川味香

營業中

休息中

行過試吓買外賣，叫了鍚紙花甲粉及麻辣牛肉鍋。花甲其實是有沙的及好細的蜆，完全唔好食。麻辣牛肉超級咸。有些蓮藕片及薯仔正常。女服務員也沒有什麼禮貌，不友善。不會再去。

好多外賣單，但整好咗一直放係道，問咗三次都話未得，但明明張單都剔哂每個餸，唔知差啲咩，其實串燒要熱先好食，我都係想快啲拎完返屋企食，而唔係等你放係個冷氣位度吹到凍哂先比我，第四次行入去問，佢就話有，咁點解唔係一有就叫我入去拎？我一直係門口等緊，我仲要見到你一直包好咗放係果道，咁我一直等緊乜呢，返到屋企所有野凍哂，浪費我個胃，浪費金錢都算。味道就只係得啲辣粉，肉就冇調過味咁，真心唔知點解咁多人叫，寧願食美味佳。

晚市時間walk in😅😅咁岩我地入到去果陣淨係得我地1枱😆😆不過食食下都愈黎愈多人..坐滿成間舖頭😲😲全個場大概只坐到4枱人 設施都比較殘舊 不過衛生情況ok 都可以接受既🤔🤔$200蚊左右既串燒..(原諒我真係寫唔出叫左d咩串燒🤣🤣)呢度係即叫即燒既~所以等左半個鍾左右先有得食😝全部串燒都有少少燶..基本上所有串燒都係同一隻味 都係鹹鹹地既炭燒味🤣可能因為叫左唔辣同埋冇比其他調味既醬汁🤭比較特別既係燒土豆片~唔係度度都有得食架..🤗

好耐冇食串燒，喺open rice search到哩間，見都有好多好評就試下，點知係衰到貼地🌚 基本上所有食物（除了茄子外）全部都係燒到柴皮咁，乾爭爭，燒燶晒… 最過份係雞全翼仲有燒到穿左個窿🌚🌚🌚🌚🌚 17 蚊一隻咁既雞全翼真係好過去搶除左個燒茄子係叫幾好味之外，其他嘢全部係差🤬🤬🤬🤬🤬🤬

最近由尖沙咀搬左去黃埔，本身貪佢交通都方便，但無諗過原來食同買野都好方便，仲好多選擇。當日收工晏左，返黎兜個圈搵食，發現呢邊都有好多小店，見到呢間鋪收零晨原來，就試下外賣佢地D串燒。鋪頭屬於預店，坐位比較逼小小種類同食物都好算好多，雙面既點餐紙買完拿拿聲拎返屋企開餐蒜蓉燒美國大生蠔$48/2最中意就係燒蠔，大大隻，而且勁多蒜蓉勁香又一個串燒必食既蒜蓉燒完條茄子$35不過有小小凍左，如果即場食相信更惹味佢都好多蔬菜選擇，除左基本金針菇娃娃菜之外，仲有啲蓮藕片、燒雜菇、雜菜。我就要左份錫紙雜菇$38入面有冬菇、娃娃菜、雞髀菇、金針菇，而且又係大量蒜蓉！其實佢賣$38咁多款又算大份，所以都幾抵食串燒種我叫左燒牛肉串、雞軟骨、沙嗲雞肉串、燒脆香雞皮，大概$12-20一串牛肉20蚊串，都算多粒，而且好香。隔離嗰兩串係沙嗲雞肉，我以為係好似泰式嗰種有好多沙嗲汁，點知唔係🤣 不過食落啲雞都滑。雞皮就算凍左，但都依然脆卜卜😙其實佢仲有炒麵炒飯，牛舌、芝士年糕、紫薯、魚類都好想試，但可惜眼闊肚窄、唯有下次再試。

