川長 (已結業)

上次個時仲係熱天食緊涼皮涼麵，依家凍咗有熱辣辣嘅酸辣粉食🤩⭐ 酸辣粉（一大辣，一小辣）$28⭐味道：8.5/10👧🏿 👦🏻: 個粉拎到返屋企薯粉吸哂湯汁，平時呢個情況都預咗薯粉浸到淋曬又咸.. 點知食落去依然有咬口，重點兩個辣度都唔會咸！酸度剛好，湯底夠麻夠辣，真心係我哋杯茶🤤😍加埋足料嘅肉碎、酸豆角，炸豌豆好滿足🙌🏻✌🏻⭐麻辣牛𦟌（小辣）$45⭐味道：7/10👧🏿👦🏻: 厚厚嘅牛𦟌牛味出，滷水味夠入味，唔會比辣蓋過！重點係叫小辣都一樣夠麻！⭐涼拌皮蛋（小辣）$20⭐味道：7/10👧🏿👦🏻: 皮蛋嘅辣汁香口又唔會搶咗主角風頭。一貫作風，夠麻！⭐麻辣豬耳（小辣）$35⭐味道：7/10👧🏿👦🏻: 豬耳爽口彈牙，爽脆得黎加埋個麻辣，超開胃，仲要超大份！

今日去旺角辦啲事，臨走之前諗住買啲外賣返屋企食！因為有啲口痕想食辣野，就諗返起之前嚟過一次嘅川長，性價比真係好高！🍡川味滑豆腐 HK$25自從上次食完佢個豆腐之後，就一直對佢念念不忘！豆腐依然重豆味，辣度都唔算太辣，啱晒我呢啲唔食得辣但又想食川菜嘅人🤣🤣🍡口水雞髀HK$40估唔到雞髀肉比我想像中滑好多，雞肉好大塊，而且咬落去啖啖都係肉，口感好正！🍡花雕雞翼 HK$38一盒有六隻，好香嘅酒香味，雞肉都尚算嫩滑，但係就冇口水雞髀咁滑😜🍡重慶酸辣粉 HK$28記得上次都仲未有呢個菜式，見係新野就即刻試吓！酸辣粉嘅質地好似紅薯粉，比較彈牙，而且份量真係好多，就算叫一份都可以兩個人share嚟食！辣度方面叫咗小辣，但依然都係覺得好辣🙈而味道方面，我覺得佢嘅酸辣比例做得好好，我本身都比較鍾意食酸酸地嘅嘢，佢係酸得黎又食到辣味，而唔係淨係偏酸或者偏咁！真心覺得唔錯！👍🏻

今日同朋友行完街之後就行去旺角火車站返屋企，沿途經過一間唔算太起眼嘅四川小店，見到價錢都好平民，就諗住買幾個涼菜返屋企同屋企人食！🍡涼拌雲耳 HK$25雲耳好爽脆，超好咬口，味道帶微酸，作為前菜好開胃！🍡川味滑豆腐 HK$25豆腐真係超級滑！而且好有豆味！凍食涼涼地好正！🍡麻辣牛展 HK$50麻辣牛展好大塊，底層仲有小青瓜作伴菜，可惜牛展食落有啲韌！🍡雞絲涼皮 HK$35面頭好多花生粒，仲有我最愛嘅辣菜脯😍涼皮好闊好長，而且咬落好脆身，有啲似食緊海蜇咁！但雞絲嘅份量就比我想像中少🥲🍡麻辣芫荽雞絲涼麵 HK$40又到咗我最鍾意嘅芫荽🥰🥰芫荽份量好浮誇，真係一直食極都有🤣🤣涼麵夠軟身，加上麻辣嘅醬料，真係一路食啲麻辣一路湧出黎🥵🥵但整體嚟講真係惹味十足！

