峇里餐廳 (已搬遷) 新店位置

星期六晚(22/3)去食,外面小小雨,去到大概七點,裡面只有兩三張檯有人,環境就普普通通啦,家庭式的餐廳...食物,又是普普通通,不似大家講的好食...總之,不要有期望,就無失望...

呢間印尼餐廳細過既時候同亞爸亞媽去過幾次, 今個父親節我請佢地去多一次食飯一入到去, 雖然間餐廳幾舊(30年喇), 但係暗黃既燈光好有氣氛, 牆上掛左happy birthday, 咁岩我地去o個日都有人慶祝生日叫左個必食既黃薑飯, 飯旁邊有8樣餸, 聽聞日日都唔同款, 今次有印尼豆腐, 巴東牛肉, 炸雞蛋等等個飯入口充滿椰汁同黃薑既香味, 老闆話椰汁係新鮮榨既唔係用罐頭, 仲有d黃薑係印尼返黎, 所以咁正另一味必食既印尼沙津"加多加多", 上面係一堆蝦片, 下面係用花生醬同唔知咩香料撈埋既菜, 有好濃郁既花生味, 幾清新, 又開胃有一味酸辣煎魚好正, 我同我亞媽都咁話, d汁好正, 酸酸地, 有d蕃茄, 老闆建議我地叫個白飯撈埋d汁, 不過o個陣已經飽飽地, 下次先最後我地叫左半打沙爹, 一半羊肉, 一半雞肉, 羊肉好嫩, 一d蘇味都冇, 加埋d花生醫一齊食好正, 又係必叫, 雞就冇試喇個老闆成日走過黎同我地傾計, 問下我地d野好唔好食, 好friendly, 而服務亦都非常之好, 我覺得呢餐雖然貴(六樣野食左4舊幾), 但係食得咁開心, 個個走既時候都裝滿個胃, 都係值得既!

自馬華同印尼餐廳1968水準相繼下滑後,一直未找到新歡.今次好友推介,當然要試一試.1. 酸辣雞蛋: 煎到金黃的熟蛋配上酸辣醬,好味.2. 巴東牛肉: 今次真係正貨.仲全用牛做,入味夠腍之中又有咬口,好好呼.3. 粟米餅: 頗有粟米香,略嫌粉太多及大件d.若果細塊d,少粉d,就perfect.4. 黃薑飯: 香而不油,乾身,我喜歡.配巴東牛肉一流.+ 珍多冰x2: 椰奶與椰糖份量適中,冰製成scoop shape,好有feel.裝修絕對馬來亞峇里feel,舊+懷舊,我幾鍾意招呼不錯,老闆+伙計皆是印尼人或印尼華僑.朋友請,埋單大概$250.

元宵節想比驚喜亞姨,不動聲色的上她家拜年,點知摸門釘.唯有去醫肚先,試試這店.一入店內,好似好古舊咁,暗暗沉沉,彩石壁燈,唔知開咗幾多年呢?,睇咗好耐餐牌,最後要了......一個公司餐及一個峇里燒鱸魚餐.兩個餐都有羅宋湯,飯及飲品,鱸魚餐多一客甜品.羅宋湯唔得,清水加上幾粒什菜的味精水.鱸魚餐有沙律,但我不愛吃.薯餅及鱸魚,酸酸甜甜好似糖醋定五柳魚咁,幾好味,外脆內熱,不過好少肉.公司餐係有四樣野,咖哩什菜,鹵水蛋,瑞士雞及紅燒牛.鹵水蛋冇乜特別,瑞士雞肉唔好腍,但啲汁唔夠味.咖哩什菜用椰汁咖哩,所以唔太辣.紅燒牛最好,用牛腱,炆到好腍好入味.餐茶要檸茶及咖啡,試試印尼咖啡都可以.甜品係紫米露,但(傑)到糕咁,但又好好食.但食後唸唸吓,好似唔似食印尼餐喎!!!

