常滿百家菜 (已結業)

下午茶自助餐 2:00pm-5:00pm 成人$38 超抵，我去的原因只為任食蝦餃、燒賣和例湯，其他大部份的食物都不好吃。

事源本人上星期日(24th) 與一班朋友光顧荃灣分店常滿百家菜(tel 31881070), 我們一行14 人加3個小朋友, 落單時已問明佢地服務員有關宣傳單上內容, 佢表示龍蝦餐係每人半隻(相中係清楚睇到), 結果我地order左7個龍蝦餐(任食$138) + 10個鮑魚餐(任食$118) + 每位$10飲料, 其間我地order左一些小食同任食菜餚, 味道一般, 兼大部份都係“老水”加“老味”, 毫無特色可言, 加上那些服務員不知有多忙, 你叫什麼都好, 佢都係話:”等陣先等陣先”或者係“黎緊黎緊”, 但永遠唔知係邊度黎緊同等陣先係等到幾時, 最後鮑魚到, 但細片過一片樹葉(手指公咁上下), 最後龍蝦到, 但竟然係大概七小件+ 一大pat依麵底(即係由一隻大龍蝦斬件, 當然唔係全部比晒你)當中係爪多個肉身, 我地即刻叫個經理黎問下, 佢話check 一check覆我地, 當然係無任何下文, 15分鐘後我見到個經理再度出現, 即刻叫住佢問, 佢嘅反應係: 乜無人覆你咩? 跟住佢話宣傳單上講嘅係限於旺角分店, 但張宣傳單上無寫明, 只係依個所謂經理講, 佢話佢地荃灣分店係計每人一磅,

之前同一家人來做生日,十多人共要千多元, 可是食物和招呼一樣唔掂. 任食的食物已經普通, 仲要無來, 只照住做散叫客(p.s. 因這裡做任食的), 明明我們先到和落單, 但係隔離散叫客食完走我地d野都未到齊, 一定唔會再來源!!!

尋晚(16-10-2007 Tue)6:30pm係女友人L預祝生日飯,地點係佢揀o既,我上次覺得一般,不過壽星女話事,算吧啦.5大1細,我o地揀o左每位$118.00送鮑魚同燕窩雙皮奶o既任點晚餐,都食o左好多o野,詳細唔講喇,講啲比較深刻o既.先講鮑魚,當然只係鮑魚仔,雖然係兩啖就食晒成隻鮑魚仔,但味道都OK o既,流沙蛋: 要自己o係自助吧枱攞,但凍o左o既,其實係一隻蛋黃唔熟o既烚蛋,不過又OK喎.上海粗炒,雪粗肉絲炆米: 味道偏濃招牌小籠包: o衣o家至知原來係招牌,好唔掂喎.酸甜炸雲吞: 唔掂,翻炸之餘重係唔熱o既添.蘿蔔絲酥餅: OK,微熱的,外層夠脆,內裡o既蘿蔔絲甜度適中.台式三杯雞: 落order後即整,所以夠熱,亦都夠味,呢個唔錯o既.風沙羊肉: 男友人KL揀o既,羊肉切丁,只要唔好掂到辣椒就唔辣,羊肉唔羶,不過幾乾,但我覺得味道OK,於是清o左之後encore.另一碟到o黎時,咦?!羊肉丁大件o左,係肉塊,食落有羶味,但又冇之前o個碟咁乾.真係神奇,同一晚同一道菜會有咁大分別,之前o個碟係咪午市賣剩o架?川椒雞: 上面有三片炸葉片,我試o左,唔脆o既,都冇興趣試啲

中秋晚飯套餐, 價錢貴, 食物大份, 但係唔好食, 又多味精:乳豬同雞很肥, 魚同龍蝦都好有"嚼勁" (鞋+un), 菇菇同帶子有異味, 翅好似溝左水咁, 整體係好油膩同埋d獻太濃, 環境好嘈

