川熙樓 (已結業)

川熙樓不是第一天來, 上次來的時候是吃川式蓉派小菜. 這次約的幾個朋友則是來吃上次看到頗吸引的火鍋放題. 星期日至四任食的價格是$298. 入座時已看到有1,2枱在吃火鍋, 但抽風設施不錯, 並不見煙霧瀰漫. 湯底可選雙併, 因有一位朋友剛好喉嚨不適, 只好一半清湯一半麻辣. 這裡的火鍋是方型的爐具, 與大部份的廣東式圓型鍋稍有不同. 最先來的手打墨魚滑, 彈性及鮮味十足, 配麻辣或清湯都很配合. 蔬菜拼盤的菜類均新鮮爽口, 份量較少正方便可以多點不同的款式. 火鍋吃紅薯粉是第一次, 紅薯粉較煙韌, 灼的時間不用擔心過火, 充份吸收麻辣湯底的香味. 點的大部份火鍋配料均是水準之選, 最出色的要選麻辣牛肉, 牛肉丸, 牛蹄根, 千葉豆腐等. 肥牛的水準不錯, 比一般的任食火鍋質素較高. 鴨血比較特別, 雖然切得薄薄的但口感不會鬆散, 配麻辣火鍋是一絕. 松葉蟹柳頗清甜. 韭菜餃質素不錯, 另外魚皮餃也值得一點. 埋單只是$330左右, 雖說是吃2小時, 但超時少許亦沒有遭店員催促埋單. 店員的服務亦不錯.  

來過這餐廳多次，好友們都愛這兒的味道，卻沒品嚐過火鍋，是晚再次到來，就是一嚐川式麻辣火鍋。我們就是品嚐火鍋放題，是晚是星期四，收費自然是$298。門面沒太大改變，可是店內的小擺設卻變了一點，入門的熊貓配著酒樽，很有特色的感覺。有著多人的枱，自成一角，非常合適一班好友聚腳。枱上準備的白色碗碟，仍是那樣簡潔，兩對筷子，非常合適火鍋之用。最為特別的是餐牌最新設計，更覺典雅豪華。雖是使用電磁爐，卻是較高級的品種。我們選擇的湯底也終於上場，是芫茜皮蛋湯、麻辣湯。除了火鍋，為食的大夥，也要了兩道小菜，先吃為快。白切青海羊肉，入口肉嫩香滑，蒜蓉更帶出羊肉獨特香味，入口完全沒有羶味，外表看似燻蹄，肉比豬肉更香，層次感豐富。紅燒頂鴿，外表雖較燶，卻是皮脆肉香，入口稍鹹，卻又剛好，配合朋友帶來的紅酒卻非常合適。是晚火鍋吃了很多，談談最為吸引幾種。最先送上的是墨魚滑，白白的墨魚滑，非常吸引。墨魚滑各下兩種湯底，先試芫茜皮蛋湯，我喜歡先試一下原味，連同皮蛋同放碗內。墨魚滑入口彈牙香滑，皮蛋沒有腥臭味，非常吸引。隨後上的是其他火鍋料。牛肉，若是配合麻辣湯，去除肉羶味，入口更香，緊記不要煮得太久，除了入口老了之外

尖沙咀的君怡酒店, 我們每季都會到那西餐廳吃飯, 因為公司有外國客人喜歡住在這裡.  每季也必來.今次台灣朋友想吃川菜, 我想想去酒店內的 川熙樓 試試吧, 那裡主打川菜的蓉派.  菜式比較講求精緻.  相信吾會失禮. 餐廳在 M 層,  可由扶手電梯直達.  餐廳裝璜以中式格局, 主色調為啡紅色, 勁帶中國風, 設中式雕花屏風, 及有高低區分隔, 空間感十足, 座位排列整齊, 客人坐得舒服. 餐枱厚實, 尺寸特別大,  只有酒店內的餐廳, 才會有寬闊的地方容下來.更設優雅房座, 適合大伙兒聚餐.有不同顏色.服務員安排我們入座後,  便送來他們特式的 玄米茶, 入口奇香餐牌內, 介紹食品豐富, 價錢中等,有涼菜, 特色菜.湯羹, 甜品.禽類, 蔬菜.肉類, 海鮮水產.服務員推介:  川式火煱放題, 星期一至四, 晚間每位 $298.我們還是選擇了食小菜.  因為夏季吃火煱怕熱呢.今晚只得兩人晚飯, 點了三個菜.頭盤:   金牌手撕雞 $78兩人份量剛好, 冷吃的手撕雞肉, 爽口嫩滑, 雞肉鮮甜美味, 配上香濃的芝麻醬, 非常開胃,  撈上底層的青瓜絲, 味道好清新.烤羊肉 / 牛肉 共

