巴西燒烤餐廳 (已結業)

男朋友貪呢度抵食，於是一齊黎左。個地址寫銅鑼灣，但其實係天后落近好多，好在男朋友識路。熱食唔其望會好，但冇諗過咁唔掂。牛同豬都冇味，黑椒味唔夠，炒飯又係好淡，粟米魚粉漿過厚，完全唔得，坐左咁耐都唔見佢ｒｅｆｉｌｌ。燒烤始終係主角，食左司華力腸，牛扒，雞扒，豬頸肉，燒春雞，排骨，雞翼，火腿扒，蜜糖腸，粟米腸，芝士腸，最好係雞翼同芝士腸，但感覺都唔似燒烤，冇炭香味，似係用個大爐煎熟咁，好失望。甜品方面，個芝麻雪糕叫最正常，夠濃味，似食緊凍芝麻糊。蛋糕就千其唔好食，仲衰過超市買到果ｄ。黎呢度求填飽個肚就ｏｋ，但唔好期望會好食。

24/10等個friend 開完會都九點七, 於是走左去食巴西燒烤食宵夜.基本上都沒有特別食物選擇, 只是一般燒烤食品與熱食. 燒烤食品有燒豬脛肉, 燒火腿, 燒雞扒, 燒雞腎, 燒牛肉, 燒菠蘿, 燒香蕉和燒粟米等等.熱食有咖哩雞, 炸魚柳, 西蘭花, 豬肉, 炒麫和炒飯等等.其甜品尚可接受.比較好吃的是班戟及即叫即煮的炒粉, 身兼老闆和班戟師傅的他對客人十分友善. 唯待應的態度尚有改善空間.

上次因就腳去左巴西燒烤食，去到之後就隨地見到幾隻蟑螂屍，亦有好多小昆蟲。而野食方面o個d lunch buffet 好多野都唔夠熱。嚇得我不敢再去...

2007年9月1号己經換左厨房D人啦.

第一次到這餐廳，感覺不錯！環境不是太豪華但可令人放下日常的緊張心情。那些菲律賓歌手應記一功，他們的存在為正在進餐的客人增添一份度假感。自助餐食材方面比一般，就個人口味而言，我最喜歡他們的什果沙律和PASTA沙律。至於主食材方面，真的值得一贊！他們的廚師處理得那些烤肉極好，味道十分美味和有許多不同類型並且供應頻率也很高。品嘗了的烤肉有; CHEESE辣肉腸，羊脾，叉燒，牛仔骨，春雞，肉眼排，鴨胸，燒排骨雖然在埋單時某些主食材已經開始重複，但基本上已經八成飽了。最後選擇吃了抹茶乳酪蛋糕，檸檬派作為甜品。非常滿足地離開！將來肯定會再來。三個大人，一個細路，一個充滿歡樂(和肚滿腸肥)的晚上。。總值380個大洋！後話：要了4 X 任喝飲品，每位16個大洋。但事實上或許可以叫1 X 任喝飲品(唔驚唔乾淨的話)，反正服務員不斷再充填啦！呵呵！

今日同男朋友慶祝生日尼左呢度食氣氛不錯~ 又有兩個唔知唱咩話ge人彈吉他~９８蚊加一入到去　見到有多好橙同西瓜同埋熟食～ｄ熟食味道非常一般　冇咩興趣　唔建議大家食不過湯都幾好來ｄ度食　重點當然係燒烤-v-!ｄ烤肉好好味　尼得好快可能因為７點左右比較少人我食左西冷牛　牛仔骨　鴨胸　排骨　豬頸肉　雞扒　燒雞翼　紅腸　羊比　火腿扒豬仔比　番薯　粟米　雞比菇以上好多都係重覆尼左2-3次　而且佢拎尼我唔係樣樣都食可見尼得好快而且調味好有燒烤風味好正生熟岩岩好正正正燒烤果d我食左ge樣樣都好味!!!但太快了食左1個鐘已經飽左8成-_-好飽!!食個芝麻雪糕就夠晒我地叫左蘋果汁同汽水但佢不停refill..有時其實飲到頂唔順但一另咩面佢又同我fill返滿..撐住個肚走~幾滿意結賬$256