同family去dinner,預祝生日叫左黃薑飯,羊&chicken&串燒,印尼燒餅,印尼飲品(綠色的)&峇里拼盤overall還好,服務ok~~~~~~~~~1.黃薑飯冇薑味,不過d材料ok2.羊&chicken&串燒普通,cold左~~><3.印尼燒餅d curry汁冇味,不過個餅好食~~~~~~~~~~~~~4.印尼飲品(綠色的)>>chocolate味,普通5.峇里拼盤好多肉& 煎ja野~~~~~味道oktotal>>219~~~~~~~~~~~~~~試一次就夠啦

睇Openrice見到好評如潮，星期六8:30就黎試下。兩個人食左一個多加多加二人餐: 「公司餐」($138)(上圖，未攝沙律及餐飲)。餐湯:羅宋湯餐廳入面應該過左最多人的時段，雖然仲有好多台D食物未執，但我地好快就上左食物。羅宋湯初送到黎果時，見到佢個賣相幾亂，碗邊都係湯菜。記得睇過餐牌，剩叫羅宋湯要$38，如果同size，真係少左D。講返味道，味道好濃，用上新鮮蔬菜，算係我飲過的羅宋湯中最好味！賣相: 5味道: 8雞湯湯幾清，不過無咩雞咩。入面好多蔥同西芹，個人扁愛蔥同西芹，覺得幾香幾清新。賣相: 5.5味道: 7.5除左湯、飯、餐飲，就係兩碟野，每碟入面由小小份量的令物合併而成。沙律(上圖無)沙律有：青瓜、生菜絲、印尼蝦片、其他碎料。個人最鍾意食沙律，覺得佢個都OK，但份量好少，一啖左右。賣相: 7味道: 6.5菜式又係好多樣野加埋，例如牛剪有兩件同埋兩件薯仔；炸物(豬扒X2 + 帶子X2)又係兩件，帶子好香脆，個醬汁甜甜酸酸，味好濃；雞肉用左好多汁炆，好入味，入到蓋過晒雞味；幾唔錯就係咖哩雜菜，個人鍾意食雜菜，個汁都算唔錯，但略嫌個汁唔唔夠濃，好稀；另外仲有一人半蛋。賣相: 5

同成班friend黎過呢度食野. 初初去到有d驚因為入面真係好up dup. D野食好好味. 食左個黃ginger飯, 有d送唔知佢係咩黎但全部都好好食, 全晚最好食既係佢地既honey chicken wing!! 一定要試!(ps. 同埋d野食黎得好慢)

情人節去了食,勁多人，最多訂位先去....但訂左位都係要等......所以食飯時間去等下就少不免的了.如果唔坐"car" 位係唔洗等的...平時我估無咁多人啦...但唔知係唔係人多..同間野太家庭式.所以出野時間比較慢，我就等了45分鐘先有野上台.洗人間，ok la，半開放式..去開中國旅行的我都見怪不怪..野食，比想像中好食..雞翼- 一碟六隻好似四十幾蚊.. 幾好味..黃薑飯- 都好食,飯味特別, 飯在中間, 四邊放了些配料. 巴東牛肉飯- 都係特色野, 味道唔錯..都好食.薄餅- 一般, 但特別在點那些醬汁,如果唔點的就不如唔好叫..珍蜜冰- 怪但好味, 這就是特別吧, 不妨一試.提點：如果遇上特別or 多人的日子. 大家遇左要等，等起碼30 min 以上啦..如果肚餓or 急住食的就唔好去了..如果大家係去享受食物的又有時間就去下試下都無妨.如果想同男女朋友去又坐得耐的.這是直得推介的.唔洗驚飲完杯荼無野飲，佢地會不停re-fill 的..同埋如果兩個人去建議可以叫兩個飯一個小食. or 一個飯三個小食..平均o黎講70蚊啦叫多碟小食同野飲的就貴50蚊啦

這峇里餐廳做的食物, 一d都唔正宗. 環境都ok, 不過尖沙咀加連威老道和元朗水車館里的印尼餐廳似乎環境及食物質素更佳. 試了黃薑飯, 女友話ok, 但我覺得一d都唔得- 都冇油0既! 我的爸爸媽媽都是印尼華僑, 我媽媽煮的黃薑飯仲好食d. 當然, 我女友似乎不太欣賞我媽的黃薑飯, 覺得比較油. 但你地試下叫印傭或者到印尼食下, 係有油的, 黃薑係需要有油先可以出到香和味. 試了個巴東牛肉, 沒有太多"巴東"香料味, 元朗的一間好食好多. 食了個gado-gado , 失望... 花生醬唔係煮得好好, 菜又唔係好新鮮. 總括而言, 平係平, 可能都0岩香港人口味, 但係唔0岩我.

