川福烏冬

朋友突然急call我出尖東百利商場陪佢試姊妹裙，搞完一輪已經過左九點，我地一行三人決定到附近的川福烏冬醫肚！呢間舖頭人流一向唔算多，星期三夜晚九點後已有好幾張吉枱任揀，我地坐低之後開始揀野食！三個女仔都想食得健康D，就叫左個煙肉粟米沙律，佢用少少橄欖油配黑醋，酸酸甜甜個汁幾好味，但係D煙肉硬到好似泥膠咁，大大影響口感！跟住黎左個掛烏冬，睇樣我地覺得唔係咁吸引，以為唔好食，但原來D燒豚肉幾香口美味，烏冬配左胡蔴醬之後，非常香口惹味！我地仲自己加左D芝麻碎上去，同佢個醬汁好夾，好好食！另外一個吸引我地的就係鍋物，熱辣辣的雜錦烏冬乜都有︰肥牛、蜆、餃子、鳴門卷、日式魚蛋、娃娃菜等等...湯底仲任我地揀，我地要左呢個蕃茄湯底，加埋隻蛋之後，D湯又濃又好味，而且一D都唔油膩，烏冬份量仲好多添！我地揀左個炸魚餅小食，其實都幾好味架，但係份量勁少，一人一舊仲要好細舊，咬兩啖就冇左啦...由於大家仲未好夠飽，頭先叫個掛烏冬又有好大驚喜，所以我地encore左個掛烏冬！今次唔配燒豚肉，改配豬軟骨，D豬軟骨都幾香濃入味，不過可惜火喉未夠，D軟骨未夠稔！但個烏冬就真係夠哂香滑好食~佢D烏冬一個都係四五十蚊，幾抵食，環境又夠靜，好適合傾偈！唯一要挑剔的係侍應服務一般，大部份時間全間舖都只得一個人睇住，叫佢加茶佢就淨係幫其中一個加就算，唔夠醒目！但係講價錢講食物，我覺得都值得推介！…查看更多

今日兩個人去了食lunch，見唔洗等位就入去了!!!見到餐牌食物賣相幾吸引，呢間野專食烏冬，於是一心歡喜點了個忌簾煙肉烏冬($40)和天婦羅烏冬($45)。首先黎個天婦羅烏冬，天婦羅只有兩舊，兩啖就食完，味道正常，可惜份量少。食完天婦羅齋食烏冬，鹹鹹的，認真普通跟住黎個忌簾煙肉烏冬，嘩個賣相真係好hea淨係得烏冬同幾片煙肉，已經開始扣分食落口更加失望，完全無忌簾味，味啖得像白粥煙肉...就是超市買的味道了，總括的形容是"難食"其實D咁普通既食物，如果佢收我$20我都還可以接受，但烏冬本身平，幾塊煙肉最多值$5，再加上難食，係成本咁低之下佢竟然收我$40一碗我真係接受唔到囉，真係賺死佢結論係: 絕無下次!!!P.S. 我真係唔明點解呢間野有人排隊...…查看更多