疫情搞左咁耐都未掂，而家想食宵夜都唔知去邊好。間間野十點就收檔，唯有落7仔買個杯麵！點知樓下間7仔都唔開！黑到呢！好彩行過兩步聞到一陣串燒味。睇返先知佢開到四點，呢個宵夜有著落啦。可能係附近唯一有宵夜食既地方，舖仔細細都坐滿晒人！叫左一大堆串燒好快就到，佢落左好多香辣粉。全部都好惹味，可能因為客多而燒耐左少少。整體都算可以！要試既係個燒豬頸肉，咬落去唔會話太硬或者好油。除左有佢落既調味之外，肉汁仍然鎖左喺裏面。仲有一個燒茄子，唔會話燒耐左就唔好食，佢夠晒熟所以好容易就夾到出嚟。茄左啲調味粉更加正👍🏻特別要講一講既係辣牛肉鍋，辣之外又保留住啲香味！唔會得過辣字，送埋飯就岩岩好。可能下次要等冇咁多人既既時間再嚟！期待下次！

半夜肚餓想食串燒，發現原來川味香開到凌晨，10點後食肆關門都仲可以買佢既串燒外賣，仲要10點幾去都有好多人一齊落緊單添😋😋今次宵夜就叫左唔同款式既串燒，豬，牛，雞，蔬菜都有d, 即叫即燒等廿幾分鐘就有得開餐，又近又方便😚😚今次再食都係覺得雞翼($34/2串）好食，小辣既口味有埋孜然粉同辣辣地既味道，熱辣辣既雞翼好正🤤🤤仲有手切雞腎（$14),鴨舌（$22),雞軟骨（$14)都係必點推介，調味適中又燒到岩岩熟唔會過火😍😍另外茄子就係我每次都差唔多必點既，超多蒜蓉+辣辣調味，鐘意重口味既就岩哂啦🍆🍆📍 川味香 (紅磡)紅磡德民街29號德民大廈地下J1號舖

記得疫情嚴重，限堂食令的時侯黎過川味香叫外賣，今晚晚餐食得好少，夜媽媽肚餓，想食宵夜之際諗起串燒，黎到川味香再次外賣，今次點的海鮮比較多，想補充下啲優質蛋白質啊蒜蓉扇貝帶子$58 / 2隻個人認為扇貝帶子係呢到最抵食，大大隻～鮑魚已經幫我起左肉，食落充滿蒜蓉香啊蒜蓉粉絲活貴妃蚌$82 / 2隻超多粉絲索哂啲汁正蒜蓉焗西蘭花$35 /份錫紙兜裝起幾企理預設左有孜然粉同辣椒粉，都見到有啲辣椒仔係到，係遷就左香港人的辣

夜晚10點落單外賣自取 預計10:48可以拎我10:40去到舖頭門口 佢話冇咗我張單後來等咗佢10分鐘 佢先check到話俾人偷咗我啲嘢食我再追問 佢話：咁算啦 冇辦法咪重新整過俾你囉 你啲外賣整完就咁放喺門口唔洗check任人拎 俾人拎錯咗我啲嘢食 仲講到好似客人嘅責任咁 重新整過都應該喇 阿姐講到好似施捨俾我咁等咗兩個鐘都仲未整好阿姐又話：冇辦法啦你都見到有咁多單啦其實做唔切 就唔好接咁多單啦好心喺門口等外賣不斷見到有人嚟拎外賣都拎唔到 話嗌咗少少嘢都要等大半個鐘另外喺舖頭門口見到好多曱甴🪳同大老鼠同埋佢哋用黑色嘅食油加上阿姐態度惡劣 無下次！

《黃埔川式燒烤店 超抵食惹味串燒》呢間舖頭喺黃埔已經開咗好多年，之前食過一次，好懷念嗰陣嘅味道😋，近排突然好想食串燒，所以就約朋友嚟呢度食啦～溫馨提示：平時食開BB辣嘅朋友仔千祈唔好叫辣😂1. 錫紙類🍜錫紙麻辣花甲粉 💰50（8/10）花甲都有好多舊，粉絲份量豐富，配菜有少量娃娃菜同埋金針菇，全部配料吸收晒麻辣湯底，仲有少少蔥花同蒜蓉作調味，非常惹味，唯一缺點係有幾粒花甲好多沙，可能洗得唔夠乾淨🥲🧄錫紙焗蒜蓉娃娃菜 💰35（10/10）蒜香濃郁，配娃娃菜一流，冇得挑剔👍🏻➿➿➿➿➿➿2. 海鮮類🦪燒蒜蓉美國大生蠔 💰48/2隻（5/10）生蠔唔算好大，咬落去雖然creamy，但好腥，燒得唔夠熟🌊燒蒜蓉扇貝帶子💰58/2隻（10/10）超級推介！白色帶子肉勁大粒 ，滿足感極高，軟嫩多汁，肉厚鮮甜，配上蒜蓉牛油汁超好味😋🐟鹽燒多春魚 💰38/6條（10/10）多春魚肉汁嫩滑，表面燒到金黃色，一啖咬落去成口都係魚子，味道好鮮甜，超級滿足！！☺️➿➿➿➿➿➿3. 肉類🐥燒雞皮 💰22/2串（9/10）烤雞皮第一次食，口感幾特別👍🏻🦴燒雞軟骨 💰14（10/10）雞軟骨油脂分布平均，烤到有少少出油