🐽口水雞髀 $40雞髀好大隻，好多肉，好抵食😋雞肉未去到好嫩滑，但口水汁惹味，小麻，連埋花生同芫茜食好香，下面仲墊左啲青瓜，lunch或者dinner可以當一餐，有得配埋飯或者涼皮🤣🐽涼拌皮蛋 $25小編係皮蛋控，平時食米線，小食一定會叫皮蛋，所以今次都唔例外要試試😌皮蛋新鮮，蛋心軟嫩，小編一個人都可以食哂一份😝🐽泡椒鳳爪 $33個樣好似平平無其，但食落好驚喜，好入味，而且鳳爪唔會硬，啲泡椒都幾辣😈🐽川長麻辣拼盤 $45有哂雞腎、牛肚、豬耳、豬大腸同牛柏葉，款款都可食到，但味道比較淡，可以再鹹啲🙊，基本上所有餸都好爽口，唔會切得太細🐽雞絲涼皮 $35夏天最適合食涼拌，配埋麻醬加小辣，涼皮好彈牙而且好滑，呢度每塊都好闊身，掛到汁😳撈埋雞絲、青瓜絲同脆黃豆食口感好豐富🤣旺角四川涼拌外賣小店🌶🌶

< 川長 >📍旺角前幾日去旺角想食下川菜 就去買咗呢間外賣😛🍜川長涼麵好大盒嘅涼麵都只係三十幾蚊🤩🤩 好抵食😋 用油麵配脆花生、青瓜、菜甫等等 有唔同辣度揀 叫咗小辣 有麻香 唔會好辣 加埋麻醬撈好惹味😆 另外佢個雞絲粉皮同口水雞髀都好吸引 下次再試下😛🌶涼拌雲耳雲耳份量好多 大約有二十塊 叫咗小辣 雲耳好爽口大塊 唔會辣到食唔到😛 另外仲有芫荽喺面 索晒麻辣汁好入味😋😋另外套餐仲有飲品 飲支烏龍茶解下辣就啱晒😆

川長涼麵涼麵掛汁，加上我地叫左小辣，又香又惹味。涼麵配料有青瓜絲、花生、芫荽、蔥花同埋辣菜圃，令整體口感增加，味道層次豐富。雞絲涼皮涼皮比一般闊少少，同樣掛汁。另外口感有驚喜，非常爽口，我自己就喜歡涼皮多過涼麵。加埋青瓜、芫荽等配料，就算唔食辣，都覺得好清爽，夏天食好適合。麻辣牛𦟌價錢較其他小食稍貴，但一分錢一分貨。牛展先滷水後再加麻辣汁，滷水入味，冇比麻辣味完全遮蓋，但麻辣亦都非常之吸引。麻辣豬耳豬耳爽口。呢一份就揀咗中辣，個辣味真係唔野少，好彩係買外賣返屋企食，可以係咁飲汽水。

-川長🥡-🥢雞絲粉皮 $35小編最愛食涼皮有人行過見到新間四川野就試下🤣食涼皮最夾就係雞絲所以就揀左呢個😋今次試左小辣但其實唔算好辣如果想有d辣度既朋友可以叫中辣😉涼皮就好薄身都算滑但就冇白色涼皮個d咁滑🤣雞絲份量都多每啖都食到👍-🥢川北涼粉 $20呢個幾特別如果鐘意食大菜糕既人可以試下😂佢切到一條條長方形咁口感就好爽脆🧐但就咁太索d辣汁所以冇乜味🤣-🥢麻辣豬耳 $40如果想食大份d既小食就可以唔跟麵加配就另外叫一份😉豬耳都有一碗滿麻辣度都幾夠😋-🥢麻辣牛碾 $50牛碾幾有驚喜大大塊但好在切得薄所以好易咬同幾林😉-🥤王老吉$9 / 烏龍茶$10

