帝樂 - 德國餐廳 (已結業)

黎左元朗呢間食德國菜！ 好飽..佢個位比較隔涉啲...比較適合渣車既野黎食...而家仲做緊信用卡promotion 滿500減200..好抵...野食質素就一般啦... 必叫就係薯條..熱辣辣..但係唔係好重薯味...但份量好多腸仔..多人食會好啲...少人食..好快飽...當然唔少得1664 啦！ happy hour 都要70幾蚊呢到仲有live band 唱得好好聽...唔算話嘈到傾唔到計....好有氣氛！生日仲會特登唱生日歌tim..慶祝生日可以考慮下黎呢到

今天是老爸的生日！爸爸平常只會選擇中菜，但今天他選擇食西餐，我們幾個女都覺得好愕然！我們有訂枱大約6:30pm到逹，是日是星期六已經8成枱坐滿！坐下第一時叫坐徳國啤酒芝士焗蠔！芝士味重，不過蠔肉細少！德國咸豬手，鹹味適中皮脆冇得輸！德國腸！香煎鱈魚扒味道酸甜魚肉細滑！安格斯牛扒，六成熟恰到好處！烤豬肋骨，應該烤過咗火！爸爸生日點咗生日歌比爸爸聽，佢好開心勁讚環境一流食物都啱佢食，問可唔可以下次再同佢食

因為同家人都要返工，所以今年做節飯較遲才吃，家人冇乜特別食過德國菜，所以近近地就決定黎呢到食一早訂左位，當日都準時19:00到達餐廳，侍應帶我們到"卡位"坐，環境暗暗的，情調不錯，本來也可以下次和朋友/男朋友一起來吃，如果食物不錯，更可以做會員，有優惠又可以草分，但吃後就打消念頭了麥味唔重，同過往飲的較苦，冇乜麥香(帶定頭盔，其實平時很少飲酒)這杯是屋企人點的，他們覺得不錯，還有再點。麵包香脆，外脆內軟，牛仔肝醬味道較出色，香草芝士略為不夠香一般的德國腸，有5款，和其他餐廳分別不大，但配菜的酸椰菜不夠酸，較一般薯仔沙律很對我口味，酸酸的，吃起來不會太膩這個我真的不懂得欣賞，完全不知道自己在吃什麼，醬汁也不好吃，唯一可取的只有薯條沙律菜較苦，家人也不喜歡吃期待以久的主角出場了，店員先送上原整一隻供拍照，然後再帶到店內其他位置切開才上菜但這個位置就正正於我後方，整晚有數隻豬手在我的身後切開，令我一直很擔憂，因為豬皮很脆，我並不知道切開時會否有皮屑會彈到我身後或頭上豬皮真的很脆，但除了脆，我找不到再吃的理由，肉質都較乾，不會特別好吃吃過之後，即刻取消再來的意向，各樣食品都不出色，雖然環境氣氛

我們一家人個個對呢間King Ludwig Beerhall德國餐廳贊不絕口，佢可以話係香港數一數二的德國餐廳！我一年前去過德國旅行，試過正宗德國菜，諗住係香港試唔到，點知呢間俾到好大驚喜我。今次4個人去食，見到有二人用除夕晚餐，緊係叫番一個，慶祝除夕。●前菜係德國魚拼盤：●香草鮮三文魚伴青瓜 (三文魚片非常厚，好鮮甜) ●鮮大蝦沙律配酥皮籃 (兩隻蝦炸到卜卜脆，一咬好多汁) ●蟹肉沙律伴紅菜頭及薯仔 (紅菜頭正方體粒粒切到一樣咁大，完全滿足到強迫症的欲望) ●鵝肝芭菲伴多士及無花果 (整體配合得好好，貫徹傳統做法)；●湯係三文魚茴香海鮮湯 (一開始飲嫌佢比較清淡，但係飲落好似上癮咁，愈黎愈好飲，而且清清地，幾開胃)；主菜我們揀咗●燒美國牛肉眼扒伴蘑菇及焗薯批露荀 (成塊扒大過手掌，配埋蘑菇醬，入口即溶)，同埋●德國春雞及大蝦伴意大利飯斑戟配豆苗 (隻雞好滑嫩，完全唔鞋口，豆苗炒得爽口)。一早預咗每碟份量會好大，所以一個二人餐已經好夠我們食，但係食德國菜又點可以唔試Pork Knuckle，所以我們都叫咗一份。●脆皮燒豬肘配酸椰菜及薯仔 (感覺好似去番德國，皮脆肉嫩，加上酸椰菜，完全唔

