常得館湖南米線 (已結業)

正宗嘅湖南菜喺香港好少見難得見到有一間坐落喺元朗老闆娘就係湖南人對於食材同烹飪方法都有要求有堅持簡單嘅米線都大有學問湖南麻辣牛肉米線大廚推薦嘅第一位米線嘅豬骨湯底係每朝早新鮮熬製上面嘅一層辣椒油同埋麻辣牛肉原料係來自於幾種湖南當地嘅辣椒混合花椒八角釀製而成特別在於唔係麻辣 食完咀入面又有一股辣椒嘅鮮香麻辣牛肉每一件都大件有質感辣得過癮嘅道地湖南米線老闆好好人見我好奇其他幾樣招牌菜就比我試少少雞雜同埋肥腸雞雜入面有雞心同雞腎難得嘅係食落，完全冇內臟嘅腥味鹹香其實好配啤酒肥腸清得乾乾淨淨爽口嘅口感，再加上泡椒嘅酸味非常特別聽聞佢哋嘅肉燥飯同埋紅油抄手都係自家製下次一定要返兜再食

米線成日食，食嚟食去都係酸辣麻辣，呢間常德館米線係湖南辣，有泡辣幾特別，而且材料都係產地直送。湖南麻辣牛肉米線 3隻辣椒辣度，朋友食得辣，叫左呢個。佢地個辣係麻偏重，好香，只食到小辣嘅我試左一舊仔，感覺還可以。牛肉肉質結實，牛味重，麻辣有後勁。自製泡椒肥腸米線 好想食肥腸，叫左少辣，但仲有啲擔心辣到米線都食唔到，店員話可說分上，好提議喎。泡辣肥腸好夠味又好食，泡辣比麻辣清爽啲，呢個啱我口味。因為分上，所以米線係清湯底，面頭有啲生蒜蔥花，食到尾加啲泡辣汁落去，成個湯底唔同晒，果然係要加辣汁先正。食辣點少得凍檸茶，加$9有杯。

依幾日都持續落雨，天氣涼涼地，揀左間食湖南米線既餐廳試一試，餐廳標榜食材由湖南直送，湯底每日用新鮮豬骨熱製而成，寫明絕無添加味精。環境似岩岩新開，乾淨企理，空間都算闊落，老闆娘都幾熱情招待。自製泡椒肥腸米線（$68）老闆娘推薦其中既招牌，湯底有獨家秘製調料調味，肥腸配搭湯底鮮香麻辣，肥腸有時會怕洗得唔乾淨，但依度睇落都處理唔錯，口感都幾彈牙結實，肥而不膩，鐘意食辣既朋友推薦一試。紅燒肉丁米線（$58）紅燒肉丁份量絕對有誠意，肉丁肥瘦比例剛剛好，肥瘦相間，湯底叫左唔辣，試一試湯底原汁原味，配料有木耳、花椒、蒜蓉、香蔥等香料，味道香口惹味。凍奶茶熱檸水

同朋友係元朗捐窿捐罅搵下餐廳食，發現到間食米線嘅舖頭。餐廳係食麻辣野食同米線，款式都多。 涼拌豬爽耳 (半份) $26叫左份小食，半份都幾多，豬耳涼拌咬落爽口而且皮嘅位置咬落好彈，味道有D偏辣自製麻辣五花腩&香菇豬軟骨 (雙拼)米線 $68 嗌左碗細辣嘅，米線都大碗。米線口感幾爽口彈牙，五花腩幾正，夠淋身之餘味道都夠入味，鹵水味都幾香。另外豬軟骨都好淋身，而且軟骨嘅部份好易咬。湯底味道香，細麻辣嘅程度係大家都岩食嘅。肉燥煎蛋飯 $58 肉燥煎蛋飯比較普通，不過半生熟煎蛋幾好流到心。肉燥都多，個味道有少少偏鹹，個豬油好香，成個汁可以好輕易就將D飯一齊食晒。

