川陞餃店 (米線) (已結業)

一間普通米線店,SET 每人分單$45 帶住小朋友食 ,想要碗仔SHARE ,最初出面樓面姐姐話叫我等陣行左去廚房個邊,跟住廚房有個男人伸個頭出嚟話我地無碗, 叫我等陣個位樓面姐姐知道有,不過要問準先可以比?! 笑左...我地住係附近,好老實, 上手個肥姐姐餃子+米線相對好食,價錢合理,態度好好,  依家呢間接手, 食物晤算特別, 味道不突出,跟報章介紹不附,  但價錢高, 睇佢可以捱到幾耐 紅磡餃子米線店係仲有其它好選擇架

作為米線控，平時都好鐘意周圍搵啲高質既米線小店試下🥰今次就去左位於紅磡廣場的一間小店，環境唔算大但乾淨企理，餐廳主打3款米線，三牛/三豬/炸雞球，想自己揀配料自選米線都得食辣既朋友必試麻辣同酸辣兩款湯底🌶️麻辣湯係自家炒花椒製作而成，不含花椒油同無落味精😍酸辣湯底加入大量酸菜同肉碎夠酸夠辣👍🏻🐮招牌三牛米線 $60鐘意食牛既朋友仔要試下👍🏻三牛包括牛丸、牛肋條同金錢肚，全部自家醃製☺️米線煮得剛剛好同湯底好夾，牛丸彈牙爽口，牛肋條軟諗入味，金錢肚有咬口，入面仲有啲鮮腐竹、雲耳、韭菜、芽菜等等，大滿足🍜川陞小鍋米線 $29起自選米線多達30款配料選擇，今次揀左豬潤、蘿蔔，店主特別推介佢地既豬潤，處理得好好，爽脆淋滑無腥味，蘿蔔清甜好滋味除咗米線，餐廳的自家製餃子都好有特色🥟可揀湯/煎，$36-$42有6隻今次揀左手包花甲蟲草花竹笙餃同手包鴛鴦元貝餃，一咬裏面湯汁爆出黎，餡料好足料，小編比較鐘意煎餃，外皮香脆口感更好🤓另外仲有川辣沙葛木耳芫荽餃同韭菜餃，下次有機會試下先😋🐥脆炸麻乳大雞中翼大大隻炸至金黃色澤，皮脆肉嫩，食既時候帶鹹香♥️飲品方面除左紙包同樽裝飲品仲有自家製作桂圓薏米水同黑糖桃膠雪

住附近行過幾次都閂左門試唔到，咁岩呢排見到food blogger都有介紹，星期六就兩個人專登過去食lunch店內有個姨姨好友善招呼我哋自己坐低同埋畫紙仔叫野食見到點餐紙寫住人均最低消費$45本來諗住一張紙寫晒都超過$90交左單俾個男人佢話：寫埋一張紙唔知你地要點叫，兩個人就要分兩張紙，每位最低消費$45豬腩肉萵筍酸辣小窩米線（小辣）米線份量正常偏彈牙，湯底都夠味，夠酸夠辣豬腩肉好食夠淋既萵筍有陣放左好耐既酸up味，唔係新鮮爽甜花甲蟲草花竹笙餃湯底清清都甜既但係餃子唔係鬆拋拋一係就穿窿明顯會食到竹笙，男朋友話蟲草花冇咬口，唔望就咁食唔出，花甲有小小沙。桂圓薏米水唔太甜 飲落都覺得俾足材料既 份量就唔算多，水同材料一半半後面有個媽媽拖住7-8歲小朋友，個男人話小朋友唔食都要收番$45低消；媽媽聽到覺得唔合理即刻走 個男人行番入廚房仲口upup話人覺得貴唔食。另外仲有一枱媽媽帶住兩個小朋友，媽媽同男人講呀妹得3-4歲邊食到一碗，個男人好勉為其難表示當兩個小朋友係一個人頭咁收，大大聲話唔會提供碗仔架俾佢地。紅磡廣場附近有好多比佢地好食既米線同餃子，如果態度照舊真係趕客，外賣錢都唔想俾佢賺。

