川味軒

營業中

休息中

因為好鐘意食薯粉，所以去邊都要揾薯粉食今次就試下新北江既薯粉店其實佢最吸引我係既價錢，因為麵底只係廿頭，加埋一個餸先係三十蚊今時今日黎講真係算平因為我次次食薯粉都食得好慢，成一個鐘係平常事，所以通常我都會買外賣返屋企慢慢嘆今次叫既餸係冬菇，麵底係放湯紅薯幼粉小辣小辣呢個辣度食落有D辣味又唔會太辣，岩岩好。但係如果想要辣D既叫中辣應該都可以輕易駕馭，無問題！食得呢類薯粉既湯底都偏濃味，但川味軒既湯底相比下又唔算好重口味，係有D咸味同香料味不過我略嫌佢既酸菜唔夠，而且切得好碎。蔥同芫萎都落得好少，同無落無分別唔止配菜會切碎，連冬菇都有切開一舊舊薯粉係我鐘意既一款，有曲曲既紋，呢款薯粉吸湯又易咬另外我都喜歡川味軒既份量，夠飽又唔會太多食到肚仔頂住頂住總括而言都係一間唔錯既薯粉，加上佢既價錢實惠，我係會繼續幫襯的

川味軒可以話由小吃到大，湯頭味道無咩變化，都係我喜歡既酸度。這裏以紅薯粉作招牌，確係值得推介，無論煮得軟還是彈牙都合我口味，吃得出紅薯味！有一次吃了米線，真心不推薦😅，又硬又無味道，那次還要是外賣，驚歎湯也沒有把米線浸軟，之後都只叫薯粉。餸菜方面，豬大腸暫時表現良好，雖有肥膏，但算滷得入味；豬頸肉偏淡味，勝在咬下有彈性，肥瘦適中；丸類口感偏肥膩，所以只叫過2次；雞翼滷得入味，不過多煮得太熟，以致肉「過老」😅；海帶表現平均，煮得恰當；通菜常叫，主要想多吃菜，不過帶時菜太老；滷蛋尚可。我認為食量不大的，叫1-2餸菜便好，因為無論湯麵還是撈麵都會帶烤醬等配料。小食推薦小麻辣皮蛋或海蜇，前者小麻辣醬好味😋，有時皮蛋還有流心效果，更好吃；但吃一口皮蛋再吃湯薯粉，口腔會有苦澀味，所以不可連湯喝。

呢間既薯粉，無論係粗、幼、湯定係撈都好好食，個湯底/撈底都係好香，好開胃。但唔知點解佢啲餸真係好難食，至少我未食過好食既餸。因為呢間鋪我都係由佢開食到依家，水準都keep得好好，好既依然好，差既都從來無改善過。不過唔加餸黎食，其實都好抵食🤣🤣🤣👍🏻👍🏻👍🏻

夜晚7點半叫外賣，8點40再打去問話老闆佢話外賣員出左去，8點57又再打去同老闆講話唔要喇，老闆就話外賣員係樓下。之後我就開cctv睇住預備開門，睇到9點05我就頂唔順又再打俾老闆話等左好耐喇大佬1個半鐘喇，老闆話外賣員係大馬路，我就話我一直睇緊CCTV完全唔見有外賣員係到，佢就即時改口話你一句話唔要就得啦唔好意思。跟住我即時換衫出去睇下仲有邊啲舖頭有野食，9點20已經行到去商場個外賣員就打電話來話已經係我樓下，我就話我一早同左你老細講唔要，佢就話自己遲咗15分鐘收工都仲送埋呢個外賣，仲話老細冇同佢講過我唔要，我直接同佢講我又7點半等到依家，個外賣員就直接cut左我線。我又打返去同個老闆講佢就話佢冇呃我，佢有同過外賣員講我唔要。其實由頭到尾跟本就係佢冇落到我張單，係我打電話吹佢佢先發現自己留咗單跟住再搵個人送過嚟。其實直接講自己冇做過張單咪得囉又唔使曬大家時間！兩個鐘先送到外賣咁我不如自己出去食啦！