.今次行開千色廣場附近去左呢間米線食晚餐🍲 因為未食過就試下啦.老闆推薦食佢既招牌米線🍜 1號 湖南麻辣牛肉米線🌶️🌶️🌶️ $59因為小編唔係好食得辣 不過又好想試吓佢嘅招牌菜式所以老闆就將牛肉同埋湯麵分開上😇 好細心呢.湯麵係豬骨湯底 米線份量剛剛好 仲有幾塊黑木耳同菜😋牛肉份量多 都有幾嚿大嚿嘅😍好正🙌🏻.呢度既湖南米線係用正宗煮法☺️牛肉就做左岩港人口味 肉質都好厚實 有啲煮得幾腍係用咗成四十幾種香料整架 色香味俱全呢🥰.小編好鍾意食海帶 見到佢有個涼拌海帶就叫咗半份小食嚟食😚 $16 正常發揮😊.總括嚟講呢間可以再去食啊😆 下次再試吓其他推薦品先😋.🥢常得館湖南米線 (元朗)📍元朗西菁街30號地舖

酸辣雞什米線酸辣湯汁夠開胃, 雞什炒到嫩滑多汁, 與酸辣湯汁相互融合, 入口有層次感和酸辣嘅刺激性, 米線煮到細軟質地, 剛好吸收湯汁精華, 越食越想追住食😆湖南麻辣牛肉米線第一次試呢間, 唔知有幾辣, 店主好細心幫我另上麻辣牛肉, 牛肉煮得夠淋身👍紅油抄手（8隻）個湯底都好好飲, 唔算太辣, 食落去好似雲吞咁, 裡面係豬肉餡涼拌皮蛋皮蛋鋪上滿滿蒜茸, 佢嘅質地滑嫩同調味料嘅香辣恰到好處, 加上皮蛋本身自帶一定嘅鹹味和蛋香, 呢個開胃菜冇得輸💯凍檸水/凍檸茶 正常發揮

平時都好鍾意食麻辣米線， 近日元朗西菁街開咗間新嘅米線店，主打湖南米線，一個人經過，就入去食午餐啦😋我叫咗個大廚推薦👉湖南麻辣牛肉米線（ 小辣）$59， 都幾大碗，好多塊牛肉，配料仲有蒜蓉、蔥、雲耳、芽菜等等，好足料味道方面，湯底好夠味，麻麻辣辣幾惹味，重點係食完唔會覺口渴，牛肉好厚實，都煮得幾軟腍，有d近就筋位就韌咗少少，而米線係最抵讚，份量多之餘，好爽口彈牙，好好味總括黎講，鍾意米線控多左個好選擇😊

元朗西菁街常得館搬舖後第一次幫襯湖南常德風味米線，香港小見食物Keep 到水準湯冇用味精，豬骨同香料淆制，加入蔥蒜提味，非常香濃麻辣牛肉彈牙入味，大腸淋滑#西菁街富達廣場停車場旁邊

· 常得館湖南米線 ·本人其實超鍾意食米線😍基本上出街dinner無咩特別都係食米線😂呢間米線之前已經係YouTube 見人介紹過～上次仲奇怪點解係雞地個面見唔到佢原來佢搬左新鋪✨平日食三哥個啲都係雲南米線呢到主打湖南米線老闆娘好熱情❤️‍🔥同我地介紹話湖南米線係純米做浸耐咗都唔會腍到爛爛的🥹唔會一夾就斷✨好加分💯ʕ·͡ˑ·ཻʔ︎ ————————— ฅ՞••՞ฅ︎🤍自製泡椒肥腸米線 $66好鍾意但又好怕食肥腸因為十次有九次都中伏…但每次去到新店都係想試加上見係呢到既招牌就trytry佢🤭Safe!!!! 係好乾淨唔似橡筋嘅肥腸～好入味好好食😋今次試左小辣🌶️佢嘅辣係好舒服嘅辣～唔會辣到濁喉嚨👍🏻泡椒酸味都好出🥹雖然望落面頭紅油好似好多 但！竟然無乜油膩感😂好神奇！🤍香菇豬軟骨米線 $65朋友唔食得辣～叫左呢碗🥸豬軟骨似五花腩多啲 啖啖肉‼️份量好大 肉肉好厚 幾乎鋪滿成個面💯湯底食得出無味精味 係濃濃嘅豬骨湯味😙🤍涼拌豬爽耳 (半份) $26好欣賞呢到有得揀半份Which佢半個嘅份量係譚仔嘅一份有多～豬耳切得好薄（師傅刀功👍🏻😳口感好好 唔會硬轟轟～加上佢鹵左先再涼拌🤭所以好入味～涼拌個汁偏麻辣

