巷仔見麵館 (將軍澳廣場)

營業中

休息中

位置將軍澳廣場尾尾位置，唔係地頭蟲都應該唔會行到咁入🙃。叫左個下午茶，魚旦湯河，加$9多三粒牛丸 連埋紅豆冰埋單$47🙃。入到嚟侍應會視意你坐低，之後就無人理你，唔係自己醒目望見枱有張QR code , 都唔知要自己落單，我隔離靚女係咁揮手都無人理，我忍唔住講，呢度自己落單。落完單無耐上菜，等候時間正常，紅豆冰略厭無乜豆味，我揀少冰，唔知有冇將我變埋少甜。魚旦牛丸爽口彈口，河粉亦都薄滑爽口，但個湯底好差，淡而無味，最後要落晒成包辣椒油，都係得少少味，包辣椒油唔辣🙊但地方寬敞尚算坐得舒服，但未必再有下次🙃🙃

將軍澳的巷仔見麵館，是一間充滿特色的地道小菜館。多款招牌菜式玩味十足，打卡一流，睇得又食得。食物種類繁多，不但適合與家人和朋友聚餐，也適合拍拍照放上社交媒體呃like唷~ 餐廳環境舒適，裝潢充滿地道風味。牆上掛上路牌和鐵閘，四處都有象徵興家成大業的雞公圖案，甚有懷舊情懷。 食物款式多不聲數，湯麵、小菜、煲仔飯、粉麵、小食，連飯後甜品都有，一次滿足你所有的慾望。 而手機落單滿$150，更可享9折優惠呢~ 蜜汁燒豬頸肉 $48 蜜汁只能配叉燒? 才不是呢! 餐廳提供的蜜汁燒豬頸肉，配搭新穎又美味。豬頸肉肉質鬆軟，脂肪含量高，甜甜的滋味，很不錯呀。 原個菠蘿椰香咖喱牛腩 $88 氣派十足的原個菠蘿椰香咖喱牛腩，味道也很好哦! 牛腩大塊，肉質軟腍，咖喱加入椰汁後，別有一番風味。 仙氣冰鎮咕嚕肉 $68 賣相同樣吸引的仙氣冰鎮咕嚕肉，一凍一熱，口感特別。咕嚕肉甜香惹味，由細到大都好喜歡吃呀~ 巷仔無骨海南雞 $88/半隻 $138/全隻 店家招牌的巷仔無骨海南雞，果然名不虛傳! 海南雞嫩滑無比，皮下脂肪不多不少，啫喱狀的脂肪配上滑雞，沾上甜醬油後，吃多碗飯也沒問題。 蜜瓜牛奶冰$78 最後要推介

酥皮焗花膠雲吞雞 $88以為酥皮一定係配龍蝦湯？錯😆中式飯既餐廳都食到酥皮，配雞湯都可以好好味，妹妹對酥皮情有獨鍾，點名要叫呢碟，入面雲吞雖然唔太大粒，但花膠岩曬女仔食～仙氣冰鎮咕嚕肉 $68菜如其名，一上菜以為去左仙境🤣煙霧飄飄令人忍唔住攞手機打個卡。重要的是這咕嚕肉唔係得個靚字，平時最唔鍾意剩係食到炸粉，一咬落去食粉多過食肉既咕嚕肉🤢，呢度完全唔會好難得🥳，做到外脆內軟，如果你想食真正既咕嚕肉，黎呢度就岩曬啦😛餐廳都算多甜品選擇，有芋圓，亦有湯丸糖水，我地叫左豆腐花三色芋圓 $35芋圓都算煙韌，小小提示大家可以食到最後先叫甜品，手機落單關係，點左廚房就以為你而家要上，我地落完單第一樣上既就係甜品😂另外餐廳設有甜品小食亭，叫外賣掃個code，唔洗排隊就可以叫飲品甜品外賣，好方便