個阿叔趕頭趕命態度超差，記性又唔好問完一次又一次，上次夠膽落單之後70分鐘先打返黎問我地址。叫外賣等左45分鐘之後打去問又話啱啱出咗去送緊嚟。75分鐘之後又打一次話係樓下，105分鐘之後又打一次話就到就到。

一直食開堂食，覺得幾好食，今日懶唔想落街，就打電話叫外賣。11:17打去叫，等到12:38都未到，大佬，我都唔係住得遠，仲要話今日星期日呀嘛，你估我唔想快架。結果等左1個鐘頭9個字。係到睇返評價先知個個都中伏，一直食開都唔為意。永遠冇下次，食左咁多年，都頂唔順你咁既態度🙄🙄🙄🙄

我好鍾意食紅薯粉💓😆所以行過見到有紅薯粉食嘅地方會即刻走入去食👍🏻今日去到天水圍搵朋友同朋友行去新北江商場覓食😆估唔到咁細嘅商場有咁多餐廳🙌🏻仲有我鍾意嘅紅薯粉.即刻拉朋友陪我食我好怕會食到出曬汗所以一定會叫熱拌唔會叫湯呢度竟然仲有寬粉揀🤤🤤好正啊‼️我咁鍾意有咬口嘅野梗係要熱拌寬粉啦（$21）再配芝士腸同豬頸肉，要唔辣🤭（$5+$5）.黎到覺得唔算好大碗我會食得曬😆男仔食就可能要加底本身見平平地唔會話太高期望點知又幾好食‼️個寬粉好煙韌，而且撈埋個肉燥好夠味👍🏻不過食到落底就會太鹹🙈所以我係食唔曬啲肉碎.整體黎講，覺得好抵食，2個餸加個撈粉都係$31喺出面食起碼都$40樓上，而且未必咁好食呢度仲有多款豆漿揀，少甜白豆漿/黑芝麻豆漿都有💓健康人士之選

中學個陣已經成日食川味，紅薯粉好正! 今次黎食，就試下米線先! 我喺出菜位旁邊加入好多外賣電話。。 不停“喂，川味“ 食完成個腦都係e句。 我叫左酸辣炸醬米線(小辣)，加蘿蔔同海帶。唔知係咪太耐冇食， 碗麵同我印像中嘅樣有啲出入。。小辣真係得少少辣，個湯睇落幾清下 (下收叫中辣都得) 而且份量好似少左。。？🤔🤔 不過都夠飽ge，食晒一碗就岩岩好。味道方面，除左唔夠辣之外，d米線仲好“發“。。唔好食，好似浸左好耐甘🙊🙊 成碗野冇咩味，海帶預左冇咩味，但蘿蔔都冇味🙊🙊 不過佢啲肉碎好香。當食得清淡少少。

話說今日無食早餐，直到中午勁肚餓，但係又口淡淡唔知食咩好😕行左一陣最後都係俾『川味軒』啲酸辣味吸引左😂叫左碗酸辣湯米線，配魷魚同紫菜，碗米線一上枱第一個反應係：咁細碗嘅紫菜得好細堆⋯⋯魷魚份量就正常，有4、5舊不過成碗野質素麻麻，米線發到脹曬先上枱；紫菜偏咸；魷魚太韌。另外仲叫左個小食：小麻辣海蜇賣相一啲都唔討好，不過海蜇都算大條、厚肉但係就一啲都唔辣⋯⋯說好的小麻辣呢？整體感覺一般，覺得除左湯底都仲係好味之外，其他野都差左😕

