川婆婆 (觀塘廣場)

營業中

休息中

趁住冬天咁凍食返啲辣野暖下身😋✨麻辣燙細粉麻辣小辣 (麻辣牛肉+萵筍+墨魚味春卷+鴨血）$62湯底唔錯 夠麻夠辣👍 配料都好食 我鍾意個麻辣牛肉有埋蒜蓉 好香😋 墨魚味春卷同萵筍都爽口 ✨酸菜魚小辣 $68好多材料 有大豆芽 娃娃菜 海帶絲寬粉👍 寬粉彈牙啲會更好 魚份量都唔少 啖啖肉🤤 湯底微微酸辣味幾惹味✨涼拌土豆絲 $38酸酸地幾開胃 配埋啲芫荽食幾香 👍🍹荔枝茉莉花茶 $10有淡淡嘅荔枝同茉莉花味 唔會好甜好化學🍹西柚茉莉花茶 $10 顏色好靚😍 有分層👍 可以先飲茶再飲西柚再mix 埋飲 感覺清新總括黎講味道唔錯 😋😋 QR code 落單好方便 好快就上菜 環境乾淨光猛

係觀塘廣場呢個美食心臟🫀最近又多左川婆婆呢個新選擇好似車仔麵咁 自由配搭🍀招牌麻辣粉麵餐 $20起戒澱份又想食辣野 仲可以㨂轉菜底。麻辣香味撲鼻惹味湯底 再加上細麵煙韌口感 就算唔分湯拎到返去都唔會影響口感值得一讚多款特別配料可以選擇 我就試左： ✨鹵水肥腸 ✨墨魚味春卷✨潮汕豬肉卷🫔🍀酸菜魚 $70平時大煲 價錢有啲負擔依家魚片份量十足之餘加餸 或者一人獨食都冇問題👍重點係可以透過手機落單繁忙時間 預早落單 就唔怕要同人迫😉

餐廳：川婆婆 (觀塘)地址：觀塘開源道68號觀塘廣場地下G24-G25號舖川婆婆 @chuan_po_po 自2010年起家，至今已經12年歲月，最近11月喺觀塘廣場開咗第5間分店，主打四川麻辣粉麵🌶，而另外幾間分店亦設有火鍋、粉麵外賣等講到點解叫「川婆婆」，原來老闆十幾年前喺重慶食過一間由一個婆婆主理嘅麻辣火鍋店之後就返唔到轉頭，多番請求之下終於得到獨家秘方，將婆婆嘅麻辣秘笈帶到嚟香港傳承落去👍「招牌麻辣燙，經典酸菜魚」，作為川婆婆嘅主打，一定唔可以唔試佢哋嘅招牌麻辣同埋酸菜魚，坐低Scan個QR code，自己揀食咩飲咩，大辣小辣，多麻走麻，非常方便，坐定定唔洗10分鐘就有得食😋✝️酸菜魚 $68用咗新鮮生魚片🐟，加咗啤酒去醃製，令口感無比爽滑鮮嫩，仲一啲骨都無，加上自家醃製、酸香爽脆嘅老壇酸菜，當然唔少得用細火熬煮兩個鐘以上嘅鮮魚湯，一啲人造味精都唔加，飲落清甜酸辣，非常好食😍。另外配埋索晒湯汁嘅大豆芽、娃娃菜、海帶絲同寬粉，超級足料大份，淨喺魚片都講緊有十幾廿塊，用料一啲都唔馬虎，真心值得一試再試🤞✝️粉麵餐可以自選配搭嘅麻辣燙粉麵餐，最少要叫3款配菜，先揀咗入口彈牙嘅手攪麵($2

