川味王

營業中

休息中

#川味王 📍#尖沙咀柯士甸路17號豐樂大廈地下2號舖－－－－－－－－－－－－－－－－　尖沙咀食燒夜推薦!!餐廳裝修五光十色，有色彩繽紛嘅霓虹燈牌。裝修幾特別，有老舊鄉村風味～行過門口已經聞到陣陣嘅燒烤香味，店內有好多食物種類選擇，而且唔貴。提供川式風味串燒，即叫即燒孜然麻辣串燒。串燒可以選擇辣度，有唔辣、小辣、中辣、大辣等✨原條火箭魷魚筒原隻魷魚大大隻，好正～調味調得好好，醃得好入味。魷魚口感爽口彈牙，食落去每一啖都有濃濃嘅孜然香。✨大海蝦encore左幾次，我覺得都幾抵食。蝦每隻都大大隻肥嘟嘟，食落彈牙嫩滑，中意孜然香嘅唔好錯過了!!✨燒魚魚皮燒得香脆，微微有啲焦香。頗有驚喜，魚嘅肉質鮮嫩，外脆內軟。唔會乾哂柴哂。✨串燒田雞我諗全香港無幾間餐廳會有田雞食到。原隻燒田雞火喉控制得幾好，做到外脆內嫩，口感厚實。

曾經光顧紅磡川味香，經過看到店名大同小異的川味王，細看餐牌上原來有寫明大家其實是不同分店，難怪食物款式亦相當類似。蒜蓉扇貝帶子 ($70/兩隻)、蒜蓉花甲 ($58)、蒜蓉炒海中蝦 ($128) 等海鮮加上蒜蓉向來都是惹味之選，原條火箭魷魚筒($70) 肉質爽彈；燒雞腎($28/兩串; $78/六串)和醬燒墨魚咀($26)爽脆香口，看到還有麻辣小龍蝦 ($158) 和蒜蓉小龍蝦 ($158)兩款小龍蝦看似都相當吸引，下次再試。

今日突然想食串燒做宵夜，行過門口已經聞到陣陣嘅燒烤香味👃。之前食過荃灣分店都幾好食，今日去尖沙咀，順便打包返屋企食。尖沙咀台嘅堂食環境比較闊落，而且門面嘅裝修都好色彩繽紛。等候食物期間都見到餐廳接咗好多外賣訂單。🍆蒜蓉燒原條茄子食串燒必點系列💯，落左蒜泥🧄、蔥同不同嘅調味粉，燒到火喉岩岩好🔥，成條燒份量都幾多，食落好夠味又香口。🍢燒墨魚丸同牛丸勁彈牙，而且表面上灑上大量調味料，真係好好味😋。我仲點咗啲蔬菜：四季豆🫛燒到好入味虎皮青椒🫑，好大條，燒到好爽脆。韭菜🥬🐟鹽燒鯖魚燒到好乾身，口感煙靭，一啲都唔腥。

前排去咗川味王食串燒，佢哋嘅串燒真係好惹味由於我哋唔太食得辣，所以我哋叫咗啲唔辣嘅串燒。就算佢唔辣嘅串燒，都已經好好味，因為佢上面會有好多孜然粉同埋其他燒烤粉，所以已經好香好正。串燒方面，我先叫咗一份翠玉瓜同雞中翼，翠玉瓜清新爽口，用嚟解串燒嘅膩就啱啱好，而雞中翼都燒得好香 。而佢嘅其他蒜蓉菜式都特別好食，例如佢嘅蒜蓉茄子同埋蒜蓉生蠔，蒜蓉香氣四溢，而且佢嘅茄子非常之大條，個人都覺得幾抵食。最後不得不提佢嘅花甲粉，佢嘅花甲粉非常之大碗，而花甲都非常之多。

川味王呢晚同朋友去咗旺角「川味王」試佢哋嘅串燒，聽講呢間店主打川味串燒，調味非常惹味，食過嘅人都話食到停唔到口。所以我哋決定過嚟睇下係唔係真係咁好味！燒五花腩（2串 $30）呢個燒五花腩真係一流，五花腩本身脂肪同瘦肉比例啱啱好，燒到外脆內嫩，仲帶有少少焦香。調味方面，佢哋用咗四川風味嘅孜然同辣粉，味道濃郁但唔會過火，鹹香惹味，真係一啖接一啖停唔到口。呢個價錢食到咁高質嘅五花腩，絕對值得一試！燒魷魚鬚 ($28)燒魷魚鬚係成晚嘅另一個亮點。魷魚鬚燒得啱啱好，口感爽口彈牙，唔會太硬。調味方面一樣用咗四川嘅辣粉同香料，辣味剛剛好，唔會太重，但又夠刺激。食落去每一啖都有濃濃嘅孜然同香辣味，配啲啤酒真係一絕！燒魚 ($148)呢條燒魚係成晚嘅大菜。魚嘅肉質鮮嫩，燒得外皮微微有啲焦香，但內裡保持住鮮嫩多汁。川味王嘅特製調味料真係非常惹味，魚肉吸晒啲孜然、辣椒同香料嘅味道，鹹香辣味十足，真係好正。呢個價錢雖然稍微貴少少，但比起魚嘅份量同味道，絕對係值得。

