峰G館

營業中

休息中

朋友住筲箕灣，今晚黎同佢食晚餐就緊係等佢發板推介下啦，黎到東大街呢間餐廳，名稱好特別叫峰G館，同地鐵站好近，室內 裝修好warm既感覺，我自己好中意成個木系好潮既setting, 好和諧既感覺，細細間係家庭經營既，老闆又會同街坊街里吹水，人情味濃，我同朋友每人叫左個餐，佢叫左霸王雞晚餐，免費熱飲，份量好足有成8件雞都啖啖肉，個汁有啲似豉油雞，但配有香蔥絲同紅椒絲等配料就好香，我叫左白汁芝士龍脷柳焗飯，超好味，超多芝士仲有少少焦，白汁又夠撈飯一流，炸雞軟⻣份量好多而且新鮮即炸，套餐加12蚊就有特飲，推介紅豆冰！多豆夠甜奶味重！價錢同份量合理😋

友人在筲箕灣上班，經常向我推薦區內美食，尤其是位於東大街嘅食肆，說這條街道雖然全長只有數百米，但美食如雲，有快餐、粉麵、西餐，另外亦有日本菜，當中平民小食更是街知巷聞，雞蛋仔、碗仔翅、燒賣、魚蛋、沙嗲串燒等，應有盡有，簡直是個覓食天堂。 講起上嚟，其實我也很久沒去東大街搵食，趁這天公眾假期，一於過去逛逛。記得之前友人曾推介過一間撈麵店，說食物水準唔錯，本來打算過去一嘗，點知原來店舖已經結業。喺附近發現有間叫「峰G館」嘅冰室，細看門外餐牌，原來這裡有下午茶餐和菠蘿包等供應，見價錢經濟實惠，決定一試。推門內進，沒想到原來餐廳非常旺場，幾乎座無虛席，幸好剛巧有食客離開，不用排隊輪侯。店內面積不大，不過裝潢挺骨子。先拿起店員送上的餐牌細看，圖片印刷得很精美，色彩繽紛，而食物選項就包括有下午茶餐、峰峰菠蘿包、激正午餐、全日餐、湯麵類、每日精選、小食類，另外亦有飲品、特飲、峰峰雪糕特飲等。點了店員推介的「峰峰菠蘿包」同新出嘅「手工拌麵配香煎雞扒」($58)，另外還加了炸雞髀。手工拌麵率先送上，麵條份量十足，旁邊除了配有兩大塊雞扒外，還伴有豆腐乾、雞蛋同蔬菜，光看賣相已令人胃口大開了！先吃一口拌麵，

係公司附近開左間新餐廳，所以今日反工前就黎呢到食反個靚靚早餐😊見門面裝修幾特別，一D都唔似茶餐廳，甘就去試下，食完反工啱啱好😊一間好有heart既餐廳，用心去制作食物，款式多，價錢大眾化。須然裝修不算太特別，但感覺裝修有品味，不似一般普通茶餐廳，看得出很用心❤️黑松露又係我喜愛的食物，見到有個早餐係黑松露，甘就唔使左唸右唸，一於就食昵個早餐，😊滿滿的仿包絲同火腿又足料本身對食物有要求的我，昵到既早餐可算是不錯，味道也是合我口味，最重要係佢杯咖啡☕️非常濃郁，我飲咖啡係超級有要求，估唔到呢到既咖啡☕️可以滿足到我既口味👍👏⋯⋯下次反工前又可以去食另一款早餐，臨走前同個職員傾左兩句，原來呢度既米線好特別同好好食，下次去食下先✌️😋🤗Live your wildest dreams你的夢想一點也不瘋狂，就去實現你心中的夢想吧⋯⋯💪💪💪💪💪

筲箕灣東大街小食店林立，是東區覓食的好地方。峰G館是上月中新開的冰室，今天下午茶時段路過，便來嚐嚐。黑松露炒蛋火腿潛艇份量巨大，黑松露香氣撲鼻。雞蛋炒得細滑帶蛋汁, 潛艇包身軟熟，身為麵包控十分滿意。特色豬扒菠蘿包有別於傳統豬扒包，以菠蘿包代替硬朱包。菠蘿包鬆化香甜，豬扒軟腍入味，伴以新鮮蕃茄生菜及片庄芝士，實在是下午茶的最佳配搭。下單前店長已解釋由於雞軟骨供應問題，食材並不是餐牌上圖片顯示的雞胸軟骨，而是一般常見的粒狀。此雞軟骨香脆美味調味恰當，鹹香得宜，不用蘸附上的沙律醬也人吃過不停。熱情果雪糕芬達屬隱藏項目，見店長熱心推介便點了一杯。飲品用上市面少見的熱情果雪糕，甚有特色。微酸雪糕配上橙汁汽，喝下感覺清新。北海道3.6牛乳雪糕涼粉冰以濃厚幼滑的3.6牛乳雪糕配上爽滑涼粉，簡直是消暑佳品。