一星期總會叫呢間餐廳外賣，宵夜睇波吃住串燒一流！鵝肝調味加上面包 味道岩岩好，雞皮燒到好脆口，加上辣粉 好惹味。 翠玉瓜 咬落去好juice，仲有其他 蒜蓉茄子， 雞軟骨。。無影到相。 可以一試～～

第一次食，外賣返尼凍晒。食落無味，好似無落味粉⋯我點最普通嘅雞肉牛肉五花腩都無味同好乾。可能咁啱店員唔記得係我果份落味粉？今次係我最難食既串燒體驗😭真係唔會再叫第二次😢失望，未試過食串燒會咁。

第一次食個時真係覺得幾好味，當時佢未接咁多外賣單，係維持到水準既，但當第三次幫襯佢時，太多外賣單，跟本做唔切，好多外賣都等左好耐，我地堂食一邊食一邊等還好，但水準差左好多，食物全部都係炸既，唔係燒既，環境衛生都愈來愈差。做唔切外賣不如就接少d單啦。真係登叫熊貓戶戶x既人慘，佢做唔切就叫外賣員取消訂單。真心唔會再襯，希望老細重視下個問題，你請幾多人都係做唔切，做到員工又發脾氣，食客又等得耐，唔會再幫襯。

串燒一定係宵夜嘅首選一啖串燒一啖啤酒諗起就覺得好爽好正今次嚟到位於黃埔嘅串燒小店 同朋友聚一聚😋由於係小店 店內座位唔多比較多人會選擇外賣自取～✨個人推薦系列✨烤五花腩肉串 $20/ 3串超推薦呢個五花腩肉串～咬落口 啲油脂爆曬出嚟 係幸福嘅味道❤️孜然粉都加曬分 好香口-燒豬頸肉 $16/ 1串口感煙韌😋份量都唔少 有成4 5舊-燒薄切牛舌 $18/ 1串完全唔係薄切!!!! 係厚切牛舌!!!超厚 超煙韌 又香口 又大塊可惜牛味唔太重 不過都幾抵食!!!-燒大雞髀 🍗 $35/ 1隻雞脾size都真係幾大隻🤣附上埋鉸剪可以剪開share食雞髀嘅雞皮 燒得好脆卜卜 口感level up ⬆️ 🤣-惹味原條蒜蓉燒茄子🍆 $30/ 1條嚟食串燒 點可以唔食燒茄子😋蒜蓉味十足 茄子又多汁!!份量絶對唔會令你失望

實在係令人有驚喜的小店😚燒物一律都好滿意，孜然粉落得好足，增加晒惹味程度😋燒物完全無燒過龍嘅感覺之餘，仲keep到d肉juicy，爽口彈牙👍🏻 當中我比較推薦嘅係燒豬頸肉，燒韭菜，燒深海大墨魚咀，鹽燒多春魚，同埋燒京蔥😋 鹽燒多春魚真係每一條都幾飽滿，而且一啲腥味都冇。豬頸肉同埋大墨魚咀真係食到爽，彈嘅感覺👍🏻 最後叫左一客流心芝士年糕當甜品🥰口感軟糯不黏牙，芝士味夠香濃，正👍🏻食嘢嘅時候見到舖頭都不斷咁接外賣單，睇嚟小店都好受紅磡區街坊嘅歡迎😀