峰G館

營業中

休息中

早排同朋友行完山，周圍去搵地方食下午茶，係筲箕灣東大街行左好耐，最後去到街尾見到呢間有下午茶，於是一行人入咗去試。30多蚊有個餐，又見到有喜愛嘅菠蘿包，大家就點餐。餐來到時真的有驚喜，個黑松露菠蘿包真不得了，好多松露，氣味豐富。個雪糕西多士又好正。牛腩麵好夠味。下次再去果邊行山要再試其他食物。

喺筲箕灣海旁散完步之後，可以行過嚟東大街呢一邊食個tea 🍽☕️🧈《峰G館》算係最近海旁嘅一間餐廳，好方便，而且睇過Menu都好吸引～所以嗰日就揀咗入去食！◽️◽️◽️◽️◽️◽️◽️◽️◽️◽️下午茶超級抵食，有一系列嘅抗疫套餐，全部都只係$32！😍我就叫咗個🌭熱狗餐，跟餐加$12改咗特飲，轉咗做紅豆冰！好耐冇飲過紅豆冰，好好飲，賣相又靚～雖然只係下午茶，但係超級滿足！😚😋◽️◽️◽️◽️◽️◽️◽️◽️◽️◽️除咗呢一個$32系列嘅下午茶餐，仲有菠蘿包下午茶系列，就係菠蘿包配唔同嘅餡料。見到其他人食，同埋見到咁多配菠蘿包嘅組合，都好想試呀！😗下次一定會再去幫襯，同埋試呢一個菠蘿包套餐😆😆

呢間位置係東大街街尾 如果肚餓由東大街街頭行起好小會行到尾見到呢間餐廳我係上網見到有人推介佢既沙嗲牛肉麵而黎🍴我早餐叫左碗沙嗲牛肉辛辣麵 啲沙牛都夠味 唔會是旦整個沙嗲汁淡口冇味道牛肉唔會話好鞋口 另外會跟多個奄列同埋多士 正常味道冇特別但最令我驚喜係佢既星洲炒米 夠鑊氣👏🏻辣度適中 我叫左多辣都唔係話十分辣 重口味首選啲料都唔姑寒 會食到大大舊叉燒火腿等既料但佢既鴨胸豬扒飯既豬扒就不敢恭維喇塊豬扒係有啲雪藏味 食落口勁腥陣味食左一啖豬扒之後完全冇再掂過塊豬扒呢塊豬扒拉底左間餐廳既質素但整體黎講算係唔錯 不過不失我會再食呢間餐廳但只不過唔會再叫佢啲豬扒🤢

聖誕要返工 但限聚又冇得一班人出去食 唯有叫外賣 佢寫今日係聖誕餐 我就簡左個牛柳拼大蝦 $128 其實貴貴地 但聖誕諗住食好少少 黎到 佢明明就俾左牛扒 但問佢佢話係牛柳黎 塊扒韌過我條命 都算 仲要漏左個大蝦 同佢講 佢話下次補返 下次我就唔會再叫啦 但佢唔退錢 勁O咀 味道唔駛講啦 啲汁好咸 份量都算多 但塊牛真心劣質 唔會再幫襯 愈黎愈差 岩岩開舖個時都好啲 宜家真係唔ok 之前都聽聞過同事外賣自取 叫雜扒餐 俾少左牛扒 諗住今次俾多次機會佢 點知 毁左我聖誕

呢度下午茶幾抵食 都食過好幾次等我介紹下先！！芝士咖哩雞扒撈公仔麵 $42 連飲品雞扒煎香曬 有肉汁 高質咖喱味不會太搶 撈公仔麵啱啱好！CP 高高高主角出場手打牛肉特色菠蘿包 $58 連飲品菠蘿包食得多牛肉漢堡做餡料真係第一次..牛肉juice 亦夠牛昧 口感good配有輕微甜味既菠蘿包感覺真係好特別Nice 👍🏼切開俾大家睇吓👇🏻筲箕灣真係好多美食..峰G館 整體食物質素唔差值得推薦俾各位街坊嚟緊我會再試吓同區其他新餐廳大家請耐心等待！