其實我黎食過好幾次. 覺得lunch個set抵食. 有個蕃薯湯既烏冬. 晚市食要加好似8蚊先有蕃茄湯底架~味道同環境我覺得幾讚!!但我都見好多comment話服務員唔好態度.我都記得之前夜晚黎食, 有個個樣好唔掂, 唔係講眼耳口鼻, 係佢比哂面色人睇既女待應.佢冇話做左d咩令我要鬧佢既. 但係好似好少野, 等位啦, 叫野食, 佢都一個好唔老皮咁. 但又吹佢唔漲喎, 佢黑你面, 講野好冇禮貌, 咁我地黎食野又唔係老細可以點丫. 例如我男朋友想問掛烏冬係咪撈烏冬. 咁佢會白你眼好唔耐煩咁"下"你咁樣囉... 覺得你問得好白痴咁唔想答你.但我見其他待應都ok架. 係那個長頭髮帶眼鏡既女待應真係頂佢唔順.但係呢, 呢輪呢間鋪冇開. 今日去番. 見到另一個頭髮唔太長, 真係好和顏悅色既女waiter招呼d客人.今日係開一點, 比平日遲. 咁佢會做番好本份, 都講哂唔好意思呀唔該呀個d口吻解釋話今日一點先開,有好多野食今日未有, 又會講唔開意思個d個d.其實一個好waiter咁樣係應份, 但實在比較少見呢D waiter,要讚佢.今日食左個棒餃子芝士燒! 我同FRD都覺得好正.可惜. 佢個石頭碟... 勁痴底. 個餃子痴住個碟到我地夾既時候爛哂WOR.都幾心痛. 因為D芝士好好食. 但佢痴底痴到燒到黑左. 個底又冇得食.唉. 都怪個石頭碟.我見隔黎間日本野勁排長隊. 但我又唔見得呢間烏冬食物真係比人差.好大原因係某WAITER敗家左. XD 希望呢間店愈做愈好啦.…查看更多

8/12/2011因為去睇concert, 去咗呢間食。本身唔係想食呢間, 因為個評語麻麻, 但一來隔離食豬肩飯的大排長龍、二來其中一友人唔係太舒服, 唔食得太油的食物, 見呢間有清湯烏冬, 所以來呢間食。我食的天婦羅凍烏冬...天婦羅出奇地OK, 唔會太多粉去炸個烏冬彈牙、用麻醬去撈, 正。食物質數係OK的, 不過服務就....同其他評語一樣...唔係我可接受的。我應該無下次了。…查看更多

我哋同事一行四人8月4日1:05pm左右去咗依一間餐廳食Lunch, 平日Lunch 都因為坐位太少要排隊等位都等咗好耐,終於有位,好近門口,其他客人出出去入入熱到死,算!!但明明喺我哋叫咗野食先, 隔離張枱先有人坐低都有野食,我哋都未有?!吹下個waitress就粗聲粗氣講「等等la」其實我哋喺俾錢食Lunch定俾錢受氣?朋友留心發現到無禮貌嘅waitress應該就喺店嘅經理,因為係負責找續同埋其他兩位waitress頭巾顏色唔同呢間嘢完全唔覺有train up過,管理層反而相比waitress差?!?!請人咁良莠不齊真喺第一次見low!!忙應該唔喺藉口, 做得飲食業,喺咪應該預咗?都算數la,之後仲離晒大譜,可以成杯嘢飲倒落我個身到low!一句對唔住?無low! 一點歉意?都無!!紙巾?更加無low!好似喺我哋倒瀉嘢要佢汁咁low!!!倒瀉嘢之後佢汁佢嘅嘢,理都無理過我哋,我半個身濕晒,過咗好耐,嘢都汁完,佢都無打算俾張紙巾俾我!仲要叫我「借開」俾佢汁返隻跌咗晌地下嘅杯!!佢喺連「唔該」都無!!!!飲品未飲完,已經好似趕客咁黑口黑面話俾張單我哋睇!!其實食店嘅食物真喺唔錯,烏冬算喺中上,唔太軟有咬口,豬軟骨又好香好入味,只喺午餐嘅選擇真喺只有幾款, 比較起其他同類食店,價錢喺貴咗點!而飲品真喺好唔得low,難飲到...經過今日, 相信同事們起碼一段日子都唔會再幫襯,比起茶餐廳, 真喺冇得比...阿姐級嘅都醒目過佢low!!!…查看更多

