影片
屋企人非常中意依間帝國會,直頭當依度係飯堂咁,因為佢餸菜選擇多,食物質素又穩定.今日再食一次,都算不過不失啦.粟米豬骨湯,2個餐所以2碗,一碗有粟米有豬骨,另一碗淨係得豬肥膏,偏心喎老細.魚香茄子煲,茄子唔會煮到爛溶溶,味道都幾濃,就算撈飯都覺得咸.不過實在太油膩喇.啫啫雞煲有大量既豬潤,但係唔夠爽,或者煮過火.反而雞食起來嫩滑.配菜都非常入味,依度有某啲餸可以選煲仔或者碟頭上,煲仔就貴啲大份啲,而且感覺上油份都多啲.如果食唔晒咁多野,其實碟頭上都唔錯既.另外請記緊如果堂食搭外賣,要差唔多食完先叫外賣.如果同時叫,伙記唔會分先後落單,堂食/外賣一齊到,食完果陣外賣已經凍晒,返到屋企家人要叮返熱先食得.老闆午飯時間通常在場單身一人食飯,有時會執頭執尾,不過無乜表情.當日食飯嘈到拆天,唔知係咪團體打麻將比賽,先係飯堂玩遊戲分組.老闆全程在場都無阻止,生意難撈呀.
繼續閱讀