巷仔見麵館 (將軍澳廣場)

營業中

休息中

外賣完成只放在櫃格內，無人叫號碼叫你取，客人反映問題，收錢阿姐仲寸寸貢叫你自己睇電視上個號碼，咁係咪任人自己取！外賣自助落單系統有問題，問收錢阿姐，佢就一味話人哋都order 到🙄。海南雞飯，外賣漏比漿料（漿汁先係精粹），等於食白切鷄，飯係粒粒散開，完全無黏性，無味，衰過食印度米。

繼續同大家介紹將軍澳新餐廳🙆🏻‍♀️ 推薦一間親民港式地道餐廳 以為平就沒驚喜?🤣 留意以下介紹啦!-🔻🔻🔻🔻🔻✨火山糖醋肉絲麵($55)肉絲份量夠多 糖醋汁是以山楂和梅子調製而成 好開胃! 麵亦都好脆身😋-✨仙氣冰鎮咕嚕肉($68)一出場已經震壓全場😂真的十分吸睛! 原因是咕嚕肉以冰粒覆蓋 碟底加上乾冰粒 製造出仙氣彌漫的場景😂😂 咬下去是冰凍的脆皮 外冷內熱的感覺 酸甜度適中 肉質都軟滑-✨酥皮焗花膠雲吞雞($88)🌟必點推介🌟酥皮鬆化香口 原以為$88不會給很多花膠 誰不知是整整一大塊花膠 裏面還有半隻雞 還有超足料雲吞 都是吃到原隻蝦粒呢🍤-✨頭抽乾炒牛河($50)河粉炒得挺乾身而且入味 牛肉片亦有5-6塊 加上芝麻粒 不錯～-✨椰香咖喱牛腩飯($55)牛腩煮得軟腍 咖喱汁偏辣但充滿椰汁味🥰-✨仙氣雪山六寶冰($46)同樣仙氣十足的甜品呢😍家人們都吃得超高興 牛奶冰綿密 而且超多料包括芋圓 紅豆 湯圓 椰果 蜜桃 雲呢拿雪糕 最推介是芋圓 以這價錢做出這Q彈質素 很不錯呢～🔺🔺🔺🔺🔺🔸環境：懷舊風的裝潢 連碗也是復古的公雞碗呢🔸價錢：真的十分抵吃🤣 平均$50-$80一道菜 推介

巷仔見新開業不久，已經人氣極高，晚市6點已經滿座！全因性價比極高，幾十蚊就有交易，賣相仲要相當IGable，味道仲要有驚喜添！仙氣冰鎮咕嚕肉 $68以冰完全裹覆著咕嚕肉，令外層嘅麥芽糖變成脆脆口感，內層咕嚕肉軟腍入味，加埋酸酸甜甜嘅味道，yummy！原個菠蘿椰香牛腩 $88牛腩索咗菠蘿嘅精華變得更軟腍，咖喱味又夠香，good！鳳爪排骨煲仔飯 $58飯粒分明，充滿瓦煲嘅香味，底層仲要有飯焦添！仙氣雪山八寶冰 $52巨型的甜品，上菜時會吸引全場目光！黑糖珍珠奶茶 香甜幼滑又不會掩蓋茶香味！甜椰椰芒果冰 漂亮嘅漸層，勁椰，滿滿椰香！加雪糕杯 跟餐$2所有主食都可以加兩蚊有一球雪糕，仲要好大球，勁抵食！

趁住難得嘅假期, 大食妹同朋友又行多一步去左位於將軍澳嘅巷仔見麵館打下卡<原個菠蘿椰香咖喱牛腩>巷仔見麵館嘅嘢食真係有抵又有仙氣呢份原個菠蘿椰香咖喱牛腩上枱嘅時候真係超級靚估唔到係呢啲平民小店都食到咁igable嘅嘢食菠蘿椰香咖喱牛腩咖喱嘅咖喱因為加入左椰汁同菠蘿所以食落唔係好辣, 但質感尚算濃厚, 牛腩都好軟淋, 仲有大人細路都好鍾意嘅薯仔<仙氣冰鎮咕嚕肉>呢份仙氣冰鎮咕嚕肉係大食妹推介大家嚟到一定一定一定要食咕嚕肉用冰埋住, 但裏面依然係熱辣辣嘅, 外層因為用冰鎮, 會有一層薄脆嘅外皮味道酸酸甜甜, 炸粉唔會好厚之餘, 豬肉亦肥瘦適中<火山糖醋肉絲麵>火山糖醋肉絲麵麵餅放咗一陣依然脆卜卜, 本身仲擔心火山糖醋肉絲麵會唔會同仙氣冰鎮咕嚕肉撞味好在呢份火山糖醋肉絲麵係偏甜嘅, 小朋友應該會鍾意, 但係會食到變污糟貓<火炙芝士雞扒包>好彩最後大食妹都係決定嗌埋呢份火炙芝士雞扒包唔好睇雞扒包好似好普通, 佢嘅雞扒食落啖啖肉, 裏面仲有靚靚嘅火炙芝士同千島醬, perfect match<脆脆鳳尾蝦多士>雖然食到

