川品雲南米線

營業中

休息中

用佢哋條link  訂餐，比左錢，等左15分鐘，話老闆娘未返係收到，唔比返個面。同佢講左趕時間，啲伙記話，咁都無辦法嫁，比曬啲單佢睇，佢地話無收到就當唔係。錢就比左。同佢哋講當做善事。伙伴話：哦。

平時呢間餐廳好多人，排堂食又有，排外賣都有，所以今次見到無排隊即刻入去。川品大大碗米線 $66：有豬紅、蘿蔔、雞翼、牛肉、滷蛋、貢丸和腐皮，每樣都有兩件。大大碗最適合同人share。揀咗小辣嘅麻辣胡椒湯底，同時轉埋米粉，希望用米粉索d 湯。最好味係個湯底，小辣啱啱好。椒鹽魚腩：熱辣辣脆卜卜，鯇魚的味道非常突出。不過如果再多加一些椒鹽的話，應該會更好。另外，值得一提嘅係，每張桌子都有包抽取式面紙，非常貼心。

眾所周知，川菜最為注重的便是香氣。當我踏入店鋪時，各種不同香料的香氣如便利劍般向我襲來。當碗麵被端上來是更令人感到驚喜，份量十分充足。今次叫了兩個餸，分別是豬頸肉和蜂巢豆腐，豬頸肉煙韌，有咬口，豆腐吸滿湯汁更叫人回味無窮，米線彈牙。湯底叫了中辣，那散發危險氣息嘅紅，便令我心感不妙，我雖是嗜辣之人，但今次確是高估自己，刺激嘅湯底令我要不斷飲水去中和，但湯底醇厚且富有香氣，令人上癮般一口接一口地吃下去。

happy friday又來食尼間米線，中午慣例要排隊等一等。佢個湯好濃好正，今次叫左雞翼，爆漿丸。最鍾意就係佢d炸豆，真係靈魂，d米線索晒d湯汁，真係超享受，抵佢咁多人來幫襯。而個爆漿丸食落就有些小似蟹籽丸嘅味道，第一次食覺得都唔錯。

📍川品雲南米線大角咀大角咀道38號新九龍廣場地下023-026號舖🍜小鍋米線 - 🥕蘿蔔 ＆ 🍢麻吉燒 (酸麻辣, 微辣) $58 (加底 +$10)🍜豬頸肉米線 - 🫔響鈴 (酸麻辣, 微辣) $57🥛凍豆漿 +$7好耐冇食米線，女朋友個米線胃打晒鼓啦！🤣🤣今日去左大角咀試呢間米線，聽講唔錯😋好彩我地叫左微辣，再辣啲就應該食得有啲辛苦🤣🤣個湯底都唔錯，女朋友話個味似雲川(本人就唔係好熟，淨係覺得唔及老闆娘🤣)。味道唔錯，但我覺得唔夠麻，主要得辣椒既辣，但酸味同甜味都幾好😋餸方面，🐖豬頸肉好食😋其他就正常發揮🤣米線煮得比較硬身，如果鐘意食冧啲既人可能要同店員講煮耐啲🤣另外要一提既係見到店員非常有禮貌，而且好細心，值得一讚！😆雖然味道不及老闆娘，但都過到米線癮😋#bunnytummy_九龍#bunnytummy_大角咀#bunnytummy_米線#panda_yunan_restaurant#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處#米線關注組

今日想食多d菜, 又來食佢, 今次試酸菜魚, 轉薯粉, 另外加通菜木耳同羅白, 可加芫茜我要走青, 隔左一陣送來, 先飲啖湯都幾好味, 雖然唔係好似酸菜魚的味道😋, 不過唔錯, 本身有豆卜同萵荀, 魚片爽脆😋, 大家食要小心部份有細骨, 木耳都係比雲耳, 豆卜淋唔硬好食👍, 魚片都比得幾多, 此款有下次, 份量亦足夠, 不過都係口渴, 值得讚是好貼心❤️, 每一枱都會有包裝紙提供🥰👍

由於身體不適想食清淡d, 今次睇真d, 可以要全清湯, 即係辣肉碎走左佢, 今日食米線唔食薯粉, 加羅白豬紅麻吉燒韭菜餃, 米線正常唔太淋,湯夠熱, 不過都係有点口渴, 韭菜餃皮厚左d, 但味道卻可以, 麻吉燒味道就好一般, 食落有d硬, 下次去食又試其他餸😅

今天下午天氣寒冷 ，走咗過去新九龍廣場， 入咗去川品雲南米線餐廳， 叫了一個胡椒豬肚湯米線 (小辣 ）。可能由於天氣凍 ，食返少少辣嘅食物 ，可以抵禦寒冷 ，覺得好好味 。埋單都只係50元 ，價錢經濟。

今日再來食, 要左清湯薯粉, 加生菜木耳豬紅鹹蛋黃流心丸, 其實出餐比其他一般店舖耐, 飲啖湯, 無乜味, 薯粉正常, 碗野好熱, 最好食都係鹹蛋黃流心丸👍😋, 份量足一定夠飽, 不過真係都係好口渴😅