筲箕灣東大街是一條出名的美食街，這裏有很多隱世食店。本來想吃朋友介紹的拉麵店，可惜下午茶時間他們沒有開鋪，唯有隨便們走進了一間餐廳試試。走到東大街最盡頭， 有一間餐廳叫峰Ｇ館。餐廳不算大，裝修是工業風，帶點型格。餐廳以西式餐為主。假期的下午茶時間，這裡嘅人流不多，可能是因為餐廳的位置較偏僻。下午茶餐的選擇不少， 價錢也不算貴。我和朋友點了兩份下午茶餐。首先是雞扒煎蛋菠蘿包($38)菠蘿包相當豐富，有雞扒，蛋，生菜，番茄。雞扒加上了照燒汁， 甜酸酸， 夾在菠蘿包中味道很好。另外點了炸雞髀薯條($38)炸雞髀薯條是即叫即做，所以雞髀和薯條都是熱辣辣。 薯條味道有點淡，但勝在夠脆口。 雞髀是生炸雞髀， 即是不加粉漿哪款， 外脆內軟， 而且充滿肉汁，like！飲品是熱奶茶和凍檸茶(凍飲+$3)賣相和味道都正常， 略嫌熱奶茶的茶味有點濃。整體來說，餐廳的食物不錯，而且價錢合理，餐廳環境舒適，服務也很好，可以一試。

星期日，4點幾嚟到，唔多人。叫咗個雞脾多士火腿通粉俾阿女，通粉幾好，雞脾唔得，炸到🤦🏻‍♀️🤦🏻‍♀️得好少肉吃得，好硬，好差，似係炸過凍咗再返炸，差👎🏻我自己叫咗粒粒西多士配奶茶，奶茶正常，西多幾好味入面係花生醬。

東大街成日有好多新開嘅餐廳 今日行到街尾見到依間未食過嘅就試試佢個早餐佢早餐食到十一點半 遲啲起身都得舖頭唔係好大 正係坐得5 6枱人 不過等左5分鍾就有位我叫左個沙嗲牛面 腸蛋多士早餐加熱奶茶份量價錢都同同區嘅茶記差唔多公仔面唔會煮到太lum 沙嗲汁都幾惹味屋企人叫嘅扒餐 豬扒無雪藏味 太陽蛋有啲生不過得一塊多士 男仔可能唔夠食食物質素中上 環境唔錯 員工友善 係覺得奶茶咖啡上面有進步空間有機會會嚟試下佢嘅午餐 晚餐 見餐排價錢 選擇都幾吸引~ 

吉蒂已經是第二次光顧「峰G館」第一次是瑜珈運動後非常肚餓時經過，見店面燈光暗暗的，有點像酒吧卻是提供茶餐廳的食物，相當有趣於是決定一試第一次是下午茶時間，以另一食評去評價這篇是評一下它的午餐吧吉蒂住在筲箕灣的⋯只要一有新店在東大街開業，基本上都好快知道，亦會一支箭的飛去試試「峰G館」是位於東大街尾位置，店面不算很大特別次處是酒吧裝潢卻提供茶餐廳食物而且還有像舊式冰室一樣提供特色飲料這次吉蒂和男人分別點了1. 特色麻醬撈麵(包括半隻糖心蛋，滷水豆腐及炸雞扒)*撈麵不是用公仔麵而是台式麵? 麻醬味充足，配上香脆外皮的雞扒，配合得異常的夾。推介一試!!2. 咖喱豬扒飯*咖喱的味道獨特，不是一般茶餐廳的咖喱，又不是日式或是馬來西亞或是印度式的，可以說是「峰G」式? 哈哈吉蒂頗喜歡這口味，相信是加了某些香料，不過吉蒂食唔出係咩但是見人見智，因為男人說他不太喜歡這咖喱... 說太稀至於豬扒... 真的不吃也罷了不是厚切豬扒不要緊，但薄薄的一片卻煮得不淋呢... 可惜敗筆了總分: 80/100 (某些食物是出色的，如西多士，但某些食物有待改善。)加油加油💪

今天到朋友家附近吃個early dinner, 在東大街街尾有間新開的茶餐廳小店內位置不多，但裝潢都帶有懷舊感，茶餐廳對我來說最緊要乾淨企理粒粒西多士 - 進店時間剛好是六時，趕得上點一個下午茶餐作小吃。粒粒西多士有四大舊，很厚！每一舊西多士都配上牛油，不會分不勻，非常貼心切開西多，內裏是滿滿的花生醬，有兩層厚！配上糖漿去吃真是十分滿足！雜錦海鮮龍蝦湯米線 - 雖然此米線價格在茶餐廳來說是偏高，但絕對值回售價！首先龍蝦湯是十分濃郁也香滑海鮮的材料有鮮蝦，青口和帶子，鮮蝦是很大隻！眾海鮮配龍蝦湯底是十分鮮甜！手打牛肉菠蘿包 - 店員向我們推介菠蘿包，說是日日新鮮製造。有幸我們點到每天只售10個的手打牛肉菠蘿包！一上菜把我們嚇了一嚇！厚度是如漢堡般！手打牛肉是即叫即整，混入洋蔥去香煎，肉汁滿滿的！十分有驚喜飲品竟然有懷舊茶餐廳必喝的黑牛，即可樂加香濃朱古力雪糕！此茶餐廳食物質素有驚喜，性價比高，小店果然用心製作

