川品雲南米線 (已搬遷) 新店位置

當初網上有人推介必食米線，食完之後我完全唔理解點解會有人推介呢間米線。首先湯底完全無味，麻辣無麻辣味，酸辣無酸辣味，得個咸字。米線同豬頸肉都好一般，完全吾建議大家去浪費時間試呢間米線。

經開大角咀 諗起朋友之前推薦的米線小店正好襯今日試試米線店本身坐位比較少 所以都係鄰近租多左個鋪位 供客人堂食用係等位途中 都見到有好多人叫外賣或者排隊等堂食 今次等左大約10分鐘就有位見到OpenRice 好多人推薦豬頸肉 豬腸 腩肉所以今次就叫左 一碗豬腸 豬紅米線（中辣）另一碗就 炸醬 腩肉米線（小辣）小食叫左泰式豬頸肉(中辣）個湯底幾有驚喜 夠酸非常濃味米線煮得比較淋 但我自己鍾意食偏淋米線整體都滿意豬腸份量頗多 但豬紅大約只有四舊豬頸肉係份量同味道我覺得中規中矩可能當一個餸咁叫會抵d 同入味d下次嚟會再試下其他餸

睇YouTube介紹必食嘅米線之一🍜即管試吓係咪咁堅😎..▪️豬頸肉米線(小小辣) $42 • 9/10聽講豬頸肉係必叫😆同埋一定要叫酸麻辣湯底！！好出色👍🏼👍🏼叫咗小小辣，辣度剛好，食落好有層次感～最緊要夠酸！夠麻！100分湯底💯米線份量都算多，麵質嘅軟硬度都適中🥢豬頸肉夠香脆，雖然浸咗落湯，不過都keep住有脆卜卜啲邊，油脂分佈亦都好平均😋私心加咗響鈴同腸仔📝 **每款餸加$8**響鈴浸落湯底，吸收哂啲精華，冇得頂‼️‼️而腸仔就煎香咗先放入湯，個人比較prefer齋烚嘅廚師腸，好似夾啲😛..▪️口水雞 $40 • 9/10超級惹味，辣度剛好，雞肉好嫩滑😋👍🏼啲汁都係精華之一，用嚟撈飯一流💯

喺大角咀住咗咁耐都唔知有間咁好食嘅米線見到近排Fb米線關注組啲人試過都話唔錯於是就跟風去試吓～橫掂咁近屋企麻小辣胡椒湯底+豬軟骨+豬頸肉正正～鍾意食胡椒嘅一定要試呢個湯底～胡椒味都幾出另外都可以打電話去落定單先以免多人等好耐

可能我嘅好評為小店帶嚟麻煩啦？可能係導致生意由忙變超忙？係嘅話，真係要說聲抱歉！我唔希望因為我嘅好評而導致小店廚師制作出嚟嘅食物大失水準！點解咁講？咪就係我萬萬都冇諗過食竹笙會食到啖啖都係沙！完全唔食得，2餸實際變咗1餸！未食之前，我已經諗定評語嚟讚，唔係間間店都有竹笙，真係人算不如天算！豬紅有1、2件係有極之少嘅醙味，我條脷比較敏銳，少少味嘅差別都食到，真係唔知好定唔好！接住落嚟係讚嘅，窩筍新鮮香氣撲鼻，薄薄地都幾多片；蜂巢凍豆腐勁索汁，連同好味嘅湯汁一齊入口，原來清湯嘅辣度係最低嘅，唔食得辣又想食辣嘅朋友仔可以試清湯！何解清湯都辣？咪就係配料都係微辣囉！一開始我都唔發覺，之後因為感覺自己有啲熱氣但又想食米線咪諗住清湯唔辣囉，點知都係少少辣，先留意到係配料微辣嘅緣故！我嘅好評只係想鼓勵下廚師，希望可以堅持，保持水準同不斷進步！

一向都好鍾意食米線、薯粉嘅，都竟然從未知道自己附近有間雲南米線！🤦‍♀️一試不得了！吸引我再食嘅因素：1）米線夠軟滑，2餸（招牌腩肉+雞翼尖）$43；（唔會好似某啲店整到硬嘅，口感太差）2）足料，雞翼尖夠淋，如果可以入味啲會更好，而招牌腩肉之所以叫招牌係有道理嘅，肥瘦適中，食落口唔會太硬，帶油香；（淨瘦肉係唔會有嘅口感同香味，太肥又會太肥膩）3）湯底微辣已夠香，唔會因為唔夠辣而唔夠味；4）口水雞$40夠滑嫩，唔會好鞋口，入面嘅花生一咬落去，好香之餘連埋口水汁嘅香辣味一齊，令人食慾大增，對於鍾意食香菜嘅人嚟講，多幾片香菜會更吸引；5）可以打電話落單，唔洗去到先等；6）有得俾Alipay, 超方便！冇得雞蛋裏挑骨頭！要試埋其它食物同薯粉再講！