由於在紅磡工作，之前都去幫襯過，一直無恙。 最近再去突然說不可以2人填一張落單紙，要分開填而且要每人最低消費45元。我們都很驚訝一家食米線都要設最低消費， 簡直荒謬！ 都算，我們照店員意思分開填，每人都過$45。 一人一客餃子，點了一碗米線打算兩個人share 一碗。 問男店員拿碗仔， 他居然說不能給碗仔，已經無碗仔了， 只能給一只細細的醬油碟仔， 我和同事非常驚訝服務態度可以如此刻意惡劣，刻意去為難客人， 我就不相信有女人帶小孩去食你不提供碗仔。簡直趕客， 以後都不會去的， 建議大家可去別家的， 餃子米線四處都是，不用貼錢買難受。

叫竹生+牛丸得兩條兩粒仲要12蚊一款……..食譚仔仲好又唔係特別好食….米線勁淋果然社交媒體網站有廣告既都信唔過湯底又好一般…..見人地食炸雞完全唔係社交媒體網站 foodies 個回事 勁伏唔會再食

由餃子到炸雞球嘅醬汁都係自家製🔥非常用心米線主打麻辣同酸辣兩款湯底🌶️麻辣湯係自家炒花椒製作而成不含花椒油同無落味精 個麻味係愈食愈有🤤另一款酸辣湯底亦有驚喜 非常多酸菜😍湯底夠酸夠辣👍🏻米線彈牙 好岩口味😋餸方面有配搭好嘅三豬或三牛三豬有大腸、紅燒腩肉同貢丸腩肉炆得軟腍 貢丸比坊間彈牙同大粒 豬腸好腍身👍🏻另一款炸雞球都好正 外脆內juicy 高質🤤店家嘅餃子都係自家包製 隻隻大大粒有自創款式 推薦煎鴛鴦元貝餃🥟一咬落去爆汁架🤤炸雞翼亦飽滿大大隻～飲品可以試桂圓薏米水 唔太甜好足料仲有黑糖冬瓜茶都係自家製

見OpenRice + 社交媒體網站group既評語都幾好，打算去試下，支持小店。Menu有3款餃子，本身想試C款（自己圈係紙），但負責人收order紙既時候話C款已經賣晒。咁我話唔緊要啦，轉A款，我下次有機會再試C款啦（佢幫我圈左）。點知黎到，係黎左B款。我有出去同佢confirm係A定B款，另一位負責任就拎返我地張order紙話：「你地自己圈B款架喎！」我試食左一啖後，話：「唔緊要啦，呢款我都ok。」跟住接下來黎，就係本身幫我收order紙既負責人瘋狂比說話我聽。佢係廚房位置不斷話：「佢真係話食B架，佢都痴線，我真係冇聽錯囉，佢都癲癲地……」我認為身為一間食肆負責人，任何情況都唔應該係客人範圍內，直接話/鬧？同埋我其實一直禮貌都好好，我一直都話唔緊要😐我唔知點解要無啦啦受呢啲氣。我覺得委屈，想同佢澄清番，點知佢都係繼續一直講呢啲說話。最後佢用勁大聲勁惡既語氣，直接請我地離開，我地都覺得冇必要留低食，所以食評方面就冇了。

值得推介嘅一間小店，招牌三牛米線和招牌三豬米線足料，無味精湯底超正，連湯都可以飲哂，一定要試特色手包餃子，我食煎手包鴛鴦元貝🥟和川辣沙葛木耳芫荽🥟，兩款🥟一咬落好juicy，湯汁流哂出嚟，下次要試埋其他款式。

