平昌

營業中

休息中

4月1號我同朋友來食晚餐，一入門口就有侍應帶我們入坐，之後好有禮貌咁為我們介紹了三個餐，之後我哋決定食咗中間個世子御膳，首先點咗個牛前胸腹肉，牛肉眼，同埋西冷，仲有海鮮之類嘅，呢間出餐快，味道好，啲姐姐服務態度好，

韓國Oppa老闆坐鎮，宮廷級韓燒放題，性價比癲到爆燈，【國王御膳】抵到喊，一份錢食勻大君+世子雙重Menu！M5和牛必食，牛小排同羊排嫩到冇朋友，點埋佢哋秘製醬，真係好味！天使紅蝦大過我隻手掌，芝士扇貝爆膏，生猛鰻魚上枱仲識郁，燒到脆皮卜卜聲！幾十款小菜任裝，韓劇同款醬油蟹、醬油蝦，我最冧佢哋彈牙醬鮑魚！雪濃湯同鮑魚雞湯任飲，連蜜瓜/草莓/西瓜雪糕都包埋！飲品仲有燒酒啤酒，！裝修玩工廈風mix港漫，座位闊落！品種多到數唔晒，質素仲要keep住高水準

明明之前食過幾次都正正常常點知服務質素大幅下降🤭我哋一座底未放低個袋個呀姐已經係咁催我哋落單揀咩餐🤭最神奇係我哋明明未落單📝個呀姐即刻就上咗三碟我哋冇叫過嘅嘢過嚟？話就話係放題姐 🤗但全部都唔係我哋有叫過嘅嘢食嚟係咩玩法? 我哋好肯定我哋一定冇叫過🥱驚之後啲柯打全部岀錯 就同個呀姐講翻 點知個呀姐未搞清楚咩事一嚟態度同語氣都勁西👺勁大聲咁鬧我哋一口就咬定係我哋有叫過呢幾碟嘢🙂仲話：「係你哋呢枱叫嫁喎，肯定係你哋落單有揩錯制囉！」問題係嗰三碟嘢我哋係全部人都唔鐘意食嘅？🤯仲要我哋QR code落單個時有睇清楚一定係冇叫過呢三碟嘢嘅。懷疑個侍應呀姐係更年期？我完全明點解越嚟越多香港人北上消費🤗就係因為唔想係香港比錢食飯都仲要受氣。假設如果唔係放題嘅話🤫嗰三碟嘢係計錢嘅🙂‍↔️咁係唔係照樣賴落個客度？話係個客嘅問題？今次真係食到一肚氣唔會再有下次。大家唔洗浪費時間食呢間垃圾🥳

✨平昌（旺角）係旺角行完街 順便試吓呢間韓式燒肉餐廳好有韓國風情 牆上掛滿壁畫 啲凳仔可以打開蓋放野好方便我地簡左世子御膳 中等價錢任飲任食120分鐘包埋醬油蟹同醬油蝦兩樣都腌得好入味 我個人本身好中意食呢啲入口鮮甜醬油蝦都好彈牙 encore左好幾次haha仲有沙律、韓國主食（炒年糕、辛辣麵等）我都叫左碗北寄貝沙律🥗 酸酸甜甜好好食又解膩 八爪魚🐙沙律都唔錯海鮮類：蠔、帶子、蝦🦐等私心推薦蝴蝶蝦伴他他醬 蝦肉彈牙加埋醬好好食牛肉：西冷、肉眼、牛舌、牛肋骨肉等牛舌同牛肋骨肉唔錯 👍🏻特別係牛舌輕輕燒下就食得小食類：薯餅、一口芝士🧀、炸雞、海鮮蔥餅等店主都好主動換鐵板 同埋都好爆場 食到最尾仲有韓國雪條可以任食添！

位於旺角嘅平昌，係一間地道嘅韓燒放題店😍餐廳幾有氣氛，周圍滿佈韓式嘅元素放題種類有3個級別，今次我哋揀咗中間價位嘅世子御膳，星期一至四晚市只係$318就可以2小時任飲任食，一開始會準備爐邊蛋，呢個又係韓燒必食之一😍 放題有多款部位嘅牛肉、豬肉、雞肉～肉類都有原味同醃製過嘅選擇，任均選擇而海鮮選擇都不少，有扇貝、虎蝦、青口等等，而且呢度放題竟然仲有醬油蟹、醬油蝦，好正😋飲品都可以任飲，仲有韓國啤酒Hite🍺真係夠晒韓式風味