🔹Pooh前排好想食好味嘅米線，睇咗唔少人喺米線關注組推薦呢個👍🏻 加埋有響鈴叫即刻吸引到我🥳 環境完全係小店風格，食完推介朋友都話好正😛 Pooh私心覺得佢仲好食過荃灣老闆娘🤫1️⃣⭐️豬頸肉米線 $42 (8.5/10)⭐️哩間主要行酸辣湯底為主，Pooh揀咗小辣似譚仔2-3小🌶 辣度啱啱好，唔會比酸味搶過😋 湯底好香濃，唔會好稀好淡👍🏻 唔似譚仔湯底味道單一，哩間食落多層次🥳 或米線份量都好足，滑得黎唔會淋到斷🍜 豬頸肉好香脆，油脂分布剛好🐽 完全唔會比個湯整淋💕 再加響鈴 (+$8)同魚腐 (+$7)，大推響鈴索啲汁食一流🥰 魚腐就偏細，表現普通啲😗

大角咀一間面積小小 好像不太起眼的米線店, 通常呢啲都臥虎藏龍 反正路過就試試佢 點知都真係有小小驚喜小鍋米線轉薯粉小辣 配炸醬 蘿蔔小鍋米線轉薯粉小辣 配炸豬扒蒜泥白肉 凍檸茶 豆漿湯底超級濃厚, 睇色水都知係重口味呀 試一試湯頭 有酸有辣 不過感覺咸左少少 碎濕濕配料如 芽菜 韮菜 酸菜 肉碎 都俾得好足 ～ 炸醬偏乾身 份量俾得好足 蘿蔔都煮得算淋 清甜既 . 特別一讚炸豬排🥩炸衣透薄但肉質軟軟的 並沒有炸到乾柴烈火咁 外脆內軟 保留肉汁 炸豬扒高質呀蒜泥白肉係方形小片既肉肉上鋪上蒜泥醬, 肉下面再有一片青瓜中和蒜泥既濃烈 🧄 味道幾特別 好味 出面少見整體來說 炸豬扒絕對高質 適合喜歡重口味的人

今日黎到大角咀試小店，富多來出名多小店，我都特登黎試試，響周邊行左2個圈，最後簡左哩間米線店一試，原因係一行過就聞到一陣陣香味，決定一試！😍今次試左豬扒米線同小窩米線，小窩米線簡左3餸，有雞肉，招牌腩肉，同埋生菜，為大家介紹一下🥰豬扒同腩肉：好入味，肉質唔會太淋，仲好有咬口米線：煮到岩岩好，唔會太淋，又唔會太硬，質感適中雞肉：夠滑，唔會太鞋對於唔算太食得辣既我，叫左小辣，我覺得都好辣下，建議第一次試既朋友仔叫少少辣，唔係會流晒鼻水😂😂總結，可以有下次，下次再試其他餸😛😋

本身好少食米線，可能因為自己唔食辣，平時食三哥嘅清湯米線會覺得好齋，唔係幾中意。不過聽人提起大角咀依頭有間好食嘅米線，喺社文平台嘅米線關注組同ig都好多人推介，我之前嚟食過一次之後就愛上。間鋪係喺細商場，其實唔多起眼。鋪頭裡面真係好細，得4張檯左右，佢對面仲有另一個鋪位可以容納到多啲人，但整體嚟講店鋪環境始終麻麻。我今次係買外賣，叫左小鍋米線($42)，可以揀兩款餸，我揀左招牌腩肉同醬爆丸。雖然唔係好食得辣，但驚清湯又太寡，於是揀左微辣。佢嘅腩肉半肥瘦，食落軟腍，本身雖然有少少辣，但食落非常惹味。而且腩肉分量都比我想像中多。而佢嘅湯底亦係我覺得頗出色，店鋪主打酸辣米線，雖然自己只係叫微辣，但湯底其實都已經係幾濃郁，覺得佢帶有陣陣花椒味，食落會覺得有少少麻，但同時又好香口。連怕辣嘅我都忍唔住飲左幾啖湯。至於米線軟硬適中，正正常常，但索哂啲湯汁一齊食就覺得好正，麵嘅分量都多。本身對米線依樣野無咩好感，依間店嘅湯底就令我有啲改觀，食完會想再幫襯。不過湯頭真係重口味，我揀微辣食完都已經覺得口渴要飲返多啲水。如果叫中小辣嗰啲相信會更加勁。雖然係咁但我覺得係幾滋味，令人食慾大開。另外除左米線，仲可

