平靚正西餐 (已結業)

一般餐廳食一個意粉，平均都要$60-$80，有時會更貴。而位於彩明街市內這一間「平靚正西餐」，真的同個名一樣，又平﹗又靚﹗又正﹗性價比無得輸。大部意粉類別都可以選擇跟扁意粉、長通粉或飯，只有個別一個不能轉飯。而在基本意粉餐上，可以追加其他配料，如帶子、溫泉蛋、肉丸、大蝦等等，選擇非常多。揀好心水食物，就可以畫落單紙，一個意粉餐一張落單紙，好清晰，唔會混亂落錯單。所有食物都係即叫即造，保證新鮮熱辣。蘑菇野菌扁意粉 $38意粉軟硬適中，蘑菇汁creamy，有香濃嘅蘑菇味，而且有好多野菌，真材實料。芝士咖哩蜆肉意粉 $48 追加帶子 $15咖哩味較特出，有泰式風味，少少辣，好開胃，咖喱配蜆肉&帶子，風味十足，配合彩椒一齊炒，賣相吸引。招牌柚子雞翼 $28雞翼炸到外脆內嫰，配上柚子醬，酸酸甜甜，沒有油膩感，好開胃。香脆蒜蓉包 $12一般嘅蒜蓉包都只係搽左層蒜香牛油，而「平靚正」嘅蒜蓉包，面層有粒粒嘅蒜蓉，增加麵包嘅蒜蓉香味，雖然係叫外賣，但蒜蓉包返到屋企後仍然香脆鬆軟。芝士煙肉薯角 $23呢個薯角感覺無炸薯條咁熱氣，薯角面淋左好多芝士，薯角配芝士味好夾，真係邪惡之選~~~~

最近常到附近體育館做運動，見網上介紹這小店就決定試試☺️小店位於街市內，店內有提供坐位堂食😆店內裝修好新潮😊仲係open kitchen 會聞到香味。店內亦提供唔少調味料。今次我叫左外賣可以同家人一齊食😋等候時間都唔算太長。我叫左白汁野菌大蝦🦐扁意粉，香蒜肉粒扁意粉，黑松露薯角，柚子雞中翼，蒜蓉包。返到屋企仲係熱辣辣嘅☺️先講小食喇😍蒜蓉包烤到脆脆嘅，仲佈滿左蒜蓉😍好香又脆🥖😋黑松露薯角，係焗薯黎😋點上黑松露沙津醬，好香😋柚子雞中翼好入味，加上柚子醬酸酸甜甜☺️好夾黎到主菜☺️白汁野菌大蝦🦐扁意粉，白汁好濃，有少少芝士味，配上野菌同西蘭花🥦唔會蓋過鮮蝦嘅味道，有5隻大蝦左右，意粉都份量幾大，好抵食😌另外一個意粉係香蒜肉粒，以50蚊內嘅意粉算係好足料😍食落啖啖香蒜味，肉粒係食落好似腸仔味😋同埋都好多肉粒。重點係食完咁多食物，都唔覺得有味精，我諗小店係以健康為主☺️所以推介各位街坊同學生哥可以一試😆

本身去街市諗住買餸，但係見到呢間餐廳寫住又平，又靚，又正咁，就打算試吓有幾把閉。首先，呢間餐廳好多choices，而且好flexible，你可以揀飯，意粉，又可以加不同的配料，例如大蝦，蜆肉，雞扒⋯⋯(加$12-$15元)岩曬我呢啲少麵但鐘意多餸嘅朋友仔！卡邦尼煙肉大通粉醬汁係似白汁，吾會好咸，但加啲煙肉一齊食就岩岩好。佢有好多煙肉，仲要切絲吾係個啲好細細粒，食咗等於冇食個啲白汁野菌大蝦啲蝦有5隻，全部都好爽口！未去到大蝦嘅，所以有少少失望😞啲菇類做到冇草腥味，不錯吧！芝士咖哩蜆肉冇乜芝士味，可以落重手少少！而且都幾辣，所以不吃辣嘅朋友最好不要揀呢個！不過啲蜆肉全部都留係殼入面，吾會跌曬落碗底，賣相加不少分。蒜蓉包必食之選，食完真係成口蒜蓉味，麵包烘得鬆軟之餘，外面都好香脆！柚子雞翼餐前小食，非常開胃，酸酸甜甜！整體來說價錢真係幾平，賣相都真係睇得下，都幾正因為店員都好nice 又即叫即煮，確保新鮮同夠熱！佢地會成日更新不同menu ，吾洗驚食到厭，包有驚喜😌😌😌