我之所以晚上在「新蒲崗」食完「牛腩飯」，再走到「鑽石山」港鐵站，乘坐港鐵來到「將軍澳」站，再趕到「將軍澳廣場」，主要原因是為了想享用茶餐廳「巷仔見麵館」推出的牛奶刨冰甜品「蜜瓜牛奶冰」。我第一次聽聞「巷仔見麵館」作為一間港式茶餐廳食店，廚房竟然有製作感覺類似「韓國」「雪奶冰」，利用甜味牛奶製作成雪花冰，令我很想光顧「巷仔見麵館」，享用「蜜瓜雪花冰」甜品蘆山真面目是怎麼樣。可惜「巷仔見麵館」侍應在我點餐的時候，才告訴我「蜜瓜牛奶冰」很遺憾地已經售罄，究竟「巷仔見麵館」是真的限量發售，一早已經售罄，還是其他技術原因而造不到，恐怕只有食店自己最清楚。不過「巷仔見麵館」作為一間新開張不久的粉麵茶餐廳，明明餐牌已經標明有售「蜜瓜牛奶冰」，卻偏偏很快就已經聲稱售罄和無法供應，食不到「蜜瓜牛奶冰」成為餐廳最令我感到有點失望的地方。既然享用「巷仔見麵館」罕有牛奶刨冰甜品計劃落空，所以我被迫改變計劃，改為享用「巷仔見麵館」其他的食品，包括「咖喱牛腩」跟白飯分開上，份量感覺頗為豐盛的「咖喱牛腩飯」。至於雞肉食品方面，我又在「巷仔見麵館」竟然發現另一款聞所未聞的新食法「無骨海南雞撈麵」食品，底層食材由一般常

小編跟屋企人行街經過將軍澳廣場，發現新開了一間小菜館，玩味十足，大玩fusion，樣樣睇得又食得，值得一試。 🍍原個菠蘿椰香咖哩牛腩$88 👍🏻👍🏻👍🏻/5乾冰襯托住原個菠蘿🍍，賣相突出，打卡一流，咖哩夠香，牛腩入味。🐔酥皮焗花膠雲吞雞$88 👍🏻👍🏻👍🏻/5　酥皮配雲吞雞夠哂創意，用料一足，半隻雞再加大大塊花膠非常重本。🐷蜜汁燒豬頸肉$48 👍🏻👍🏻👍🏻👍🏻/5賣相及味道有點似叉燒，豬頸肉腍身加上蜜汁，開胃好味。🧉原個椰皇燉花膠湯$48 👍🏻👍🏻👍🏻👍🏻/5小編私心推介，原個椰皇一齊燉湯，椰香滿溢，滋潤足料。🍧芋圓紅豆沙湯丸$38 👍🏻👍🏻👍🏻/5🍨薑汁豆腐花湯圓$28 👍🏻👍🏻👍🏻/5甜品款式超多，有牛奶冰又有芋圓，還有傳統經典糖水，想飯後甜品，不需要再四圍找，可以慢慢嘆完先走。

本身毫無期待，只係趕時間想快速食餐茶仔，點知入面嘢食充滿驚喜！😱😱😱😱😱😱當日叫咗嘅嘢食包括：海南雞飯、淨雲吞、豬頸肉，同埋奶茶！海南雞飯都幾出色，用咗雞油飯。個雞湯都好好飲，飲晒想添飲！但估唔到嘅係，呢個豬頸肉🥰係升仙咁好味！好腍身又香口，簡直食唔停口！呢間嘢都算係臥虎藏龍！將軍澳地膽都可以mark低做「恆常之選」啦！如果唔想下下食咁貴又想食高質嘢，都可以推介其他地區朋友試試㗎✅✅

見又新開左間新店於是即刻試下呢個位置其實好似都轉左幾間有日夜晚見好多人排隊無食到，擇左第二日下午去試呀媽叫左碗麵我就叫左個煲仔飯同珍珠奶茶點單係自己用手機掃描落單我淨係記得好鹹好鹹同臘腸係勁細粒珍珠奶茶正正常常 ，不過不失

今晚黎到呢間「巷仔見」諗住試下佢嘅糖水，叫左碗芋圓湯圓紅豆沙。我等左一陣見我後面2個號碼嘅人都拎左，心諗點解仲未叫我嘅，都成15分鐘，個陣又無咩人外賣糖水呀，所以走埋去問收銀，負責糖水個個人先摷返張飛出黎，應該係「飛疊飛」疊住左啦🤬🤬都算數啦，到我拎碗糖水啦，點知裝住糖水嘅外賣袋入面好多紅豆沙，好骯髒，雖然外賣o車，個膠袋唔影響碗糖水，但「痴笠」同骯髒到你唔想拎出黎囉！😒😒即時要職員換個袋比我😞☹️返到屋企打開，$38蚊碗糖水，就係一碗仔入面，2粒湯圓、4粒竽圓、同半碗多d嘅紅豆沙！嘩，真係搵笨！下次唔會幫襯🙄