呢日成班人想搵個地方食飯敘舊，諗起洪水橋間德國菜，即刻打電話book返位先有黎過嘅人都知呢間餐廳都幾大，所以都唔會坐得好迫先來個腸仔拼盤。同出面嘅德國餐廳唔同，呢度嘅腸仔真係有唔同size ,有超粗，又有超幼，味道都唔錯跟住叫咗個傳統德國小食，麵團拼肉丸，呢個超級芝士味，我哋食到一啖接一啖芒果大蝦沙律味道不過不失，不過如果大蝦係用新鮮蝦而唔係炸，會更開心，因為都幾乾德國豬手原隻上左之後會問你要唔要切返好俾你食，幾細心都幾crispy但又入味，好評最後呢個薯餅拼蘑菇我最鍾意食，蘑菇好creamy ,薯餅又香又脆，為呢晚畫上完美句號

we wanted to have a quick lunch. but inside is way to cold, when the food came it looks like the cook likes salt a lot because most of the dishes are way too salty. once we paid they even made us pay 30 dollar and we only parked like a bit more than 30 min. so this is really a rip off.

已經唔係第一次幫襯洪水橋依間德國菜事隔幾年，有朋友生日，所以又再次拉大隊黎慶祝下。依間餐廳個人認為真係非常好feel，有live band，一路聽歌一路食，用歌黎“送”豬手，正前菜Sorry因為我記性真係麻麻，食完就唔記得菜名-_-#個前菜有幾款芝士，火腿片，sausage。芝士就咁食味道好濃郁，少少騷騷地，夾埋個ham一齊擺入口goodsausage 每次必食之一！多款唔同既德國腸，要咩口感都有，一次滿足你3個願望(￣∇￣)我最中意食個酸菜，好鬼開胃，點解冇得單點呢(￣∇￣)豬手餐廳招牌菜，每枱都會落柯打是一定的！個豬手皮好脆，肉又好嫰，又有頭又唔會咬到攰不過每次個豬手都會比較濃味，我依d平時都慣哂重口味既當然handle得到有餘啦今晚生日歌此起彼落，坐左2個鐘聽左起碼5次，唔通人人都生日？⊙_⊙睇黎大家生日都幾鍾意揀依間餐廳黎慶祝woooooo。Happy Birthday My Friend

和家人飯聚通常揀返係元朗,呢間德國餐廰食過好多次,最鍾意坐門口位,因為可抽煙,....好多款德國啤酒可以暢飲,營業時間亦到午夜,可以慢慢坐,唔洗趕住走…呢晚點左幾個餸,有德國辣肉雜腸,招牌咸豬手,沙律,豬手食過好多次,有D地方會太咸，但呢間嘅咸度岩岩好,雜腸就第一次食，味道一般,沙律不錯,酸度適中,材料新鮮

今日同朋友想搵個地方坐低飲杯野食下野 近近地過咗洪水橋德國餐廳， 呢到七點半後有live band聽下歌飲下嘢都幾輕鬆。呢杯德國家比較清， 淡淡地唔會太濃， 酒精成份比較低，味道都ok點咗個德國豬手share兩分食, 超大隻呀, 鹹鹹哋又脆又香口 ，送酒一流， 唔知係唔係招牌菜嚟嘅呢，基本上枱枱都會有一隻。侍應生會幫你砌埋，唔洗自己砌， 咁我哋就可以舒舒服服一路嘆啤酒一路食豬手一路聽下歌仔啦。

室內限左六至八點，所以要坐出面。諗住熱啲都算啦，咁坐低左叫野食。岩岩開始食，已經有蚊狂針，要搽哂蚊怕水先可以繼續食。好喇戲玉黎啦，係有一圍飛蟻係四面八方飛黎，唔只飛去野食度，仲飛去我地個身度。咁點食呀大佬！室內位唔full，問可唔可以係入面坐？唔得！個情況係你杯啤酒有幾隻飛蟻游緊，兜腸拼盤有，啲薯仔有，同你件衫同個頭都有。咁梗係走啦，叫左四樣野，黎左三個前菜，叫左佢cancel 未黎的，啲野食食左無一半，收你7,8百。即係你打開門做生意，你要ensure 環境同衛生meet standard，你間野開左咁耐你都唔去預防下呢個問題，等出事，食客忍受唔到，要食客照俾錢。真係貼錢買難受！唔會再黎