叫左六隻餃子，由落單12:45等到13:20先有得食，中間追左4-5次都話整緊⋯速度慢都算，餃子一夾就爛，又唔好食，同區有幾間仲做得好過佢九條街本身諗住再試下佢啲米線，依家唔會再試👎🏿

食食下先記得影相，個炸雞夠脆，雞醬都係第一次食，酸酸辣辣，點埋個醬食一啲都唔溜！元貝餃好味，個皮唔算太厚！豬膶爽口，麵夠彈牙！師傅話湯無味精唔怕飲🤣整體來講，可以再食👍🏻

咁岩經開紅磡廣場呢頭都見到幾多人食咁就入去試下個三牛米線麻中辣正wor 唔會死麻不過可以再辣d米線又唔似某連鎖煮到勁淋岩曬我口味 淋同爽中間我仲加左金菇 浸埋啲湯一齊食好入味冬瓜茶老細話係自己整咁又試下啦又幾好飲wor 岩我唔鐘意咁甜仲有埋冬瓜蓉 真係真材實料👍🏻今次自己一個人食 食唔到咁多下次再encore餃子🥟 見到有元貝餃好似幾特別呢間是有質素既米線餃店我會再支持加油💪🏻 支持有質素小店👍🏻👍🏻

今晚係紅磡見完客收工同另外兩位同事，走咗去紅磡廣場一間好特別嘅餃子店【川陞餃子米線】，雖然佢係一間餃子米線店，但係因為大家都唔係好肚餓，所以今次主要食餃子就夠啦，大家坐低之後叫咗花甲蟲草花竹笙煎餃，鴛鴦元貝餃同川辣沙葛木耳芫荽湯餃再加多一碟麻乳雞翼，佢啲餃子款式同材料都未必好多地方有，算係幾特別，而且湯餃子個湯底好香好正，煎餃子又唔會煎到過哂火喉，但又金香同脆，黎跟都仲要去紅磡，所以下次去試吓食米線。

試新嘢，去咗紅磡廣場 #川陞餃店兩位負責人好有禮貌，地方雖小，但整潔舒適，第一印象良好。叫咗個招牌豬三寶米線，有紅燒腩肉，豬大腸，同埋貢丸，湯要酸辣微辣。一嚟到已經覺得好吸引，腩肉厚切，入口即溶，貢丸大大粒有香菇味，豬大腸處理得好乾淨，唔會太肥。米線即煮有咬口，唔會過淋，湯辣度適中，有少少麻。自己鍾意酸啲，如果可以揀酸度，就完美喇。非常有誠意嘅小店，食物質素高，值得再幫襯。

紅磡廣場好食嘅，唔係太多除左間coffee shop小店，另一間似樣少少高係佢。而個鋪位成日都換。見到有心，又幾好食嘅店，引唔住打個好評，希望長做長有啦。我入到去，店舖超乾淨，見職員時不時清潔。而佢嘅食物都幾有心機，有幾款手包嘅餃子。今次就試咗，一個手包花甲蟲草花竹笙餃。真係少見出面有用海鮮包嘅水餃。另外想讚嘅一個重點係個湯，出奇嘅好飲，幾鮮，咁咁重味，好自然會諗有冇落精味架⋯⋯點之老闆好主動同我講，放心飲，冇味精架。厲害👍最後我仲飲左個手作黑糖冬瓜茶，幾滋潤！而且真係真材實料，飲落去有少少冬瓜蓉

經過紅磡廣場見有間新開嘅米線舖就入去試吓。員工好有禮貌介紹張點餸紙比我，我揀咗至愛嘅豬腸、金錢肚、魚腐，仲有比較少見嘅萵筍，酸辣少辣。米線嚟到個賣相已經好得，魚腐為保持香囗分開上好有heart👍🏻豬腸金錢肚鹵得好入味，䈑筍新鮮😋米線好彈牙，不錯不錯👏🏻舖頭好乾淨，食得安心。下次要試麻辣同佢啲餃子😋