常滿百家菜 (已結業)

是日去了迪士尼,之後近近地去左荃灣找東西吃,因為悅來坊餐廳唔算多,我用手機上過openrice見到d食評麻麻,但係我地又一行十幾人,所以最尾0係等唔到位的情況之下入左呢間野食,入到去又真係拍晒烏蠅冇乜人幫襯,我地試火鍋+點心+飲品任飲任食,唔知我地係咪太過肚餓,我地覺得d野又唔係真係好差,仲算係好食tim~~可能係因為d款式唔係好多~~~好得意係d點心係逐粒order~你要幾多粒就蒸幾多粒畀你,haha!!109蚊任食,算係咁啦~~

今日復活節假期最後一天,去到荃灣已接近兩點,鬼咁肚餓就試吓哩度任食下午茶兩點去到已座滿人,以為要搭枱tim,原來無搭枱張點心紙有兩款細細張,睇得都好清楚。除左排骨、鳳爪之類是一碟碟外,點心可以選擇要幾多件或幾多隻、我地交咗點心纸不到10分鐘己有食物開始不斷送上,黎到蝦餃王真嚇了一跳好大隻,皮薄襯熱拿拿淋每人食咗4隻,,鳳爪一碟都有6隻,上海粗炒平時半碟份量,炸雲吞,咸水角全部即炸熱辣辣,燒賣就太多肥豬肉,小籠飽蒸排骨都好味桂花糕同蝦餃我地第二輪都有再點過值得一讚有些點心都跟一碟調味醬,（例如牛肉跟碟喼汁,沒有一般酒樓咁淋上去,攪到太咸）甜品：楊枝金露都幾好味只是稀D料比較少,雪耳海底椰都唔錯價錢：42+7茶錢加一

原來佢有分正常飲茶同tea puffet既紙仔比人點野食,正常既就好正常,tea既就要另外問佢拎(細細行字show係正常點紙最底, 驚死你睇到佢)問佢拎puffet紙態度好差, 黎野又slow,餐紙黎到得2款, 細張過一張正常相紙size,黎既野份量小不但止,d擔仔麵一碗2碗冇味既, 流沙飽係好流, 流出黎既只係奶黃, 食唔到有蛋黃汁!蝦餃皮厚肉淡, 燒賣我唔食, 但睇我朋友叫左, 隻隻唔同樣, 好樣衰..講真...平野冇好, 我下次都唔想再去!係我食過最難哽既一餐!都$42位, 我係出面酒樓食都係咁上下!3思

因為識人食過話抵食,所以年初二就黎左呢間野飲任點任食茶一坐底...見到佢D杯杯碟碟有D唔開胃因為完全係油淋淋...個碟底仲要勁污嘈要洗一大輪先叫好D不過食物質素唔錯....幫佢拉番唔少分而且真係即叫即整..佢最好係食物好多都係以粒數計..你鍾意嗌1粒都冇問題服務方面真係睇你預著邊個員工有D就好好態度..有D就板起塊面...不過真係幾抵食..一人平均食左4,5籠點心..加埋茶錢加一都係~$70平時飲茶食少1/3野都要5,6十啦

新年前同朋友0黎呢度食0野...6:45去到...人不是太多....呢度細枱少,大枱多....好肚餓..睇下有咩食先..我們吃的是點心+火鍋+任飲先睇點心..款不多但係d款都幾0岩我食...蝦餃..燒賣..小龍包..炸雲吞.蘿蔔絲酥餅...流沙包..鳳爪..牛肉...咸水角味道唔錯..雖然任食..質素唔差蘿蔔絲酥餅..鬆化多汁..咸水角..好多涵..流沙包..好流沙...吃了三個呀..火鍋...材料款不太多..普通的...沙爹湯都幾辣..紅色湯...108一人冇限時...幾好la!~我鐘意點心任食...都想再去...或者搵日去下午茶點心任食..應該仲平

自助火鍋 -- 全包$98/ 人這個價錢可以任叫火鍋配料 + 任叫點心, 還有小食/甜品, 都不錯呀, 且唔會限住打兩個鐘, 可以跟朋友任意吹水唔駛睇鐘, 生日飯最啱.較好的有:火鍋類:--精選肥牛: 屬少肥肉嗰種--鮮牛肉--鮮肉片--鮮雞件--粟米--菜只叫了唐蒿, 都洗得好乾淨點心/ 小食類:--蝦餃--炸雲吞--雞腎--四季豆比較失望是點了兩次的豬潤及豬腰都無來到, 而墨魚丸好難食, 好多粉.

因為平平地又可以任食點心, 所以再來食 例牌食: 蝦餃, 小籠包, 鳳爪(正), 排骨, 流沙包(正), 叉燒包, 馬拉糕(正), 蘿蔔絲so餅(正), 春卷(正), 咸水角, 上海粗炒, 炒飯, 雪菜炒年糕(正), 桂花糕, 椰汁馬荳糕(正), 豆腐花食了很多, 好飽, 二人共$106, 好抵 但是, 點心固定二張點心紙, 幾個月都冇轉款, 暫時都不會再來食啦.

