川味雞米線大王 (已結業)

米線大王主打米線，但店舖其實有賣車仔麵，價錢都算全理，基本麵底+2餸$38，之後每個餸+8，麵底都夠多。爆辣泡椒湯米線+魚腐、五香肉丁$38爆辣泡椒湯寫明只有大辣，諗住要真係好辣，但食落可能同譚仔三小辣差唔多，所以同期望好辣有d落差，湯內有酸菜、芽菜同花生，所以湯低會帶點酸味。魚腐口感好柔軟，而且索哂湯汁好入味。五香肉丁係普通罐頭肉丁無咩特別。今時今日以$38食到一碗份量夠嘅米線算係平民，但不過其後每個餸加$8有啲貴，另外熱飲加$5、凍飲加$8都係貴貴地，反而汽水加$5又合理喎。

見到上邊的恆安冰室，以及下邊以前都在青衣吃過的金龍泉茶餐廳，動輒吃個午市頹飯都要$52於是就走到下邊的街市看一看，通常領展的商場，都會有個公開的熟食市場，然之後有間食米線、餃子、麵包店等等。發現有一間叫做米線大王，名字吸引，亦都不如頹飯那麼悶極，於是就內進試一試。後來發現原來它都挺多款式，例如有夫妻肺片、口水雞、雞翼等等再配米線，但我就點了個口水撈米線兩併，選了牛脷以及鹹腩肉。米線看來亦都相當大碗，網網千斤，筷子夾起上嚟都可以夾到不少米線。米線不算非常彈牙，但也不會完全林到沒有嚼勁，還算剛好的，麻辣撈了在米線以及配料之中；腩肉，不算太肥，是五層的，上面皮，中間有些肥，有些瘦肉，再少少肥膏，下面是瘦肉。另外就是牛脷，亦都是設成小正方形，細細塊的，雖然不算牛香極為香濃，但它的質地也相當不錯，是薄切的那種鬆林牛脷。兩種配料都比較細，都是切成小正方形薄片，上兩次的說的外型，亦都是由於撈米線已經加入了口水汁，因此兩種肉都充滿口水汁的辣香，香辣的味道蓋過了它本身的肉味。最意想不到的就是它的酸菜，這種酸菜，有些比較碎而薄的，有些就比較大舊大大塊的酸菜，吃來好像印象中都想過這種酸菜，但又想不起，後來才

街市裝修完都好少係d餐廳到堂食，難得今日早放工就約埋友人去試下....點餐紙都有好多選擇粉底: 撈/湯 配薯粉/米線湯底: 爆辣泡椒湯、重慶麻辣湯(大中小BB辣)、蕃茄湯、清雞湯餸: 生菜、青瓜、蘿蔔、冬菇、滷豬大腸、豬腩肉、鮮牛肉、牛脷、金錢肚等等.雙拼米線🍜$38 另加餸都係每款加$8清雞湯米線、豬腩肉、金錢肚湯米線(小辣)豬腩肉、鮮牛肉叫左小辣都唔係好食得出，下次可以叫中辣試下🤣整體黎講都幾好，上菜速度好快，抵食又足料，滷水豬腩肉同金錢肚滷得好入味，但就嫌豬腩肉肥膏多咗dd,肉只有好少,唔夠喉😖

馬鞍山恆安邨自從有了夜市，一直是夜貓搵食地，其實早上恆安街市才是人流最旺，裝潢後地方更寬敞，冷氣夠，地面乾爽又乾淨，今日便在這裡吃早餐川味早餐 $33牛肚牛𦟌米線，辣度固定的，花椒油味濃，牛肚爽口彈牙，夠入味，牛𦟌厚又入味，酸辣偏酸，辣度溫和，惹味跟餐 +$3 有凍飲凍檸茶是我到茶餐廳必飲，茶底濃，不會苦，炎夏飲好夾街坊生意價格夠親民，面門卡位為主，人流旺，環境算乾淨，上菜速度快，職員有笑容，有人情味，正