之前系舊鋪食過幾好味，最近搬左新鋪，當然要去支持下！呢間既食材用料吾錯，雖然價錢看似較高，但系比返相對質素既食物，所以貴得有原因。湖南麻辣牛肉米線 $59餐牌寫住大廚推介，鐘意食辣既朋友就岩哂！叫左小辣都覺得幾辣下，餐廳用左花椒、辣椒等香料，再加埋豬骨黎煮個湯底，所以聞落去已經好香辣味，食落去會有麻既感覺，辣既後勁都幾強勁。牛肉亦都好入味，辣得有層次又惹味。常得牛腩 牛筋米線 $69呢碗走辣，湯底吾系清湯，而系紅燒湯，飲落吾會覺得口渴，牛腩同牛筋都好淋，老人家食都好易咬開。米線粗身有咬口，份量同價錢亦都成正比。涼拌牛展 $88因為有人鐘意食辣有人吾食得辣，所以一份分開2碟，牛展辣味十足，愛辣人士應該會食得幾過癮。紅油抄手$38抄手一共有8隻，抄手皮非常滑，包住豬肉，餡料就吾太多，不過配埋帶微微甜既紅油辣湯好惹味。

我地成日食米線湖南米線係比較少見常得館搬左去富達隔離都幾方便▫️香菇豬軟骨米線依度既米線特別彈牙同爽，唔係淋身係正宗湖南米線～湯底好濃豬骨味，每日新鮮熬製豬軟骨好淋，軟骨位又有咬口▫️湖南麻辣牛肉米線我地叫小辣麻唔算勁，食開辣既無問題牛肉好入味，都幾淋下見佢d 小菜有半份就點左幾款試下▫️拍青瓜青瓜切到細細舊，岩哂一啖一舊味道酸酸辣辣▫️涼拌豬爽耳豬耳切得比較薄身所以食落更加爽！甘岩撞正老闆娘佢地自己食飯仲好熱情分d 比我地試下話佢地都會做私房菜，要提早預訂▫️羊肉煲羊肉唔會好蘇咬落都算淋，同埋好入味▫️紫蘇魚上面舖滿紫蘇葉下面係一大條江團魚啖啖肉

📍 常得館湖南米線（元朗）米線是一道風靡湖南的經典美食～我最近在一家湖南餐廳品嚐了這道菜完全被它的美味所征服～米線煮得剛剛好，軟滑入味與湯底完美結合，讓人愛不釋手。✨泡椒肥腸米線這碗泡椒肥腸米線的味道令人驚艷。辣椒的辛辣與酸味恰到好處，帶來一種獨特的風味。湯底濃郁而滋味，肥腸的鮮美融入其中，讓每一口都充滿豐富的口感。✨常得一品米線豐盛既招牌米線🍜一碗有齊、牛肉，五花腩，豬軟骨，肉丁，牛筋，牛腩🐮特別欣賞牛既部分，醃得好入味，辣得岀色，而且好淋身，牛腩部份更是入口即溶🫶🏻✨涼拌豬耳一整碟切幼絲的豬耳，混合蒜頭、芫荽碎及大量紅油，呢種味道令人誘惑😊豬耳入味脆口🤲🏻✨紅油炒手紅油炒手很推薦，夠麻夠辣夠酸，吃起來很爽口～

