帝廷酒家 (已結業)

早幾日朋友結緍去飲, 我哋幾個朋友早咗去打麻雀, 去到覺得好涷, 問侍應攞披肩, 問咗四次先比我哋,坐低打咗幾舖要問侍應先有茶飲. ( 普通屋村酒樓, 去飲宴一坐低都即刻有人比茶啦) .到開席D態度都唔係好好. 上菜時, 一放低D餸, 我哋都未食落口, 就問我哋有無人再要, 大佬呀, 我哋都要試過好唔好食先再要啦, 好趕時間咩. ( 當時9:10 上第二道菜) D 餸就好普通, 味道好一般, 想轉飲品, 叫個侍應好耐, 佢哋明明見到我舉手, 但唔理仲問邊個負責嗰枱, 後來經理見到, 叫是但一個招待我先, 到後來負責我哋枱嘅侍應, 好無態度問我哋咩事, 無事啦!食到炸子雞時, 我同朋友件雞仲有D血水的, 係唔熟透, D雞係要熟先可以食架.之前每道菜上枱前都會換碟, 就算你未食完碟內食物, 佢會好似怨鬼咁在你背後等你.到上甜品時( 糕點及好似棉花糖嘅兔仔) 酒樓又唔比碟, 又唔比义, 又無牙籤，　問侍應點食呀, 佢答用筷子食, 用之前食過所有餸嘅筷子食, 普通酒樓上生果都會比碟用义食啦.我真係唔會再光臨呢間酒樓, 就算D朋友問起我都會叫佢再三思呢間酒樓, 費是遺臭萬年!!

尋晚去撼, 基本餸菜, 不一樣的服務.講咗好嘢先, 乳豬同炸子雞都皮脆肉滑, 值得一贊. 甜品有心形椰汁糕, 同埋兔仔形狀既唔知埋甜品, 因為我唔食椰絲, 所以冇食到, 不過賣相唔錯.魚翅好似被瘦肉絲代替咗, 成煲肉絲, 翅都冇條, 其它餸菜份量不足, 味道十分一般, 好名顯呢間嘢唯一賣點就係夜景, 食物質素未至於差, 但一定唔會有好印象.幾個waiter好明顯係臨時工, 分餸求其, 倒瀉翅, 倒啤酒好似好形好熟手但係結果又係倒瀉晒. 見我地飲到醉醉地又顧住吹水唔多理佢, 越來越求其, 上炸子雞時居然講: 雞呀, 食啦. 講完自己笑笑口走咗去. 又唔知點解係都要放晒d橙汁係枱面, 叫一杯橙汁, 倒滿一杯仲要放多一罐新既, 唔知係咪唔想行多次.

兩個人星期日下晝去飲茶, 叫o左6 碟點心, 都幾好食, 推介小籠包維港海景係好正!但侍應就個個都黑口黑面(絕對唔覺得係有禮貌o個種), 叫十聲先睬一睬你, 轉個頭又唔記得晒你叫佢d o野我都係去問酒席, 但唔見得佢有好心地講解,求其俾o左本Catalogue 我就算, 咁o既態度, o係度擺酒都唔知會點.....

上個月想幫朋友問酒席上到黎點知無人理我地問佢有冇一d set o係星期日午市點知個阿姐好串咁話"無喎, 得呢d咋"然後好唔願咁拎兩張紙敷衍我地走好似好唔想理我地咁但當時根本無乜客咁趕客法點令人想幫襯呀

星期日難得一家人去飲茶,原本都驚要等位,點知一入去唔使等,再加埋個海景view,簡直身心舒暢啦!我地order 左5樣點心:1. 碗仔翅($10)-好味!唔咸,如果份量再多少少仲好2. 綠茶煎堆仔-雖然唔覺有綠茶味,不過炸得好香好脆,而且入面個黑芝麻好濃,不過媽咪話甜左少少3. 鴨胸肉($3x)-呢個又係好好味,d肉質夠淋,而且味道適中,唔會太咸4. 野菌上素餃-個皮夠滑又夠薄5. 炸菜雞絲腸粉-呢個最唔得,又唔係難食,不過我只係食到炸菜,個皮又太厚其實我覺得呢間野d嘢食好味過10樓既潮樓,價錢又唔貴,唔明點解上面咁多人等位

