川之味麻辣米線 (已結業)

只要路經這間店，一定會被店內傳出的麻香吸引著，喜愛米線的我，當然拉著男友一吃來吃啦~一進去，環境還可以，叫了雞肉米線7小辣，男友了叫芝心丸米線中辣，一吃下去的感覺，麻中有點香，比譚X更勝一籌~!米線軟林林，後期吃下去的感覺真的是舌頭也麻痺了，但也吃得很爽!湯底麻中是有點清香的!!!我們還叫了麻辣雞翼，建議不太吃得辣的人千萬不要點這個，因為真。的。很。辣!我吃了2隻已再不能吃下去了!!總的來說，這間店的米線很好吃~~是我之後的長期飯堂了!

在附近上班，間中都會過來警署這邊吃午餐，今日與同事一起過來吃我最愛的米線，而這間之前也幫襯過三數次。幸好我倆比附近的學生哥早一點過來，否則也不會不用等位就可以安座。同事第一次來這邊吃，她說這裡的配菜選擇算不少，價格也算便宜；店內彌漫著一股麻辣的味道，未進食已刺激味蕾。我點了豬軟骨搭貢丸9小辣($27)，同事則點了雞肉搭豆卜1小辛辣($25)，再加麻辣及香草雞翼各3隻。等了約5-6分鐘便送上，從湯的顏色可以清晰分辨不同程度的辣。米線的份量很多，餸菜的份量適中，芽菜等也不少。豬軟骨頗入味，口感介乎像牛根與牛腩之間；至於貢丸的質素也不俗，比有些店會以一些劣質的肉丸好另外，我地也點了香草搭麻辣雞翼($21)，即叫即製，所以上枱時較燙口。香草的味道較淡，適合不嚐辣之士；麻辣的則有點微辣，相信嚐辣者會喜歡。

朋友介紹下o黎"川之味"試下，平時食o黎食去都係譚x，係時間試新野啦~未到8點就去到，都唔駛等位喎，而且地方唔算大，由於唔想坐toilet出面所以選擇坐一個冇人坐o既收銀位旁邊~睇完個menu後覺得同譚x好似喎~一人份量米線，二人份量o既套餐，連燒雞翼都有喎~而且辣都係分幾多小喎~由於我地鍾意食多餸就揀o左2人套餐啦~加埋食開o既3小辣，但我地唔食牛所以要比譚x走多一個"牛栢葉"，而且九芽都計算在套餐o既餸入面走埋會得返好少餸~所以平時走九芽o既我地今次冇走芽菜lu，上菜後外表都幾相似，雞肉/豬肉/生菜呢幾樣都幾似，味道幾好，豬肉夠大片，生菜夠多，有我鍾意食o既蘿蔔，可惜唔夠甜，而餸o既份量都幾多，但係米線就好少囉，夾o黎夾去都係芽菜，而且米線又碎比較難夾，下次試下佢一人份量米線睇下係咪都唔多米線先最搞笑係有2個客人入黎見冇乜位(主要唔想搭枱)就話想坐最入面果間房(我見有對門間住唔比入o既)，之後個阿姐話坐入去要加錢喎(我即刻心諗同出面d位一樣點解要加錢呢？唔通係vip房？)之後聽唔到佢地講咩就見到2個客人入o左去坐喇(我覺得佢地入去係唔駛加錢o既)，到我地差唔多走時(o個2個客人神早

我住太子..好多野都食到厭晒..於是上OR睇下有咩漏網之魚我係未食過的..見到呢間食評不錯..我又係米線迷..咁就去試下..是日叫了: 黑柏葉, 竹生, 雞肉10小辣莫名奇妙的分了湯..我一向不喜歡分湯..不過外賣遞到我面前了..算吧!!!回家打開米線倒入湯中..嘩..D米線好碎..份量又唔多點不知一食..入面D雞肉同腐皮仲碎..完全係來唔到+食左都唔知自己食左..湯底似譚仔果個..咁我不如去食譚仔..唯一可讚係竹生比得多..但要加$6..應該冇下次喇..寧願行多幾步去深水步譚仔或川味..沒拍照..因為食如此簡單的東西冇諗過會寫食評..但真的失望到要在OR寫我第一篇食評!!!!!!可想言知...