餐廳：川味雞米線大王 (馬鞍山)地址：馬鞍山恆錦街1號恆安商場地下恆安街市H20號舖最近有個活動要去烏溪沙青年新村嗰邊，所以呢排都專登去馬鞍山附近搵嘢食，係恆安果邊行下行下因為避雨走左入恆安街市，街市好整潔，感覺乾淨高檔，簡直係以往一般見到嘅街市嘅高級版好耐無食米線，見到有間川味雞米線大王就二話不說走左入去，係咁熱嘅天時有冷氣真係一個好正嘅享受招牌口水雞米線 $50口水雞份量岩岩好夠一個人食，非常入味，口水雞辣度可自選大中小辣，川辣味香而有辣勁，辛辣徘徊係口入面令人回味無窮涼拌海蜇 $38川菜入面涼拌海蜇都算係幾出名，用青瓜同辣油配製過後令本身單調嘅海蜇增加左顏色同味道，作為開胃菜不錯一邊食嘅同時有附近街坊黎左坐低同店員傾計，互相關心問候，呢種鄰里關係真係好難得

今日放工 ，又想食米線， 搵咗呀女陪我！叫咗二碗米， 非常之大碗， 亦都非常之抵食， 要有嘅餡料乜都有 ， 有牛肉、墨魚丸、 魚皮餃、番茄、 腸仔 等等， 數都數唔曬！ 我好鍾意佢嘅湯底， 酸酸甜甜、 麻麻辣辣 、一流！ 下次可以嚟呢度再試下其他食物 ，品嚐環境！

今日又來街市醫肚，最後都係想食米線，所以又來了「米線大王」。今次叫左「大王特式系列」的肉骨茶餐（$58）及「茴香雞翼」（$46）。肉骨茶揀左薯粉，個湯好重藥材味，我好鍾意架！餸就有豆卜、金沙骨腩肉、冬菇和生菜等，腩肉夠腍又入味，正！薯粉都好煙韌！份量都算多！雖則佢話係一個「餐」，但其實都只有一碗麵，沒有其他飲品或小食。至於茴香雞翼米線，有五隻雞翼，都幾多呀！茴香味加埋芝麻在面，都好香！最好就係佢雞翼同米線分開上，唔怕浸淋哂！米線有酸菜附上。

今日經開馬鞍山恆安邨街市，見到呢間米線食麻辣野，平時都係食開譚仔雲南米線食到有啲悶，所以想試吓其他麻辣米線睇吓有冇新驚喜，入去果時全店都無客人，都有啲猶豫諗梗會唔會中伏呢？叫咗雙拼口水撈 $38 蚊，中辣重慶麻辣湯底配米線，餸就點咗魚皮餃、鹵豬大腸、鹵豬腩肉。本身期望都係普普通通既質素，冇諗過黎到時賣相都幾精神吓 ; 麻辣湯底做得不錯，味道微感麻痺之剩帶點辛辣相當惹味，而鹵豬大腸同鹵豬腩肉亦做得出色，大件之剩重鹵得好入味，整體來講十分唔錯，有機會會再幫襯。

本身個人就鍾意食辣，又想佢在屋附近有間好嘢食唔容易，近年來大財團係咁收曬啲商場搞到度度啲嘢唔係好貴就係食物質素低😠， 後來老婆話不如試下隔離村個食街啦，入面有間好似幾好食嘅川味雞。因為老婆大人知道我鍾意食口水雞所以一見到有任何口水雞嘅地方都會即刻同我講，今日自己一個人男人嘅我慢慢行過去嗰邊坐低叫嘢食。第一時間叫一個字外口水雞再整一個小辣撈薯粉雖然後配魚皮餃蟹柳， 一試之下果然名不虛傳！ 份量足料味道夠曬入👍 一個價錢能夠食到咁樣嘅質素我覺得非常值得推介畀大家👍

今日食既係午餐。我食2餸， 滷水豬大腸及籬白，重慶湯底（小辣）籮白「林」既，無渣，好好食。大腸就一般啦，好un，但味道ok既。湯底不錯，很濃味，如果喜歡食辣可以食中辣/大辣。老公食蕃茄湯底，豆卜及枝竹。蕃茄湯淡，無咩味，似係蕃茄加少少味精。豆卜、枝竹都OK見店鋪的服務員都喺個度食，環境衛生應該OK既。地下乾爽，枱乾淨，店入面無臭味。不錯！整體上都係好食，份量夠！鐘意食米線既可以試試，唔洗成日去譚大家都可以試下，唔想一間好吃的店鋪執笠。希望米線大王可以keep住水準

