峰壽司 (已結業)

um... before i realy want to try . On Aug 7, when I tried that, i felt not much special and food is so so la... so i will not try that next time.

七月三十一日(星期二) 我哋一行五人去銅鑼灣峰壽司(SOGO 嗰間店) 吃壽司, 七點四十五分鐘人齊去到, 一齊等到成八點五十分, 等咗成六十幾個籌, 終於有D 眉目喇!? 點知係到我哋就可入座呢一刻, 就發生以下不快事件.事緣係前面有三個女仔, 終於人齊可入座, 本來對我哋都無乜影响, 因佢哋之前一早同帶位講咗未齊人, 人齊入座好應該, 而男帶位亦同佢哋講明佢哋係坐卡位搭枱, 要坐埋一邊, 比較迫, 而佢哋話OK 便入坐. 而剛好後面就有張卡位走人, 我哋好開心, 終於到我哋入坐喇, 等咗成粒鐘, 帶位叫到我哋個號碼(176), 點知開心得太早, 佢哋三個女仔居然同個侍應生要求轉位, 要坐後面張卡位(即原本我哋入座嗰張卡位), 咁即刻坐咗過去, 我哋當然即刻問過帶位, 點解可以咁做, 直至嗰帶位解釋唔到, 揾個男經理出離同我哋理論, 個男經理熊度極差, 極劣, 態度又囂張咁話' 佢哋係客人, 因佢個號碼前個你哋, 又預約咗, 所以咪轉枱囉', 我女朋友馬上答佢" 我食慣知道你哋嘅規矩, 除無BOOK 枱外, 亦唔可以咁做, 麻煩你幫我打比你白沙道個日本老闆, 我親自用日本問清楚佢",

請朋友吃飯，將他家的特色，峰夀司中的大部分都試過了，還有三文魚和炸蝦，味道不錯，但三文魚的魚味不濃！

食過咁多間壽司,呢間係最差的一間!!食物味道又唔好食,唔夠鮮以後都唔會黎

今天姐姐突然致電話要同我食飯喎，我問點解，跟住佢話我就黎生日，所以請我食飯喎，咁我就話去峰壽司喇。之前見咁多好評，但係次次去到都食唔到，今次就一於點都等到有位為止，咁岩等到有位時姐夫岩岩好到達。去到第一件食既壽司就係傳聞勁好味既蟹柳壽司，比我想像中冇咁好味，可能之前太有期望喇，但係比起其他迴轉壽司既凍肉蟹柳壽司又實在好太多喇，至少佢真係蟹肉囉，但係姐姐就覺得好好味。三文魚壽司就不過不失喇，但係個燒三文魚壽司就好好味，如果唔怕腥既就最好唔好落檸檬汁，因為會影響左燒三文魚既香味。三文魚子壽司就普普通通，D 三文魚子好奇怪，竟然唔係好鹹，令我懷疑係咪仿三文魚子黎呢？另外好深刻印象係個明太子壽司，勁好味，因為之前未食過明太子，唔知佢係D 乜，所以叫一碟試下，真係好好味，只係有少少辣，但係真係好好味，下次一定要再食過。姐夫另外叫左一個軟殼蟹手卷，好大件喎，姐夫食完即刻飽哂，我見到個件手卷都覺得好飽。姐姐另外食左碟蝦壽司，姐姐話D 蝦好甜好好味，我下次都要食返碟先。環境都唔錯既，不過就覺得唔夠冷氣，越食越熱；另一樣好奇怪既就係迴轉帶上既壽司有時會冇蓋冚住，點解既呢？下次幾時再去好呢？

2007/8/5 Sun 8:00pm，因為我第一次是去了鑽石大廈那間分店，吃後的味道令我一世難忘，所以今次專登來白沙道這間店試一試的。坐在吧枱位置，望了壽司幾眼，很多已經變乾了，沒有光澤。拿了墨魚、墨魚鬚、三文魚、蟹柳、(魚立)魚…吃了數碟，也沒有了上次左鑽石大廈分店那麼鮮味，連壽司的那舊飯也差了很多很多。運輸帶轉來轉去也是同樣的款式，最後落單叫了幾碟壽司，包括：海膽手卷、劍魚、飛魚子、腐皮……新鮮程度才好了很多，味道也好返些。

同其他迴轉壽司店的價格一樣~又禁好食!!真係我最愛去的食店!!不過最衰唔等為無得食!