甚少食川菜，但食得其他菜式多，偶爾都想轉下口味，今晚就簡左個環境幾舒適既地方食川菜。枱夠闊落，啱晒同朋友舒服座底傾計，或同一大班朋友聚會食飯。茶係麥茶，好香，清清地岩哂我口味。燒椒茄子煲 $108魚香茄子煲就食得多，呢個叫燒椒既賣相雖然差唔多，但味道係有出入既。炸過既茄子幾時都甘好食，辣辣地，味道剛剛好，唔配飯食都唔會咸，豬肉碎都幾香口好食，整體只係油左小許。剁椒豆腐蒸秋葵 $108想食辣又想健康點，呢道菜清清地，食多唔會濟。朋友話辣椒食落味道唔錯。餐牌有冰鎮秋葵，但我都係覺得熱食既秋葵先最好味。樂山甜皮鴨 $198純粹被菜名吸引而叫，哈哈，份量半隻都幾多，好彩無叫白飯咋，唔係就食唔哂，唔想做大哂鬼。表皮光身，食落甜甜地都幾特別，只係乾身左d。一路食一路飲茶，慢慢嘆的晚餐。

旅行回來要派手信，朋友建議食火鍋放題，慢慢食慢慢傾，而且還是麻辣火鍋。不知是否依然想念著旅行的時光，竟然去了金馬倫道，上openrice仔細看才醒覺錯了，我是要去金巴利道。未齊人，點了熱吃食住等。乳鴿上枱時是熱辣辣的，皮好香脆，而且肉嫩不乾。蒜泥肉皮肉比例均衡，肉厚度恰好滿足口感，蒜味不過火沒有奪去肉味。席間不是個個都好麻辣，麻辣清油拼竹笙野菌就最適合大伙人，有辣有唔辣。竹生野菌味夠清雅，不肥油，吃得健康。麻辣清油麻香辣味對版，香濃惹味。安格斯肥吃火鍋要吃肥牛是必需的，而川熙樓提供的是更有安格斯肥牛。安格斯肥牛肉味濃郁，脂肪比較少，肉質結實有嚼勁而不韌。手打墨魚滑是我另一必食之選。墨魚滑軟腍彈牙，配上粒粒魚子脆爆鮮甜，雙重口感，兩種鮮味。蔬菜新鮮翠綠爽甜，吃到中段吃點菜，清一清味蕾之餘而幫助消化。由於菜吸湯底能力極強，不宜淥辣湯，以免過辣及影響菜味。

今日在尖沙咀行街，行行下又落大雨，我地行入酒店避雨，見入面有間食川菜的餐廳，就打算食個lunch，順便避下雨。餐廳裝潢幾中式，夠寬闊，座位又坐得舒服，同朋友聚餐都幾好。我跟情人叫左d 小炒食，先講燒椒拌牛舌，牛舌薄切，而且份量足，上面鋪滿辣椒碎，食落去好好食，不是太凍，帶有麻油及豉油味，當前菜食，相當開胃，我同情人很快食完。主菜我地叫了椒麻雞半隻及孜然肉鬆炒四季豆，半隻雞都幾大份，上面鋪了胡椒，下面就是帶麻味的汁料，當雞拌埋麻汁食，相當過癮，條舌頭會變麻，越食越令人情神為之一快，雞又嫩，好好食。四季豆有泡過油，既脆身又保持蔬菜的水份，拌上豬肉碎食，一流，唔太咸，炒得夠火喉。我同情人分別叫了2碗麵，我食擔擔麵，同出面食帶有花生醬味唔同，四川煮法，湯汁唔辣，麵質幼滑，情人的清湯麵，入面的菇是炸過的，湯底夠濃，都幾好食。如果食得辣的朋友，我覺得呢間餐廳可以一嚐。