依間係最近先開嘅餐廳，都幾多人去排隊食，佢嘅野食都幾平同抵食，令人想同屋企人一齊試下。仙氣冰鎮咕嚕肉係依間餐廳其中一個招牌菜，做得招牌一定有佢過人地方。佢真心對得住佢仙氣嘅名，一上到黎就出曬仙氣，好值得影下相。佢食落都好好味，咕嚕肉食落又凍又熱，外表係凍，而裡面就熱辣辣，口感好正，可以叫佢冰火肉。平時蜜汁多數都係配叉燒，今次試下蜜汁燒豬頸肉，佢同叉燒一樣好味，入口香甜美味， 而且豬頸肉爽口帶油香，係另一番風味。平時出街食嘅乾炒牛河都好油，令人好卻步，但依碟頭抽乾炒牛河唔會炒到好油，但都帶到乾炒牛河嘅好味地方，有鑊氣同夠味，而且都幾乾身，牛肉食落幾淋。櫻花蝦臘味煲仔飯都係好值得一試，好耐冇食過煲仔飯，整體黎講係幾好味。佢嘅飯甘香而口感偏硬，好適合做煲仔飯嘅飯底，配料都好夠味，櫻花蝦同臘腸非常香，配上甜豉油更加有鮮味。講真個句，依個價錢，西蘭花炒青衣球都算幾抵食，佢用嘅青衣球食落唔似平貨，魚肉食落幾彈牙，份量都算幾多，食到一塊塊嘅魚片，肉質唔會鬆散。睇到menu上嘅脆脆鳳尾蝦多士好吸引，而且係屋企好難整到蝦多士，所以就點左依個餸。上到黎就比佢嘅外表吸引，佢嘅底係炸麵包，係新鮮炸好，好鬆軟同

呢間餐廳一直好想試，但每次行過都見到好多人，上星期四終於帶埋屋企人去試啦，果然不負眾望，真係樣樣都有驚喜！我哋嘅策略係先會是晒佢哋嘅十大名菜，第一樣就係冰鎮咕嚕肉，一嚟到的時候大家都嘩咗一聲！每一舊都外脆內軟又Juicy！😍之後就叫咗個乾炒牛河，覺得佢比其他茶餐廳炒得更香更好味！😋再嚟就係姪仔想叫個炸雞扒包，炸雞扒真的好足料，好大塊！姪仔大贊好好味～我哋仲叫咗個椰皇燉湯，好潤好滋味！最後就係叫咗個甜品作結尾，我哋叫咗個八寶冰，呢個一定係個打卡位，因為佢放咗好多乾冰，好似好友仙氣咁～唯一唔好的就係要排隊，等得耐！又冇得派飛仔，不過下次如果有時間的時候，都會再嚟，試埋佢其他的十大名菜！🥰

一直也很想去光顧「巷仔」，奈何閒日收工後沒有太多時間及精力排隊，昨週六晚終於可以早點到(七點左右), 排了大約十五分鐘就可入座。果然不負所望，食品質素高，價錢又合理(難怪常滿座). 不得不推介- 火山糖醋肉絲麵及仙氣冰鎮咕嚕肉，前者麵質爽脆，糖醋汁好開胃；後者皮好爽脆，肉則鬆軟，味道絕對可以及得上其他大型餐舘，但此店只收$68，性價比高。跟友人吃得十分滋味！稍後會再來品嚐其他菜式及甜品。

將軍澳廣場新食力，午餐試食，上星期見佢初開業，大排長龍，已經好想試，但實在太多人，一心已經諗住平日去試， 12點鐘左右去到，已經8成滿坐，手機落單，我鐘意，呢個係提升效率既方法，手機點餐既優點就係可以睇埋食物既相片，更容易令到食客落決定，從入門口個刻開始感覺良好，職員有禮，點了招牌火山糖醋肉絲麵，凍鴛鴦，招牌果然無錯， 賣相吸晴，凍鴛鴦, 糖水分開上, 夠細心，一試，第一感覺係， 有啲酸， 廚房重手咗，整體過得去， 凍鴛鴦 ，出奇好飲仲可以唔使落糖漿，有驚喜! 餐廳用公雞做主題， 呢類設計比較特別 ，亦都係吸引我嘅地方! 會再去試其他食物!