是日晚上與友人前往這家店進餐進店看見沒有二人桌就說等等再進，但店員阿姨說等等調給我們，就先坐下了看了一陣子就ORDER了豬軟骨 腩肉 酸辣 米線 (最少辣)友人就ORDER了炸醬 貢丸 麻辣 米線 (三辣)然後過了一陣有客人離開，當我們正要求調位時，有三名大概是熟客的男人進場坐了我們的位子剛好有另一桌客人離開我們就坐到後面這時候阿姨就跟熟客先生說我們麻煩 到處調我心裡想著，我老早就說等到有位才坐，是你們要求我們先坐下再幫我們調，現在就說麻煩?而且就算客人麻煩又如何，你是幹服務業的，豈能這樣說客人麻煩?食物來到豬軟骨的質素很好，煮得很入味而軟骨位置已炆成半啫哩狀酸辣(當成一道菜)中有酸菜和肉末，口感味道都不錯腩肉未經醃製，沒什麼特別味道，但份量充足! 不錯朋友那碗我試了一口炸醬，太過咸了結帳的時間錢交到收銀員(有可能是老闆)的手，一個兩元硬幣從他手上掉了出來，但他毫無撿起之意最後身為客人的我就彎下腰，幫他從那極髒的膠地墊上撿起了味道是很好，份量與價錢也成正比可是服務真是差得比大陸的店更可怕

麻辣雞翼米線(3隻雞翼加一碗米線), 追極雞翼都冇黎，d阿姐淨係識講整緊，可唔可以認真小小幫客人睇吓張單。要客人淨食米線，冇食雞翼，仲想收$1x一碗淨米線，太過份。差差差

今日同男朋友原本諗住去譚仔食野, 但睇食評, 個個都話依間好食d, 就諗住不如試下新野結果真係好失望見個個都話一行到門口就比佢d麻香吸引, 我其實入左門都聞唔到, 淨聞到雞翼好重既香草味因為我男朋友做廚師, 佢一聞就話依隻香草本身隻味就係好勁, 其實因為我本人真係好食得辣, 就諗住叫"大辣"結果個阿姐死話「你食唔到咁辣架」﹑「我地ed唔同人地, 我地特別辣」好喇好喇, 就聽佢講叫中辣算(其實佢都唔係好想落單, 唔知點解一定要我叫小辣)結果3分鐘就有得食, 真係唔夠辣呀麻辣米線一到, 份量足, 但傳說既麻香, 真係唔覺有咁誇張而且佢出菜真係「太」快, 我落單3分鐘就有, 本身我好驚係整定, 但第一啖食d米線就知唔係, 米線, 太硬/.\腐皮, 好似放落水煮一煮就拎上黎咁, 湯底, 麻好重, 但辣味完全唔覺得有, 而且仲偏淡炸醬, 都係偏淡, 令到食落好似食肥肉咁雞翼, 幾好食, 幾香口, 但冇令我想食多次既衝動。總括黎講, 好差, 好難食其實我一直覺得譚仔麻麻先想食新野, 但比起依間, 我寧願食返譚仔無論係香氣, 湯底, 料, 我都覺得好食d /.\

如果食米線,我一直都係X仔 既老顧客,其實都唔係好老ja!!!不過上次同朋友食完呢間川之味之後.....我對X仔愛好減了不小..係香味方面,未到門口已經聞到佢陣辣味....今次我同上次個朋友一齊再來食過..朋友叫左2辣..佢話上次食到個人好熱WO!!叫左2份蟹粉丸竹笙米線..一碟香草雞翼..7-UP一路食一路都有好多人入來米線真係推介幾次都無所謂...一來唔硬又唔"臨"...最緊要好入味..同埋好鬼死多配菜..次次都放左勁多落去湯當然係無得彈!!!香草雞翼..雖然無潭X咁好食....不過相對地好似大碗一點*抵死好多*服務不過不失算係咁啦^^價錢又唔係貴!!!!應該會再來

之前已經食過2次,就係因為佢幾好食又唔係話好貴先番轉頭,1.學生價米線加汽水既話係加2蚊,點知落單個阿嬸寫左12蚊(2罐), 叫佢改番張單既時候仲要sorry都冇聲2.話說我朋友就叫米粉,個阿嬸又聽漏,黎左個米線,黎既時候同佢講番,佢竟然叫我朋友算數照食,3.我之後同佢換返做米線,佢雖然肯換,但個樣係極唔耐煩,仲指責我朋友話佢冇叫米粉,換返米粉拎黎果陣仲發脾氣咁話: 岩啦嘛?? 期間仲聽到佢同廚房d阿姑係度講我朋友壞話真係唔明係咩服務態度,明明自己做錯又唔認,仲要拎返轉黎話個客人,食餐飯都要受氣,短期內都唔會再去