搭小巴前先買啲嘢食返屋企，我間唔時會去幫襯黑布街間台式小店，但今日去到發現店舖已轉咗手😳。新店名叫「川長」，再加埋川字隻辣椒🌶️，就知道佢係主打川辣食物。小店位於轉角處，如果要堂食都可以嘅，但就未必舒服🙈，所以大部份人應該係嚟買外賣🥡。女店主主動介紹有乜招牌菜以及唔同涼菜嘅分別。我哋叫咗兩個麵食同兩款小食，麵食感覺抵食啲，因為小食定價仲貴，哈哈😆。雞絲涼皮($35)，涼皮近年喺香港變得常見咗好多，不過唔同店嘅出品各有不同。呢度嘅涼皮好特別，寬度有如皮帶一樣，形式有啲不規則；質感非常滑溜，咬落帶點彈性。由於涼皮夠闊，掛汁效果強，醬汁用上麻醬，好搭調，又唔膩😋。川長涼麵($30)，🍜涼麵都唔錯，加分位係麵條清爽，條條分明，有嚼勁。涼麵配以青瓜絲、花生、炸黃豆、芫荽、蔥以及辣菜甫等，黃豆粒超脆，正。辣度有得揀，我要咗BB辣，辣度明顯㗎，但食食吓習慣咗都覺得算易接受。花雕雞翼($38)，一客有六隻，每隻都係加大碼，性價比高。🐔雞翼大啖肉當然好，但隱患係驚入面會唔熟，不過呢度嘅雞翼令我好放心，每隻都浸到熟哂，酒味非常濃郁，但唔會過烈。酒香控制得好好，雞肉又夠滑，推介！麻辣牛𦟌($50)，🐮牛𦟌好大

旺角新開嘅小店老闆娘同老闆勁Nice，希望大家可以用最抵嘅價錢食到高質川菜，最近仲想推出唔辣嘅款式，話唔食得辣嘅人都可以享受到！🍜麻辣雞絲芫茜涼麵原來有得揀走辣咖！芝麻醬會落多啲喎～芫茜滿滿超香啊！涼麵超彈牙！比起平時食嘅涼麵彈牙十倍！ 雞絲嫩滑一啲都唔榎，仲有花生粒粒作配料添🍖麻辣牛展🌶️牛展大大塊，落足料啊！睇落去好似紅卜卜好辣咁，其實連我食十小辣都食得到吖！個麻味較重，辣味較輕手🍗花雕酒醉雞中翼 $38老闆娘話雞翼有啫喱，叫我啜得開心啲😂雞翼有成6隻咁多，仲要每隻都大大隻肉質嫩滑，花雕酒醉味道超香濃，食完有少少醉意添😂🍳花雕酒醉溏心蛋2隻酒醉味道好香，飽肚之選吖！

川長 - 經濟川菜外賣今日介紹一間位於旺角新開的川菜餐廳，餐廳地方細細，以外賣為主，主打麻辣風味、四川涼麵，而且價錢經濟，午餐外賣或晚餐加餸一流。川長涼麵材料有青瓜絲、花生、芫荽、蔥、辣菜脯，麵底是油麵類別，最精髓是麻辣醬汁，食落又香又麻，十分開胃。雞絲涼皮涼皮大大片，口感滑滑的而且爽彈，醬汁酸酸辣辣，還有麻醬香，雞絲和涼皮索滿了醬汁。涼拌皮蛋晶瑩剔透仲有塘心的涼伴皮蛋。麻辣牛𦟌軟腍入味的牛𦟌，麻辣椒香味濃。飲品當然要清熱的王老吉啦！

番完醫院同男朋友係旺角行下！但唔知食乜好，行街發現依到開左間川菜小食！買番屋企食ε-(´∀｀; )-🍜雞絲涼皮｜💰35｜川長涼面｜💰30涼皮大大塊爽口好滑，仲有少少麻醬，涼面幾彈牙重麵味兩者都有🌟脆碗豆，花生，青瓜，雞絲，辣菜脯，蔥，芫茜仲有得加配其他配料🥰撈埋哂香口又脆口又爽口！ε-(´∀｀; )碗豆同花生自己炒，特別香口脆身菜脯好惹味！辣帶少少甜，碗豆都酥甜雞絲都唔少，而且唔鞋口，掛哂汁好惹味.🐮麻辣牛𦟌｜💰50重牛味又夠厚身，仲好入味.🥚涼拌皮蛋｜💰25入味，麻香夠重，皮蛋好香！好好食🥰🥰推薦.🌟有得揀走辣，小辣，中辣，大辣唔食得辣既朋友仔都唔洗驚ε-(´∀｀; ).我食小辣但都夠麻香辣香又唔係太辣夠川夠麻，食材新鮮！行街經過會再幫趁(｡･ω･｡).下次要食口水雞飯ε-(´∀｀; )