又去東大街食野!❤今次去食新開既餐廳，近筲官小學個邊，好多時大家行到魚蛋麵舖就停，但一定要繼續行到街尾先會發掘到好野!😋叫左個激正午餐-香煎牛柳粒配飯!($78)d牛柳煎到剛剛好既7成熟!肉好腍牛味好濃，而且份量多!配埋個黑椒汁，真係好味!呢個價錢食到高質牛柳，我覺得好抵!之後點左個值得一試既下午茶餐，鮮油粒粒西多士($32)，有4大粒而且每舊都有牛油，睇住佢地慢慢融化都已經好治癒~而且每粒都超厚，有成3-4cm,未食已經覺得好吸引!兩層中間仲有滑滑既花生醬，好難得呢間仲有!好感豐富好多!小食本身想叫秘製餃子，但下午時段已經賣晒! 可想言知應該好好味，下次再試!今次叫左吉列蝦($20)。每條都有食指咁長，而且只係一層薄薄炸粉好貼蝦身，蝦亦非常鮮味!我地仲叫左個叉燒意粉配黑松露炒蛋多士($52)，個湯好清甜感覺冇落味精!黑松露濃郁香味配埋滑滑既炒蛋，好好味!而且黑松露都落得好大手完全唔孤寒!叉燒都有好幾片，成個餐又有濃味又有淡味咁交叉配搭黎食，就岩岩好唔會太膩!野飲都好值得加$18轉個雪糕特飲!呢杯超特別!叫椰子雪糕威龍紅豆冰!佢個椰子雪糕超濃同勁香椰子味!係直情覺得係食緊椰肉咁濃既味道

位於東大街最入的位置，老闆同老闆娘都好後生，仲帶埋個小朋友一齊開工，真係唔容易🥺-1️⃣C2 常餐 $48火腿奄列+牛油多士(雞翼、米線、鮮茄湯）⭐️⭐️⭐️⭐️份量好多，鮮茄湯底真係自己整，有啲似媽媽的味道🤤雞翼煎得香脆，奄列煎得唔係太乾，蛋還是滑的👍🏻/2️⃣下午茶A $38(雞脾、沙律)⭐️⭐️⭐️炸雞脾炸粉不會過厚，size 都唔細，一個人岩岩好食得哂😂但肉汁較小，有點小乾/3️⃣下午茶G 鮮油粒粒西多士 $32⭐️⭐️⭐️⭐️每粒西多士都幾大size，多士內有小許花生醬，多士熱熱地因為，所以上面既牛油都慢慢溶左😍味道不錯🤤-環境：7/10服務：9/10好味指數：8/10回頭率：8/10

一日的開始，吃個營養豐富的早餐是必須的，營養師說早餐可供我們有足夠的血糖幫助大腦運作，俗語說：要吃皇帝班的早餐，大臣班的午餐，乞丐班的晚餐。今天來到位於筲箕灣東大街的峰G館吃了一個好吃又營養的早餐，而且侍應哥哥笑容親切，服務殷勤，早餐也有十多款，而且跟外面的不太一樣，比較有特色。［［黑松露炒蛋+茄汁豆+煙肉+牛油厚多士］］非常豐富特色的早餐，香滑的炒蛋上伴上黑松露，炒蛋味道馬上提升，再配上甘香不肥膩的煙肉，給清早的大腦補充蛋白質。我喜歡把茄汁豆塗抹在厚多士上，這樣吃起來口感更豐富。［［沙爹牛肉米粉］］米粉幼滑，沙爹牛肉入味，不錯。［［絲襪奶茶］］茶香奶滑，讚👍

本身女女今日要返幼稚園，但老公話想帶女女去玩，叫她請假唔好返。結果他今日自己一個一早就出街看電影，看電影後又要剪頭髮，又係得返我地兩母女。同女女搵節目，首選又係食啦🤣😅帶女女去筲箕灣東大街食早餐。以前係星島返工時，真係看住東大街的變遷。宜家再黎，很多舖位都變曬新面孔。今次同女女黎左峰G館，雖然食的野都係同冰室差不多，但裝修幾有型格，食物亦有特色。為食女女選了雪山菠蘿包配朱古力雪糕黑牛，其實就係看中左雪糕。我試左少少雪山菠蘿包，外邊烘到熱辣辣，裡面凍冰冰又真係好正。我就要黑松露菠蘿包同沖繩海鹽雪糕白牛，黑松露份量多，炒蛋超滑溜，好好味。另外點了份公司三文治，即叫即製，熱辣辣，材料豐富，食完一定飽肚。特別想讚下樓面哥哥仔，服務超好，又落力介紹餐牌，好有禮貌。

