巴黎麵包餅屋 (已結業)

它的菠蘿包扎實又抵吃都是($2.5)一個!不會似其他麵包鋪好輕手~因為我吃過好多間先覺得這間好~建議一日內吃完!我是台灣人職業西餅師父所以在香港這間的包~正阿~~

一心想去試下呢度D apple crumble, brownie, muffin.去到時已開始覺得唔係咁對路，因為之前食家們所講既全部都無，只係得番ｄ好普通既包，望下個店門口既招牌，唔同左名既??一問之下，原來已轉讓左!但山長水遠黎到，咩都唔買咪好對唔住自己，見有ｄ芝麻脆麵包條，有７,8條倒啦，一於試試，都唔錯喎，幾鬆脆，唔會硬到咬崩牙咁，味道咸咸地，ok la!

呢個蛋白蛋糕一般啦, 只係$3, 少少太甜既感覺,口感一般, 好多碎, 不過整體都唔差既!

10點左右,去勝香園之前,黎左呢度掃餅;旦撻$2---旦漿超滑!曲奇撻皮亦頗鬆化.apple crumble $5/3件--- 細細個,不太甜,吾錯!菠蘿飽$5/3個---呢間d麵包算系above average,唯蘿菠皮不夠脆!呑拿魚飽$5/3個---一般啦!藍莓餅$4藍莓muffin $4---兩款都系酒店級水準!而且十分多blueberry,值得推介!cheesecake$8---呢個最吾得, 太硬!好似食緊成舊cheese咁!

$5/3個牛角包, 都幾鬆脆, 好香牛油味, 不過空心左d,size唔會好細, 所以$5/3 個都好平!! 食得過

$5/3 個迷你蘋果批仔, 好抵呀真係, 老闆娘真係好好人架, 佢賣淨4個就比埋我, 食落仲暖暖o地o架, 連媽咪都話好味道!

$8 一細舊諗住試試,um... 芝士味唔夠, 但係又好漏...上面o既藍莓醬多多少少會好d

呢間bakery好特別, 係同區街坊版o既das gute!有好多平價麵包舖冇o既野!cheese cake, muffin, brownie, apple crumble...etc仲有pizza hut普通size o既pizza都係$40!!!我試o左個blueberry crumble! $4 jer, 好平呀~味道都唔差, 下次再試下其他先!

呢間麵包舖剛開張時幫趁過佢個朱古力muffin 同brownie. 價錢好平,兩樣加埋都唔駛$10. 個muffin其實似杯戟多d, 較實, 味道方面有d奇怪-- 唔知佢用乜油黎搓麵團, 因為我食到KFC炸雞o既雞油味?! 呢個麻麻!而brownie呢, 亦都唔似brownie, 反而似chocolate pound cake, 好濃朱古力味, 而且無一般brownie咁漏, 當蛋糕食, 呢個唔錯!

佢一開果時已經食過佢啲brownie、apple crumble、muffin，$4件，幾有水準，正宗得嚟有少少本地化，可是最近佢因為好似轉咗師傳，製出嚟既效果比之前爭啲，但值得推介

尋日食完蛇，仲未夠兩點鐘，我堅持行路返公司。行經水坑口街，當然要去買下六合彩。在途中聞到炭燒的味道，仲以為自己聞錯，原來真有其「炭」。味道是在一間麵包舖傳來，佢將炭放在一個麵包盤裡，再放個燒烤網來烘雞翼，說是烘而不是燒，因為炭非明火，只是用燒紅了的炭在烘。麵包舖賣埋炭燒雞翼，都係第一次見！佢名為瑞士雞翼，賣5蚊一隻，9 蚊兩隻，係用竹枝穿住雞全翼來燒，幾平。買左兩隻，我當然表演當街食雞翼的絕技，同事就無我咁顛，一於包到返公司至食。雞翼皮不算脆，可能因為不是明火燒的關係。瑞士汁似甜鹵水汁，我估是支裝的。熱辣辣的味道不錯，同事那隻拿返公司味道就差了多少，始終是趁熱吃好，但就要如我般不顧儀態。味道不錯又幾平，有興趣又經過的可以一試。