我一定要去維園巴西燒烤現在食物很好食了 中午與客吃飯，我一定要去維園巴西燒烤，現在食物很好食了，是有人燒埋俾自己食，佢會用一隻大鐵叉燒好一排食物，問你要唔要咁，要就拎一件或切一塊俾你。維園呢間在游泳池旁，收費不貴，傾計最適宜，普通自助午餐$38，連巴西燒烤的話收費好像是$68。食物有多元化，炒飯, 面, 菜, 中式西式各一點，餐廳主打的巴西燒烤算不錯，我試了火腿扒，雞翼，菠蘿，雞腿菇，豬肋骨。帶我去的是老客人，還會叫廚子燒自己愛吃的，懶得自己動手開爐，這樣吃一餐算不錯。

剛剛要見下幾個耐無見既朋友仔,又想坐耐些少,所以就提議來這裡.9:30入坐,發覺生意真係麻麻,成間舖一半以上是空的.食物方面,熱盤是ok的,食得入口,冷盤就不提也罷.燒烤食品來得較疏.今次發覺,烤肉並不是這間餐廳最好吃的東西,最好吃的竟然是雞脾菇和菠蘿.而其他的例如腸,感覺是烚完拿去燒的出品,感覺不太好,沒有一樣食物是我覺得要食多一次的.另外,這裡的甜品我給的評級是「恐怖」評級,不提了(雪榚除外,是好食的)服務方面......基本上是沒有的,也不是態度差,因為根本上就沒有機會接觸到呀~~~~甚少見到侍應在我眼前行過~食完第一輪時,差點想自己收碟.p.s.出面有一露天的地方,如果有廿幾三十人來,簡直就像包了場一樣,如果多人都可以來這裡搞聚會.(剛剛就是見到有好多年青人在這裡搞聚餐,連遊戲都玩埋,都係好high)

成日聽朋友講巴西燒烤唔掂，燒得又唔好食，寧願自己燒！但上星期跟男友去食，發覺又不是這一回事，而且仲覺得服務不俗，食物雖不算十分出色，但也好味，尤其是廚師手捧到每枱客人面前任取的串燒。是晚吃了金沙骨、火雞腎、叉燒、司華力腸、菠蘿、粟米、牛仔骨、羊脾等，當然還有熱葷、冷盤等數10 款菜式，埋單只是$130 (連任飲計)，十分豐富呢！

昨日(星期日)到銅鑼灣巴西燒烤餐廳食$58 燒烤自助午餐. 服務上, 侍應完全唔識做野, 比左任飲汽水優惠劵, 唔會問你要咩, 行左去就算. 之後叫佢埋番黎, 佢就扮睇唔到, 乜野世界!? 不過要汽水如果你想冇免費任飲優惠劵就建議唔好加錢要啦, 可樂似溝左水咁, 無味= =" 食物上, 熱盤叫還可以, 冷盤就真係要改善下, 好似一般自助餐常見既火腿變味問題. 本來食完一碟佢會走黎換碟, 侍應完又全唔識做, 咁點拎野!? 算吧, 自己走去拎過隻碟. 但係收都唔收d 碟就真係幾有問題. 燒烤食物方面, 味道除左部份肉類方面之外, 其他真係唔係好得. $58 好似幾抵食咁, 其實你食過後你會諗去食快餐可能仲好. 不過$58 e 個價錢, 食自助韓燒會好好多.侍應已經唔多, 仲唔識做野, 加上態度又唔係好, 我諗餐廳方面應再培訓一下自己d 員工.