天氣悶熱又成日天陰陰又落雨，只想食啲凍嘢，但又賴洋洋不想搭車出去食嘢，所以決定在本區食😁今晚見到排隊情況尚可接受，好好彩只排了20分鐘左右就有位！一看menu立即被「仙氣冰鎮咕嚕肉」所吸引，而且加$18已經有姬松茸瘦肉湯及白飯侍應一送上枱，立即好吸睛🥰，仙氣十足，但咕嚕肉仍然保持香脆,感覺好似（冰火二重奏）😆巷仔無骨海南雞飯：沒有什麼驚喜，但也不錯！火炙芝士雞扒包：嘩好件雞扒😍！而且好脆口！我最愛當然是「仙氣雪山六寶冰」，既吸睛又非常好味包括雪糕、仙草、芋圓、紅豆、蜜桃、芝麻湯圓）

【给家附近新开的宝藏小店点个赞】前一阵看到这家店新开，餐牌也很吸引价格也很合理，今天午餐来试试。12点15到店已经满座，还好前面只有一桌等位。几分钟便入座。之前看好了想吃煲仔饭和冰镇咕咾肉。结果手机扫码点单发现煲仔饭咕咾肉都没有，很失望。问了服务员说，煲仔饭有，咕咾肉晚市才有。于是点了招牌樱花虾腊味煲仔饭，芝士炸鸡包和乳鸽。煲仔饭非常足料，米粒粒分明而且很干香，饭底有锅巴，非常优秀，58一份的价格也真没得输。乳鸽38，稍微有点瘦但是肉质细嫩鲜美多汁，非常棒。芝士鸡包上来，巨大份，震惊了。炸鸡比一个大鸡腿的肉还多，炸的颜色略深但外脆里嫩又多汁。42一份性价比非常高。没想到这家店出品如此之好，一定encore来试晚市小菜。服务基本自助，要提醒才给倒水，给碗，饮料也要催。不过看到不收加一的份上，可以接受。主要是菜品太优秀！

今日媽媽唔想煮飯，所以就帶左佢出去附近既商場搵嘢食，見到哩間新開既餐廳食物吸引，價錢相宜，所以就決定入去試下。餐廳座位寬闊，天花板用左公雞碗做燈，都幾特別，而佢餐牌上面既選擇非常多，其中既仙氣系列特別適合打卡📸️🎈火山糖醋肉絲麵 $55肉絲麵成座小山丘咁，無論係麵定係肉絲既份量都好多，麵夠脆身，醬汁酸甜開胃，亦好掛麵。🎈酥皮焗花膠雲吞雞 $88裏面有半隻雞、四粒雲吞同好大塊花膠，夠曬真材實料，花膠軟腍好咬，雞肉亦煮得好腍，好容易就可以拆開嚟食，酥皮有好多層，非常酥脆。🎈原個菠蘿椰香咖喱牛腩 $88原個菠蘿挖空後放入牛腩、薯仔、菠蘿、紅椒同青椒，咖喱味香濃，牛腩炆得好腍。🎈仙氣冰鎮咕嚕肉 $68一上枱已經哇哇聲，因為出曬煙😂大家記得把握時間影相。咕嚕肉外皮鬆脆，冰塊令醬汁保持脆身既狀態，而醬汁酸酸甜甜，肉質軟腍入味，另有新鮮菠蘿同三色椒，好食推介👍🏻🎈仙氣雪山八寶冰 $52又係超岩打卡既甜品！份量勁多，而且配料超豐富，有三色芋圓、椰果、仙草、珍珠、楊桃、湯圓同紅豆，正中仲有牛奶雪花冰同埋雲呢拿雪糕，雪花冰奶味香濃，芋圓有原味、紫薯、番薯三種味道，味道好出，口感煙韌Q彈，雪糕軟滑，好味推介👍

係將軍澳放工，諗唔到食咩，一路行，由將軍澳中心行到將軍澳廣場，搵咗超過15分鐘。😅最好行到將軍澳廣場最尾，見到有間未試過嘅餐廳，就係呢間，不過不失😊招牌冰鎮咕嚕肉，比想像中好😂蝦多士，出奇地好食👍🏻個麵包酥脆、配好彈牙嘅蝦肉😋乾炒牛河，色水夠，味道一般，唔夠惹味😆芝士炸雞飽😎一般啦，少少似脆辣雞腿包😂標榜有芝士但係冇咩芝士味，芥末沙律醬個味就好重珍珠奶茶都可以，不過重奶味多啲，呢個好睇個人口味😊