食物質素來說，將價就貨，算是好食、低食！地方環境本是十分廣闊，但檯與檯之間的距離太小，檯放太多太雜，無系統的排放。員工質素參差，有的低級員工返而也有十分好招呼(比"優")，但有的高級員工做事十分求其(比"劣")，唔似係香港人應有既水平中秋節假期前一星期日同家人到此飲茶檯號篇排很求其，加個"A"字就另一張檯我自己本身坐果張無"A"字，而對面張檯係"A"字唔知係發生乜事自己d點心來晒之餘，就連對面張檯的點心也都通通錯送到我張檯已不是第一次之不過早茶時段又真的十分低食特價點心不時轉款4個大人全部8籠點心連茶錢都係$100有找，也算是超值

論環境：地板濕滑，廁所又在商場外，一入到去首個印象已差。我們一行十多人，坐在間房內，房間算寬敞，但燈光怪異，無端端有幾盞射燈「燦」住你，但係整體是烏暗的。論食物：1. 脆皮乳豬-- 成餐飯至好味。2. 芝士龍蝦伊面底-- 龍蝦很有咬口... 即係鞋到不得了3. 帶子蜜糖豆-- 帶子仍有梳打味，蜜糖豆油膩膩4. 草菇娃娃菜-- 草菇沒有出水，有陣怪味。娃娃菜好老，連菜頭都沒有切，都唔知點食5. 老虎斑-- 好大條，但係鞋過鞋底6. 炸子雞-- 外貌不俗，可是沒有心機再試7. 小籠包-- 只是一個外皮包住豬肉，用個籠載住就叫自己做小籠包8. 紅豆沙-- 係一碗甜水囉吃完十分口渴，試得出下了很多味精。論服務：一流。侍應有禮貌，又細心幫我地pack 好d 剩餘食物。

由於中秋節,我們一家人外出吃飯, 可惜, 又是一間很難吃的,不但如此, 服務亦一般, 環境很吵!!我們叫了一個餐,由8時等到9時, 只上了一碟乳豬, 整個餐份量很少, 味又不太好, 小籠包更有一陣膠味道!很怕人!到最後, 糖水更是甚也沒有, 賣相更差, 一點也不值, 個餐要$998, 埋單要$1200, 真過份.以後請也不去!!!!!

又是星期五，和男友來個friday lunch。原本不是打算食這間的，不過我又突然想喝茶，於是就來了。點了四個點心和一個燒肉飯。炸雲吞:剛剛炸起，有三大件。蠻鬆脆的，不過唯一一隻蝦就小的可憐了。蝦腸:上桌時只是暖的，但食時又覺得不錯，蝦都算爽，腸粉也滑。鳳爪:味濃夠熱，最好的一碟。牛柏葉:每件都切得大大件，而且一點都不爽，很韌，不好食。燒肉飯:男友怕不夠飽，就點了這個。我可沒試，不過燒肉蠻多的，味道應該不太差吧。服務不好，早已預料到。但想不到味道也只是一般，好在和男友食了一個開心的午餐，不計較了。

有朋友生日,就去賀一賀佢啦......搞手係d雜誌見到廣告,話任食自助餐,仲有鮑魚同燕窩,咁咪聽佢去食下啦.之前其實都覺得有d問題,都再三問過間野係邊度.仲以為真係"panda hotel"去到先知唔係... 即係打左個突都算啦,反正都係飯一餐.頭1round 叫既野食都ok快黎到..點知我地再叫既時候已冇再黎..我地叫左幾十碟野先黎左1-2碟.我地再追,叫阿姐,佢地真係唔應架wor..咁都算,叫侍應啦,落左2次單都係咩都冇黎過最後我地叫經理,但竟然佢都係幫唔到我地,結果"點心"都未食飽就用左我地3個半鐘.(小菜其他野都冇點黎過,而且份量又少,似係人地食剩果d)其實我仲有其他所見1)執"木台"求其,而且d椅子好殘,有漬tim.2)阿姐成日上錯菜,有次我朋友仲夾左舊,但阿姐都拎去俾返個客食,果陣時我先識擔心我地食果d野有冇問題.3)阿姐,女侍應叫天不應,叫地不聞.唔想叫d野食都冇人應就唔好去呢間.4)埋單要成5-10mins.以為野食要整先耐丫,點知埋單俾錢都一樣咁耐,呢間野服務真係九流.臨走經理仲問d野上唔上得齊,我地個個都已經勁想鬧佢.(到走既時候都只係食左1 round野!!!!)