🍜 炸豬扒豬紅小鍋米線 小辣 $49見比較多人介紹豬頸肉 其實佢地既炸豬扒都好好食架✨豬扒已經切好咁上 醃得好入味好軟腍 即炸即食好惹味另外豬紅都好滑 仲有配返芽菜、酸菜、韮菜、肉碎講返湯底 佢既小辣係比出面一般小辣更辣整體好香濃 酸辣之中都會有啲花椒麻香味米線既軟硬度適中 值得一試🥳

【大角咀超濃湯底酸辣米線😋炸醬腩肉口水雞必點！】呢間位於大角咀既酸辣米線，榮登小編酸辣米線top 3！！睇番佢呢間新開無耐既小店，IG既然有咁多人推薦，一試，果然好正！湯底+配料都好入味@hkdine360 介紹左好多間好食既餐廳，每個食評都好比心機寫架，大家可以follow page同like post!______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作我地叫左咩：1⃣麻川口水雞米線 (響鈴+肥牛) (💝9/10)- 可以轉薯粉或湯飯，我地改左薯粉-$58+7+82⃣小鍋米線 (招牌腩肉+炸醬+酸菜+木耳) (💝9/10)- 小鍋米線可任選$7或$8兩個餸$42+7+7😍先講湯底🍜🍜🍜：兩碗湯底色澤同味道都一樣架，都係酸辣米線湯底，湯底好濃，酸味同辣味好balance，上面加左辣油，配埋芽菜、酸菜、韮菜、微辣肉碎。另外可選加唔加蔥同芫茜辣度有分大辣、中辣

不嬲都勁鍾意食米線，最近搬咗屋所以周圍搵下附近有咩美食。閒逛時發現依間川品雲南米線，價錢抵食就想試吓。後來先發現原來「米線關注組」都好多介紹，真係好嘢嚟！當日我哋假日中午入座，唔洗等唔洗排隊主要食客都係附近嘅街坊。我哋試咗落單紙上必食嘅「招牌腩肉」同「炸醬」真心唔Hea，好好味，揀咗小辣辣度啱啱好，啲炸醬唔似連鎖式米線店個啲咁水，好味好多，連個湯底都好好飲。唔知大家有無一個經驗就係食辣野成日唔記得帶紙巾😂跟住就要食得好小心，盡量唔會將啲汁彈到周圍或者流鼻水等。但品川係有一包紙巾放上枱面俾你使用，我覺得依件事對我嚟講好窩心。地址：大角咀晏架街77號富多來商場二期地下6號舖

事緣係我係Instagram見到某位food blogger嘅一個post，佢話呢到嘅豬頸肉係佢見過米線鋪黎講最有誠意最好食嘅一間，所以我就搵日走左係黎試～一黎到有比佢個鋪嘅大細嚇一嚇，因為門口真係好細裡面總共有4張枱，有啲坐到4人，有啲就2人枱，呢到都幾多中學生幫襯我叫左個豬頸肉豆卜米線，加枝豆漿，樓面收錢都係老闆自己一腳踢，雖然佢好少位，不過都有唔少人叫外賣喎，所以等老闆收走張落單紙都要等一等。真係好味，湯底夠味，豬頸肉好嫩，份量又多，米線嘅軟硬度都岩岩好，呢間認真唔錯

大角嘴呢頭真係好多平民食店，最近天氣轉涼，想搵啲熱辣辣嘅野食，今次去左川品雲南米線食晚餐😊😊店內細細只有五、六張枱，原來係商場入面仲有間舖都係佢哋既，個度就多啲位，比較好座。豬頸肉小鍋米線•小小辣另一碗轉左做薯粉，其實兩碗都叫左小小辣，不過唔知點解一碗湯底係深色啲，懷疑係一碗俾左小辣🤭深色湯底明顯係較辣，假設左佢係小辣🙈食開譚仔5小辣既會覺得呢個有點辣🤣湯底偏重口味，配料有肉碎、酸菜、芽菜、韮菜，好鐘意豬頸肉，煎到邊邊脆脆，肥瘦適中，碗米線食到最尾都好熱，呢啲天氣食米線真係一流！不過薯粉有啲未煮得淋，有幾條仲係硬的，比較推薦米線！