川味雞米線大王 (已結業)

之前成日都同啲朋友去恆安街市食下少食咁， 今次收工返到去一丁友去食下米線入到去因為肚餓既原故我叫左個小食同因為諗唔到食咩餸既關係我叫左個大王米線先黎個小食，係涼拌海蜇我叫左小辣。如果鐘意食辣既朋友一定要叫辣啲，佢少辣有啲野味，海蜇爽口加埋辣咁食真係口水都流埋之後到個大王米線食完我都介紹左俾朋友話下次一定要黎試下，因為性價俾真係好好一黎到首先真係見到好多餸之後每樣講下啦。先講個湯底，我叫左麻辣湯底，bb 辣，湯底好味好吸引， 下次再叫會試下辣啲因為我覺得鐘意食辣既話一定食少,中辣都無問題而且佢個湯越辣應該越吸引響鈴：佢係脆口，絕對唔係平時有時餐廳放到淋哂個啲，我食到後尾聽到有對情侶黎食，有個女仔叫米線個陣揀左兩份響鈴可想而知，佢地響鈴係好食之後到豬腩肉，佢半肥半瘦，口感軟身唔"un"， 而且吸左啲微辣既湯底，令到個肉咬落去個陣都有湯汁流出黎，成件事係幾配口然後冬菇，冬菇滑身，爽口，處理得好好貢丸同墨魚嘴丸，口感都係好彈牙，貢丸味道濃啲食落口更出眾豆卜唔洗多講啦 吸湯食一流成碗野真係又大碗又好食又好飽下次再食食下薯粉先

今日喺馬鞍山買完餸，我哋就嚟咗呢間米線食嘢， 我哋一共兩個人，所以最簡單就叫左個二人套餐！ 套餐有一個大王米線，米線包羅萬有，乜都有，裏面有響鈴、牛丸、牛肉、墨丸、牙菜、冬菇各適其適什么都有，同埋我哋叫咗兩個小食，一個就係茴味雞翼另外一個就係紅油抄手， 仲有兩杯飲品， 都只係128蚊 ，非常之抵食， 分量又好大， 我同朋友每人都有一碗米線， 大家share啲小食！ 回味雞翼好有雞翼味，·紅油抄手唔係太辣，但係好香， 啖啖肉 好好味 ，最重要就係這款米線唔辣，D湯底好鮮甜， 配合它的餸， 簡直一流！ 下次可以試下其他米線！

親民足料大大碗薯粉 間唔中都會入去恒安探朋友，一直以來都聽過恒安街市依加好多好嘢食🤤 今次終於同友人過嚟睇下，真係成條街都嘢食，但見到呢度有麻辣米線就入咗嚟， 係正正式式一間舖，比起出面啲舖應該好坐好多，出面舖頭係好似坐路邊咁嘅。😂 坐低見到枱面有疊紙，好似車仔麵咁自己揀麵同餸，$38 隻拼口水撈，可以揀兩個餸，加罐汽水都係加$5。 ⭐鹵豬大腸加牛百葉撈薯粉，BB辣。平時唔食得太辣，BB辣啱晒我，少少辣但麻味十足，加上好多芝麻喺面，非常香！大大碗薯粉，啲餸又足料，其實淨係啲芽菜、酸菜、花生已經好多，最後我食唔晒… 大腸同牛百葉都煮得好林，薯粉都幾彈口。 ⭐魚皮餃、鹵牛脷加鹵金錢肚湯米線，少辣。🌶 友人碗湯米線都係大大碗，本來佢仲驚兩個餸唔夠，加$8 加一個餸，最後食完飽到上心口！ 佢話魚皮餃都唔錯，皮唔會厚實實，牛脷同錢肚都夠林。佢食開辣就覺得少辣就真係少少辣咁。 周圍望下先知原來呢度有咁港式早餐，價錢都算幾親民，友人話平時朝早都好多人嚟食早餐，下次早入嚟都可以嚟試下。

馬鞍山呢個美食沙漠當中🤡🤡恆安街市開左好多小食店-咁耐以黎都無試呢間米線今晚突然想食薯粉就來幫襯下先～～～-鍾意食辣既朋友見到呢個餐牌應該會心心眼又口水雞，又麻辣又酸辣點忍到口呀🤐🤐-原來都有早餐同下午茶，相對港式翻少少-唔食得辣既朋友但又想過下口癮既話可以好似我咁試一試BB辣佢既BB辣又真係唔辣，我都食到！但會食到舌頭有少少麻痺😂😂😂-撈薯粉份量都相當多，實夠飽大腸夠肥夠香--鮮牛肉又幾滑口-下次黎再食下湯麵先～