🇭🇰川品雲南米線·豬頸肉米線$49 l 蜂巢凍豆腐$8呢間我之前喺舊舖食過覺得幾好食 有啲掛住 所以前排黎開大角咀就專登再黎食😎我覺得佢個豬頸肉一樣都係咁好食嘅 肉質都係好好 而且燒得幾香 口感唔錯🐷不過我自己就覺得佢依家個湯底食落冇咁惹味左 有啲可惜🥹好在個蜂巢凍豆腐質感唔錯 而且都掛湯🤣🤣·#rbyeat#rby港式 #rby米線#rby大角咀 #rby新蒲崗·📍大角咀大角咀道38號新九龍廣場地下023-026號舖📍新蒲崗康強街17A號地舖

呀～想試呢間米線好耐，一直揾唔到機會。每次經過都見到排晒隊🚶🏻‍♂️🚶🏻‍♂️🚶🏻‍♂️，今日好好彩一去到就有位。$48包兩個餸都算抵食🍖🥬今日試左酸辣湯底，同平時食開既小鍋米線湯底味有少許不同，幾特別，感覺有小許叻沙味。餸就揀咗腩肉🥓、豬大腸🐷同餃子🥟。餃子是韭菜的，食餃子最怕食到一啲放左很久，變黃了的韭菜餡，好彩呢間不是的～

呢間米線一路都係我個list入面，咁岩又係大角咀附近做野，二話不說梗係要來試吓米線關注組大推嘅米線舖頭！叫咗個豬頸肉米線，同埋小鍋米線（自選兩個餸），揀咗豬大腸同埋豬紅，加杯豆漿$7豬頸肉好入味，都比得多👍🏻下次有機會再食都會想單點一份大腸好好味，淋身容易食👍🏻反而豬紅就冇乜特別米線軟硬度適中，係我鍾意嘅口感湯底叫咗小辣，但好似比出邊一般冇咁辣，下次可以再嗌辣多一度環境方面因為搬咗入商場，所以坐得都幾舒服，又唔會話趕你走，侍四眼哥哥非常有禮貌，會唔該前多謝後，又會不斷提醒小心地滑👍🏻食米線，食到有呢個服務已經好不錯👍🏻仲要每張枱都提供一包紙巾俾你任用，食咁多次米線次都真係未遇過👍🏻

之前經過未去過, 敢啱收工去奥海城個頭, 就去試下係咪d人講得敢好🤔原本係出面排緊隊, 不過老板出來問人數, 見我一個, 就同另外一個坐2人枱, 可能近廚房位置亦近門口位置, 所以有d熱😅 未食過, 太多選擇, 有d選擇困難🤣唔知食乜嘢好, 用手機落單, 第一次食, 就先試麻酸辣微辣, 但我又食唔到麻同酸, 係有好少辣, d湯都好味道, 唔太油, 叫左通菜加芫茜, 不過d芫茜食落不太有芫茜味, 見到有個叫鹹蛋黃流心丸, 感覺幾得意, 未聽過就試下, 其實有d似蟹子丸, 不過食入面d流心係有d似鹹蛋黃味, 木耳都係變左雲耳, 鴨血都幾好食, 整體感覺不錯👍, 值得去再試其他湯底🥢, 但d湯真係有d口渴, 飲左杯凍檸茶都無乜用🤣

係大角嘴附近，突然想食酸辣米線，於搜尋一下， 就發現咗呢間川品。😝😝去到， 見到要排隊， 就諗應該都幾好食。好彩只係排左一陣，就有得食。2個人叫左一碗麵2個餸share, 再加多杯凍檸茶就岩岩好！1.紅油抄手係韮菜餃子黎，個汁個味酸酸辣辣麵幾好味，但就無咩特別，個餃子都幾大粒，但就同平時抄手多數係雲吞就唔同。2. 口水雞都係普通既酸辣味，冇乜特別，份量都係正常。3. 鴨血蜂巢豆腐酸麻辣薯粉呢個住重點！會為左呢個粉再食既， 湯既味道酸酸麻麻，叫左中辣，但都唔算好辣，各個味道都幾平均，個湯都幾好味😋鴨血加埋個湯係好好食，都有4塊鴨血， 份量都叫正常，蜂巢豆腐都有4個索晒個湯，都係好好食😋😝😝薯粉就係偏林身既個款！整體我都幾鍾意， 會再食😛😛

睇新假期介紹，今日有時間去排下隊，大約十零分鐘左右，叫左雙拼米線，豬扒和豬軟骨，再加鹹蛋流心丸，人氣必點👍，真係睇完再去試食果然沒令人失望，加上酸麻辣十分突出，豬軟骨肉質十分軟嫩，唔洗太用力咬已經容化在口裏。之後試左甜芋春卷，以為麻麻地，所以沒影相，好食，但唔太識形容😅