平昌

營業中

休息中

今日朋友生日，特登去咗旺角行街睇戲食飯，每次去親旺角，我哋總係喜歡去呢間韓式燒肉店食飯，餐廳好有韓國嘅風味，好似真係去咗韓國食飯咁，所以特別喜愛。平昌韓式燒肉店，地址喺旺角西洋菜街，1號兆萬中心13樓。上到去餐廳你可以見到好多壁畫，望落去好友韓國feel 。呢度有兩款放題俾你選擇，今次我哋試咗最好嘅世子放題。燒肉方面有牛肉，雞肉，海鮮，豬肉。基本上主打我都係食牛肉，T骨牛扒牛肉味比較香濃，口感比較煙靭。牛肉眼肉質比較嫩淋，牛肉味重。牛請空腹肉，呢個我就最鍾意食因為有啲牛肉脂肪，食落去牛肉味係最香濃。豬肉方面，五花腩同豬頸肉都好值得推介，五花腩燒到有啲油香，食落去豬肉味香濃好有口感，豬頸肉比較爽口。食食吓覺得太多肉類，就用生菜包住啲肉去食，感覺冇咁油膩另外冷盤都幾好味，青口同帶子都係必食嘅推介，味道非常新鮮，帶子味道好鮮甜，食到我停唔到口。燒帶子仲可以自己調味，上面加少少鹽已經夠晒味道帶子非常大粒，又夠厚身，仲有海鮮嘅味道，夠晒鮮甜燒烤爐旁邊仲可以烤蛋，加少少調味料落去，蛋味香濃鮮味十足。基本上同喺韓國食嘢冇乜分別，有泡菜，韓式辣椒醬，燒肉，韓國飲品，冷麵，生菜包肉。我試過咁多間燒肉店，

#大君放題 任食韓燒🤤秋風起除左想打邊爐之外，最想就係食韓燒。今日嚟到放題之塔兆萬中心呢間開左兩三年嘅正宗韓燒～ 呢間裝修好韓風岩哂成班fd吹水飲野唔係大食之人嘅我地就揀左大君Set, 即使無世子Set 咁多野食都已經好多野揀。揀左d必食燒肉雞翼,全部都醃得好入味, 而且無雪味。不過要夠好食當然都要靠技巧haha 慢慢燒到佢香口就好正另外食韓國野就當然要叫返碗辛辣面過下癮啦! 又煮得岩岩好唔會淋哂海鮮方面生蠔同d大蝦都好大隻,而且又無腥味!

旺角兆萬中心係出名嘅劣食之都，但係凡事總有例外，而平昌就係其中一間有質素嘅飲食。餐廳環境闊落，我一向覺得呢種任食嘅韓式餐廳衛生環境唔會太好，始終比較多油煙。任食有分兩種等級，一種平少少嘅大君御膳，另一種係貴少少嘅世子御膳，而貴啲嘅世子御膳可以選擇大君御膳餐牌嘅所有食物。今次我同朋友就揀咗貴少少嘅世子御膳。由於食物選擇非常多，我同朋友都揀到一枱都係。因為世子御膳嘅肉係比較靚，肉類方面我哋就主要揀世子餐牌。第一round揀咗牛前胸腹肉、牛肉眼、特汁豬梅肉，唔知係咪我哋火候掌握得唔好，燒牛嘅時候有少少過熟嘅情況，所以肉質比較韌，反而呢個豬梅肉真係軟冧到不得了，而且醬汁調味甜甜地，非常好食，最後我哋仲encore左！亦係所有肉類裏面嘅冠軍🏆韓式年糕，經典嘅街頭小食，好食！亦係最後有encore嘅食物。鵪鶉蛋都好食，個醬汁係甜甜地。呢個價錢呢個質素我收貨喎～建議大食嘅朋友嚟試一試。