講到好食既西餐廳未必一定要係大商場或者岀到去中環尖沙咀呢啲地方先有 小妹我就揾到間伍多岀名 只有住係附近先清楚既高質西餐廳西冷牛扒配薯條 一啲都伍鞋口牛肉味濃 配上醬汁 一個字 正！薯條即炸外脆內軟吸引度勁高肉醬意粉 海鮮焗飯水準十足 絕不騙貨 肉醬味道剛剛好 焗飯亦伍會剩係乾食價錢偏貴但食物絕對係值回票價👍🏼👍🏼

（火腿芝士拼盤）正。 (麵包籃) 長芝士條包很香脆，四方形的是法包ok啦！，一圈圈的是咸蒜香包整體。（豬手）個皮唔夠脆。（豬排骨）沒有味。（焗蠔）新鮮。（腸條盤）ok。（香芋沙冰）夠香，凍

 今次係經朋友介紹食呢間德國餐廳位置係洪水橋落車行幾分鐘就到,都算方便但如果唔係搵食真係唔會行到去呢到一入到去已經覺得環境好靚坐低就即刻點菜先! 頭盤係呢個麵包,味道就無咩特別.. 只係普通麵包不過重點真係佢既醬,有沙津同鵝肝醬,鵝肝醬比我既感覺係好咸,但朋友就覺得OK之後黎既係德國腸拼盤,我地叫左大既仲送一個薯仔沙津, 不過我就略嫌D薯仔煮太耐,好淋一夾就散,味道都係酸酸甜甜好開胃德國腸有唔同種類就唔逐一介紹,呢SET好似$280咁上下重頭戲就出場! 德國餐廳點可以唔食豬手?WAITRESS仲好細心問我地要唔要影左相先影完就幫我地切開分好一舊舊, 豬手皮脆脆地,肉質都唔錯食到尾聲既時間,聽到有人唱歌,望一望竟然有LIVE BAND有點驚喜如果想舒服咁食個晚餐呢間餐廳真係一流

放假還是喜歡選擇到遠一點晚餐，而這間德國餐廳是駕駛者的好去處，我們其實不好豬手亦不愛吃腸類，但就是去吃吃氣氛😌一個平日的晚上，顧客不多，仍然有live band在場，氣氛果然很好🎉 炸蝦餅冇特別驚喜，但沙律菜非常新鮮爽脆，反而做了主角😋Pasta-Pesto with roast garlic & sundried tomatoes 我自己十分喜歡香草煮意粉，所以好味👍🏻但小朋友吃便咸了一點。 薯條，新鮮熱辣炸起特別好味 烤雞-雞皮又薄脆香，雞已經起了骨，正！伴菜西蘭花亦好甜好好味，明明就是西蘭花，點解自己煮唔到咁既味道既？🤔配菜薯仔粒就一般，有點乾，可能是再炸過的。餐廳服務員效率很高，吃飯中途我不小心餐刀掉在地上，我剛剛拾起，服務員已經拿了一把新的給我🙏🏻🍴

沒有特別為復活節安排節目，隨意到元朗覓食，原意到這德國餐廳食食德國腸，怎料餐廳在復活節期間提供復活節 brunch buffet，價錢又吸引，散叫也須要這價錢，還得試多款菜式，當然不錯過。因為沒有預早訂位，只能安排室外座位，當天天氣明朗清爽，我們非常樂意。首先留意到的是一個佈置得很有復活節氣氛的小童corner，包括一些 party finger food 及雞蛋布甸。每款食物及佈置也很用心，新鮮炸起，沒有欺場。到餐廳內的前菜及沙律供應角，菜式偏向歐洲式，很地道，無論番茄芝士、藜麥沙律、燒南瓜沙律、海鮮冷盤、煙三文魚等，款式比一般自助餐多，肯定你可以選擇到適合你的菜式。前菜包括多款軟硬芝士、凍肉 cold cut，而麵包除了提供牛油外，還有火腿忌廉醬及鵝肝醬。主菜包括 Quiche、Pizza、stew beef with mashed potatoes、咖哩雞、慢煮雞槌、BBQ spare ribs、忌廉蔬菜、炸魚柳等，當然還有主角豬手及各式德國腸。豬手在開放式廚房內用焗爐處理，乾身脆口，咸味剛好。BBQ station 提供燒扇貝、雞翼、元貝仔、茄子、青瓜及我很喜歡的燒菠蘿，還有燒