川味軒

營業中

休息中

是日同男朋友去新北江買野，2點幾，下午茶時間，諗住去醫肚...但係唔知點解是日特別多人，唔想等，見川味有位就坐左入去...我地叫左2碗薯粉，1碗小辣多酸，1碗勁辣，另外加左2罐芬達同一份小食腩肉...個呀姐a幫我落完單，之後我望一望張單，咦...個價錢咁既?原來個呀姐a幫我落左係碗野加個餸既腩肉...原本係諗住叫返呀姐a幫我改返，點知有個呀姐b已經過左黎，咁我就同佢講話我係要小食腩肉...而唔係碗野加個餸既腩肉...之後呀姐b就同呀姐a講話我地唔係要加餸係要小食腩肉...叫佢俾廚房張紙記得要改...之後個呀姐a就講到好似我講得唔清楚咁話我明明話要加腩肉... 叫野食期間我係一路指住個餐牌，一路同個呀姐講我食咩，所以我唔覺得自已錯囉...真係未食已經一肚氣... 野食黎到，碗野係淨薯粉，即係無錯啦，咁就放心晒咁食...一路食就一路等緊份腩肉，見住其他人叫完既野食都已經好快黎晒，男朋友就話係米無落單呀?之後我就話等左陣啦...再等...等到碗野都食左成大半，終於忍唔住同呀姐b講話份腩肉未黎...之後呀姐b就同呀姐a講呢道差份腩肉喎...結果係...呀姐a竟然無落單 有咩理由講得咁清楚

天氣熱，胃口已不太好，加上家中沒有煮飯，是夜下班後跟朋友來到川味軒食個薯粉當晚餐。這是魚片酸辣撈寬薯粉，酸辣撈寬薯粉HKD19，一餸加HKD3，共盛惠HKD22。事實上，我們點的是中辣，但真的不是太辣，魚片(實情是魚蛋片)有點薄，寬薯粉則很煙韌、配菜亦足用膳期間，亞姐來回問了幾次我們要否點飲品，其實她是很體貼的，怕太辣我們需要一點飲料，可是我們都拒絕了，因為…飲品的選擇太少，都是那些罐裝飲品碧泉、汽水等，連支裝豆漿都賣光了，生意真好。

記得當日我自己打算買外賣番屋企食，其實間鋪開張到而家我都有幫親，但態度都一般般，我為左自己想食既野就唔理啲伙記啦！但今次真係忍唔到，最近唔知係咪黎左個新伙記定點，係男人黎，我企係門口同果個男伙記講:唔該我想要XXXXXX... ，佢就大聲兼唔好態度咁問我食乜，真係把火都燒上心口，但係果陣時我都算啦，覺得一次半次廢事嘈，過左十五分鐘之後去拎外賣，以往我知啲外賣如果客人未到鋪頭拎就會放門口，當時我就見到門口張枱就有一個外賣，但門口無伙計就走到出菜口到問啲伙計，我遞左張外賣紙好好禮貌咁問：唔該我想問我個外賣有未？點知果個男伙計勁黑面話：你睇下出菜口有無？，我心諗我係係到做咩，鬼知你個出菜口有無我既外賣！　跟住佢旁邊另外個伙計話我個外賣係門口張枱到，我真係激到出曬煙，唔明點解態度要差成咁，無外賣咪無外賣囉，同我講聲小姐唔好意思，你既外賣未有，等一等先啦，咁咪得囉，真係今次食到成肚氣！！！！！！！！

我幫襯了這間川味都有一段時間!!! 多數叫外賣, 因地方很細又坐得不舒服!!!小妹喜歡小辣寬薯粉!!! 麵質彈牙又滑!!! 個湯都很不錯!!! 百吃不厭! 但不是每樣配料都OK! 例如: 魚腐, 墨魚丸, 蟹柳, 和魚蛋的質素就非常差! 推介的配料有: 腩肉, 豬大腸, 豬"利", 蘿蔔 和雞翼!

