影片
招牌菜
星期日經過大埔墟終於買左杯試下！，平時返工前又未開！放工又唔經！所以星期日決心行去試一試！去到有個店長推介我飲呢杯叫左荔枝果粒茶！仲同我講話有埋果肉食！$15杯！之前有飲過街尾果間日出茶太,可能本人好鐘意食荔枝，日出茶太果間就濃縮重,所以一飲就有點反感！我買果陣佢地都爆緊場！好多人！我都等左差唔多10分鐘！其實等果陣有點累,到我杯野飲果陣店長仲送左包紙巾俾我！超貼身服務！佢地環境都幾乾淨！我仲可以見到佢地沖ge過程！好啦！到試味！我一飲就愛上！真係好似食緊荔枝！唔係誇張！真係啖啖肉吸落口！一度飲仲有果種食荔枝喉嚨乾乾地ge感覺！好新鮮！真係令我一試難忘！香港竟然都會有咁好飲ge台式飲品！之前去台灣飲過好多次！論質素論服務香港真係無乜邊間可以去到台灣level！呢間服務質素ok,產品又好！有機會大家真係要試下！我下次會再試佢地ge招牌水果茶！
繼續閱讀
以前覺得台灣飲品始終都係台灣既好飲,香港好多台灣飲品店都係名過其實.但係飲完Mr. Wish既台灣飲品之後就有唔同既睇法!琴晚同女朋友食完飯經過,見到呢間鋪既飲品幾吸引,於是就買杯試下.選擇都幾多,有d難揀..跟住店長就介紹我地飲一杯"台灣鮮橙綠茶".初時聽到都覺得有d怪..心諗橙+綠茶咪會好怪囉咁反正都揀唔到就信店長啦,因為女朋友鍾意有咬口既野,所以我地加埋耶果.當時人唔太多,所以唔洗等好耐就有得飲喇!一飲..wa!估唔同橙同綠茶係可以咁夾!真係好好飲,同埋佢d耶果好多好大粒!店長真係無介紹錯,下次去要再試埋其他飲品!
繼續閱讀
同爸媽飲完茶, 我們先來到大埔辦黠事. 準備出去睇戲之前, 行過大光里一間新開的台茶店. 既然太太嚷著要, 就讓佢買一杯上車飲啦.這一杯, 叫做珍珠撞奶, 看名字, 這就是單純的珍珠粒, 加牛奶. 應該沒有茶既成份. 這一杯珍珠撞奶, 製作完全不費時, 看見店員把大量珍珠放入杯內, 再加奶. 封好杯口才搖兩三下. 不過他們做奶茶始終都係有程序, 點快都要跟單number出. 這杯撞奶, 甜味一般. 飲落極度creamy, 睿是純奶沖, 的確充滿奶味同奶油味. 好飲, 但感覺其珍珠落得太多. Creamy的一杯, 冬日飲, 可能凍了些, 若是夏日飲, 夠凍, 加上creamy口感, 應該會非常好.
繼續閱讀