川之味識得食佢 係因為經過鋪頭時被佢麻辣香味吸引寫食評前已經食過不下10次食咁多次 水準都保持得唔錯 尢其是豬軟骨其他鹵水系列都好不錯吃今日外賣 豬軟骨蘿蔔米線(*4小辣)*最辣的免費小辣豬軟骨 非一般豬軟骨 軟到呈膠狀 鹵得夠入味齋係打上面↑呢行字都吞左2次口水蘿蔔 清甜 冇渣食2次都冇渣 非常好米線正常/普通配料有不少芽菜 九菜 腐皮 感覺良好湯夠熱 岩我口味 但麻味我覺得可以再重手DDPS如果我係學生就好啦冬天食完佢真係好滿足

$22。滷水豬軟骨米線：3大舊豬軟骨，唔肥，啖啖肉，軟骨是牛筋質感的，滑滑的，並不是脆的最重要的是滷水味超入味有芽菜、莞茜，米線都幾好，不會太淋

尋晚8點幾, 路過此地, 諗起佢地d米線, 急不及待去食. 小女子唔食辣, 但鍾意食米線. 川之味正合我要求.佢地好足料, 好大碗, d湯好夠味, 又好夠熱, 米線又好滑.今次得一個人, 只可以叫一碗雞肉清湯米線.配菜有芽菜, 九菜同腐竹, 雞肉係去皮雞胸肉, 啱晒正在減肥嘅我. $20碗好滿足.d亞姐好好笑容, 下次一定會再去!

路過給好勁的麻辣味吸引左入去...環境都算企理, 阿姐都好客氣, 價錢同出面差唔多, 都係$2X碗米線...試左豬軟骨米線中辣...湯底唔錯, 好濃好麻辣, 有D似譚仔個湯底, 但比譚仔仲要好...米線份量勁多, 仲有最愛既付竹...最正係D豬軟骨, 好大舊!!! 好"林"好入味, 好正!!!一定會再去^^

哈~~隔左咁耐見到張相先記得未寫 個日下晝5點左右去食既....唔算太多人啦 入到去 自己一個唔使等位都食左好多次架啦 ~正野叫左碗牛肉腩肉3小辣 好怕有時候食到D腩肉有臭豬味 好彩無牛肉唔會冰到無晒味 佢呢度有黑柏葉 不過好似麻麻地 試過一兩次都唔多好... 要讚下 D料都幾多選擇 gd 上菜速度快 啊姐好好人 gd~另外平時著校服去 一個餸既 就送豆漿 2個餸 就送多2隻雞翼 話說D雞翼好香 好正個日去食 咁岩放假無著校服 啊姐可能認得我定見我攞住D書就問我: 細佬~係米學生啊 我: 係啊~(我叫左2個餸 但係無著校服)啊姐: 豆漿岩唔岩? 我: 嗯對比集團式 X仔(X哥) 多左一點人情味而且食物質素一D都唔拽 價錢仲平小小添 所以都最小成年無去X仔 lu

之前在網上睇下太子這區有咩好野食，用紙寫下好幾間，川之味就是其中一間。其實我本來想去前面果間食點心架，不過好似得自己一個人，就唔多敢入去了。於是就選擇咗這間食米線，入去坐低之後，服務員就立即問食Ｄ咩，咁我就叫一個中碗米線要２級辣加杯凍豆漿。因為未試過的關係，所以唔敢叫太辣，因為之前在北角一間食豬扒酸辣米線，來到只係得個”麻”字，所以我就有點怕啦！來到的時候，都幾大碗，而且有好多料，不過本人就覺得唔多好食，因為所有材料好似全部都係白“霎”咁，一Ｄ都唔好食，而且個湯底都無什麼味道。初時食落口都唔覺得太辣，食食下就開始有辣的味道出來。我諗腐皮都應該幾貴，如果唔係點會得腐皮碎喎，我見對面的食客，連腐皮都無俾到，要客人問攞番（這個時候係唔忙架，都無咩人。）可能是我唔識食正宗的麻辣米線，又或者自己慣食濃烈味道的食物，所以這個都中碗米線不太適合我了。