今次介紹一間韓燒餐廳氣氛勁好裝修係走地道韓式🇰🇷風格我今次是嘅套餐係世子套餐咁就可以叫晒大君餐牌同世子餐牌嘅嘢食食物種類非常多首先店員會呈上泡菜同涼拌芽菜仲會有生菜提供可以包住啲燒肉一齊食幫助消除肥膩嘅感覺另外鍋邊仲加入左蛋漿除咗燒肉之外仲可以食埋蛋T骨牛扒🥩勁大塊肉質好嫩護心肉就好軟淋入口完全無根而且超入味調味雞翼好大隻甜甜地勁惹味香草五花腩層次分明有咬口除咗肉類方面佢仲有好多唔同海鮮可以食我就試左生蠔🦪同扇貝兩樣都好新鮮佢仲有青口、鰻魚同魷魚等超多選擇如果燒到累仲可以試吓佢嘅韓式小食例如醬油蝦🦐同鵪鶉蛋兩樣都勁入味好好食醬油蝦好鮮甜彈牙如果想食炸嘢仲可以食炸蝦、炸一口芝士🧀同蟹肉薯餅🦀再想食飽啲仲可以食埋佢嘅湯類同粉麵類一定有嘢啱你食整體黎講餐廳氣氛好好食物種類又多真係超豐富充滿韓式風味

天气涼涼哋，最咁燒烤，唸到普通的燒烤有啲單調，就想試下韓式燒烤。打開Open rice見到平昌介紹唔錯，今日就安排！平昌在旺角西洋菜街兆萬中心13樓，店裡位置好寬敞，每檯都有一個燒烤爐，還有抽風設備，完全唔擔心食完燒烤成身味。我哋點了大君放題，從肉類丸類海鮮到熟食好多種類可以選擇。一坐低就幫我們上了韓國泡菜同豆芽，仲有一籮生菜用來包肉食。唸著等燒烤需要時間，就點佐熟食先墊肚。吉列炸蝦脆卜卜，蝦肉勁有彈性。炒年糕甜滋滋帶少少辣，幾開胃。豬肉泡菜湯出乎預料的好味，豬肉味好足，在泡菜湯的烘托下鮮嫩可口，豆腐都入曬味，值得推薦。辛拉麵都唔錯，味道好濃，面唔會太㜛，有彈性。燒烤的選擇更多。燒烤爐抵讚，烧烤的速度很快，本來以為要等好耐先有得食，冇唸到唔使幾分鐘就熟。鍋邊有雞蛋液，利用烤爐的餘溫加熱整熟的雞蛋好嫩好滑！點了好多種類的肉，最推薦牛舌。牛舌從顏色睇都好新鮮，兩面各烤幾分鐘就熟，蘸下燒烤醬好好味。豬頸肉冇乜肥肉，烤到兩面有少少焦最好味。五花腩醃得好入味，烤完沾下醬料，用生菜一包，完全唔覺肥膩。牛扒大小正好，唔需要烤太久。蝦，蠔同扇貝烤完後，擠點檸檬汁，再沾醬後唔覺腥。燒烤放題自然唔少得飲品

係咪真係黃店就可以唔洗有基本服務同態度？話說同朋友慶祝生日，大家想食韓燒又想幫襯黃店，就揀左平昌啦！本身已經係平昌社交平台見到有生日優惠又話免切餅費，諗住都應該welcome客人慶祝生日實冇死啦，所以就決定揀平昌。我地4個人7點入座，可以食到9點，去到佢有2個set揀，分別係$218同$298，我地揀左食$298，食物質素的確唔錯既，佢啲熟食，炸物，醬油蝦都好好味，而燒既肉同海鮮都新鮮既，大家都覺得滿意。但係職員既態度真係令我地大開眼界！我地本身帶左個蛋糕上去，係8:50我就行去叫職員執枱上蛋糕，諗住俾個驚奇壽星啦，個職員都話ok，咁佢地就真係淨係執左枱面啲野，枱面都冇抹，成枱油，個職員就成個蛋糕連盒放上枱面就走左去，我地都算喇，唔收切餅費丫嘛，咁自己切返好應該，但佢地連碟，叉，火機都係叫一樣俾一樣，我地都算，最好野係，我地想叫個職員幫我地影張合照，佢可以話因為戴住手套污糟幫唔到，ok我明，但佢冇諗過叫其他職員幫手，而成班職員就企係後面吹水，到最後，我地係好唔好意思咁要叫隔離枱既客人幫我地揸機！真係wtf?!好啦，咁我地食蛋糕啦，個時係9:20，餐廳仲有好多空枱，亦冇客等緊，但依個時候