餐廳裝修充滿韓國特色，好多張大枱，同一大班朋友黎都唔怕冇位坐，抽氣系統唔錯，整體環境乾淨👍🏻👍🏻👍🏻而且人氣旺盛，差唔多坐滿人咁滯~餐牌主要有3個set揀，我哋揀咗世子御膳，平日成人$318一位任食，可以同時享用大君御膳嘅野食，都幾抵🤣雪櫃除咗有酒水，仲有雪糕同乳酪🤤肉嘅部份我哋叫咗調味牛舌、牛肋骨肉、調味烤牛肉、牛前胸腹肉、LA牛排同牛肉眼😋😋😋全部肉質都唔錯，油脂分布平均，特別推薦LA牛排，咬落好鬆軟👍🏻👍🏻👍🏻海鮮叫咗半殼扇貝、半殼石蠔、帶子、半殼青蠔🧡海鮮好新鮮，特別係半殼石蠔，帶子比預計中大粒，燒完好鮮甜~其他小食我哋叫咗蝴蝶蝦伴他他醬、醬油蟹、醬油蝦、北寄貝沙律😍😍😍特別推薦蝴蝶蝦，燒完超級好食，蝦肉夠曬結實，仲有醬油蟹同醬油蝦，同樣出色，值得一試！

旺角想食韓燒真係有好多選擇，今日個friend想食燒肉放題，決定去試吓呢間好出名既平昌叫左個Set B 世子御膳，$318任飲任食2小時，性價比幾高，所以平日都坐到爆哂，要預約先有位肉類質素唔錯，款式選擇多，最推介西冷牛扒同埋豬五花肉👍🏻👍🏻👍🏻仲有好多唔同種類既串燒、海鮮、芝士腸、午餐肉等等👍🏻👍🏻👍🏻仲有好多韓國主食，湯品、石鍋飯，辛辣麵👍🏻👍🏻👍🏻雪糕雪條飲品都好多，十分滿足

안녕하세요! 👋旺角平昌韓燒請咗了香港漫畫大師林祥焜和甘小文🤓創作了超巨型牆身漫畫🎨 簡直將餐廳變成了漫畫迷的朝聖地！⛩️ 😱 畫面融合了香港本土特色同韓國街頭文化☺️色彩鮮豔😌線條流暢🤪簡直太酷炫了😎 超級適合打卡影相！📸 ✨裝修花盡心思🤓充滿了韓國街頭氛圍 🇰🇷 每枱都有煙囪式排煙管同氣油罐座椅😉好似去咗韓國食燒肉😝今次同mr.mochi叫咗世子set🤓每位$318⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 以下為mochicp推介 1️⃣ 海鮮蔥餅餅皮煎得金黃酥脆😝邊緣微微焦香🤓內裡保持住鬆軟😉食到蔥既清香和同海鮮鮮美☺️麵糊調製得啱啱好☺️唔會過於厚重😍又不會太稀😋帶有一絲絲的辣味😉2️⃣ 五花腩🌿🥓五花肉肥瘦相間😉😇肉質鮮嫩🤩肥肉部分既油膩感都大大降低😏烤至表皮金黃微焦😊入口後😆肥肉部分入口即化😊瘦肉部分則保持著嚼勁☺️有豐富既層次感^_^。搭配生菜🥬同泡菜🌶️一齊食🫣更加能夠解膩提鮮🤭3️⃣豬皮烤豬皮絕對係韓燒既靈魂之一🔥🐷 豬皮處理得非常乾淨🤫沒有多餘既油脂🤩烤至金黃酥脆🫢外皮焦香🤔內裡保留著Q彈口感🤗越嚼越香🧐4️⃣ 牛舌薄切牛舌充滿粉嫩既色澤🥩👅 在烤