炎炎夏日，友人竟然想話食川菜，我話帶埋小朋友 佢唔食得辣嘢喎，佢話川菜都可以有唔辣嘅， 介紹咗黎呢間川熙樓~佢係君怡酒店裏面， 門面好中國feel， 入到去， 環境好舒服，地方好闊落。午市餐牌 $38 至 $88 ， 酒店黎講竟然價錢唔算貴喎~翹腳牛肉窩 $88 - 裏面包括有牛丸，牛舌，牛柏葉，牛筋，鮮冬菇，粟米，秀珍菇，金針菇，生菜，娃娃菜 。 牛肉分量都算ok 而且牛味濃，喜歡食牛嘅朋友可以點呢個，同埋呢個係唔辣嘅~番茄酸湯魚鍋 $88 - 裏面包括魚片，番茄，土豆片，鮮冬菇，粟米，秀珍菇，生菜，娃娃菜 。呢個湯底酸酸少少辣， 好開胃，食完連啲湯都想飲埋， 所有材料都算新鮮~麻油雞湯麵 - 呢個啱曬小朋友食 ，一啲都唔辣，而且湯底麻油濃，雞亦好滑，小朋友成碗食曬~蒜泥白肉捲 - 蒜泥白肉捲不嬲係我至愛，呢個蒜泥白肉捲幾特別，佢連埋一片片青瓜捲埋包喺裏面。而且辣度麻度適中，食落有少少爽口，好特別~凍烏梅汁 - 食火鍋飲杯凍凍哋嘅烏梅汁好夾，而且佢唔太甜，岩我~喺尖沙咀黎講，酒店質素，環境舒適，價錢合理，我覺得好抵食~ 下次叫埋媽咪黎試下先~

邊個話川菜一定辣？ 從來都唔知有呢間，唔係朋友介紹都唔會諗到， 原來真有驚喜。 入到黎，人流唔多，好安靜。午餐價錢比我想像中平， 佢仲要位置酒店入面。 由$58-$88不等。 選擇都多。尖沙咀真係買少見少， 仲要坐得舒服， 有bb櫈， 唔貴。 蕃茄鮮湯魚鍋配白飯唯一的略帶辣味， 酸酸湯底， 滑滑既魚柳**無骨**， 我至愛。 蹺腳牛肉鍋有多款菜同菇類配菜， 火鍋燒住咁serve。 牛肉好淋， 有牛展， 牛腩片， 同軟骨。 湯都飲左兩碗麻油雞麵小朋友至愛， 雞好入味， 肉質鮮美。配埋個蒜泥白肉小食， 薄片同青瓜一齊卷埋， 爽脆口感。 原以為唔夠食， 原來份量都幾大。 埋單有加一。

係尖沙咀想食中菜，但酒樓食過幾間都唔抵食，或者因爲價錢都係比左係租卦...今次book左呢間酒店入面既川菜想同媽咪食，不過媽咪唔舒服，唔食得辣，好彩都揀到啲清淡既小菜同媽咪食大堂上一層轉左就係，右邊係中菜，左邊先岩呀一入去就見到以中國木做主題既餐桌同埋高身既紅木櫃，餐桌之間空間感十足，即使我同媽咪二人都可以坐到張大枱，如果打邊爐實夠哂位放野食lol一坐底就已經係咁喪食既花生呢個魚皮花生好香食唔停口嘻嘻秘製手撕雞 $78一見到手撕雞即刻毫不猶豫地點了手撕雞肉有咬勁，雞肉唔會枚，最重要既麻醬睇唔出但原來已經平均地撈勻於雞肉內，濃郁既麻醬正是手撕雞既靈魂之處吧！呢個前菜合哂我同媽咪二人心意秋耳拌海蜇 $68海蜇又係另一個必點小食，平時有啲撈左好多油，但媽咪唔舒服本身都擔心佢太油唔岩食，估唔到好清淡。但唔係淡口，海蜇頭切片而唔係條，令人更加能夠品嚐到海蜇獨有既爽脆口感，食落sok sok聲，正是我愛海蜇既原因意外收穫係呢個原來係個小食拼盤，有涼拌木耳仔！呢到係川菜咁當然會加左少少辣椒粒，接受到既辣度令木耳更開胃再配埋中間既青瓜絲，又係一個健康開胃既小食。椒麻蝦沙律 $98估唔到係中菜廳都有咁似