之前已經食過川婆婆，估唔到係觀塘都開咗，間中想食啲辣嘢，又想平平哋，嚟川婆婆就啱晒～😍酸菜肥牛 $68👀其實一碗嘅份量女仔食係絕對夠👍🏻酸菜湯底幾濃，唔會太辣，肥牛多！入面仲會有芽菜，海帶，豆腐皮等等，雖然望落辣椒好似好多，但其實唔辣😂入面仲會有寬粉，係絕對飽肚🫡😍自選粉麵餐 $48👀一定要揀寬粉🤣🤣叫咗酸菜金湯，都辣辣哋㗎！透明又煙韌，係我中意嘅口感☺️叫咗潮汕豬肉卷，蔥花魷魚丸同萵筍🫣只要有萵筍嘅地方都一定會叫！又脆又甜，正正子～豬肉卷切佢薄片，都幾香～蔥花魷魚丸夠彈牙～

川婆婆插足入觀塘呢個美食區一直以來都係食佢主打川味火鍋估唔到今次係主打自選餸+粉仲有招牌一人份水煮魚水煮魚滿滿一碗，超多魚片魚片無骨啖啖肉魚肉嫩滑鮮味，無魚腥味仲要配有海帶、芽菜、娃娃菜、千張同寬粉蔬菜吸收晒湯底濃郁寬粉好煙韌有咬口今次要左中辣，真係超刺激但愈辣愈想食招牌麻辣寬粉要左雲吞、腩肉同麻辣牛肉腩片好有誠意都厚切同埋係五花腩腩片唔會太油膩反而好爽彈麻辣牛肉好有驚喜牛肉幼嫩有牛味呢個粉既湯底好夠麻鍾意麻既人一定要試仲有同麻辣最夾既寬粉吸引晒湯汁，每啖都好麻好辣😆

-🔸酸菜肥牛寬粉 $68🔸招牌麻辣湯麵 $72🔸西柚茉莉花茶 $10-天氣凍就想食麻辣，咁啱觀廣開咗新鋪係食麻辣同酸菜魚湯麵，當然要試吓啦～酸菜肥牛寬粉有大量酸菜夠酸夠辣，好開胃，肥牛份量都多而且有牛味～我就揀咗自選湯麵，四款湯底我揀咗招牌麻辣嘅中辣，好麻好正啊～麵底都有五款選擇，我就揀咗細粉，係幼身嘅薯粉嚟。配料揀咗雞肉、美國肥牛、韮菜餃、墨魚春卷同埋皇帝菜，非常豐富。再飲埋杯西柚茉莉花茶，新鮮到仲食到果肉呢～

之前幫襯過川婆婆銅鑼灣店，原來最近喺觀塘亦開咗分店，而且好近我返工地方，今日放工決定去川婆婆買外賣！銅鑼灣同觀塘分店都係以紅色為主題，觀塘分店仲可以用QR code落單，非常方便。- 自選粉麵湯底方面揀左酸菜金湯，味道偏酸，辣度溫和。配餸主要有三大類，大約$8至$12。我叫左潮汕豬肉卷、風琴豆腐、腩肉同萵荀。最特別係豬肉卷🤩，充滿肉香而且肉質鮮嫩彈牙。外賣既話客人可以選擇分湯，返到屋企米線都唔會稔曬，仍然保持爽口👍🏻。不過價錢既話偏貴，四餸要$70。- 水煮魚魚片數量比我想像中多，而且肉質嫩滑。辣度可以自由選擇，配料款式多，包括海帶絲、娃娃菜、豆皮、芽菜同寬粉。啱啱好天氣轉涼可以食水煮魚暖胃🥰以上兩款食物都幾好，不過論性價比既話水煮魚更抵食😎