同朋友收工見到呢間串燒好似幾正見隔離食既野份量都幾多諗住叫住少少食完再睇下 點知份量好多個花甲粉好味叫左 雞軟骨、白鱔、牛舌芯、墨魚咀，諗住試少少，再加個蒜蓉金菇同花甲粉最好評係個牛舌芯 做到最軟個位 調味夠重 岩我地重口味人士（ps可以叫佢調 冇咁咸冇咁辣）白鱔都幾好 係脆架 冇骨 鍾意食鱔既朋友要留意！蒜蓉金菇份量好多 好抵食花甲粉就幾鍾意個粉絲 硬度剛好 入味 比花甲好食墨魚咀幾好整體我覺得唔錯火候控制得都幾好而且份量多

朋友約去尖沙咀食串燒. 去到門口 好閃亮嘅燈飾. 佢地裝修都幾特別,木系枱櫈,燈籠及酒樽作裝飾,  即叫即燒孜然麻辣串燒新鮮蒜蓉美國生蠔 $188/6隻生蠔好大隻好肥. 鋪滿蔥,蒜蓉,調味粉 好鮮甜.  即燒熱辣辣惹味蒜蓉粉絲大蟶子王- $50/隻用料新鮮, 大大隻蟶子, 配埋粉絲多一層口感. 正. 厚切牛舌心 $38 -   火喉燒得剛好, 牛舌心又有厚度, 口感好調味一流 . 肉嫩香味十足，蒜蓉原條茄子  - $40燒茄子向來係串燒必食.  茄子夠晒大條厚肉，夠晒熱，蒜蓉非常多，孜然味同蔥花剛剛好，多汁夠晒惹味香口 五花腩 - $30/2串   肥肉比例剛好. 燒到少少焦香. 好惹味川味王 地址: 尖沙咀柯士甸路17號豐樂大廈地下2號舖

行過聞到好香燒烤味，又見到有好特色的炒米粉，就入去試下啦巴蜀炒米粉($68): 有炒蛋，香腸，生菜炒米粉，好有家鄉的味道。花甲粉($70): 叫左個小辣，對於唔食得辣的我來講食下要停下，中意食辣的應該會覺得佢好香，可以試下。脆香魚腐($15): 咬落有厚身的魚腐，唔係嗰種好簿的，食落香得來甜甜地，幾好食。牛板腱($28): 一串大約6大粒，有口感，值得一叫。蒜蓉原條茄子($40): 燒得香，啖啖肉，加左唔少香粉，食到唔停口。

尖沙咀有好多好野食 今次就試左呢間食串燒嘅餐廳🍢又真係幾唔錯喎～ 尤其係錫紙花甲粉😍.🐷豬頸肉豬頸肉肥瘦相間 入口鮮嫩多汁 香氣四溢 真心次次去食串燒都必點呢個！🐷厚切牛舌心牛舌心切得厚實 肉質鮮美 燒烤後更加香脆 一定要試試～🐷沙嗲雞肉串沙嗲雞肉串烤得恰到好處 香辣美味 令人回味無窮🐷燒韭菜燒韭菜清香爽口 係下飯必備的好菜 一定要試試～🐷娃娃菜清爽嘅娃娃菜搭配特製醬汁 口感爽脆 美味可口😍🐷玉子燒玉子燒外皮煎得金黃酥脆 面頭有少少蜜糖🍯內裡濕潤鬆軟 整體味道好香甜🐷錫紙花甲粉花甲粉湯頭鮮甜 花甲鮮嫩多汁 仲要啲花甲係冇沙～ 所以非常多沙！粉絲好正 索曬啲湯嘅香味.川味王📍尖沙咀柯士甸路17號豐樂大廈地下2號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #尖沙咀 #尖沙咀好去處 #尖沙咀美食

呢排天氣成日突然倒水咁落雨，既然行唔到就是但入去食下串燒，餐廳環境好有內地串燒餐廳風味燒蒜蓉美國生蠔生蠔正常尺寸，上面滿滿一層蒜蓉，食落幾惹味同juicy，雖然叫生蠔，但其實都燒到熟哂鹽燒白鱔魚見佢白白地，睇得出係自己燒而唔係買現成返黎加熱，魚既口感唔錯，但有啲啲腥味燒豬頸肉豬頸肉燒得唔乾，質感易咬既，仲保留到肉入里肉汁，係表面味粉比較多，要試完先知係豬頸肉😅 沙嗲雞肉串雞肉串上調味粉偏多，同想像中既沙嗲雞肉串唔同，燒烤味比較重雞腎串雞腎燒得剛剛好，食落幾爽口易咬翠肉瓜翠肉瓜燒得幾juicy，唔錯👍🏻蒜蓉原條茄子燒原條茄子都好有內地食串燒既風味，上面鋪滿哂蒜蓉，茄子燒得熟哂，容易一絲絲咁夾起👍🏻