一打開電梯門就聞到一陣陣燒肉香氣見到店內環境真係有種瞬間移動到韓國嘅感覺門口接待的是位韓國人但亦識講少少廣東話裝潢方面完全是正宗韓國燒肉店格調紅色鐵桶椅子加上牆身的卡通塗鴉都好有特色這裡的放題set有兩款,分別是大君及世子貴少少嘅世子set都只係$300左右但就可以食埋大君set所提供的食物點肉類前我們都叫了幾款熟食試試個人比較喜歡醬油燉豬軟骨豬軟骨超軟淋又入味至於無骨原味炸雞亦都好食醬汁甜甜地帶微辣,炸雞亦都外脆內嫩但最值得推介的是醬油蝦,夠大隻又厚肉加埋帶點麻酒香的甜醬油一齊食勁好味至於主角燒肉方面世子set先有的牛前胸腹肉,T骨牛扒,牛肉眼及香草五花肉都是一定一定要點的,因為以上幾款牛肉實在太好食由其是T骨牛扒,一見到切出來的份量大到嚇一跳輕輕燒到變金黃焦香即可,肉質軟滑多汁又有咬口半肥瘦的五花肉燒完後亦嫩口又多汁而店家都幾貼心將某些肉類分開原味及辣調味方便一些喜歡食辣及不能食辣的朋友我們嚐辣,所以偏向點選辣調味烤牛肉,辣汁肥牛片,辣調味雞腿肉燒熟以後更為惹味香口,配生菜一齊食,開胃又解油膩其他肉類如雞軟骨,雞腎串燒都幾彈牙爽口海鮮類則選了帶子,蜆,蠔及扇貝等但可能不太懂得掌握燒

今日又約左老友出MK食飯聚聚 , 突然佢又話想食韓燒 , 就推介話兆萬平昌幾好口埤 , 就去試下兆萬13樓一出全層均是平昌 , 到達時8PM左右 , 差不多座無虛席 , 剛好有最後一張枱地方大細還可以 , 都有約20多枱 , 環境企理因為本人好少食韓燒 , 怕食完搞到周身燒烤味肉味 , 但見呢度抽油煙做得不錯,唔會煙霧彌漫搞到滿天肉味店員服務ok, 介紹後揀左世子放題 $298/位 , 另加一餐牌簡而精 , 當然世子亦可食埋大君set的餐點野飲自行出去任拎首先先上前菜 , 泡菜 , 蔬菜 , 餐前小吃等以及先給你一輪爐邊蛋先叫左幾款冷熱盤開下胃口 青口 , 帶子 , 油蛤等都算新鮮 , 沒乜腥味 , 略略鮮甜青蠔頗濃, 無乜沙少許天然海水味第一次食醬油蝦 , 沒霉味肉質實淨 , 都幾入味 , 感覺新鮮炸物方面 試左吉列炸蝦 , 炸忌廉蟹肉薯餅 , 脆炸一口芝士炸粉落得不重 , 炸既時間都幾好 , 脆脆熱辣辣新鮮整起3款都好出色 , 尤其鍾意一口芝士味濃少許流心燒肉方面試左好多款牛方面推介辣汁肥牛片 , 照燒肥牛片 , 牛肉眼 , 牛肉串 , 沒有雪藏味全部腌好晒 , 一燒食香氣四溢肥牛

今日收工同朋友行完旺角，就去了兆萬到食韓燒放題。我和朋友都點了世子set放題。首先我們當然點了唔少肉牛前胸腹肉：薄薄的一片牛，燒落去好香口同好有牛味，因為佢切得好薄，所以口感好好，係入口即溶，好好食。睇到咁多肉，真係正。圖聿最上的是香草五花肉，香草味都幾香，五花肉食落都香口。無骨原味炸雞（左）：炸雞個醬係甜甜地帶好微的少少辣，個醬都幾特別，可以一試。帶子（右）：燒完係好香口好好食，佢係好大粒好厚身，所以食落口感好好。牛肉眼：可以試到比較厚身的牛，口感唔錯。雞腎串：燒得又幾好食，幾彈牙爽口。T骨牛扒：大大塊牛扒好正，好重牛味，食完都真係幾頂肚，好夠飽。所以如果想食飽d可以點尼食下。炸忌廉蟹肉薯餅：薯餅幾香脆，唔錯。整體來說，食物質素幾好，值得一吃。