本人在6月15日1:15PM光顧這餐廳食LUNCH, 平日LUNCH HOUR因為坐位太少一般都要排隊等位, 於是我和另一位同事各自排隊, 我在川福等位, 她就在隔離一間食豚肉飯等候, 不久川福有一位女侍應(當天午市唯一一位女店員)出來, 她說有一張二人枱, 但一定要到齊人才可以入坐, 所以我就叫排在隔離舖之同事過來, 點知這位女侍應竟然見到我大叫同事個名之後, 自言自語說了一聲"潑婦", 好明顯她這個"潑婦" 是話緊我當時大叫同事個名之行為, 當時我真是十分嬲, 但我沒有即時和她理論, 因為只有潑婦才會罵街, 但在整個用餐過程我都留意著她, 可能她心虛知道這句"潑婦"給我聽到, 她全程都不敢正視我和避免SERVICE我張枱, 而家 d 食店請人良莠不齊, 面對客人尚且咁 "冇品", 背後真係咩事都夠膽做。至於食店之食物一般, 味道較淡, 午餐的選擇不多, 比較起價錢就貴了一點!經過此事, 相信我以後都唔會再幫襯此食店, 為免其他食客再受到這種惡劣對待, 選擇食店時真是要小心小心, 否則只會食了一肚氣..........…查看更多

平日lunch， 同事一行四人想食下鳥冬, 雖然一往服務都唔太好, 諗住近公司方便,12:50去到, 見有張枱執緊, 又無人等位, 諗住等waitress見到我地, 等下會帶位, o係出面等一陣。大約等左五至十分鐘到，後面黎左幾個人，無排隊大搖大擺走入去其中一張吉枱坐低 由於佢地行入去o個陣我以為佢地有朋友黎左，所以無理佢，見佢坐低先知佢地係打尖，我地即刻同 d 員工講話o個d個人插隊，waitress唔理，仲繼續招呼佢地,仲 叫佢地9位入去。大佬9 位, 咁細間店, 咁我地咪有排等!?! waitress 勁唔耐煩講, 人地黎先架!! 咩叫人地黎先, 我地等左咁耐無見過有人係前面囉!! 如果係, 正常店員明知有9位, 都會先同後面黎既人講前面9位, 要等下~ 茶餐廳d阿姐都會講喇~仲要係weekday, 明知好多人要趕食完lunch返工架嘛~一往都好容忍呢間所謂既服務態度! 呢間嘢唔識train up侍應生, 次次都覺得佢地唔想做生意咁, 唔想話d後生仔冇禮貌, 係根本呢間店由senior/經理都唔想做咁!! 唔當d客人係人, 要客請佢地上棻, 寫單, 賣埋!完全唔知呢間野點做生意，見成1:15pm 我同同事即走！以後 blacklist 呢間極品！比起茶餐廳, 冇得比...起碼茶記阿姐醒目過佢地!!!!!!!!!!!!!!!…查看更多

平時行過都會見到好多人係門口等位, 但一直都無幫襯, 今日想簡簡單單食d嘢就算係想起呢度!!咖哩海鮮湯烏冬 ~ 咖哩湯底好惹味, 海鮮好似好多, 但郤是一般貨色!!廣島蠔烏冬 ~ 看來十分單調, 蠔無蠔只得兩小隻同兩隻冬菇, 面豉湯底不夠味, 好淡口!! 天婦羅 ~ 炸得十分之油, 不合格之作!!烏冬味道煙韌, 但配料唔得, 應該唔會有下次了!!…查看更多

棒餃子芝士燒 - 好多芝士, 正!!!清酒煮蜆 - 酒味好濃, 唔係太中意熱烏冬 - 夠滑, 都食到少少煙靭天婦羅冷烏冬 - 凍的確係煙靭d, 天婦羅熱辣辣上蝦都爽口…查看更多

Someone recommended this udon house to me. So, I tried a udon set (HK$39) that has three items:Small udon with raw egg: the udon was "QQ" texture which is quite outstanding. I saw a logistic company transporting some packed udon to their shop. Thus, I am afraid their udon are not made in their restaurant, properly in other factory. Nevertheless, the udon tasted pretty good for me.Small grilled mackerel (鯖) on rice: The grilled mackerel was not fishy (腥) and taste pretty good with the sweet soy sauce. Pomelo (柚子) drink: It is believed to be made by those condensed pomelo paste. However, that one was relatively dilutived. …查看更多