黎過呢間常滿食兩次野，兩次我都對佢食物好滿意。因為$4x任食下午茶真係幾抵，剩食蝦餃都回到本。蝦餃都好足料，燒賣、小籠包呢d點心亦都好好，我幾鐘意食佢既牛柏葉同鳳爪，好味架~仲有流沙包、桂花糕、排骨我都好鐘意食，而且每樣都係即叫即整，上台時件件都熱辣辣~不過個人覺得炒粉麵一碟起兩碟止，因為唔太特別值得試。我只係叫左個上海粗炒同茄子肉絲紋米，前者無咩特別，後者我覺得都ok，不過d茄子生左d....甜品方面，我只推介桂花糕，因為真係好香桂花，清清地，食完又好冰涼，正呀！佢其他糖水我覺得除左豆花之外其他試唔試都罷啦~豆花比較穩陣~~論服務，都唔係咁好咋。睇過大家對服務既評語，雖然未至於比人咁對待，但都唔好得去邊，好多都會唔鬼睬你。不過今日食遇到有個阿姐都幾好人，我地問佢咩佢都肯答我地，不過其實都只係基本既服務態度啦，但係呢間無乜服務可言既酒樓之下，呢種態度都算係咁喇~不過，或者大家幫我計計，我地食下午茶$42一位，兩個人埋單$106，姐係每人$53???除左加一，仲有咩錢要計呀？？

呢間打邊爐晚市都唔算多人,同埋時間冇限!!!抵食夜晚6點半你就可以開始打...打到佢十一點半關門而且又有汽水啤酒同果斗先生任飲,不過要加十蚊料就比到好足,仲可以食埋出面d小食吧,流沙蛋好好味服務都唔錯,都好有禮貌得閒一定再黎

之前去左食, 食下午茶時間, 任點任食~d野都唔錯, 好抵. 唔好要求咁高~因為都係~$48@位

今天我到荃灣常滿百家菜，有幾個問題一定要和大家分享．２００８年６月２１日上午１１點，我們４大１ｂｂ（２歲５個月坐ｂｂ車的）到荃灣常滿百家菜飲午茶（任食＄４８一位），進入時和門口那個女待應說４大１小，她領我們入座，由於是任食自助餐，我問她ｂｂ計錢嗎？她望了說不用，在點心咭上都寫上４個大人，我以為無問題啦！點知問題原來現在才開始．．．．．．．．．．．．．１）我一坐低，已經聽到８０１A個客嘈，對一個女待應講：啊姐，我地叫十幾次開茶，你地都話等等，係唔係要我地去第二間啊，個女待應當然唔”口廿”慢啦，即刻回答話：小姐我地其她人食梗飯啊，你再等耐ｄ啦（查實我地客人點知你地幾點食飯－．－），點解要等你地待應食完飯先到我地食）　２）講開８０１A，都唔明點解枱號唔分清楚ｄ，明明唔同一張枱，我是８０１，另一張要叫８０１A，待應入錯單，令８０１A次次ｄ點心都去我地度先，８０１A個女客人就次次向我們方向叫”我地ｋａ”，攪到我好難堪．好似我地搶佢ｄ點心　３）荃灣常滿百家菜有２種午茶任食，分別是＄６８和＄４８，我們撰了＄４８的，她們有個女待應放下一個文件夾，內有１－６號６款紙，她說＄４８撰１－３號，＄６８可以撰１

吃了蝦餃燒賣小籠包，不過不失，好味的有：流沙包、叉燒包、馬拉糕、鳳爪、青瓜海哲、豆腐花，每人$48，其實你一家人飲都大概價錢，食既野多好多，其實係抵食ka!~不過係要睇時段做人

星期日下午2:30到達, 等了5mins, 好快有位下下午茶自助餐有2張任食點心紙, , 有些點心可以續件/粒叫, 二個人試了多款點心,又不用浪費食物好開心, 熬熬正點心: 蝦餃, 小籠包, 鳳爪, 蒸雞, 流沙包, 蘿蔔絲so餅滑滑甜品:椰汁馬荳糕其他點心一般／比較差二人埋單$105, ok啦

兩點幾去飲茶，因太餓唔等下午茶貴d都照入去，同知客講六大三bb，三個bb分別係兩歲、同埋歲半，點知佢二話不說就寫我八個茶位，我同個知客講，佢就叫我入到去同d侍應樓面講就得架喇，一入到去我就先同個侍應講先黎三張bb凳，佢拎得一張黎，咁我地咪話要三張喎，佢拎埋果兩張黎就發脾氣，話遲開茶又比人鬧，拎遲d張bb凳又比人鬧，我地都無出聲，只係話比佢聽要三張佢就發脾氣。跟住同另外一個侍應講話茶位寫左我地八個，佢就話唔關佢地事，佢地無權改卡，叫我地搵番個知客，到我地搵番個知客同佢講，佢又話任何一個侍應都改得架啦，d態度差到不得了，又扮忙要個大肚婆企響度等佢改。。。食食下野個侍應走埋黎收碟，有一碟仲有一件點心，佢突然命令式咁大叫話：夾埋佢啦!!態度差到無人有呀，簡直不知所謂，又唔係平過人.......

昨天一家人(兩大兩小)去荃灣悅來酒店B3的常滿食中午自助餐, 在悅來酒店的水牌上看不見餐廳資料, 要走到B3才可找到餐廳入口, 我們一家人點了$48元任食, 所以只有三張紙的點心可叫, 點心種類不算太多, 但都有大路的點心如蝦餃, 燒賣, 牛肉, 鳳爪, 排骨等, 每次點完都很快便上菜, 而點心都很熱, 質素不要期望太高但可以接受; 我最喜歡是可以按照數量來點(如3粒燒賣, 2粒牛肉等), 因為有一些只想食一點而有一些只有一個人喜歡食, 平時去飲茶都很想叫, 但一想到只有一個人食, 便不會點, 而一定要點一些所有人都會食的點心, 常滿便可滿足我每款只點一件半件來食;另外, 有一碟肉鬆豆腐都不錯, 我們食完又再點, 甜品都有四款可以試, 我們都食了很多, 最後帳單是$248 (因有茶錢算在內), 可以再食.