星期一同呀媽去左旺角一間好有氣氛既韓國餐廳食燒肉放題,8點去到已經坐滿曬人。佢地有2個set可以揀世子($298)同大君($218),有牛肉,豬肉,雞肉,其他肉類,海鮮,蔬菜,沙律,料理等等,同埋野飲都係任飲。由於世子會多近30款野食揀,仲有我好鍾意食既醬油蝦,所以一於揀佢。以下野食係世子set先會有既 :牛前胸腹肉,T骨牛扒,牛肉眼,烤牛腸,雞軟骨串,雞腎串,香草五花肉,特汁豬梅肉,豬皮,護心肉,辣調味豬頸肉,辣豬腸,帶子,蜆,半殼青口,北寄貝沙律,八爪魚沙律,辣拌冷麵,生牛肉石鍋飯,脆炸一口芝士,炸忌廉蟹肉薯餅,醬油燉豬軟骨,安東燉雞,燉藍青口,醬油蘇子葉,炸紫菜粉絲卷,無骨原味炸雞,醬油蝦。前菜有泡菜,芽菜同好靚仔新鮮既生菜,可以任添.仲有爐邊蛋。我最鍾意食燒肉包生菜食架啦,會不經意地食多左好多菜。野食質素幾好 當中有幾款我好鍾意既係護心肉,豬皮,五花肉同醬油蝦。護心肉係珍貴部位黎架,燒香後油分不多,爽滑彈牙。豬皮女士要食多啲 吸收骨膠原呀嘛。五花肉食燒肉一定要食,半肥瘦,係豬肉最嫩最多汁既部分。醬油蝦基本上我試過咁多間韓燒得佢一間有得食 醬汁甜甜有麻油香,蝦肉彈牙完全唔腥。Ov

之前食過一次平昌 覺得佢嘅款式好多元化今次朋友想食韓國嘢 就帶咗佢一齊嚟食平昌我哋揀咗世子御膳 $298一個餐廳嘅裝修好韓式採用左韓國傳統BBQ嘅裝修首先當然要試吓佢啲牛先啦牛舌係用咗牛脷心食落女好彈牙👍🏻喺出邊好少食到護心肉估唔到平昌放題有得食肉質比較嫩滑而我最鍾意嘅牛肉係牛肋骨肉牛肋骨肉比較多雪花食落牛肉味濃而且仲有牛脂香餐廳有爐邊蛋我哋自己剪咗啲泡菜粒落去啲蛋醬到變咗泡菜爐邊蛋味道昇華十倍推介大家試吓除咗牛肉外 餐廳仲有燒海鮮選擇亦都好多仲有最愛嘅帶子有殼同冇殼都有冇殼帶子食落啖啖肉 而且燒得好方便可以大量落單🙊餐廳仲有水冷麵 海帶湯等料理最適合要來解膩！嘢飲都係任飲既食完真係好似去咗一轉韓國咁呀！

感覺有一段時間沒有食燒肉，咁就約咗很久沒見嘅朋友去旺角呢間食店拆一餐。食店面積頗大，裝修冇乜特別，只係牆上有一啲卡通人物咁。一坐低，就有一啲泡菜、芽菜、生菜擺上枱。個鐵板側跟放一啲蛋漿，熟咗可以食。雪櫃放了嘅飲品種類唔算太多，啤酒、可樂、檸檬茶、烏龍茶等等，尚算足夠。放題時間兩個鐘，即刻落柯打係咁點嘢食，肥牛片、五花腩、牛筋骨、牛舌、豬頸肉、梅頭片......將啲肉放在鐵板上，聽住那美妙的「滋滋」烤肉聲音，心中只係盼望佢煮熟的一刻，肉薄薄一片，反兩反，一轉色可以夾來品嚐，啲肉燒到熱辣辣梗係香氣四溢，點些醬汁更加惹味。亦有雞肉串、雞腎串海鮮方面有一啲元貝、蠔嘅選擇如果唔夠喉可以整碗辛拉麵，一樣熱辣辣，滿足！醬油蝦~醃得幾好，夠入味。整體食物唔錯，唯一係時間短，食兩個鐘，個半鐘就截柯打，所以都係不斷食，密密食，盡情食！

