影片
以上資料只供參考, 請與餐廳確認詳情
食物十分美味茄薯湯很好喝花雕蝦好彈牙白切鷄勁嫩滑蒸元貝超惹味炸大蠔very juicy服務非常親切多得朋友介紹老細老闆娘好好人希望大家多多支持絕對用心做的街坊小店
繼續閱讀
小弟今日接左臨時救更，出左去石硤尾白田工作本身計劃好食肥哥車仔麵，可惜太早收舖了！正所謂，人算不如天算，唯有邊工作，邊留意附近舖頭睇睇有咩好食！小弟睇中巧巧食，並愛上手撕雞飯老闆娘好好人，果日只收我60元多薑蓉，又有辣菜甫，最緊要雞夠滑份量夠多，食完好飽肚！仲送上一碗西洋菜湯，真係暖入心，好正越夜越多人幫襯，眼見其他人都三五知己食煲飲啤酒暢快一餐，小弟都好想是其中一人不過並不是其他舖頭不好吃隔離舖頭有好多人叫烤牛肉....奈何小弟真的太飽！希望有機會再返黎食過
繼續閱讀
今日去附近上堂，見冇乜人唔使排長龍就試下無骨海南雞飯啦，嘩，碗飯黎到放低，食雞無數嘅我一睇就知係正宗清遠雞，雞肉又白又滑，賣相靚，D雞胸肉重雕花㗎，自製嘅特色香料醬味道少少辣，送雞好開胃，連生菜同蔥油都香甜過人，只賣$55送埋碗住家蕃茄薯仔瘦肉湯，兩夫婦店主親切好人，從來唔寫字既我都要寫番篇食評比過like 佢呀，點解呢度冇人比過笑臉佢架？佢重有其他嘢食，下次一定要試吓，你地唔好講比咁多人知呀，我唔想以後要排隊呀🤪
繼續閱讀
老闆好好人，老闆娘好好傾，價錢非常平，食物夠晒飽又好味!雞湯好夠味，無味精，全雞湯好多食物揀，有清遠雞，手撕雞，老水野，水餃，無骨豬手，海南雞，豬頸水值得支持!
繼續閱讀
早幾日發現石硤尾又開咗間小店，噙日第一次試佢嘅紅麴鹵味！點咗豬耳、鴨腎、雞翼.鹵味汁香而不咸，鴨腎好唸，今日又去試清遠雞飯都好好食，食得出佢哋嘅用心，老闆同老闆娘都好好人！重叫我下次試佢嘅水餃添！
繼續閱讀