同朋友兩人試左星期一的平日lunch，$158 加一一個人，價錢嚟講係幾抵 基本韓式食物都有提供，有提供飲料任飲。但如果韓燒嚟講，個半鐘係有啲趕。訂左座個場大把位，一開始安排座位嗰陣時都唔肯安排大少少嘅枱，最後我地堅持先比我地坐3人枱。燒完唔夠時間食，阿姐店員係唔會比你食埋先。就算岩岩上咗嘅湯、同fill左既蛋一啖都無食過飲過，阿姐店員寧願當住你面，倒左佢嘥嘢食咁折墮，都唔會想俾你試俾你食，只因為你已經過咗幾分鐘都未離座。當時成個場其實淨返得兩枱客，冇其他客人等，而我哋都唔係夠鐘都繼續燒，只係想食埋燒咗嘅嘢。但兩個店員都會輪住催你走，起你面前清野倒野。本身都有諗過性價比高會再嚟，但店員嘅服務真係不予苟同，唔會想再黎如果只係想簡單搵個地方同朋友輕鬆地食下野傾下計燒下韓燒，依度絕對唔會係一個好選擇收錢就個半鐘前識收，但一夠鐘就即刻趕人走。真係好客之道

兆萬真係一個特別多放題嘅地方，今次就嚟到平昌呢間韓式燒肉放題，吸引之處係套餐選擇好多，食物選擇亦都係一樣，無論係冷盤、小食、主食、肉類、海鮮有好多選擇✨世子御膳海鮮同埋肉類嘅選擇都非常多，特別適合食肉獸🤩特別之處係佢同平時嘅韓式放題有啲唔同，除咗高級嘅肉之外亦都包括咗醬油蝦醬油蟹等韓式嘅選項，絕對滿足到唔同人嘅喜好冷盤選擇都好多，首先會送上餐枱、芽菜、泡菜等，泡菜唔算好辣，味道方面偏酸，幾開胃！大部份嘅肉類都係先經過調味，個人覺得牛肉選擇好多，豬頸肉好出色！另外雞髀肉都唔錯揀呢個套餐最大嘅原因都係醬油蟹同埋醬油蝦，食落比想像中有鮮味，醃製得非常入味，配埋紫菜飯實在係一流！最有驚喜嘅係佢個帶子非常大粒，飽滿鮮甜另外國王禦膳做緊七折優惠，旺角分店限定

這家韓式燒肉飯自助放題店充滿了韓式風情。坐凳是一個個紅色的桶，下面可以放自己的隨身物品。每個燒烤爐上面都有一個煙囪可以吸收煙氣，好貼心！爐周圍一圈放了爐邊蛋，倒了雞蛋液進去，在燒烤的過程中，蛋羹也做好了，而且不管這個爐邊蛋燒了多久，都保持得很鮮嫩美味！我們選擇了世子御膳放題，各式各樣的美食令人垂涎欲滴。這裡有豬、牛、雞肉類，海鮮類，主食，小吃和飲品雪糕等，每個人都能找到心儀的美味。這裡的肉都很新鮮，紋理很漂亮，油脂分佈均勻，放在烤爐上烤一下散發著誘人的香氣。就飄出山外。這裡還有很多經過精心調味，口感豐盈的肉類: 調味烤牛肉，辣汁肥牛片，照燒肥牛片，調味豬梅頭片，味道濃郁，令人回味無窮！海鮮類有油蛤，半殼扇貝，虎蝦和生蠔等，超愛吃蝴蝶蝦伴他他醬，蝦肉彈牙，搭配香辣的他他醬，讓味蕾大開！就連醬油蝦和醬油蟹也是任吃，醬油的鹹香與蝦肉的鮮甜交織，令人難以抗拒！如果不想動手的話，還可以吃現成煮好的食物: 吉列炸蝦，海鮮蔥餅，調味鰻魚鮮美醬汁入味，脆炸一口芝士裡面是滿滿的芝士。主食有辛辣麵，冷麵和米飯等等，雪糕飲品隨便吃！這些美味的選擇，無論是肉類還是海鮮，都能讓人享受一場舌尖上的盛宴！