恆安街市裝修左一段時間但係都冇乜試吓入邊啲新嘢不過我不嬲都好鍾意食啲麻辣野 所以今次想首先試吓呢個米線鋪頭🥰入到去冇乜人 都有好多car位比您坐～我係同朋友一齊去食既所以一個就嗌咗麻辣米線一個就嗌咗麻辣薯粉～佢嘅薯粉同平時大家食開既傷心酸辣粉嗰啲唔同系幼身啲同波浪型既～不過都一樣夠煙銀～其實我唔係好食得辣😝不過就好鍾意麻辣嗰個麻既感覺所以我就叫左BB辣我覺得勁啱我呢啲唔食得辣又鍾意麻嘅人佢真係唔辣 但係又夠濃味～佢餸菜方面都幾多選擇～而且當佢上菜時候真係幾有驚喜！！不單止成碗粉都好大～而且啲餸真係好多丫！我叫嗰個午餐肉真係好厚切🐷下次經開又鍾意食麻辣嘢既你真係可以試吓😋

自從恆安街市裝修後，呢度多咗好多食肆，我們久不久也到來「掃街」，今日又來搵食，揀咗呢間川味雞。首先係俾佢美輪美奐嘅裝修吸引左，餐廳座位唔算好多，但都坐到50幾個人，撞正lunch Time，基本上坐爆，好多學生哥和街坊幫襯。今日揀咗個「大王米線」（ $58 ），選了鮮牛肉，另外有響鈴、墨魚丸、貢丸、肉碎（微辣，會令到清湯都有點辣）冬菇、芽菜和豆卜，份量幾多可以夠兩個人食， 湯底由無辣到大辣有幾個選擇，今次我們選擇蕃茄湯，都幾鮮甜，亦有蕃茄附送。跟餐加$8可以有凍飲。另外仲叫了茴味雞翼（$28），一碟四隻，似孜然雞翼，好入味！

成日聽人講話馬鞍山係美食沙漠，今日難得同fd行過就決定一於係依區覓食😋行左一陣之後我地揀左依間係街市入面嘅川味雞米線👈入面嘅座位唔算多，但勝在寬敞，坐得舒服。我叫左一個三餸嘅口水撈薯粉加七喜埋單都係$50度，都算唔錯。佢有得俾你揀辣度嘅，因為我唔係好食得辣就揀左少辣，餸就揀左芝士腸，墨魚咀丸，滷水豬大腸。佢成碗口水撈係大碗嘅餸都多，小辣對我啱啱好，唯一係湯汁有Ｄ多，唔夠干身，如果少Ｄ湯汁會更好。而佢嘅墨魚咀丸好得意，我都係第一次見，食落同普通墨魚丸嘅分別好似就係真係食到有墨魚肉係入面，至於係咪墨魚咀我就分唔到啦；而滷大腸就夠晒入味，而且好易咬，肥肉唔多，好好食。今次就咁多先啦，其實馬鞍山都唔係咁沙漠啫😋

馬鞍山恆安邨近期成為人氣街市，除了大裝修成為宵夜場地外，食店已加入不少新選擇，今天我又想吃辣，所以選了這家米線牛肚魚腐米線撈薯粉我選擇BB辣，花椒油味香，牛肚入味，爽口嫩滑，魚腐大件，惹味不辣鹵肉豬大腸米線小辣，麻辣味不會刺激，鹵水豬大腸肥美，鹵肉入味，皮煙韌，大大碗份量足蕃茄包心丸腸仔米線蕃茄味濃，配包心丸彈牙、廚師牌腸仔，小朋友至愛兩餸麵食$38，汽水加$5，價格親民、面門不大，但環境乾淨，職員親切，街市有冷氣，感覺舒適

今日放工 ，又想同老婆食米線， 就嚟咗呢間米線， 叫咗一個套餐128蚊， 非常之抵食， 大大碗米線， 有齊曬你想食嘅料， 有牛肉、牛丸、墨魚丸，乜都有 ！老婆就比較鍾意食麻辣云耳， 麻辣剛剛好！ 而茴香雞翼就係我嘅至愛 ， 啖啖茴香味 ，雞翼好鮮，我哋一路食一路覺得個米線好入味， 個湯好清， 真的回味無窮，最值得一讚就是大大碗 ，啱我呢啲大食人，之後我哋飽到仲要出去行一陣街！