位於旺角兆萬中心全幢都係食放題店之類，今次就約咗朋友去13樓呢間食店盡情食燒肉，雖然六點半左右，但已經開始多人。menu有兩款set，一個叫大君、一個叫太子，若果order大概三百幾蚊嘅太子set，就可以同時食埋大君set入面嘅食物。除咗主打嘅燒肉外，仲有唔同嘅熟食選擇，如果要試勻咁多款，咁就每款小小哋嗌住先，食咗好味先再決定 encore 。個人推薦嘅熟食有：北寄貝片沙律~沙律菜上加入了醋汁相當開胃，酸酸味味反而增進食慾！石鍋拌飯~其實叫這個飯有啲搵自己笨，食咗飯可能未必食到其他嘢，不過講真呢個飯真係幾好食，尤其是啲飯焦脆卜卜，零捨不同。香噴噴飯焦：醬油燉豬軟骨~豬軟骨已經燉到好鬆化，去到入口即溶嘅程度，而且好入味。講返主角嘅燒肉類別，講真，啲肉一碟一碟遞過嚟，有時未必分清楚邊碟肉打邊碟用，但整體食落去啲肉都係夠嫩滑，最緊要一啲內臟或者豬肉要燒得耐啲，咁就食得安全又好味。將燒肉同生菜一齊食，絕不油膩，更加惹味：青口、年糕海鮮蔥餅：總括嚟講，選擇類別都齊全，而且逢叫必到，冇乜走漏單，服務唔錯，而且現場氣氛好熱鬧，加埋現場節奏強勁嘅韓國歌曲，好容易一碟食完再一碟，滿足！

秋風起 又係食燒肉既時候朋友話想食正宗韓燒 見呢間平昌幾正宗 又任食 就試下 呢到得兩個set 大君御膳 同世子御膳世子既野食豐富d 就揀左了一坐底 就有生菜、芽菜 同泡菜 店員仲會係烤爐加蛋漿 成個裝潢都同韓國9分似 飲品自取 先食海鮮叫左蠔 、蝦、帶子 、蜆 係板上燒比較少 但烤出黎好香 海鮮都幾新鮮 蠔唔係甩肉個d 之後就係肉 推薦 牛腸、豬護心、五花腩、杏鮑菇有醃過 就咁食都幾好味但最正當然包埋菜 同 芽菜 泡菜咁食大滿足除左海鮮同肉 呢到仲有好多唔洗燒既野食 由沙律 、前菜、 小食 、主菜差唔多講得出都有我地連 辛辣麵 同海鮮豆腐湯都有叫暖下胃一流最後 follow佢地ig 有埋任食甜品（雪條） 食完咸野食番甜野 非常完美既一餐 等唔切去韓國 🇰🇷過黎食下韓燒都係不錯既選擇

呢日嚟左呢間旺角食店 平昌～我就同朋友一齊叫左大君套餐，呢個set都包左好多野食～～啲小食好正～～首先燒肉種類好多，例如有豬肉牛肉雞肉等等，不過呢個餐就冇海鮮。肉質不過不失，都不錯嘅！另外小食類有好多，我同朋友都最鍾意韓式煎餅，叫咗好多塊，佢係即叫即煎，好有韓國風味～另外店裏面都有好多唔同款式嘅嘢飲，例如有港式嘅烏龍茶、韓式飲品、汽水等等，同埋有好多唔同種類嘅甜品（雪條）環境方面，都環境幾好，而且店員服務態度亦都唔錯，之後都會再嚟試吓其他餐