今日我公司全體去食lunch…我明明book左係『吸煙區』…點知又安排我地去『非吸煙區』…到之後先知道原來佢地無睇個booking就安排我地入去…有冇搞錯呀…咁我book黎做咩呀…都唔知點做野架…入到去問佢點解會咁…個0個『鐵三角面螳螂頭﹑個妝極濃﹑帶銀色大耳環』專服侍非吸煙區既waitress (阿嬸黎架)居然用d勁唔好語氣同我地講『呢到非吸煙區黎架…食小一日啦』…我地食小一日煙唔緊要，但係唔係用d咁既語氣同埋唔駛佢咁講丫…好心佢一把年紀講野就圓滑d啦…第一日出黎做野呀……之後我有個同事推開張chair差dd撞到佢…0個件野又用d勁差既語氣講『小心呀﹗睇住我隻腳呀﹗』…頂﹗而家又無撞到你…驚咩呀…我地係客黎架…唔好咁講野囉…況且而家又無撞到你…你隻腳又唔係紙扎既…駛唔駛咁講野呀…咁有寶就唔好做啦…返屋企啦…跟著就黑面，服務性行業黎架…黑咩面姐…唔好做囉…都唔知咩服務態度黎架…之後我地就叫人幫我地搬番去『吸煙區』…死角位黎架…叫親人都無人理架……叫沖水叫左九年先有人理你…成餐飯我地淨係沖左一次水咋…我仲聽到隔離檯個女仔仲話『除衫丫…除左可能有人理架』…到埋單…叫佢俾番張單黎…唔知點解無

朋友lunch敍，到此飲茶。一間廣東菜酒樓，叫的點心不外乎：煎腸粉、排骨、牛肉球、鹹水角、蘿蔔絲酥、流沙奶黃飽.........食物款式、味道、服務、酒樓環境都是不過不失的水準。總括一句：普通粵菜酒樓一間！

當樓上潮樓排大隊飲茶之際,這裡還有不少吉枱.環境和招呼都不錯,點心水準一般,不用等位又能坐向海舒服飲茶,對食物水準要求不高的話算是個不錯的選擇.

尋日去飲茶, 招呼極差, 坐左一個鐘先來三碟野, 我地叫左都只係四碟咋! 等左成二十分鐘先來第一碟, 催個waiter 快d佢又吾太理會. 終於頂吾住埋單, 佢先來第四碟, 我咪話要取消, 佢waiter 態度勁惡, 但最後都比我取消! 成間酒樓好似吾休做, 我一定吾會去第二次! 劉德華真係要教教佢地乜野係"今時今日既服務態度"呀!!

今次我係同媽咪同細妹黎飲茶既,黎之前無睇到大家既食評添…我既印象又唔係咁差.食物,環境同服務都不過不失,值得一提既係,我地一致同意呢度既蛋撻仔好好食呀!酥皮鬆化,蛋漿香滑,比起出面一般酒樓好食!

本人於月前在帝廷洒家飲宴,近日在綱上見有刻店評語,覺得有欠公平,公平人講幾句喇,刻店出品尚可,招呼不過不失,無敵大海景,裝修尚豪華,宴會胜地,可能因常有宴會,所以出品比較大路,以上評論似乎公平一D.

今日同屋企人o黎飲茶, 我食珍珠雞的時候食到一條大概2cm長的鐵線。之後個部長就話送糖水以表歉意。我阿媽不甘就此了事。經過一番擾攘, 呢餐當無數。阿媽問經理d點心係咪o係大陸造的, 個經理就強調皇上皇集團的食品係香港製作。希望皇上皇注意製作工序, 以免再發生同類事件。

有朋友在這裡請飲，呢度其實係皇上皇集團的成員，以環境來說係唔錯的，雖然有一邊給星光行擋住，但都算前臨大海景，八點左右仲會全場熄燈方便客人欣賞「幻彩詠香江」，係幾正的，看來係呢度的一大賣點。宴會廳偏窄長，雖然無咩柱位，但台在最前方，坐得後就唯有睇電視。朋友因擺的圍數不夠，所以酒樓間回一地方做晚市，但出入口得一個，在宴會廳的前方，所以不斷有其他客人在席間出出入入，都幾唔方便。菜色方面，乳豬夠晒熱辣辣，唔肥而皮亦卜卜脆，係全晚至有水準的兩味菜之一；瑤柱甫茨汁很多，瑤柱甫亦粒粒有大有細，瑤柱又蒸得唔夠腍，普通左D；釀蟹拑係預期中味道，不過唔夠大隻；西芹帶子珊瑚蚌，一般貨色，勝在夠食；雞絲翅莫講話翅，連雞絲都少，份量亦少，一人都係得大半碗，食左兩食索性唔食，近年來都少有食到咁薄的翅；北菰鮑片原本幾好，但唔知點解成碟野係浸在半碟茨汁﹝真係半碟！有講少無講多！﹞之中，非常誇張同嚇人，食左隻充滿茨汁的北菰後，已不想去吃那些浮沈在茨汁的生菜，係幾唔掂的一味菜；蒸星斑卻是另一道有水準的菜式，火侯剛剛好，魚肉剛離骨亦嫩滑，唔錯；竟然仲有炸子雞，可能因為禽流感的關係，隻雞整得好熟，完全無血水，但卻是涷的，涷的

has anybody tried it before?

Telephone No. is 3422 8628