師妹甜品

營業中

休息中

兩個人食左4個甜品梳乎厘- 我覺得一般火焰雪山- 好有heart 呀~~~心太軟- 必食！！！又平又正tiramisu- 真係有酒店級水準佢平時3pm先開，假日開2pm不過長洲d街名好難搵，要問下路人"師妹"係邊度~好似好多本地人都識

Boxing day6個人入左長洲玩有機會黎到依間店食打算入去既時候見到有人走仲托住塊面說:好幸福呀~~入到去每人叫左d野食焦糖布甸Waffle山火焰雪山梳乎里價錢一大驚喜~好平~出面食起碼貴一倍~而且又好味~特別欣賞火焰雪山味道不錯~不過最要提既係服務!order一個火焰雪山都係廿幾蚊~換來既服務如下:拉閘~熄燈熄風扇~全店黑晒~就係為你點起火焰雪山既火熖~燒完又開返晒d野~咁既價錢有咁既服務去邊搵??老闆娘Katie好nice~會介紹同解釋d甜品比你食完我都係托住塊面說聲:好幸福呀~~

今天到長洲覓食，當然是先上openrice 看情報。來到師妹這裡(記得抄錄下來電話以便問路)Katie dessert 果然名不虛傳，芝士蛋糕有酒店水準，心太軟味道好到不得了。Katie很好客，介紹長洲景點外，臨別時還提醒我們船期資料。我當然還買了外賣回家慢慢品嚐。前後5件芝士蛋糕、1件心太軟加1杯飲品才125元，十分超值。

焦糖布丁一定要食, 非常好味! 我夜晚食完一次之後念念不忘, 第二日一早就去想再食, 但係未開門-__-", 等左一陣先等到, 原來佢地係開兩點~ 去之前記得留意一下

點了推介的心太軟, 焦糖布甸和雲石芝士蛋糕心太軟- 因為是即做問題, 撞又有幾個人叫, 所以等了好耐.....到之後可能係焗得耐少少, 朱古力有杰.......但味道都OKAY. 加埋一球雲呢拿雪糕簡直一流呀~~~焦糖布甸- 店主推介的, 都幾好味, 焦糖暖暖, 但布甸就凍凍地, 個味道都不錯雲石芝士蛋糕- 芝士味唔多, 但尚可啦.差不多食完之時, 發現這裡有木糠布甸, 但係已經售罄, 第二天再來試了.木糠布甸- 可能食過澳門九如坊的木糠布甸, 相比之下是有點遜色, 但都可以接受, 至少不會一"PAT PAT", 同埋在面頭再灑了一層餅乾碎, 正!!!

去開睇櫻花,點之咩都睇唔到,嘛順便黎食下甜品囉!聽講呢度既心太軟好食嘛試下囉!佢仲介紹o左樣旦糕,叫特濃咖啡cheese cake。件旦糕幾好食,好香咖啡味,但心太軟就比較流,好多朱古力漿,食到我濟o左!

入度黎長洲，食到呢間甜品屋真係又一驚喜。因為真係好抵食，價錢只不過係十零廿蚊件，而且水準勁高呀！我地七個人食左好多件點品呀：包括芝麻蛋糕(老闆娘Katie請架，因為佢認得我個朋友呀！真係好nice)、綠茶蛋糕、Tiramisu、心太軟、梳乎里、朱古力蛋糕、一個外脆內熱的cake好特別(值得一試，但真係唔記得叫咩名，好似外層係熱脆皮包住d凍既香蕉同埋蛋糕，食落個feel好得意，我最鍾意呢個)，另外梳乎里同埋Tiramisu都好好食....YUMMY。如果大家入長洲一定要試下呢間有Heart的甜品鋪呀！

我黎過師妹甜品大概四五次,第一次食佢地既心太軟既時候, 真係好驚訝估唔到仲好味過一d 所謂高級餐廳既心太軟,真係好好食....另外, d 疏乎里都幾好味我生日仲0係呢度食左特別訂既opera,好好味架....

我係喺 9月同女友去長洲玩，經過發現有間鋪面唔起眼的甜品店。好驚訝，有疏乎里$15 、心太軟$22、火焰雪山$22，我同女友仲飲咗杯Ice Cappuchino好爽呀。心太軟d朱古力好濃！冇將貨就價

個火焰雪山好正, d rum酒勁香~仲有自家製的cake同芝士餅d梳乎里一流~~~最後一提,呢度d士多啤梨特別香同甜,其中士多啤梨西米露(記住+$2轉果汁底),真係超香甜好食~~