今日去左買個撈紅薯粉外賣，叫左豬大腸，豬紅，魚皮餃同金錢肚。點知返到屋企一打開個粉只係得金錢肚同魚皮餃，之後我打電話去問，個女人勁唔好語氣咁話唔知道，我即時勁嬲問佢可唔可以送返過黎比的，佢話唔可以。最後我收線了事。

與友人逛新北江，正好ＬＵＮＣＨ　ＴＩＭＥ，人頭湧湧。見這間蠻多人光顧，應該也有一定質素吧，（畢竟天水圍人也知道，這裡要有間吃得的，是很難的事）那就願意花十分鐘等位。終於等到了，立刻點菜。紅薯粉（１８元），加配菜有的分３元及４元。我的只叫了白蘿蔔加魚皮餃（兩款也是３元）白蘿蔔煮得不夠入味，還有一點苦；魚皮餃則煮得連皮也爛…不過這樣也算，因為我的主菜是紅薯粉和湯底。可惜，紅薯粉沒讓我驚喜的地方，跟之前吃的不同形式。這次夠圓身。另外湯底只有辣，不酸，略為可惜。當然，原來質素也是新北江的風味…還是那句，一分錢，一分貨，為求吃飽。

薯粉突然紅起...新北江都有好幾間薯粉..今次食lee間因為未食過同埋未係最多人...最多人個間都唔知等到幾點先食到..其實張張枱都有人我地好好彩咁岩有2個位..但係正路口..好多人係我背脊路過..但冇法la..lunch時間係咁ga la.相公叫左碗少辣既..豬頸肉份量唔錯都有5,6塊...但牛栢葉就真係少得恐怖..好幼好幼一條真係好刀功呀...配料有炸醬, 酸菜個d..走左青...不過少辣唔夠辣自己再加辣椒估唔到咁d辣椒咁辣...即刻食到流哂鼻水.滷水蛋唔錯好入味..豆卜差d la..我自己覺得湯底味道唔夠好..我已經唔叫食得辣..我真係覺得一d辣味都冇..下次可以叫中辣...所以都加左少少辣椒..真係好味d..但都覺得個湯底唔得..d炸醬肉碎好肥..其實都幾油...薯粉份量都唔少...食哂成碗係覺得飽ga~今次第一次食聽對面枱d人講加哂價...唉..冇法la..有邊到係未加價呀~lee間都可以再試既又唔係真係咁差...但係好多人等位...地方又窄..不過間間舖都係咁ga la..商場所限..冇計~

我又去左食川味，但係我想講，我唔會再去食！真係超級唔順氣！話說我叫左個酸辣湯寬粉，一黎到用筷子夾左幾下，嘩！成碗野得4-5條寬粉係度，你叫我點夠食呀？仲有D蘿蔔係完全冇味囉！我唔知點解呢間野越做越差，我比左咁嘅錢，你好應該比返足份量我囉！唔係話做紅左就可以少D料。我寧願晒D錢出去總店度食好過　

記得佢岩岩開個陣，碗野係大大碗，有少量芽菜同少少青，小酸辣已經好夠味。到左今時今日，佢碗野我係食完都唔會飽囉，芽菜仲要係時有時冇，青係得果幾粒，叫佢加..佢仲話多青要收$1..而家係你比唔夠青囉我想講！小酸辣係冇酸味同辣味囉！今日去食，已經貴左，本身$16一碗,而家$18..而撈粉由$15加到$17

酸辣薯粉(16蚊) + 豬頸肉(4蚊)不錯喎~! 比我預期好。新北江多數都係平, 但未必有咁上下質素~而且我成日食紅薯粉, 唔係有太多店用曲型既薯粉架~口感幾得意, 而且湯底都幾濃味。