之前喺銅鑼灣有食過，已經覺得好好味😋又抵食！最近知道川婆婆過咗嚟觀塘開分店，啱晒我喺觀塘返工收工過嚟食😍🐟水煮魚好多魚肉呀😍配料有大豆芽、海帶絲、娃娃菜及寛粉！小辣味道剛剛好，魚肉食落好滑又冇細骨，唔會覺得粉😋連埋啲配料一齊食，好正🍜粉麵餐腸粉底 酸辣湯 跟 蔥花魷魚丸、麻辣牛肉、台灣麻香貢丸及風琴豆腐😍個湯底唔會好辣，但好夠味，啲配料吸曬啲汁又幾好食，同埋腸粉好滑🥔凉拌土豆絲 土豆絲有口感，小辣食落唔會好辣，辣得嚟帶少少微酸，好開胃🐄辣汁牛柏葉 牛柏葉爽口，配埋辣汁，惹味🥤荔枝茉莉花茶荔枝同苿莉花原來都幾夾，好香🥤西柚梳打水要咗少甜，好解渴以後Lunch又多一個好選擇，正😍

地址－川婆婆觀塘開源道68號觀塘廣場地下G24-G25號舖💋酸菜魚(中辣)，呢度D酸菜魚勁大兜，裡面勁多配料，有菜菜(正)，薯粉，豆皮，仲有主角魚片同埋酸菜等，佢辣度都唔會太高，魚片香滑彈牙，最重要係冇骨，每一片都食得好放心，酸菜份量都唔少，而且酸鹹味比例剛好，正。💋潮汕豬肉卷，風琴豆腐，墨魚味春卷薯粉(中酸辣)，佢D豬肉卷炸到勁香，肉味香濃，食落好彈牙，佢D豆腐盡吸酸菜湯底的精華，咬落去到爆晒湯汁，勁正，而且佢不失口感，唔錯，佢D春卷食落好彈牙，墨魚味好重，美中不足係咁岩佢個腸粉賣晒，冇得試，只能夠食薯粉，但佢D薯粉都唔錯，就算外賣拎回家都保持到口感，下次我一定要試佢個腸粉，哼！

呢度主要食川式車仔麵, 可以自己揀麵底同埋唔同既配料($8/$10/$12)👍🏽 另外仲有水煮同酸菜系列, 6款小食, 2款菜可以選擇😉車仔麵🍜麵底揀左寬粉, 湯底就揀左酸辣(bb辣), 配料揀左魚腐, 鴨血, 蒿筍, 墨魚味春卷🤩 成個粉都好正, 因為全部配料都索曬個湯入曬味, 墨魚味春卷係最有驚喜, 真係食到墨魚粒係入面😊酸菜魚($68)大量滑身既魚片配上大量既芽菜, 娃娃菜, 海帶絲同寬粉, 湯底都係揀左最少既辣, 配料一啲都唔馬虎, 絕對係會食唔停口🤤呢度有堂食同外賣, 又可以用QR code 落單超級方便, 外賣個盒超級cute, 性價比高😍！

一直想試川婆婆嘅麻辣川粉好耐😍近排觀塘開左新分店😆咁方便就即刻去買黎食下 ➽酸菜魚$68魚肉好嫩滑!!冇骨食得好方便👍🏻配菜又好豐富😍 有齊大豆芽 娃娃菜 海帶絲 豆皮 寬粉湯底夠酸辣 好味😋 ➽自選3餸粉麵🫶🏻麻辣寬粉 $20 好欣賞寬粉阿😍又滑 又煙韌嘅質感辣度嗌左中辣 辣得好爽好過癮 仲可以分湯 唔怕浸到d粉腍晒👏🫶🏻鹵水肥腸 $12 厚身大舊嘅肥腸 有咬口得黎唔會韌 洗得好乾淨 唔會有奇怪味道👍🫶🏻台灣麻香貢丸 $12肉質Q彈 帶有少少麻香 同川粉好夾阿🫶🏻魚腐 $10 超索湯嘅配料 超入味