前兩日入咗調景嶺探朋友，本身諗住走嗰陣同男朋友買餸煮晚餐。行入彩明街市先發現入面有多間好平食店，懶惰嘅我就決定喺到食晚餐。行咗一圈，我哋決定食平靚正西餐。食店雖然比較細，但裝修都好用心，而且食物選擇都唔少！我試咗黑松露雜菌扁意粉。食物好快就上枱！呢碟意粉真係平靚正！超多雜菌，仲有濃濃嘅黑松露味，意粉軟硬適中。以48蚊嚟計，絕對係超班！男朋友要咗香辣番茄肉丸扁意粉。濃濃嘅番茄醬加上少少辣味，男朋友都讚話好開胃。我都食咗兩啖，甜酸辣嘅比例適中！肉丸食落有啲似IKEA嘅肉丸，所以都好啱食。我哋仲叫咗份小食—柚子雞翼。雞翼炸得香脆，配上甜甜酸酸嘅柚子醬，兩隻真係唔夠喉！飲品就有蜂蜜綠茶同熱檸水。總括嚟講，呢間小店絕對係平，靚，正！喺到食仲平過買餸返去煮呢！

今次揾食揾到入黎街市 食番餐西餐坐低之後我地望左個menu一陣都未諗好食咩 老闆娘就問我地要唔要叫住個蒜蓉包食住先 一拎岀黎就已經係香噴噴 真係無介紹錯 熱辣辣香脆又可口 好重口味柚子雞翼 ($14)其實就係香脆雞翼上淋左d柚子汁 雞翼炸到金黃色 加上柚子汁口感清新又開胃黑松露雜菌帶子扁意粉 ($58)份量岩岩好 黑松露味淡淡地 椒味反而仲重 不過都令個意粉無咁油膩無咁滯 帶子鮮甜 不過如果可以煎香多少少就好了香蒜肉粒炒扁意粉 ($48)肉粒都幾多 炒到好香 微微辣都幾過癮 意粉煮到剛好 唔會太硬又唔會腍 入口彈牙 飲品就分別加左$7 叫左杯凍奶茶同蜂蜜綠茶 都正正常常間鋪係街市入面 本來都諗住淨係試下就算 但衛生情況岀奇地比想像中好好多 野食都唔差 價錢又合理

濕漉漉嘅街市入面搵到呢間食肆，試一試幾驚喜估唔到有西餐之餘仲幾高質.....位置喺調景嶺彩明街市內，價錢幾平卡邦尼煙肉大通粉 $38個人嚟講，我每次去任何cafe都會想試吓卡邦尼意粉因為卡邦尼意粉可判斷間餐廳有無質素今次試下玩佢個大通粉收38蚊但份量都唔少煙肉+芝士汁幾香，唔會太濃/太稠/太稀香蒜肉粒炒扁意粉 $48意粉軟度適中+肉粒炒埋後，再加炸蒜&香料調味夠晒香，但我覺得有啲辣，似加咗少少辣椒蜂蜜柚子雞翼 （2隻） $14呢個必試！雞翼表皮酥脆，加上柚子帶酸甜味，開胃惹味咬開後入面好嫩滑，脆炸後仍然鎖住咗肉汁，好怕太乾嘅炸物蜂蜜綠茶 $7/杯

是日去完調景嶺嘅設計學院想搵好嘢食，行行吓就入咗彩明商場，原來呢個商場入面有個好乾淨嘅街市，去街市兩邊就有唔同嘅餐廳小店，個佈局有啲似日式商場咁。轉左見到呢間西餐廳個名好搞笑，價錢又好吸引，就坐低左。鋪頭裝修好有一種賽車嘅風格，幾特別。食物主要以意粉類為主，不過都有啲唔同款嘅小食可以選擇。香蒜肉粒炒扁意粉：本身以為價錢咁平，食物嘅質素都冇抱太高期望，點知真係好有驚喜。呢個意粉蒜味真係好好好濃，重點係佢啲蒜味唔係嚟自一啲調味料而係真係有生蒜粒切碎擺咗喺入邊撈埋，係好新鮮好香嘅蒜味。夾埋少少辣椒香味，好惹味！好正！！不過提提大家，呢個意粉都幾辣下，食得辣既朋友仔先好試呀~黑松露野菌帶子扁意粉：$58可以食到黑松露嘅意粉去邊度搵？重點係佢嘅味道一啲都唔馬虎，黑松露味好濃，意粉有咬口，啖啖都有掛汁，超值之選！另外嗌咗柚子雞翼同香脆雞翼，啲雞翼好明顯係即叫即炸，外皮好脆，加埋柚子醬減一減油炸肥膩感，又多種體驗。一份雞翼有兩隻先係$12咋!!抵食到飛起!!凍檸茶同凍朱古力：不過不失，不過好抵飲，一杯先$7！忌廉粟米蘑菇湯：好Creamy，仲有好多粟米粒添呀～總括嚟講，呢間西餐真係對得住佢個名，平！