今日又係放假睇醫生既日子，係中間既BREAK決定去一間好D既餐廳好好對自己。OPENRICE 見到呢間望落D嘢好好味咁，所以就訂左枱，豪一豪。去到真係呆一呆，好伏，成間舖一個人都無，唔係呀，中午一個客都無。 但男人入左餐廳，叫佢出黎咁瘀既嘢佢唔會做架，硬住頭皮一試，叫左幾個小菜。晾衣白肉叫呢個因為網上好多人叫，好似好勁咁。但我就真係唔多鐘意D麻辣味，旁邊果個話好OK，好清，但一定要連醬食先好味，算我唔識欣賞。手工擔擔麵呢個就真係喜出望外，仲係最平既一個。真係超好食，完全同平時既上海舖唔一樣，平時既係得辣同花生醬，呢個唔同好胃，甜酸辣都控制得好好，其實唔覺辣，同勁開胃，仲要麵又煮得剛剛好，肉又好味，總之成個都好好味，我連湯都飲埋宫保荔枝蝦球叫呢個係有人話食D 唔同D 既嘢D 蝦真係好大隻, 仲好爽口。落荔枝肉炒蝦我都係第一次食，都幾新鮮，但就酸左少少。烤羊肉串呢個羊肉一D 都唔"SO", 軟硬度適中。整體既質素都好好，但就係貴左少少，如果可以平少少，就係尖沙咀既唔錯選擇。

係尖沙咀返工，約朋友食飯都首選附近。許久未食火鍋，甚是想念，既然朋友就返我出尖沙咀食飯，想揀個環境好啲餐廳，比較來比較去都係打算去川熙樓。川熙樓位於酒店內，要行入少少先搵到。裡面非常寬敞，張枱尤其大。火鍋自助，又可以大吃特吃啦。食物擺盤都好有意思，不同於其他餐廳每樣食物一碟，呢度係每遞一張單，食物全部group埋一個大碟端上黎，首先係視覺上就超級滿足！雖然要的是鴛鴦鍋，但麻辣鍋其實唔算辣。但鍋好深，平行於枱面；而枱因為特別大，要灼食物其實有少少唔方便。幾款食物中，我最鐘意的豬頸肉必不可少，一如既往愛它那爽脆口感。鹵肥腸味道都唔錯，又腍又香。安格斯牛粒同肥牛都令我地追加咗兩round。食到尾聲，一定要點份紅薯粉先叫完整一餐。粉絲之前已經浸軟，所以好易熟，索晒湯汁的精華，絕對够味。我喜歡酸酸甜甜的飲品，有叫烏梅汁同酸乳蘇打，兩樣都可以中和下肉類食多的肥膩感。雖然藏在酒店內，但質素ok。兩個鐘好快到，一邊吹水，一邊打邊爐的快感仍念念不忘。

筆者是辣妹，不是性格辣，而是自小吃飯無辣不歡。香港的春天非常潮濕，朋友小星提議學四川人吃麻辣火鍋去一去濕，隨意搜尋了一下，便選擇了這間位於君怡酒店，以四川菜為主的川熙樓，亦是唯一提供麻辣火鍋的酒店餐館。紅紅的燈籠，深啡色的木架和通花屏風，店內裝潢滲著古典中國風。座位寬敞舒適，筆者和好友開玩笑說，像在長枱吃燭光晚餐的距離。雖然餐牌上的四川小菜很吸引，經過一番糾結，小星最終決定麻辣火鍋加任飲酒精飲品放題，價錢每位＄298，包兩小時任食任飲無酒精飲品，和加＄98可任飲含酒精飲品(啤酒、威士忌、二鍋頭、梅酒和清酒等)。
湯底方面，我倆選擇了麻辣清油拼竹笙野菌。麻辣火鍋分清油和牛油，這兒提供的清油比較清爽鮮香，而且是由純菜籽油敖製而成，麻辣度適中，據說清油比牛油不上火，俗稱「冇咁熱氣」。竹採用的是沒有漂過竹苼頭，顏色是啡色的。竹笙野菌湯，店員介紹說是以六種高級雲南野生乾菌、雲台鮮雞殼熬製而成，湯內的竹笙採用沒有漂過的竹苼頭，顏色是啡色的，健康點心，口感也爽口。火鍋配料選擇約數十款，從中我倆選擇了安格斯雪花牛、牛蹄筋、牛腱片、鹵肥腸、潮洲魚蛋、炸響鈴等，比較特別的是這𥚃有鴨血提供。配料質數不俗，唯