川婆婆終於係觀塘廣場新開左啦！眼見餐廳客人都多，我就嗌左份外賣上家姐屋企食飯加料。睇下餐牌，餐廳既價格非常親民，見到每台堂食客都有嗌水煮魚，而魚片亦好新鮮！ ⦁自選粉麵餐餐廳有好最愛既薯粉，薯粉可以揀寬粉同細粉，而我今次先試細粉，下次再試寬粉。幼身既薯粉配酸菜湯底，微辣開胃，口感爽口，唔會太靭而咬唔斷。配料選擇多，一定揀到啱自己口味的配料。我就揀左台灣麻香貢丸，入口彈牙有少少麻辣香味，比平時坊間既普通貢丸入口更加惹味。 ⦁水煮魚尼款係必食，難怪佢做到餐廳招牌。可以自選辣度，如果愛好食辣，可選大辣🌶️。至於魚肉十分之大塊，而且食落口十分之嫩滑，食完整碗一條魚骨都沒有。用料十足，除了大量魚塊，仲有豆皮，海帶絲，芽菜，芫荽，寬粉，滿滿一碗，淨係食一碗都超飽。 📍川婆婆 @chuan_po_po地址: 觀塘開源道68號觀塘廣場地下G24-G25號

＊呢一站觀塘＊👉🏼👉🏼👉🏼QR CODE落單方便👈🏼👈🏼👈🏼😋水煮魚 (8.5/10)＊一人份量超級足夠，而辣度可以自己揀，今次揀咗小辣＊麵底係食麻辣野必食嘅寬粉，寬粉煙韌有口感＊除咗肉質嫩滑無骨嘅魚片外，配料有大豆芽、娃娃菜、海帶絲、豆皮，份量都唔少，非常掛汁😋粉麵餐(8/10)＊揀選酸菜金湯為湯底，配上腸粉底，湯底非常濃郁＊整散攤開腸粉，加埋配料：蓮藕、風琴豆腐、麻辣牛肉、肥牛及魚腐一齊食，全部食物都汲取又酸又辣嘅湯，又開胃又好味

川婆婆 觀塘廣場地下G24,G25放工返到屋企冇野食，突然想食辣同車仔麵。就想起同事介紹新開既川婆婆。同事介紹佢地係價格親民而且魚片都好新鮮。見佢就算新開張，都已經好多人入去食，想食就要排下隊啦。點左個粉麵餐，寬粉招牌麻辣，有2款薯粉可以選擇，分別係寬粉同細粉，我就點左寬粉食落口感都爽口彈牙，唔會太煙靭而咬唔斷。配料就點左台灣麻香貢丸 , 麻辣牛肉, 墨魚味春卷, 娃菜, 雞肉。推介既有雞柳, 食落都幾滑，另外麻辣牛肉好多塊，食落麻辣味十足。墨魚春卷好好味！食落口感彈牙仲食到有墨魚另外叫左佢地既招牌水煮魚小辣，可選擇辣度魚肉肉質鮮嫩份量都好多好吸引，骨頭都唔係好多。配料超多料都好多有娃娃菜同蓮藕，最鍾意萵筍，因為萵筍脆口鎖汁好食到停唔到口。湯底都好吸引，鐘意食辣嘅朋友一定要試下好味抵食服務好 當然要繼續支持啦，如果你鍾意食麻辣車仔麵，可以試下川婆婆！ #觀塘 #川婆婆 #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog #hkfoodblogge

lunch time 行過見到川婆婆新開張，已經有勁多人排隊，所以一於買外賣返去試下。六十幾蚊，大大兜，夠兩個人食，入面有好多餸，有海帶、豆芽、娃娃菜、魚片、豆皮、粉皮。揀咗中辣中辣。1. 魚片（95.6/100）魚片好嫩滑，完全冇骨，最勁係一啲啲魚腥味都冇（本人有小小魚腥味都接受唔到），大推。2. 中辣湯底（96.8/100）另外要讚嘅係湯底，超級超級麻，本人係好鍾意麻辣比例要麻多小小，呢度完全做到我鐘意嘅比例，中辣都好夠辣。