又發掘到一間隱世小店！見呢間野新開，專登過黎試下，食個早餐。我地叫左一份雙併三文治＋牛奶麥皮早餐，一份常餐，同埋一個牛乳雪山菠蘿包，一杯奶茶，一杯茶走。野食黎得好快，新鮮滾熱辣。先講下份三文治早餐，餐蛋治好足料，中間隻蛋好滑，麵包加左烘底，烘得岩岩好，脆脆地唔會太硬。由於碗牛奶麥皮真係好出色，於是忍唔住問下店主點整，言談間發現左呢碗麥皮既奧妙之處。為左保持麥皮既口感，原來店主每次只會預八碗既份量，賣完先會重新再整，所以每碗都唔會擺太耐，保持香滑度，唔會杰撻撻好似漿糊咁。然後講下份常餐，我地揀左蕃茄湯雞翼米粉，蕃茄湯好濃郁，平時食開既蕃茄湯都有好假既蕃茄味，好似係用蕃茄醬開滾水整出黎咁，但呢到既蕃茄湯好真實，仲有新鮮既蕃茄粒，令人好想飲哂成碗湯。米粉亦非常出色，平時食開既米粉一係好林，一係好硬好似未熟咁，呢到既米粉好通透，好彈牙，索哂蕃茄湯既精華。雞翼外脆內軟，好香口。跟住講下個菠蘿包，食完先知原來食既方法係有技巧。原理係襯個包烘到熱辣辣， 中間夾住凍冰冰既雪糕，係雪糕半融既狀態下食，食出雪山既感覺。但我地食錯左，拎走左舊雪糕，攤凍左個包先食。雖然無左雪山既效果，但味道同口感依然幾好，個

午餐時間東大街都係繁忙，人流多，好彩去到唔洗排隊。煎肉餅飯午餐$48啲飯真係好硬，應該係啲米唔靚，又可能係用新米關係，依種米用黍做妙飯就一流同侍應講後，佢哋換個一碟新既，賣相同第一碟一樣好靚而個肉餅煎得好靚，雖然肉汁唔係特別多，但係又唔算乾身。咖喱芝士龍脷柳焗意粉$68 同港式咖哩唔同，一上枱已經聞到好香嘅椰子味，呢種咖喱偏向係葡式咖喱個種，知唔知份量幾多不過個汁就偏小左啲，魚柳係超級大塊嘅，又冇乜雪藏味道，幾滑口魚味就正常。呢個鋪位屬於喺東大街頭，人流冇其他餐廳咁多，上幾手餐廳做大半年左右就結業，希望依間可以經營更加耐，比街坊多一個選擇。

筲箕灣東大街不嬲多美食，有日經開依頭約朋友食tea，店內裝修幾有格調，下午茶時段坐無虛席，坐位坐得都幾舒服黑松露炒蛋菠蘿包！睇落已經夠晒吸引，成個包大過手掌，菠蘿包表面焗得脆卜卜，黑松露超香，炒蛋嫩滑，第一次食依個配搭幾有特式，有創意我鐘意全日餐(炸雞脾牛油多士配蕃茄湯底火腿煎蛋通粉！炸雞脾新鮮即炸熱辣辣，雞皮香脆而且唔會太油膩，雞肉夠Juicy；牛油多士同普通荼記一樣，不過不失；蕃茄湯底用上新鮮蕃茄，份量一D都唔少，凍奶茶方面，茶底同奶兩者沖得剛剛好，茶味香濃，有滿足感重量級雜扒餐！扒類腌得唔錯，薯條外脆內軟，配菜一D都唔馬虎，抵食之選香濃椰子雪糕威龍紅豆冰！飲落有紅豆、椰子雪糕同奶茶，口感超豐富北海道3.6牛乳雪糕涼粉冰！甜度剛剛好，個雪糕仍然回味，足料特飲