呢度地方細細但係好有人情味叫野食唔駛死板板, 唔夠叫多一碟好似食雞翼咁, 如果一碟唔夠食, 爭一兩隻先夠分, 你可以就咁計番比例加錢要多幾隻咁樣幾好講番野食好多野都好好味巴東牛肉, 黃薑飯, 海鮮炒麵, 薄餅都係不二之選又平又大碟埋單每人70零蚊就飽晒呢度係做生日既好地方可以幫你雪蛋糕之餘, 仲會播生日歌(好似唔係廣東話)好有氣氛好正, 個老細又好傾呢度本身都唔係燈火通明既所以都幾浪漫丫

很常光顧的鋪頭，店內燈光有點暗，十分舒服！服務員都是印尼人，都會說廣東話，十分友善。唯一有待改善的是洗手間，很恐怖食物種類很多，不曉得是不是正宗印尼菜，但的確很惹味！特別是瑞士雞，值得一試！

由尖沙咀逛街至油麻地，真是有點兒累人，主人亦感到肚子餓，所以奴隸獸提議前往『峇里餐廳』食下午茶。點了：1. 沙爹羊肉串燒配熱咖啡（HK$18）：串燒羊肉夠腍夠香，不過沒有羊肉味。至於沙爹醬的味道可以濃郁一些就更加好。奇怪的是熱咖啡，味道像熱朱古力。2. 黃薑飯（HK$58）：有兩個價錢，HK$48 及HK$58，因為前者菜款式及份量會少一些，所以我們揀選了後者。黃薑飯夠軟熟，味濃郁，還有多款小伴菜，燒醬雞、牛肉餅、肉鬆、炸花生銀絲魚、巴東牛肉、酸辣蛋及椰汁雞。款式頗豐富，只是巴東牛肉的味道淡了一些，整體味道唔錯。

約了一個好多年也沒有見的朋友吃飯, 本來打算去尖咀, 最後也是改回佐敦. 搜尋了好久也不吃什麼好, 印尼菜也不錯, 就選這間. 兩年前來過, 記得當時好像是和一個朋友來, 吃了好少, 也沒有太大的印象. 這次3 個人來, 點了山東雞, 串燒雞和豬肉, 兩個也是set , 不過, 山東雞只有跟飯沒有飲品, 另外的一個就有包飲品, 想改特飲加少少錢就可. 兩個餐的份量也不少, 有汁配飯3 個人吃也足夠, 我們各人另點了特飲, 我的是上海冰, 初時以為是像珍多冰原來是像台灣的沙冰, 可以試下. 這裡最奇怪的就是個女老闆(她說是打工的) , 不知為何我們想點的菜, 她也說不好又或者說來我們這裡就不要吃這個, 只想我們點招牌菜, 反正也沒有所謂, 就由她發板, 幸好食物也不差.

要捐窿捐隙才能到的達的印尼餐廳. 店內裝修簡單,很retro. 點了黃薑飯,印尼拼盤,珍多冰及雜果冰. 味道很足,飲品用的糖不是平時的糖,而是椰糖!很地道~

係OPENRICE睇食評就睇得多，今次寫的還是第一次，哈。第一篇食篇竟然唔係我最愛ge日本菜……是印尼菜也。係我腦海中，呢次係第一次食印尼菜！夠曬特別。由於係臨時拉夫的plan，甘岩就係附近，又多好評，於是一行四人就黎嘗一嘗，一推門，燈光較暗、懷舊特色，剎那間的形容。坐低左，睇餐牌，唔知叫咩好，就叫呢度多人提及的招牌菜：牛油炸雞翼同黃薑飯！另加巴東雞飯、峇里拼盤同爪哇炒飯。---------------------------------------------牛油炸雞翼-醬汁較甜，甜的程度可接受，襯熱食超正！黃薑飯(印菜代表作)多款配料集一身(巴東牛肉、燒醬雞、酸辣蛋、花生椰絲、牛肉餅、印尼豆腐、炸銀絲魚、椰汁雞)飯味唔錯，配料方面就似乎少了一點(呢款已經係貴10蚊ge大size)巴東雞飯-賣相一般，雞帶點辣味，味道倒是比如期的更好味^^峇里拼盤-大集合，每款都有不同的咬感，個人就較愛海哲同牛展。(五香牛展、牛肉餅、薰魚、蟹柑、帶子、鹵蛋、蟹柳、海哲、扎肉)爪哇炒飯-香口，材料有雞肉、蛋絲、青豆炒成。------------------------------------------