宵夜最啱食串燒㗎啦，我同朋友一行二人咁啱經過呢間川味串燒店，凌晨十二點仲有開，check過Openrice 原來營業到6:00 ，係諾士佛台飲完嘢，過嚟食個宵夜都幾啱🤣⭐️蒜蓉原條茄子 $40 串燒嚟講我最鍾意食茄子，燒得好Juicy，鋪滿蒜蓉，孜然味同蔥花剛剛好，唔會太鹹，味道咸香🍆⭐️墨魚咀 $28外面燒得有少少脆口，好爽口，略嫌有啲細粒⭐️雞髀菇$15都係好juicy💕⭐️美國特級牛小排 $85牛小排唔韌，唔會有根位，燒得啱啱好，呢個價位嚟講都算高質！⭐️鰻魚炒飯 $78以炒飯黎講鰻魚粒份量唔少，啖啖都食到鰻魚，味道和式crossover港式🤣，比起正常炒飯甜咗啲，幾有趣。而家喺OpenRice book枱仲有八五折優惠添！

餐廳位置柯士甸道17號，裝潢以木質為主要元素，特別有老舊既鄉村風味，店員會播放經典金曲，充滿時代感。錫紙花甲粉（$70）花甲份量唔少，我地叫左少辣，湯底喝落香麻鮮辣，麻香味濃郁，配菜有娃娃菜、金菇等，都相當掛湯，粉絲熟度剛好，有咬口!鰻魚炒飯（$78）以炒飯黎講鰻魚份量唔少，味道偏和式風味，甜味為主，食得多辣野配一個甜既主菜都幾新鮮。蒜蓉粉絲大蟶子皇（$50）蟶子口感煙韌彈牙，食落都算新鮮，蒜蓉香味更加將鮮味帶出。秋葵（$16）一共有五條，表面都灑上辣椒粉，秋葵燒得特別惹味，建議一定要襯熱食。

尤其係宵夜整翻啲串燒🔥🍢真係幾好feel🤤 咁啱喺附近就黎試下，感覺唔錯😌 野食既選擇好多又唔貴，食材新鮮，調味惹味又可以提鮮，辣同唔辣🌶️都各有千秋，另外仲有孜然、淮鹽🧂、辣椒粉🌶️可以自己調味～ 裝修以深灰色為主，用左深色既木系🪵枱凳🪑，中間掛左唔少既燈籠🏮，牆上面痴左好多juicy既野食相，上面放左唔少sake🍶，有少少居酒屋既感覺😜 門口亦有唔少色彩繽紛既霓虹燈牌幾chill～ (5 😍 係滿分，🤩係半分） 蒜蓉原條茄子 🧄🍆 - $40 (好味指數：😍😍😍😍🤩)燒茄子🍆向來都好吸引🤩 甚至連唔鍾意食茄子🍆既都會鍾意😜 今次既茄子🍆夠晒大條同厚肉，上面有好多淋左熟油既蒜蓉🧄，夠晒惹味香口，下面啲茄子🍆索晒啲精華，肉質細緻軟綿綿，輕輕一刮已經可以將啲肉起晒出黎，感覺幾爽😋汁燒鮮冬菇 🔥🍄‍🟫 - $16 (好味指數：😍😍😍😍🤩)3舊冬菇🍄‍🟫都唔細，表皮燒得🔥夠乾身，收乾左啲水分更加香口👍🏻 裡面質感嫩滑多汁，配埋少少惹味既辣粉🌶️，辣辣地同埋突出到個鮮味～牛板腱 🐮 - $28 (好味指數：😍😍😍😍)牛板腱🐮屬於肩胛骨上面既肉，特色係中間有一條透明既嫩筋，脂肪少，肉質結實，牛味

川味王 今次的哥就去咗尖沙咀嘅串燒店，要提嘅就係佢哋嘅燒茄子!非常惹味，想食辣嘅人，可以叫老闆娘加多啲辣椒燒羊肉串呢個就更加夠味,佢哋用上好質素嘅羊肉,先腌製後慢慢烤,羊肉又香又嫩,完全冇咗羊騷味。配埋佢哋自家調配嘅秘製醬汁,真係一絕!最後就係佢哋嘅燒墨魚咀,咁多串燒菜式之中,呢個應該係我最鍾意嘅!烤得好香好脆,個汁又特別濃郁,真係越食越香,忍唔住要多夾兩條!價錢：$ 100/person分數：8.5/10地址: 尖沙咀柯士甸路17號豐樂大廈地下2號舖#尖沙咀美食 #hkfoodie #hkfood #food #美食推薦 #美食推介 #香港美食 #尖沙咀#hkig

今日去咗尖沙咀食川味串燒，叫咗魷魚，蜆，韭菜和茄子，個魷魚好大隻，好香，係原隻魷魚大大隻，好好味，蜆好好味，新鮮蜆，韭菜都好好味冇渣嘅，茄子好好味好大隻好多蒜蓉😋😋😋