影片
以上資料只供參考, 請與餐廳確認詳情
一個人幾難唸食乜！放工時又唔太肚餓，又唔想夾硬食，所以買份壽司外賣！ 呢個壽司櫃檯在超市內！以前都來買過壽司，今次來最大嘅改變係以前啲壽司精緻啲，包括嘅食材高級啲（例如有海膽！今次可以選擇款式少，唔知係比人買晒定係已經唔出！ 所以剩下嘅都唔算係心水，因為我唔食鰻魚，好多款式都包咗，最後無鰻魚又啱件數嘅只有一款！ 壽司盛1人前A($37)已特價，十件裝，都唔係貴價材料！所以特價了好抵食！三文魚唔肥，蟹籽卜卜脆，紫菜已淋，熟蝦略乾，海老嫩口幾滑，魷魚滑，北寄貝太薄身，蟹柳同熟蛋正常！沙律軍艦正常！全部材料唔會腥！加上飯粒唔會好乾，唔會太實！證明幾新鮮！豉油同芥辣各只跟一包（10件壽司邊夠？）揀選期間無店員，全自動化！
繼續閱讀
已知今晚嘅晚飯真係幾夜先食… 所以決定喺 Piago 買定少少外賣裹腹! 壽司迷嘅我, 又點可以唔買啲壽司返去食吖 (≧∇≦) 雖然我已經喺其他店買咗沙律… 哈哈, 唔緊要啦, 我可以分啲沙律俾男友食㗎嘛!!少少哋, 買咗個壽司八件裝 ^^ 魚生總括嚟講都好新鮮, 唔似一般外賣壽司店咁切到薄一薄, 所以口感都唔錯! 而且飯團似係手握, 唔會粘埋一舊舊!! 當中最愛帆立貝壽司, 好鮮甜美味 ^^男友鍾意食三文魚, 就買咗盒刺身俾佢 ^^ 三文魚都幾新鮮, 而且係厚切, 口感一流~ 另外, 油脂好香, 正!!呢度嘅外賣壽司質素, 比一般外賣連鎖店高好多, 但價錢亦相對地高啲! 但如果唔想同人逼或排隊等位, 呢度都不失為一個好選擇!! 輕輕鬆鬆買完, 舒舒服服喺屋企開餐 ( ´▽` )
繼續閱讀