第一次係OpenRice叫外賣，試左哩間新開小店。店員非常好，我一行到去已經拎定俾我！叫左一個雞絲涼麵，四川涼粉，仲有蓮藕，一供85蚊。涼粉口感好得意，好味！蓮藕嗌咗大辣，真係辣，好好食！唔知係唔係網上訂嘢食，撳咗不加配料，所以涼粉冇咗青瓜，花生同菜寶失左色，少咗口感。選擇當中有好多其他配料可以揀，但我想試original，點知搞成咁Overall 係好食，但份量比較少我呢啲大食嘅人要再加其他嘢食

旺角平價四川小食 — 川長▫️呢一間位於旺角黑布街嘅四川小食專門店，主打多款麻辣四川小食，今次就試左佢地嘅雞絲粉皮($35) 同麻辣牛𦟌($50)。呢兩款都係叫咗小辣，呢兩款雖然話就話係小辣🌶但係其實都好辣🥵！就連平時食開小辣、中辣嘅為食兔都食到我不停飲水！💦佢哋嘅辣真係唔講得笑！鍾意食辣嘅朋友可以挑戰佢哋嘅中辣大辣😂雞絲粉皮就食落好涼爽，份量亦都好大兜，夠曬足料！而麻辣牛𦟌嘅辣油份量亦比得好多😂好豪爽！牛𦟌夠曬淋，亦都做得好入味！整體來講，性價比都幾高，下次會想試吓雞絲涼麵～▫️地址：川長 (旺角)旺角黑布街104號地下D號舖

消暑降溫涼拌麵🍜-氣温日日keep住30幾度 陽光底下 個人頹頹地食lunch唔知買乜好 最後幫襯四川涼拌麵加小吃入口清涼又有辣勁 希望食完醒番吓🤣🤣-⭐️#川長涼麵 $30招牌拌麵只此一款 簡單用油麵配脆花生脆黃豆同埋青瓜 想食得豐富啲 追加蓮藕片海帶之類 每款$6 如果都係習慣入口要食熱嘅麵食可以買川味大腸撈烏冬 兩款都係小辣 幾滋味㗎😋-⭐️#雞絲涼皮 $35涼皮大塊薄身 片片晶瑩剔透 入口感覺涼浸浸好舒服呢個消暑小食唔辣 如果雞絲多啲就更好😝-⭐️#涼拌雲耳 $25⭐️#脆辣藕片 $25小食可以走辣 唔辣嘅黑木耳爽口好食話咁快就食晒😋 蓮藕片我就要求小辣 ，件件食落嗦嗦聲又辣辣地 過足口癮-

旺角愈開愈多四川小吃店，不過大部分味道一般，不夠辣或不夠麻，食四川菜最重要又辣又麻才好味。我十分喜歡吃口水雞和涼麵，川長的涼麵和口水雞脾沒有令我失望。口水雞脾可以跟飯，口水汁撈飯好好食，而且雞脾都算大隻，女仔可以share食。涼麵真係超好食，可以加錢加雞絲或其他餸，麵質彈牙又掛汁，淨係食一個麵都好飽，涼麵有跟小量脆豆 花生同菜莆，撈埋麵食十分夾。拼盤都好抵食，不過我一般內臟，淨係鍾意牛栢葉，如果可以有自選拼盤就好，因為我唔食豬耳。如果唔太食得辣，可以叫雞絲涼皮，涼皮係彈牙口感，煙煙韌韌，醬汁好好味，唔覺太辣。