民以食为天，近期爱上煮食，擅煮食北京朋友强调要提升厨艺需先提升品味...那天休闲和朋友一起偶入辣味川熙楼，未到饭点特静，是静心静品不是想象中的特别辣闹(只点一个辣椒标识)，是辣中带香回味连连，连不吃辣的朋友也瞬间爱上，分不清是心情好还是味道正，麻婆豆腐也能吃出别样味道，肯定别在调料；川式慢煮牛肋骨卖相颇好，慢慢食静静品最能出味，不同心情嚼出不同的味道不只是软嫩是复杂的口感，是连结的想象...晾衣白肉有趣地晾在细架上，先欣賞再细心挑下，每细长薄片夹一青瓜膜，朋友平时少赞美，却很是喜欢架下那碟辣酱，此时己是露出美美满足的微笑，这香而不腻的小菜人人都爱；杞子鲜菌浸莴筍，平时也爱翠绿莴筍，没试过这红白绿的碰撞，简单直接甜脆色香味全可做家常菜......是喜欢的中式古色古香环境，是比想像中更多的一份回味...饭饱茶足，去欣賞音乐会先，下次再来放题啦哈！

原本約好晒咁晚去食四川菜，最衰自己早兩日去咗食燒烤，搞到喉嚨痛。原本打電話諗住取消預約，好彩自己都多口問一問店員:。店員同我講佢哋嘅menu 有3分之一都係唔辣嘅款式，或者少辣，適合唔太識食辣嘅朋友。。。既然喉嚨痛唔識得辣都啱食，今晚我哋就照舊食四川菜。川熙樓係君怡酒店，唔使講環境同裝修一定有返咁上下。最令我開心嘅事，係之前去食四川菜，食完成身衫褲都有一陣麻辣味。今次則非常清爽！一坐低店員就招呼我哋飲佢哋來自四川嘅苦蕎茶。佢源自四川，有減肥、降血脂、糖尿病等功效，我喉嚨痛，飲多啲，都有消炎作用！首先叫左店員介紹既椒汁象拔蚌 例牌 HK 168。唔食辣嘅朋友仲可以選擇芥辣醬油味。黎到食川菜，當然都想試吓麻辣嘅本色。象拔蚌好爽口，加上少少麻香，回味無窮！晾衣白肉 HK 98叫呢款菜式，主要係因為見到個造型好靚。而且個那辣醬係分開上，所以都適合我食。白肉係豬肉，雖然半肥瘦，但係完全食唔到油膩嘅感覺，加埋青瓜更清新。刀法如神，薄切考功夫。個香辣醬，雖然我只係食咗少少，但係非常讚！川式慢煮牛肋骨 HK 228 小份慢煮既牛肋骨同辣醬分開上，呢個菜式係我全晚嘅推介！慢煮既牛肉質感非常爽脆，好柔軟！

天氣咁潮濕！就想食啲辣嘢去一去濕。 喺尖沙咀有好多川菜選擇， 見呢間又係酒店裡面地方似乎比較乾淨， 食評都唔錯， 就同我朋友試下啦 (佢有潔癖架)原本都係諗住食下啲傳統川菜，好似辣子雞、水煮魚、水煮牛…… 估唔到！唔鐘意打邊爐嘅朋友，突然間想食川菜火鍋。又好！由於唔食得太多， 我哋冇食放題。叫咗個南山泉水雞鍋，賣相好得！ 唔講唔知，想當年因為用料獨特，麻辣味足， 價錢相宜，南山泉水雞成為重慶名菜。 今日川熙樓呢個泉水雞，小小嘅辣味、 微微嘅麻味、仲有少少嘅甜味，雞肉爽口， 配菜包括紅椒、芹菜、蔥， 因為索曬個汁嘅味道，好食！食完雞，姐姐就嚟加湯轉做火鍋。 我哋叫咗個手切肥牛， 其實叫肥牛不過就唔係好肥， 啱曬我哋怕肥嘅女仔！ 另外仲叫咗台灣貢丸同埋菜心！ 提一提，調味料一定要試下個蔥、芫茜、同埋炸蒜蓉整體嚟講環境好地方好食物好。 離開咗餐廳之後發覺，原來餐廳嘅抽風系統都非常之好！ 唔會食完個身一陣味