西菁街網球場附近最近新開了一間主打糊南風味的米線店，愛吃麵的我們當然要試試。當晚餐廳有不少客人，很多是熟客，原來餐廳由建業街搬過來的。我們每人各選一碗米線，再叫了一個小吃。湖南麻辣牛肉五花腩米線 $69我聽說湖南風味的辣是很辣的，於是要求小辣。幸好，小辣不太辣，但仍感受到麻辣味，香口又過癮。牛肉和五花腩很易咬開，吃得出有自家調製，味道可口，和湯底匹配，互相輝映。米線果然從湖南直送，從未吃過如此有嚼勁，使人難忘。自製泡椒肥腸雞什米線 $78湯底同樣香口惹味，爽口彈牙的米線掛湯，肥腸和雞什包括雞腎雞肝處理得宜，有嚼勁且能吸收湯底，美味可口。紅油抄手 $38共有8隻，外皮煙韌軟滑，內裡肉鮮，湯底和以上兩款米線不同，帶點酸辣，味道不錯。一碗米線看似簡單，實際上要花很多心思，才可以有美味的成品。此小店用料和製作用心，口味重但吃後絕不口渴，值得支持。

行到一半街突然落起大雨，去附近食店避下雨兼食個下午茶先。原來建業街間常得館搬咗過嚟西菁街，餐牌冇變喎，好掛住佢哋個湯底，今日就食佢啦。⭐湖南麻辣牛肉米線朋友叫咗麻辣牛肉米線，店主話佢哋嘅湖南米線係正宗煮法，不過牛肉就改咗做港版，切大舊啲同埋份量多啲，仲話啲牛肉用咗四十幾種香料嚟煮，色香味俱全。朋友第一次食就大讚好味，啲牛肉勁正喎，湯底辣中帶鮮，好味到湯都飲晒🤤⭐自製泡椒肥腸米線自己就叫咗肥腸米線，呢款個湯底用咗泡椒，啲泡椒都係店家自己浸嘅。叫小辣我覺得啱啱好，雖然湯面見到好多辣椒油，但其實唔算辣，而且加咗泡椒辣中帶酸更香口，仲有啲花椒子有少少麻味添。店主話啲肥腸每日新鮮由上水屠房運黎，食落香口肥美有咬口，係正喎😍⭐紅油抄手仲叫咗份店家推介嘅紅油抄手，呢款湯底又唔同上面兩種，鹹鮮中帶酸辣，都好好味。抄手皮滑肉鮮，滑捋捋嘅口感好正啊😋⭐凍檸茶 & 凍奶茶食辣嘢都係要整返杯凍飲嘅，跟餐可以用優惠價加奶茶咖啡、汽水或者王老吉，凍飲大大杯茶底濃，不過我覺得叫少甜都係甜咗啲，下次都係要走甜啦，哈哈。明明係諗住入嚟食過下午茶避下雨，點解最後食咗咁多嘢嘅😳不過又真係好好味，全部都冇介紹錯。

朋友就快移民，好不容易約到出嚟食飯，當然就帶佢食吓啲比較特色嘅食物啦。 等佢日後都掛住香港嘅食物。（5⭐️最高）牛腱米線（5⭐️）份量好足，而且牛腱爽口彈牙米線，亦都有煙煙韌韌嘅， 口感味道啱啱好😋🥰必試-牛筋米線（5⭐️）牛筋好腍，而且好入味， 就連小朋友都食到，而且每件都大大粒。 份量十足🤩. BB版肉燥飯（5⭐️）豬肉粒炒得好香，而且油份亦都啱啱好， 亦都岩岩好夠一個小朋友的份量， 所以唔會浪費食物~🥳豬耳半份（5⭐️）如果唔食得辣，可以嘗試用BB辣😚。 入口有少少麻嘅感覺，但豬耳咬落都幾爽口、彈牙，其實都幾滋味～🥰娃娃菜（5⭐️）鮮甜多汁，最啱就係配濃味的食物裏面😋。