唔覺唔覺已經食咗呢間燒肉放題店好多年位置在超方便的旺角兆萬，約食飯都好方餐廳由韓國人經營、就連環境都同韓國好似用QR code落單比較方便唔少飲品都係韓國牌子，就連蒸餾水都係lotte選了「世子御膳」set.b如果中等價錢，又可以食到120分鐘性價比都唔錯選這個餐因為有T骨牛排、西冷、香草五花肉「醬油蟹」「醬油蝦」、烤鰻魚、帶子、海鮮都有！-我都食咗唔少醬油蟹, 回本之作！每份肉都點咗少少！試一試，水準不錯👍牛舌好食呀，肉質睇相就知好加熱好快 出菜都好快一邊食爐邊蛋、一邊吃燒肉肉的類型好多，慢慢食仲有海鮮帶子、半殼蠔、魷魚特別推薦帶子，因為好快熟，點少少醬汁都唔錯一來到太餓 先點一些熟食韓式炒粉絲、泡菜豬肉湯、辣豆腐海鮮湯、石鍋牛肉飯好有韓式風味！食物類型好豐富，真係食得好滿足

我地入座時間係18:29，張單亦寫120分鐘食用時間，但我地食唔夠90分鐘，20:00都未到，就已經開始俾人吹我地要埋單+走，啲侍應不斷話老細話我地張枱夠鐘走，吹左我地起碼3次。但係明明last order係20:00，交枱時間係20:29，個app顯示都係未夠鐘😤 本身諗住開開心心同朋友慶祝生日🎂點知最後蛋糕🎂都無得切，掃哂大家嘅興😤如果大家諗住食燒肉有120分鐘俾你燒，你地就錯了！如若大家唔信，可以親身去試吓，我哋就唔會再食呢間了！

今日我同朋友去咗旺角一間樓上韓國烤肉店！今晚假期前嘅一日，餐廳裡面好多客人，好熱鬧，氣氛非常好！我哋一坐低，服務員就已經幫我哋開爐，仲放咗一碟泡菜、芽菜、生菜同爐邊蛋，感覺好有韓國風味。之後，我哋就用QR code下單，點咗好多嘢。上餐時間好快，完全唔使等，真係好方便！牛肉方面選擇非常多，可以選擇原塊西冷、肉眼、嫩牛肉、牛肋條，任君選擇。我哋每款牛肉都有叫，大部份肉質滑嫩，燒好之後，搭配少量醬油，味道真係無得輸！特別係牛肋條，肉質非常多汁，食落去口感一流。除此之外，海鮮方面嘅選擇更加多，鰻魚、魷魚、帶子、扇貝都有，真係超好味。我哋叫咗虎蝦同扇貝，虎蝦肉質彈牙，燒出嚟香氣四溢，扇貝就更加鮮甜。我哋仲叫咗紫菜飯！紫菜飯送飯一流，特別配鰻魚，變鰻魚飯！而北寄貝沙律就係另一個驚喜，北寄貝新鮮，搭配啲生菜柚子醬，味道清爽，食落去完全唔會膩。飲品方面，佢哋提供汽水、啤酒同雪條任食任飲，真係非常抵！我哋叫咗啤酒，配埋燒肉，真係好麥爽，最後食埋雪條，甜甜嘅滋味為今次嘅食物增添咗一份清涼！

今天黃昏，我和朋友在旺角，光顧了一間名叫平昌Pyeong Chang的韓式燒烤店，期待著美味的晚餐。一進門，店內的裝潢簡約而富有韓式風情，營造出輕鬆的用餐氛圍。我們坐下後，迅速選擇了多款食材，迫不及待地點了任食套餐，包括粟米、帶子、蝦、牛肉、豬肉、肉腸等……服務員熱情地將新鮮的食材送上桌，每樣都散發著誘人的香氣。燒烤開始時，我們將食材一一放在炭火上，滋滋作響的聲音讓人食指大動。尤其是牛肉，烤至五分熟時，外焦內嫩，搭配特製醬油，味道鮮美無比。帶子和蝦在炭火的烘烤下，鮮甜的味道愈發濃郁，讓我們忍不住一口接一口。用餐的過程中，我們邊烤邊聊天，分享生活的點滴，笑聲不斷。這頓韓式燒烤不僅滿足了我們的味蕾，也增進了彼此的友誼。結束時，我們都意猶未盡，約定下次再來享受這美味的韓式燒烤。