有朋友住附近，上hea前朋友同我去食下野先依間餐廳真係無改錯名真係平靚正價錢親民, 質素不錯雖然環境地方唔大, 但算企理乾淨黑松露炸薯角有黑松露嘅香味新鮮炸, 好好食$12有咁多薯角, 勁抵磨菇湯湯同出面西餐廳飲到嘅冇分別但係價錢就平勁多，CP值超高！蜂蜜柚子雞翼雞翼好大隻, 香脆柚子蜜酸酸甜甜, 開胃蕃茄肉丸扁意粉老細好好, 我話我唔食得辣佢幫我走辣, 好貼心黑松露雜菌帶子扁意粉野菌多到呢, 意粉煮得剛剛好, 夠煙韌帶子亦唔差, 無雪收藏味, 唔錯~呢間餐廳性價比高，一定會再嚟！

今日黎到調景嶺一間叫平靚正餐廳食飯，地方簡潔，小店黎講空間感十足，餐廳嘅枱用黑白格好搶眼，招呼我地嘅店員好友善！我地先點左兩客意粉，黑松露白菌扁意粉同香辣蕃茄肉丸扁意粉，黑松露白菌扁意粉好香黑松露味，每啖都好濃郁！香辣蕃茄肉丸扁意粉係我朋友點，喜歡食辣嘅朋友一定要試下，唔會太過辣，蕃茄同辣味好夾，肉丸多汁，口感豐富見到餐牌上嘅小食好吸引，價錢相當便宜！黑松露薯角薯角沾著黑松露沙津醬，好香口美味柚子雞翼第一次食，味道好特別，酸酸甜甜，清新嘅柚子香，係炸過嘅雞翼淋上柚子汁，多層口感！蒜蓉包新鮮出爐，熱辣辣，好香蒜蓉味，外脆內軟，食到停唔到口飲品只需加$7就有一杯野飲，我地揀左蜂蜜綠茶同凍檸茶，解渴之選！呢間餐廳性價比高，一定會再嚟！

朋友住調景嶺，經常跟佢係屋企附近搵野食，今晚帶我黎街市話食西餐都半信半疑，原來行到入黎真係有間企企理理既小店。黑松露野菌帶子扁意粉 ($58)首先要認我地人少少又貪心想叫幾樣小食，所以講明要少意粉，點知都係咁大碟抵食。  首先要讚野菌多到滿瀉，意粉煮得岩岩好夠煙韌，帶子唔係超巨型個種但都幾甜，雖然黑松露唔算濃、似雜菌忌廉意粉多d，但性價比都係極高。香辣蕃茄肉丸大通粉 ($48)本來以為係普通蕃茄通粉，估唔到主調係香辣惹味既tabasco味，從未食過咁開胃特別既意粉，可以話係為左點汁而食多幾啖粉。 肉丸難得係自家製手打，充滿肉汁，誠意之作。忌廉粟米蘑菇湯 ($15)比想像中稀少少，但粟米好甜夠哂熱，仲有少量薯仔粒，飲落喉嚨好舒服。蜂蜜柚子雞翼 ($12)、香脆炸魚柳 ($12)兩款都係新鮮炸起，雞翼味道清新香甜，魚柳一梳梳啖啖肉，作為加購小食黎講好高質。宜蘭三星蔥餡餅 ($12)熱辣辣幾香口，如果入面蔥粒大d同埋再佔比例重d就更好喇。鋪頭細細唔算好多位，見好多街坊都黎個外賣一人晚餐就知有咁上下水平，見後生老板娘做到冇停手依然好有禮貌好親切，的確要多多支持小店既。

今天家𥚃沒人煮晚飯，所以就決定在家附近找家新餐廳來試試看恰巧上網看見這家打着平靚正旗號的街市西餐廳，看似不錯，那就選這家好了餐牌簡而精，有各式意粉、小食和飲品卡邦尼煙肉扁意粉意粉彈牙，忌廉香而不膩，煙肉煎得香口意式肉醬雞扒扁意粉肉醬蕃茄味濃，酸甜惹味雞扒腌得入味，外皮煎得香脆，好吃喔！柚子雞翼脆度適中，配上清新的柚子醬，很快便吃光了炸魚柳內裏的魚肉不算十分豐滿，不過作為一個小食也不錯吃最後登場的是蒜蓉包，沒想到這簡直是全餐的亮點剛烘好的蒜蓉包一端上來已經是香氣撲鼻！滿滿的蒜蓉醬和蒜粒舖在香脆的蒜蓉包上，實在是一大滋味，記緊要趁熱吃啊最後配上了一杯蜂蜜綠茶，清甜涼快又解膩