我係一個超級鐘意食辣🌶和鐘意食米線嘅人😆最近發現馬鞍山恆安邨開咗間叫川味雞米線大王嘅餐廳🥰我梗係要去試吓啦😆餐牌都有好多唔同嘅美食😻除咗米線仲有好多西式食物😋最吸引我嘅係All Day Breakfast😻😻有好多四川小食😻樣樣都想試🤤我同老公最後叫咗《大王米線》二人套餐，我哋揀咗麻辣大王米線小辣🍜小食叫咗招牌口水雞🐔茴味雞翼🐔飲品叫咗可樂和忌廉😋大王米線超級大碗😻有牛肉，響鈴，貢丸，墨魚咀丸，新鮮冬菇，辣泡椒肉碎，芽菜，豆卜。米線係超級多，多到我們差啲食唔曬，墨魚咀丸好鮮味彈牙，牛肉新鮮嫩滑多汁，豆卜吸曬啲麻辣汁，真係正到爆🤣真係要比個Like呢間餐廳👍🏻啲芽菜超多😻同埋好新鮮好爽口😋招牌口水雞係餐廳嘅招牌菜當然要試啦，啲雞好嫩滑，麻辣汁夠麻又夠辣，花生好脆口😋茴味雞翼係新鮮即炸😋送到嚟時仲係熱辣辣🤩超級脆口😻雞翼仲好Juice👍🏻餐廳職員好細心💖米線叫我叫咗小辣先🌶唔夠再比麻辣汁我👍🏻因為唔想浪費食物😉最後兩個人食埋去，啲米線真係超級多😆環境佈置好特別😻好似置身係花園食米線咁🌷座位坐得都好舒服😊唔會好迫😌坐低後職員都會好熱心介紹食物🥰整體都好滿意👍🏻食物份量超多👍🏻我們食完超級飽😋

今日行經恒安，知街巿轉左又新又多野食，而網上此間食評都正面……座位係卡位，坐得舒服，又唔使等，就試下啦！但可能真係只啱食辣嘅人，因為我選清湯，竟然完全無味，$38 兩餸，份量又少，嘢飲另外再加錢， 無下次……

馬鞍山恆安街市出名夠令同多野食，今日去搵朋友一直猶豫去邊度食晚餐，見到呢間餐廳嘅裝修都幾靚，行行下就入左去呢度食！呢度嘅模式有啲似車仔麵，揀好咗個麵底同湯底，再可以加唔同嘅餸，好有香港特色！聽老闆娘講呢度嘅爆辣泡椒湯好適合鍾意食辣嘅人，我即刻眼前一亮，立馬試清楚啦！朋友就叫咗個招牌口水雞撈，貪心嘅我當然偷咗佢一舊嚟食，原來啲雞都幾滑！自由撈比我想像中大碗，而且啲料都好足，爆辣泡椒湯底果然冇介紹錯，夠晒辣得黎唔會死辣，椒味夠重，令人一試難忘！

成日食麻辣米線都係有湯既，依到有“撈”既食法！！！自問唔係好食得辣既朋友還是乖乖地選bb辣好啦，因為佢依到既辣醬真係好堅““““辣”””””！！！青瓜墨魚丸酸菜芽菜撈米線，因為個人唔食花生既關係叫左走花生，正常有埋花生呀！！！撈米線個口味就濃d，不過個碗底重有小小湯，如果過湯過得再乾d完全唔濕咁撈會重野味！！！依到既墨魚丸係有咬口既，食到粒顆墨魚口感，唔腥，正！青瓜酸菜芽菜伴埋配撈米線，食落好夾！！！座位主要是卡位，坐得舒適不迫窄！！！依到既裝修都幾美觀，好多花花裝飾！！！店門外。叫左個涼拌海哲，但趕住搭車拎左個盒打包，番到屋企放係雪櫃雪凍黎食重正，大家都可以試下外賣黎食，個海哲調味調得唔錯，唔會太咸，重有d青瓜咬下！！！

依家行街市好似已經變左種娛樂節目咁，因為依家比大財團重新改革改頭換面，佢地旗下既街市都設計得好靚，地方清潔左，真心覺得不錯，而且佢地既街市多數會分左一部份黎做食街，好多小食店餐廳飲品店等，依間川味雞米線大王就係其中一間啦！！！之前行九龍灣啟業個街市都食過依間野都不錯的！！！***嘩，有花膠魚翅撈同魚翅撈米，重要係100%真魚翅，重要只售$108/$88，又幾吸引！！！餐牌有圖更令人增加食慾！！！麻辣湯底夠香濃，辣得過癮！！！自選餸：生菜+魚腐晶瑩剔透既薯粉，特別索湯，平平無奇既粉條都變得野味！！！涼拌海哲，會有d青瓜絲伴撈，兩者好夾，好爽口，有咬口！！！