川陞餃店 (米線) (已結業)

每個星期送細女去紅磡工業區學唱歌前搵午餐食，連勇記都食埋。今日再嘗試發掘新食店，行入紅磡廣場，見到呢間新開既餃子店，身為餃子fans點可以唔去試下。但係坐低先發現原來米線先係主角。我叫左招牌2號米線酸辣湯底。d三層腩肉同豬腸好淋好入味，好好食。酸辣湯底我叫微辣，酸辣均衡！成碗清曬！韭菜餃好好食，好大隻，我個人覺得可以同逸東、美味比拼！當然，清湯底係無呢兩間既特製魚湯底咁出色！炸雞翅好大隻，覺得係用南乳醃過！入味好食！特色推介，話梅浸車厘茄，去左皮，話梅味道入曬車厘茄，好refresh，食完辣嘢食呢個好舒服！