尋日無啦啦好想食cheaop cheap既buffet...就係咁去左呢到喇...其實我事前都同男朋友講呢到d service係好差ga~不過入到去...又唔覺呀...其實唔知係唔係多人同少人既分別啦...收碟都幾快呀...野食同野飲都fill得到好快...不過係果d拎住d燒物問客人要唔要果d既態度串少少啦...不過對我唻講...其實係可以接受呀...

個度d人不知所為,我地成二十幾個大人,兩個小朋友,一個二歲,一個三歲,佢竟然話要收個兩個細路錢,但根本有一個未到高度,佢仲鬼死咁寸,又冇禮貌,有個肥佬係部長,佢d禮貌特別差,叫佢換碟,佢冇反應,d野食又黎我地張枱同佢講佢都係冇反應,我真係勁嬲...之後我有個朋友話佢知多一個人,佢竟然同我地講,你地仲有半個鐘喎,我更加嬲,因為佢個度係唔多人,我之前去尖沙咀都冇咁差,真係唔知點解佢仲未執...我以後都一定唔會再去!

今晚約左班舊同事食飯慶祝其中一個人生日! 以為之前D comments 都ok! 所以決定黎呢度食! 點知簡直一肚氣!食物方面, 百零蚊我唔期望太高!! 還可以吧!最大問題係侍應態度簡直匪義所思!! 由開始食已見waiter 面黑黑! 佢\地$98 per head, drink 另計, 但可refill! 最初一位waitress 己confirm 如order 了orange juice 的可refill apple juice, 當叫一位waiter 幫我地refill 既時候, 佢\話唔得, 我地就講返先前waitress confirm 左ok 既! 呢位waiter 好不客氣地話“你地要既咪比你囉!!”然後又係o個個waitress, 佢\同我地講, 你地有兩位朋友未黎牙? 但係你地個booking 係7 點到9點wor! 依家已經......咁我地最多比你去到9點半架咋! 係呀, 一早己經講左你地知得兩個鐘! 已經比你地多左到9點半!! 當時因為有2個朋友開會走唔到,所以先至等佢\地到8點幾! 當然, 我地知道理係餐\廳o岩既! 但當時全間餐\廳起碼仲有一半位無人座! 點

9 January 2007 (Tue) - 晩飯我一向對呢度麻麻，因為我覺得嘢BBQ既嘢食其實都唔太多，而佢擺出黎既buffet又唔係特別好食，係佢有人攞出黎嗰啲就好食好多，不過唔太密！我個friend話佢未黎過巴西燒烤食，好想黎食，食完之後仲覺得好正，佢話因為可以喺室外食煙．．．我諗呢度既生意一定比以前好，因為自從好多食市冇得食煙後，呢啲有得室外食煙既食市就深受煙民歡迎！食物都係燒烤物好食，大部份都唔錯，但係入面擺出黎嗰啲就真係麻麻，只有雪糕我係會食！不過環境都算幾有情調，所以都OK啦overall！

上星期日老公放公之後, 我同佢去左呢間巴西燒烤! (因為之前聽過尖沙咀果間既劣評, 所以唔敢去果間, 哈哈!!)我地之前已經book左, 所以一到9:30pm就有位喇!! 我地食左好多肉, d waiters/waitresses都行左好多次, 拎好多唔同野食行黎問我地要唔要, 好好!! 雖然出面的食物不是太吸引, 壽司都唔好食, 但係基本上我地唔使點行出去, 坐係個位已經可以食到飽一飽!! 對於喜歡吃肉的人應該係最好~! 我最鍾意食豬仔脾, 好好味~~! 老公對豬頸肉情有獨鍾~!! 哈哈, 仲有肉眼扒, 金沙骨, 羊扒, 等等. 比較失望既係菠蘿扒, 紅腸, 出面d蛋糕!! 但係佢d糕點同埋雪糕都好好架~我叫左一杯果汁先生, $20, refill左4次, 哈哈, 都好抵丫!! 仲有兩個人唱歌, 好攪笑架!we have paid a total of $58+$58+$20 再加一