黎到東大街搵食，除左去馳名既牛腩店，呢到仲有好多隱世美食。 我同男朋友鍾意食港式西餐，所以就去左峰G館度食。睇完menu，發覺佢有好多特別而新穎既美食。我地叫左以下食物：👉🏻花膠鮮雞米線 $88湯底濃郁，有好大塊花膠，雞肉啖啖肉，呢個係一個充滿骨膠原既米線。而且分量都唔細架。👉🏻炸雞髀多士配火腿煎蛋通粉 $48佢既炸髀係幾好既，唔會食完成口油，個皮好脆口，啲肉都好鮮嫩下。多士同火腿通有著港式茶記既元素係內面。👉🏻黑松露炒蛋菠蘿包 $38鮮牛油菠蘿包就成日食，但係配搭住黑松露蛋就係第一次啦。佢個黑松露好重，食落去個口感好滑，比起牛油健康之餘，味道都唔錯，同個包幾夾。👉🏻威龍紅豆冰 跟餐+$12威龍紅豆冰係用左奶茶黎沖，雖然聽落去卡路里多左啲啲，但飲過一啖後，你唔會後悔。口感嫩滑，味道好好。👉🏻百香果利賓納梳打 跟餐+$12利賓納係我個人既賣飛佛，味道唔錯，想再添多杯。

終於沒有搞錯，今日來到東大街街尾的峰G館，是街尾的峰G館，因上次搞錯了。門外有人等位，到我的時候方發覺可以叫下午茶了，原來不知不覺已是下午兩點鐘。但最後叫了一款午餐和一款下午茶餐。繁忙時間要搭台。香煎肉餅蛋飯肉餅煎過，最邊的位置有點燶，中間位置煎得較好香口，飯不會幹，有豉油，蛋和蔥的香味。沙爹牛肉煎蛋辛辣面牛肉很滑，蛋燶邊，辛辣加沙爹味的湯，味道不會過鹹。好恨食菠蘿油，就叫來試試。傳統菠蘿油不是新鮮菠蘿包，酥皮不太脆，不夠熱。小店的職員服務不錯，環境亁淨，座位有限，繁忙時間雖搭枱。

Shau Kei Wan is actually quite close to us to we came here today to check out the food street and see what’s new shop is opened. Luckily we found this little gem hidden in the end of the food street. I must say the service here is top notch and the staffs were very knowledgeable and attentive in terms of their food 🥘 options. the menu is clean and simply, easy to read and have a lot of choices available to choose from. We then picked a few recommended dishes - pineapple bun with beef patty (home

忙完一輪教會活動， 連埋上夫婦課程， 3點3時間剛剛好找下午茶。 東大街出名多野食。 但其實好多時都係潮式粉面較中出名。 但同老公上完課梗係想拍拖式食好啲， 點會想食潮式粉面咁掃興。見到東大街較入既位置鋪面幾美式既餐廳。 ～ 呢間第一次黎都幾驚喜。 後生仔老闆 一家大細經營。 啲炸物真心唔錯～ 脆皮內軟， 個菠蘿包是新鮮上， 好多款，應該係主打推介。 老公叫左飲熱情果雪糕特飲， 幾特別，一見就就知消暑。 呢款雪糕都幾好味。 另外炸雞髀薯條好香脆，另外係我至愛厚薯條。好復古好夠味～ 好食～ 好有回憶。在東大街最入一間 ， 地區唔太通達， 望佢地能小本經營、 越做越有啦|

朋友住筲箕灣，今晚黎同佢食晚餐就緊係等佢發板推介下啦，黎到東大街呢間餐廳，名稱好特別叫峰G館，同地鐵站好近，室內 裝修好warm既感覺，我自己好中意成個木系好潮既setting, 好和諧既感覺，細細間係家庭經營既，老闆又會同街坊街里吹水，人情味濃，我同朋友每人叫左個餐，佢叫左霸王雞晚餐，免費熱飲，份量好足有成8件雞都啖啖肉，個汁有啲似豉油雞，但配有香蔥絲同紅椒絲等配料就好香，我叫左白汁芝士龍脷柳焗飯，超好味，超多芝士仲有少少焦，白汁又夠撈飯一流，炸雞軟⻣份量好多而且新鮮即炸，套餐加12蚊就有特飲，推介紅豆冰！多豆夠甜奶味重！價錢同份量合理😋