其實我已經去過這裡很多次了，這裡的紅薯粉是這裡的一大特色(天水圍沒有其他地方有得食)，主要的味道是酸和辣，還有的是鹼的湯汁。我來介紹一下吧。紅薯粉:它是呈半透明的，吃起來很彈就好像粗的粉絲吧0.0湯:鹼,辣,酸自己調教鹼:湯汁辣:有辣淑油的，和普通辣一樣，要麻辣就問佢拎酸:酸菜or叫的0.0我本人愛吃幼薯粉中辣加一份酸菜另上酸菜酸酸甜甜的幾開胃在晚上的時候大家下班特別有人情味(9點後)我曾經作過2篇文也是用川味阿總結:這間店好不好就因人而異la，我爸媽哥也不太喜歡味道 主要是酸辣+紅薯粉 我本人很喜歡這間店(口味和人情味問題) 未食過紅薯粉的話這裡的值得一試0.0

湯薯粉條 + 蘿蔔配料: 酸菜、肉燥、芫茜、芽菜、薯粉小辣幾乎是沒有辣味，要自己再添匙辣醬。薯粉條一絲絲的很幼細, 有d似即食麵透明版, 唔易斷, 可惜無口感, 勝在份量多。另加既蘿蔔得兩舊, 少到無人有, 而且蘿蔔有苦味無湯熱拌紅薯寬粉 +配料: 牛栢葉配料: 花生、肉燥、芫茜、芽菜、薯粉半透明既紅薯寬粉煙煙韌韌, 寬薯粉彈牙滑溜, 配料既花生頗多。可惜牛栢葉切到好似絲咁幼, 又短又少, 不過紅薯寬粉搶返好多分, 連本身食湯薯粉既好朋友都忍唔住食左幾啖。下次再去食，叫返淨撈寬粉已足夠

好鍾意黎"川味軒"開餐,因為係我知道喺天水圍地區第一間有得食紅薯粉ge店舖一碗紅薯粉咩配料都唔加只需$16仲會附一d芽菜 酸菜同香菜等,加配料每樣都只係$3起小辣的紅薯粉,湯底酸酸辣辣的,非常合我胃口紅薯粉條煙煙韌韌的,據說仲係久煮不爛的!!!最近仲試左粗薯粉條覺得冇幼身的紅薯粉條咁好味

這天小比放學後就決定在天水圍會合上完堂的大比吃飯~無意中得知新北江好像都有間小比愛吃的紅薯粉開了~~就來探路~不是歧視天水圍~~只是一入呢個商場~真係有種北上左ge感覺...同葵涌廣場一樣~~食肆衫舖為鄰居~行人路只有一人身位~但咁ge商場竟然有冒險樂園pizzahut萬寧同Watson's...有d surprise這間川味軒就在一列食肆的路口第一間~不難找見到張banner也就知一定是平時吃開 川味閣 同 川味美食 的分店來吧~但後面間間都好多人~唯獨呢間....是但啦~心意已決黎食紅薯粉~就試試吧Menu大同小異~只是有些醬爆丸~豬紅等得呢度有~但價錢是一樣這裡更加有小食可以叫~ok bor...不過今日無供應wo...等吃的期間~發覺這裡的筷子還真特別~小比都問是不是特別設計有助夾薯粉?小比老樣子的叫了紫菜雲耳海帶結撈粉條 - 大辣~走青走炸醬一來到~~~我即刻問~~唔該~呢個係大辣~?!?!?!?!?!佢話係大辣~~~我呆左~ok fine......thx平時ge大辣係半個碗面 ---> http://www.openrice.com/restaurant/comm

呢間食肆已經開咗一段時間，每次行過都係好多人幫襯，今日就決定同媽咪嚟試一次...呢度賣嘅食物種類唔多，主要係食薯粉同米線...仲有寬條、幼條、有湯、無湯、無辣、大辣、中辣、少辣之分...我哋order咗一個湯薯粉(幼條)、撈薯粉(幼條)，都要少辣...每款再加幾款餸，雞絲、豬耳、生菜、金菇....有啲似車仔麵。真係好大碗，我果碗係撈薯粉，無湯嘅，但食落唔會乾爭爭，透明嘅薯粉，好滑，而且本身加咗芽菜喺碗入面，食落有口感，好正...媽咪嘅係湯薯粉，有啲酸辣味，我反而唔太鍾意，我都係鍾意純辣嘅味道...好滿足嘅一餐，只係食完之後，感覺好飽。