位於街市內一間舖仔，佢個名都好得意，平靚正我哋喺5:50左右嚟到，仲可以叫下午茶餐。下午茶餐好抵食，好多嘢食選擇。我哋先叫咗兩份茶餐。朱古力都幾香濃。奶茶都重茶味。黑松露薯角分量幾多，剛剛新鮮炸好，感覺好真材實料，一上枱就聞到黑松露嘅香味。蛋餅料足，我哋揀咗肉鬆同埋粟米。佢其實仲有好多料選擇，都幾特別。熱狗好大份，茄汁同埋芥末吱得均勻，食落味道剛剛好。條腸仔都好好味，包又夠香脆，正！炸魚都同樣係啱啱炸好，好香脆。柚子雞翼好大隻，香脆，炸野熱氣但好似加咗柚子蜜之後溫和返，好好味。香脆雞翼有少少辣，外脆內滑最後我哋兩個食完兩份下午茶餐，覺得都係嗌多一份意粉開心啲🐖🐖所以單點左個卡邦尼煙肉意粉，意粉中多煙肉及洋蔥，非常之香。食嘅時候都聽到好多人叫外賣，店員都好忙，但服務態度好親切好好人。呢一樣野就係喺街市中的人情味。

幾年冇嚟母校，周圍唔同咗，街市變得企理咗同多咗嘢食，同以前可謂美食沙漠嘅調景嶺相比，師弟師妹似乎幸福好多，有啖好食！行行吓見到有間餐廳叫「平靚正」咁夠薑，喺呢個時勢好難保住咁嘅招牌喎，即管一試究竟有幾平呀？嘢飲價錢平常，但正餐同小食係平得有啲逆流落咗單冇耐，5分鐘都唔知有冇，成碟意粉好似變出嚟咁快，賣相仲要幾吸引，絕對唔係一pat嘢雜菌意粉色水份量冇花假，睇見就想食$12有咁多薯角，好飽呀豆漿都幾滑口，咦？大胃好似係食緊西餐喎唔係呀嘛？大胃以為咁嘅價錢係兩隻雞翼，點知係四大舊其實佢叫得自己做平靚正，實在係太謙喇，快平靚正就差唔多

今日早放工，喺將軍澳海旁跑步，跑到去調景嶺，打算去街市買啲熟食外賣返屋企，行吓行吓個街市，竟然見到一間好企理嘅餐廳，真係太耐冇黎街市。睇吓個Menu，唔係貴，同埋都有人幫襯，就叫幾個外賣。叫咗兩份柚子雞翼，兩份魚柳，黑松露雜菌帶子飯，肉醬雞扒意粉，同凍朱古力。返到屋企同太太一齊開餐，啲食物都仲係熱熱地，個雞翼都幾重柚子味，幾特別，魚柳就一般，個飯好重黑松露味，幾好食，雞扒意粉塊扒好厚，好抵食，個朱古力可能因為返屋企時間長咗啲冰融晒比較淡，下次要叫少冰。總體來講真係唔錯，下次要買外賣嘅話再去試其他嘢食。最後想講個老闆娘好有禮貌。

今天在調景嶺地鐵站附近做嘢，行過彩明商場一樓搵嘢食，見到呢間叫平靚正嘅快餐店，於是買咗D外賣！呢度佈置幾特別，黑白格仔的牆飾同埋餐桌好搶眼！約四五張枱，都算乾淨企理，餐牌又好清楚俾客人有所選擇，價錢真係又唔貴，由$38至$58左右！主打意大利扁意粉，又可自由配搭改大通粉或白飯！加$12又有焗蒜蓉包，加$10又有忌廉磨菇湯！叫咗個廚師推介嘅香辣咖哩雞扒扁意粉，一份蒜蓉包，同一客蘑菇忌廉湯！打包攞返公司食夠快㨗方便！香辣咖哩雞扒扁意粉份量夠大，煎香雞扒大大塊，雞肉亦有豐富肉汁！微辣咖哩汁好開胃，加上扁意粉的口感甚佳，不消一刻全部清碟！蒜蓉法包香噴噴，醮些磨菇湯一齊食，吃得滋味！真係平靚正齊哂！