食物都ok好食, 服務員態度好差好唔得.店舖好細, 得十零廿張桌, 叫人寫單, 有個明明見到我扮見我唔到有個忙緊同第二張落單, 望住我揮手, 又唔比single我示意叫我等一陣, 冇禮貌.落單, 我叫左兩個set lunch + 一個小食, 張台好細; 個侍應生好求其, 個食物盤放在一半係檯上, 一半縣空嘅, 就咁就走咗, 放得低就算....要我地自己擺返好....冇筷子用, 叫佢攞比我, 佢真係淨係攞一對比我, 我有兩個人坐左係度呀哥仔, 我同佢講我想要埋芝麻同五味粉, 佢好似好唔like咁係隔離檯攞比我.....埋單, 叫佢寫張手寫單, 15分鐘都未寫好, 要走出去企係度催呀催呀催.....呢間嘢唔識train up侍應生嘅態度應變, 請埋d後生仔冇禮貌, 踢一踢走一步, 做嘢又求其, 比起茶餐廳d阿姐, 冇得比...起碼茶記阿姐醒目過佢地d未瞓醒嘅後生仔....叫我再去食, NO WAY!!!…查看更多

　　男朋友說經過看到石煱烏冬好像不錯，便過來試試，旁邊的石煱飯貌似是同一公司。　　點了「大蜆烏冬」和「天婦羅烏冬」，最後沒有點石煱。　　　　　名是大蜆，但也未免太迷你吧。而且蜆不算新鮮，沒有什麼鮮味。 　　天婦羅炸得不錯，蝦半生，皮不算厚，恰到好處。　(當然還是吉壽的略勝一籌)　　烏冬太普通，像是超市買到的。 　經過的不防試試，但不用專程來了。而且要等位。…查看更多

我是一位新移民，一直喜欢吃日本料理的我今天去了尖沙咀川福，叫了一碗天妇罗乌冬，怎么知道汤也不够热，炸虾油太多又不脆，乌冬太烂又不弹牙，在香港我真的是第一次吃到这么差的乌冬，我只吃了两口就放弃了，然后去了隔壁的十胜豚don，没想到同样难吃，我觉得今天太倒霉了！！！…查看更多

睇演唱會前搵地方食飯, 睇完食評介紹, 去試試... order 完食物, 3分鐘內已經送到, 即係一早煮定...棒餃子芝士燒, $30 得三小隻, 一d都唔值牛肉烏冬的牛肉超"鞋"五目雜菜餅天婦羅烏冬... 凍既咖哩掛烏冬... 應該用飯會好d蜆... 無肉既下次去返自家烏冬好過…查看更多

在香港只要有一張咀，懂得寫幾個中文字，就裝扮成專業食評家。事實除了蔡瀾和李純恩幾人，其他什麼蘇C黃、盧覓S、少年食X等等都不敢苟同！小弟無知，曾經相信盧覓S，而她初期介紹的幾家中西餐廳，的確不錯，很多都是星級食肆，其實誰去介紹也錯不了，然後她開始以為自己是食家，去推介各國菜色，問題就出來了。小弟是日本料理痴，不論是剌身壽司、燒鳥爐端、天婦羅、鐵板燒、烏冬蕎麥…也瘋狂級喜愛，看到電視上盧小姐介紹尖東開了家烏冬專門店，第一時間去試。『川福』自稱源自日本，一走進店內，裝璜果然有日本風格。但食物一端上來，烏冬是機製的廉價貨色，麵身毫無咬勁，也沒有讚岐烏冬應有的煙韌，木魚湯底全是味精味道，可說連『吉野家』烏冬也不及；天婦羅材料全部用本地平價食材，連炸漿也沒用一分誠意去造，再看菜單，烏冬竟然有豬骨湯底選擇，唉！原來又是一家『正宗？』的日本料理專門店。…查看更多