情有獨鍾，依間由中學開始幫襯，每兩星期至少要食一次！最喜愛叫2號幼薯粉+啲餸+啲酸醋，Yummy~~~果種獨特的醬料味道，係其他鋪做不到的，也只有新北崗商場這間川味才具有。除了價廉物美味，仲可以品嚐滿滿的人情味❤️記得心學放學，好肚餓，就會黎依間食。酸酸味味，十分之開胃～老闆同老闆娘都好好人，很親民。我好像上了癮，每隔一星期或兩星期就口痕，難忘紅薯粉的味道，每當食完一碗，就覺得好滿足，已經成為生命中不可缺少的必須品

透過外賣APP點餐1:18點好晒餐，預計話40分鐘到，諗住都可以。點知2:20再睇，仲話要等40分鐘，仍然仲係訂單被接收！勁嬲囉！下次唔會再食！垃圾？唔叫催都無準備，無誠意就唔好做生意！再禁間餐廳資料睇，話餐廳關閉中，完全唔知間野想點！未試過叫一間餐廳可以咁差！堂食都唔會去食！完全blacklist呢間餐廳

而家佢間野外賣比以前慢好多.........最小1個鍾起跳,呢次等左成2個鍾...........真係等到火到黎..........睇返留言先知原來大家都係等咁耐...............重有D味都比以前難食............真係好唔得又貴左............都唔知係咪做生意............以後唔會再食...............

難得來到天水圍，朋友就帶我去新北江商場，據說是他中學年代的飯堂。他推薦了幾間，最後就選了這一間食酸辣紅薯粉的，因為大家都喜歡食辣野。這裏的環境比較擠迫，而且剛剛遇上中學放飯時候，學生都比較多。在我們等位之時，有店員上來幫我們先下單，所以一坐下就很快有東西吃了。天水圍的物價果然是比市區來得低很多，外面已經很難找到加個餸只需要$4/5的麵店，是令我這個市區人心心眼的價錢😻有幾款不同的面款和湯底，除了有湯麵也有撈麵。我選擇了小辣的酸辣炸醬紅薯寬粉($22)加豬脷($5)，碗粉入邊已經有酸菜、芽菜、炸醬、蔥花、芫荽，其實都已經很豐富🤩，炸醬分量給得很慷慨^_^湯底來說，夠酸夠辣，我就覺得可以再辣點，鐘意辣的朋友即管試試大辣，應該可以接受。不過呢，總覺得有點味精味，同埋炸醬太油膩，令整碗粉都好油。另外，個酸菜也是要彈一彈，因為有很多渣。值得讚賞的是，個寬粉真的煙韌，配上酸辣湯是絕配，朋友點了幼的紅薯粉，我個人覺得寬粉的口感會比較好，較實在。而豬脷方面，煮得夠腍，不過唔夠入味，令到味道寡寡的，但都有成5塊👍🏻另外再加了枝豆漿8元，外面交貨的就沒什麼好說了~原本想俾okay，但性價比真的高，所以最後

越做越差，幫襯咁多年，越嚟越冇禮貌，餸又越嚟越少。打電話落單，男人接聽，覆兩次，兩次都錯，要撈粗，就覆我撈幼，要牛栢葉就覆魷魚。等咗1個鐘，打去問出咗未就話出咗，好快到。再過多半個鐘，又話嚟緊。最後要成2個鐘先到，仲要係送去天耀商場。叫個外賣等2個鐘，打去問幾時到，只係答好快好快，聽電話果個亞姐又冇禮貌，送到嚟個外賣凍晒，搞到好難食，啲油凍咗漿住啲薯粉，餸又少，牛栢葉少到得6條絲，每條5~7mm闊！除咗價錢稍為正常外，搵唔到再幫襯嘅理由！

細細個已經好鐘意食呢間薯粉👧🏻👧🏻 好食又抵食 中午多數滿人到要等位and食得好快俾下一位🤪敢平既價錢有敢既質素已經很不錯了💪🏻💪🏻如果食湯 薯粉 一定要加山根$3 佢會吸哂啲湯底 好好食✌🏻✌🏻✌🏻 不過味道已經無以前敢好食 但算系唔差了！