尋晚(23-6-2007 Sat)一行18人o黎呢o度食任食晚餐,朋友L一直推介呢間話OK,抵食,但佢唔記得咩名;之前我又冇為意原來就係呢間好評唔多o既常滿,於是就中o左招o黎試喇.o黎到時,張枱坐唔落咁多人,好彩有房,入面有兩張大枱,但略嫌冇咩冷氣.我o地叫o左好多o野食,上菜速度好快,食物味道普通啦,size屬於小型版.呢o度都有狗不理食,但唔及頂樓欣悅好食.而原來飲品唔包o既.不過送o既龍蝦伊麵就係大大碟,我o地o個碟算多肉,另一圍o個碟就話多數係腳,分得唔勻,但我多數都係唔o黎呢o度o架喇.

假期來飲早市,但原來10:00開始已經是午市了,那些$2.8優惠已沒有. 而後來才發現自助餐仲抵,午市只須$48,下次一定要試.**但這裡抽氣系統好差,好油煙.而且侍應不用倒茶,感覺有點自助形式**1.鮮蝦菠菜餃$5 ~ 一籠三件,菠菜有很香爆過的蒜香味2.潮州蒸粉果(小)$8.8 ~ 一籠三件,味道一般3.金勾咸水角(小)$8.8 ~ 一碟三件,皮脆甘香4.三色腸粉皇(大)$14.8 ~ 一碟試齊三種款式(叉燒,蝦及牛肉)5.瑤柱珍珠雞(大)$14.8 ~ 一般

我今日同屋企人去左食，我簡直無野可講！佢話就話乜都可以任食，我地等左45 mins，一樣都未黎過，要叫人催先好快咁黎！仲要全部黎既，都係得我地叫既點心！反而我地叫既飯同小菜，一碟都未黎過，超唔抵囉！仲話任叫任食自助餐，其實只不過咪又係"點心自助餐"！仲要食左一隻爛鮑魚......仲難食過鮑魚姑!d 野食好食...但all 點心就唔抵囉!下次1定唔會再去食!

(7/4/07)老公說這間不濟,今次表哥請食飯才來。我第一次來,環境好飯店,食客唔算多。田鴨餐。無扇貝改帶子炒菜芯;無竹笙翅改什麼翅羹。點解叫set都可以無乜無默o既!?八小碟:豆角、牛展、海蜇青瓜、燻蹄、醉雞、燒汁茄子(勁咸)、油炆荀、糖心鹵蛋(整得過火,蛋黃熟左d!)帶子炒菜芯:頗油,食淨北京田鴨:鴨好肥,13個人食15人份量,漏既野都係食唔晒蒸石斑:蒸得洽當,好滑,大大條都拆晒生菜包:松籽、用番d鴨肉炒粒,炒得過火,韌+柴!义燒粒炒飯:魚的另一合理之作,炒得爽身!鴨/鵝掌炆冬菇白菜:見到碟頭已嚇親,不過又炆得幾好喎,鴨/鵝掌夠腍,不太多肥膏。小籠包:唔掂,皮厚,肉餡"鞋口"糖水:芋頭西米露,芋頭爽o既!西米露稀得如水。豆腐花,亦不要預期點ok啦。可能酒樓驚o徒,送埋桂花糕&馬豆糕比我地,呢兩樣又出奇地好味喎!尤其桂花糕味道算味出啊

同老公o係度食情人節晚餐。因為買花買禮物都用成千蚊，唔想用咁多錢。見呢度平平地。其實都不抱太大期望。$128小菜任食餐。送鮑魚同燕窩雙皮奶，算係咁。我地八點入座，都係六成full左右，可能真係地理位置問題。其實食物質素同選擇係真係ok，我覺得有幾樣仲好好味，例如漁香茄子，水煮牛肉，三杯雞等。份量不多，但可以比你試多d款，仲好!不過甜點同點心類就無咁好味lu。都坐得好舒服，食到十點幾，無趕住要你埋單的壓力。其實情人節食中餐，都幾特別呀。埋單$310。