我唔係特別禁鐘意食壽司, 今次食左"峰壽司"之後, 大叫"WONDERFUL". 而我女朋友的表情比"食神"仲要誇張, 手舞足動, 大叫"ho shi des ne"(日本話, 好食)! \^_^/壽司出場次序:1. 峰蝦壽司--> 大隻, 新鮮女朋友食完後, 即刻扮蝦, 好彩捉得住佢2. 三文魚--> 10cm 長女朋友食緊的時候, 唔知同三文魚食講d咩, 好似三文魚上身, 完全愛上了三文魚!3. 海鰻壽司--> 肥大女朋友食完後, 即刻扮海鰻, 今次捉佢唔住...4. 芥辣八爪魚壽司--> 新鮮5. 軟穀蟹卷--> 好似元氣好食d6. 鮮帶子--> ok 7. 池魚--> 好得8. 炸墨魚--> 唔得曾經滄海難為水, 除卻巫山不是雲.食左峰壽司後, 我女朋友已不能先拔.....

放工五點半，搵埋阿媽去食飯。到銅鑼灣都六點半，生怕要等位，仲會係岩岩爆滿有排等果種，好在八成full咋。六點九就開始要等位。迴轉帶上的壽司款式尚算多，基本三文魚，蟹棒，油甘魚，蛋，墨魚，和一些小食，迴轉得的都係平價。人開始多的時候，就開始有貴野轉出來，好似35蚊一件的峰蝦sushi，燒肥牛sushi，魚腩sushi等等，不過都無人食。我見到有碟類似加州卷有彩色點點係外面的sushi，我食咁耐佢轉咁耐呢..... 推介：蟹棒，三文魚，鮮帶子，海鮮沙律，炸蠔，軟穀蟹卷不推介：火炙鰻魚--- 魚身軟淋淋，一d都唔似燒，有腥味臨走有壽司棒棒糖送~ 好得意呢

蟹柳....真的無得頂!!每一次到想吃sushi也總會想到峰壽司，雖然每一次也要排足兩個小時，但也是值得的。

呢一年來峰壽司嘅quality真係好參差, 但係近呢兩個月, 我吃過不下四次, 都無一次得. 我仲次次都同朋友講比多次機會佢. 係噚晚, 我由最普通嘅三文魚至我最愛嘅鰻魚都係不能夠. 謂一一樣好嘅只有帶子, 究竟出咗什麼事, 最令人摸不着頭腦嘅係仍然有幾十個人係到排隊. 難道這就是香港人的文化?

峰壽司係呢期我經常去o既壽司店,我覺得佢個鵝鳱壽司同蟹柳壽司勁好食,佢o地D蟹柳唔係一般壽司店又或者超級市場O既蟹柳,我平時去到呢D地方就一定唔會食蟹柳O既,因為我覺得係CHEAP野O麻,但你試過之后包你食完再想食,佢又唔係貴,一碟蟹柳壽司都好似係$12,一D都唔貴,而鵝鳱就入口溶化,我介紹O左好多朋友去食呢2樣野,個個都舉起隻手指公,因為個口食緊講唔到野O麻!!大家有時間不防去O下啦,不過你要預O左係D繁忙時間要等起碼45MINS,等得先好去呀!!!!!!!!!!!

I always love to come.. cos the sushi are so fresh and taste so good. But everytime my friend and I need to wait for about 45 mins ..

好一段時間沒來這裏，好幾次想食，但見門前的人潮就打消念頭．這次約五點左右到，不用等．只點了數款壽司，蟹柳，鰻魚，玉子，軟殼蟹手卷，三文魚，帶子等．　最愛的還是鰻魚，這裏的可算是同類店中水準較好的．　另這裏的玉子也不錯，熱熱的，較厚，最重要係唔會甜的過份（曾吃過有的甜得像甜品）．其他的亦保持水準．未夠六點，人潮又開始出現了，我們也快快讓座，ｓｈｏｐｐｉｎｇ去也！！

想試左好耐, 因為有朋友話佢好食過板前, 點知, 失望而回... 用料唔新鮮, 兩個人食左百幾蚊, 元氣好食好多!佢同板前, 完全無得比, 我以後都只會食板前一間!