筲箕灣既東大街出左名多美食 今次又俾我發現左一間餐廳 裝修風格簡單加埋d懷舊經典配搭 令到人一入餐廳就覺得好有feel 再望真d連餐牌設計都好用心 好多懷舊既特色食物日本沖繩海鹽雪糕白牛 $30 （右）係人都知白牛係雪糕加雪碧 但從一杯普通既飲品都睇得出老闆做野好有誠意一d都唔馬虎 因為上面既雪糕竟然係棉棉冰 香濃椰子雪榚威龍紅豆冰 $32 （左）連紅豆冰都有驚喜 紅豆冰都唔係一般既紅豆冰 係港式奶茶溝出黎既威龍紅豆冰雞軟骨 $25雞軟骨新鮮炸起熱辣辣 又唔會太鹹 如果啤酒配就一流啦扒子 $32呢個叫扒子既名好特別 但其實即係火腿芝士烘底 面包脆卜卜 黑松露炒蛋菠蘿包 $38老闆介紹黎個黑松露炒蛋菠蘿包係每日限量既甘一場黎到當然要試下啦 老闆用料絕不吝嗇 炒蛋面鋪滿好多黑松露 炒蛋又非常滑 黑松露將炒蛋提升到去另一個層次 又不減菠蘿包面既鬆化炸雞脾 $28好欣賞佢隻雞脾唔用炸粉 炸得岩岩好唔太乾肉質好滑咬開仲非常juice整體評分: 4/5

峰G館今日同朋友過生日。。。。過我生日^^選擇黎呢間簡單但有特色嘅餐廳雖然門面睇落唔大，但勝在夠親民接地氣餐點種類都算多㗎，有d仲有驚喜Tim！！！好似呢個黑松露多士炒蛋咁，一上枱就聞到黑松露朕勁而有力嘅味道呀，唔好似為份量細就無口感，一入口d黑松露好似TG咁攻鼻呀！個多士再脆口d就更無得頂！個黑松露實在太吸引啦，忍唔住叫多個黑松露炒蛋菠蘿包由多士變咗菠蘿包，感覺好得意，個菠蘿皮都做得唔錯，創意滿分全晚最驚喜就係呢個炸蝦！！！！超！級！脆！！！！完全想像之外，sork sork聲，停唔到口一定要試！必定要試，肯定要試（重要嘅事說三次）主食就叫咗個海鮮烏冬配龍蝦湯底真心要讚下兩粒元貝，成個水樽蓋咁飽滿，蝦肉結實又彈牙，d海鮮遮哂個面，正呀！！飲品叫咗百香果利賓納梳打，酸酸may may，好醒胃另外北海道3.6牛乳雪糕涼粉就夠哂innovation，中日合作，林村加王菲咁有火花呀！餐廳整體裝修都幾有feel,食物有創意亦份量夠，兩個美少女食又得，一班人黎食又得，得咗！必食推介：炸蝦！！！！！！

今日下午來到筲箕灣，筲箕灣東大街4至10號東寶大廈地下3d號舖， 入到店內老闆很有禮貌問我幾多位，安排咗一個優雅舒適的地方給我， 我叫咗一個粒粒西多士 10分鐘 粒粒西多士來到了，很香味，粒粒西多士很有特色一粒粒好像骰仔一樣， 一啖咬落去 很香口還有花生醬仲有粒粒碎花生， 炸雞髀薯條來到了，薯條外脆內軟很好， 炸雞髀不太油膩味道很好 ，是新鮮即炸的， 一啖咬落去雞皮很脆很香， 還有很多肉汁香味， 雞軟骨粒粒卜卜脆味道很好， 很有特色的黑牛飲品， 一啖飲落去很香朱古力的味道， 同可樂夾得啱啱好， 很有特色的椰子雪糕奶茶紅豆冰， 很香椰香味， 很有特色的菠蘿包， 入面有很多生菜番茄芝士同豬扒， 口感非常爽口超好味。

放假晏左起身一出門口就已經下午茶時段見有間新開好似幾多人係入面食緊就入左去.炸雞脾薯條咁下午茶我就叫左個雞脾薯條佢個雞脾好大隻佔左半隻碟好似係即炸咁外皮幾香脆入面就有少少調味（如果加多少少鹽可能更好，本人食野偏濃）薯條係粗身既咬落去入面都幾鬆軟係我喜歡既薯條類型.香煎牛柳粒配飯由於屋企人都係未食野所以叫左個飯牛柳粒整得幾腍但係唔係鬆肉粉「那」得好勁果種照燒汁就平時一般會食到既餐廳燒汁咁～少少甜甜地.食食吓見隔離枱個包幾得意叫左個3.6牛乳雪山菠蘿包佢個菠蘿包好似係自家製牛奶雪糕好正好香不過食起上黎好難度高😂唔知點切呢個組合唔錯.到飲品叫左個香濃椰子雪糕威龍紅豆冰呀佢d名係咁長😂叫完發現原來係奶茶底紅豆冰！佢奶茶幾香雪糕溶左之後甜度就剛好佢個雪糕同菠蘿包個雪糕一樣好食～奶茶紅豆冰我少飲覺得都幾有特色