將軍澳廣場有新餐廳！經過以為係普通食晚飯小菜，估唔到碟碟上枱都擺到好靚，賣相同味道都好有驚喜！🔸仙氣冰鎮咕嚕肉$68一上枱好震撼，乾冰效果仙氣十足，presentation無得輸，個feel好高級😆冰鎮咕嚕肉外皮好脆，新鮮菠蘿仲好爽添！🔸原個菠蘿椰香牛腩$88咖哩香濃，牛腩軟腍，加咗白飯同猴頭菇雞腳湯，老火湯好足料，飲落舒服～🔸火山糖醋肉絲麵$55酸酸甜甜嘅汁配脆卜卜嘅麵，好開胃。另外加咗杯冰鎮奶茶，奶茶香濃幼滑。🔸脆脆鳳尾蝦多士$34原隻鳳尾蝦爽口彈牙，下面嘅多士炸得酥脆，食落好香口。🔸仙氣雪山八寶冰$52餐廳仲有唔少甜品揀，試咗仙氣雪山八寶冰，係仙草牛奶冰加8款配料，有黑糖珍珠、湯圓、三色芋圓、仙草、紅豆、椰果、蜜桃同雪糕，真係一次過滿足晒所有願望，食完超級滿足！親民價食到高級菜嘅感覺，性價比極高！餐廳仲有好多菜式選擇，打算下次帶埋成家人嚟試其他嘢😋等媽媽都可以一齊打卡😆

見最近將軍澳廣場開咗間新餐廳 決定同屋企人試吓😝 我大約下午兩、三點去 比較多人 要排隊🙆🏻‍♀️ 餐廳天花用咗公雞碗製成嘅燈 我覺得幾有特色 同帶啲懷舊情懷😘 我哋四個人都食咗唔少嘢🤓櫻花蝦臘味煲仔飯 $58煲仔飯寫住大概要10至15分鐘嘅準備時間 一開煲仔飯就會聞到好大浸櫻花蝦味 亦都見到鋪滿晒櫻花蝦、臘腸碎粒同芋頭粒粒🤤 將所有材料切碎 幾好👍🏻 加埋煲仔飯豉油一齊食 好似變咗個煲仔炒飯咁😛 俾小朋友食都啱🤓煲仔飯煲底仲有少少飯焦 總括來講 呢個煲仔飯幾惹味又足料😚地道鮮蝦雲吞湯麵 (轉撈麵) $38+6依家都比較少見到粉麵店喺大型商場入邊所以就叫咗碗雲吞撈麵🍜 雲吞有五粒 正常size 皮薄都多餡🦐 面底嘅份量都好多 另外會配大地魚湯同蠔油做撈麵巷仔無骨海南雞飯 $68海南雞飯整體來講都幾大份🐥 雞件份量多而且冇骨 佢個飯比較特別 一般海南雞飯係雞油飯 但係佢用咗椰奶煮 好香椰子味🥥 撈雞食就幾新穎 又唔會話好油膩咁😗火炙芝士雞扒包 $42雞扒包係佢哋餐廳嘅招牌菜之一 好大個包🥖 佢有一層芥辣醬 下層就有火炙芝士 芝士經火燒後就特別香 雞扒厚身 雞皮位都好香😆仙氣雪山八寶冰 $5

去到餐廳見有手機落單就scan左個qr code買左2盒飯 等左超過40分鐘！！！未試過等咁耐外賣 等得耐都算，員工態度差到爆等左半個鐘問左1次 話未有 再等多10分鐘真係唔想再等落去 真係唔知要等到幾時😀可能等到入面啲人食哂都未有cls跟住就話要cut單 有個啊姨員工話就有就有又話1分鐘又話2分鐘🙃又話整緊又拎緊出嚟咁我就堅持話要cut單 佢話「下 冇得cut單喎 因為你係app俾錢」下？我真係黑人問號個員工係態度極差 唔俾人cut單將件事拖到外賣拎出黎為止就係上面呢盒漩風蛋包豬扒飯加一盒海南雞飯等左超過40分鐘😀先唔講係app睇到張相同呢個既差別有幾大！味道真係好一般 豬扒係鞋既 飯炒過但偏咸海南雞飯就雞同飯分開雞既賣相就有目共睹😀😀😀😀總之就極唔推介！！！！有得揀真係唔好呢間野🤦🏻‍♀️不知所謂