崗燒 (已搬遷) 新店位置

咖喱海蝦飯，假炸到小小脆口好岩入口既感覺，唔洗加任何野已經夠味即係佢炸前調味得好，咖喱唔辣，岩哂食唔到辣既朋友。海鮮炒飯，都算足料，有八爪魚，魷魚等調味得唔會太過濃味，我本人就好鐘意食完一啖又一啖，差啲想叫多一碟。

見呢度成日咁多人 星期六晚黎呢度宵夜三個肥妹仔叫左勁多野食最值得推介係炸芝士年糕 年糕炸到外脆內軟 芝士係半流心嘅唔會覺得太黏太膩跟住係日式清酒煮蜆 佢啲蜆超級大隻有三份一隻手掌大 而且最緊要鮮甜無沙跟住叫左一大堆唔同嘅野唔知係咪太多人嘅關係 太忙喇出現落錯單 啲野食燒得唔夠或太熟嘅情況牛肉係有肉味 但太清淡 只有輕輕嘅肉味牛舌過熟 太老 帆立見都係 完全浪費了菠蘿同香蕉未燒透 完全無陣陣甜果香再值得推介嘅有芝士燒雞肉 芝士帶有沙律醬調味 唔會話太重芝士未或沒調味可言不過雞肉燒到較老所以我下次會閒日先過黎

昨日同朋友再去呢度食下野咁, 環境坐位上就要坐係街邊, 習慣既我就覺得算舒坦,之前去過就覺得烤類唔錯食既, 再去番叫左 墨丸, 雞肉, 雞軟骨.墨丸不是烤的, 請留意. 另外, 今次既雞軟骨有D失準, 有舊咬唔開同無咩味,調味上不夠得宜.不過雞肉出乎意料地好大舊, 都okay既.我朋友因未食飯出黎就叫多左碗拉麵食, 湯底一般, 麵就唔夠煙靭跟住都叫左碟 三文魚 刺身, 雖然唔係好鮮甜, 但都唔錯架, 可以試試.至於店員既服務態度, 尚算可以, 有時想落野, 唔好彩既佢地會傾緊計.如果咁岩遇到呢個情況, 一係要大聲叫佢, 唔敢叫既朋友就要比D耐性拎住個落單紙 揮多幾下啦!

侍應落單又唔想落既樣😓野食送到上枱又唔比餐具。😶我落左個三文魚炒飯同楊州炒飯冇分別，啲三文魚乾身，仲要一啲味都冇，咁叫佢比豉油，佢比左鰻魚汁😲我朋友A叫左個吉列豬排㴝到係凍既😹叫佢整返熱，竟然好理直氣壯咁講幫我叮返熱😑我朋友B叫左個咖喱雞飯，咖哩淡而無味，啲雞又整到竉晒😓