，同埋煙肉都真係俾得好多下，真心鍾意食西餐嘅人如果經過調景嶺嘅話都可以一試，之後就講下杯台杯奶茶，其實呢杯奶茶就冇咩特別嘅，真係普通一杯奶茶，呢個反而有啲美中不足😮下次有機會嘅話就試埋其他套餐啦😂😂

周未到調景嶺探朋友，經過領展街市，發現這間人氣小店。中午時間都幾多人坐到滿曬，但等左一陣就好快有位。餐牌選擇都幾多，叫咗個明太子意粉同炸雞粒。估唔到咁好食，價錢係出邊嘅1/4。下次去開條景嶺一定會再去食。

彩明街巿新開了一間平靚平西餐! 以調景嶺站來說，這間似乎是唯一一間西餐，正正滿足最愛吃意粉的我😍這間舖雖小，但仍可以容納十數人吧，不過有點擠迫。提供的食物款式都不少啊，而且有較便宜的下午茶啊~ 由於今日太多人了，所以點了一份卡邦尼煙肉扁意粉($38) 外賣，沒有餐飲的。因為我對洋蔥過敏，所以特意要求走洋蔥，而店員都很友善地幫我處理，還提醒了㕑房數次呢! 卡邦尼煙肉扁意粉的芝士份量很足，很濃郁的口感，如果煙肉份量稍為多些少就好了~另外，這店推廣環保，如果走全膠，即自備食物盒，餐具等，可以減$2啊。因為第一次光顧，所以沒有自備，哈哈，下次有機會再來都會支持一下環保!😄

係Openrice留意到屋企附近開左間餐廳叫做"平靚正西餐", 不過呢幾日經過商場都冇發現, 仔細睇餐廳地址先知餐廳原來開左係彩明街市入面, 真係意想不到。😳今日趁下午自已一個人, 一於去食返餐下午茶試試係咪真係"平靚正"。😁餐廳係街市水果檔附近嘅舖位, 地方唔大, 只有幾張枱, 裝修以黑白色為主, 簡約企理。下午茶劃一價錢$32不需加一, 可自選三款食物同一款飲品。我揀左意粉, 雞翼同餡餅, 飲品揀左凍朱古力, 凍飲不需要另外加錢。👍下午茶餐 $32雖然只係賣$32, 但下午茶呢個Combo plate賣相都好吸引, 小卡邦尼煙肉扁意粉份量唔少, 唔會太咸, 煙肉洋蔥配上芝士, 都幾惹味。蜂蜜柚子雞翼外層香脆, 味道清新, 雞肉富有肉汁。宜蘭三星蔥餡餅餅皮唔算薄, 三星蔥味道唔錯。👍凍香濃朱古力凍朱古力唔夠香濃, 下次黎會試下台灣奶茶, 同樣跟餐不需加錢。😙埋單$32, 性價比確實唔錯。👍餐牌