峇峇娘惹 (彌敦道) (已結業)

有幾次經過油麻地見到呢間都想試一試，本身都中意食馬來西亞野食，今次終於有機會食到啦！一入去啲姐姐都幾好招呼，我地嗌左個香茅骨叻吵湯底好飲，有濃厚既椰香味，而香茅豬排都合格，香酥軟，整體超出預期。豬肋骨肉骨茶太濃胡椒味，好辣，而肉骨茶既原味被蓋味，食完好口渴，不太推薦怡保芽菜雞不過不失，雞肉肉質不錯，可惜沒有太大味道，但雞油飯意外地很好吃！最後係百香果汁Ummm太甜了🤔🤔🤔整體上黎講，環境舒服，服務態度好，叻沙較出色，下次再去試下其他先！

第一次黎，叫阿姐落單，佢話自己寫落張餐單就得。ok對面枱強國人落單，親切有禮介紹專人落單。Tourist-friendly restaurant,做得好！最後一次黎

突然想飲肉骨茶！！search 油麻地有咩地有肉骨茶賣，就搵到呢間峇峇娘惹.外賣番屋企食，一打開，所有野都份量極少。個肉骨茶我已經揀大既， $62.點知都係得咁少。我想像唔到如果我叫細既，份量會有幾少。味道，肉骨茶完全冇中藥味，偏咸。以後唔會再幫襯。

今晚行開油麻地，發現新開左間峇峇娘惹，自從上次係深水埗食完蘇媽之後，就好耐冇食馬拉野，所以一於入去try try啦。海南雞油飯配湯先講d雞，除左俾左隻雞翼，其他都係雞胸，肉質偏鞋身，同平時食ge海南雞肉質好唔同。還好有個配醬搭救（最左橙色果個），辣得惹味！油飯入口陣陣薑味，個人覺得唔錯。至於個配湯，味道有點怪怪的，又未至於難飲，但我同男朋友飲左兩啖就放棄。叻央多士叻央醬份量少得可憐，好自然食落冇乜叻央味，點解咁簡單ge食物都做得唔好。參巴醬通菜全晚最好味ge竟然係呢碟參巴醬通菜，初次接觸參巴醬，上網check原來係流行於星馬一帶ge辣椒醬。通菜完全索哂個醬，入口微辣惹味，不過碟菜份量又係好少。豬肋排星洲胡椒肉骨茶裡面有豬肋排、冬菇、豆卜，同跟一小碟油炸鬼。入口完全唔覺自己飲緊肉骨茶，胡椒味完全蓋哂，好似飲緊胡椒湯，好失望！豬肋排肉質偏鞋身，煮得又唔夠淋，食完痴哂牙！我諗下次想食馬拉野ge話，都係去食返蘇媽好！

.豬排滲滲叻沙🥘其實又唔係好差，油麵加米粉，幾特別，一次過可以食到兩款粉，但湯底略為重口味，似加左好多調味料。.咖咉西多士🥪普普通通，無咩特別。佢送上黎係熱辣辣，醬料個人黎講都足夠，不過食一件就已經好濟同有好多既罪惡感！.肉骨茶🍲偏咸，不過佢送油炸鬼幾好，雖然細細件簿片，不過都欣賞👍🏻.整體黎講普普通通，唔想話特別到想再encore，不過勝在價錢算抵食，約人均$50，唔算貴，所以要求就唔會話特別高。

油麻地新面孔新開的馬來西亞店🇲🇾裝修幾文青有啲似深水埗的蘇媽蘇媽.滷豬手x海南雞🤭啖啖肉食落好失望 海南雞好似白切雞甘 又多骨豬手雖然就無骨 但冇乜味又硬.香茅骨喇沙慘慘😺👍🏻好好食豬夠滑又濃香茅味 好似唔洗咬甘油麵米粉都不錯 湯底就普普通通.咖央鮮油多士🍞金黃色烘得好香脆 牛油呈半溶狀態不過略嫌醬少 唔算特別出色.跟餐叫熱拉茶☕️好多泡啊不錯~ 唔會太甜又好滑 幾好飲.整體味道/價錢一般 都係蘇媽蘇媽好食啲

去完伊利沙伯醫院探朋友，就打算搭車出油麻地，點知就落錯站，好彩預鬆咗時間可以食埋個Lunch慢慢行去目的地都仲得。落咗車行無耐發電有間娘惹餐廳，見到有肉骨茶好想飲，就正衝咗入店。由於我去到嘅時間過咗兩點，除咗午餐嘅餐牌之外，仲有埋下午茶個餐牌，不過我係為咗肉骨茶而入黎，所以下午茶嘅優惠係享受唔到。點咗個豬肋排朝椒肉骨茶（走飯）、涼伴豆腐同埋香茅雞翼，而午餐跟嘅野飲就點咗薏米水。先上咗個涼伴豆腐，其實係半盒嘅百福蒸煮豆腐加豉油&炸蒜片再加幾粒蔥花。其實呢碟個主角係炸蒜片，一向都唔鐘意D蔥、蒜、茜嘅野（次次都走哂）都覺得佢炸得幾好味。跟住到個肉骨茶，飲第一啖記錯自己叫咗胡椒豬肚湯...因為個味道真係好似，不過同我喺娘惹飲嘅胡椒肉骨茶個味道差好遠，當地除咗有胡椒味之外，肉骨茶原有嘅藥材味都保存，可能呢到跟返香港人口味掛...至於香茅雞翼，感覺只係普通炸雞翼味道，食唔到有香茅味。一個人嘅Lunch就盛為$82，價錢都算合理。

平時去電影中心睇戲，趕既話都冇乜好食，行過見到新開咗呢間餐廳，又有我最鐘意既喇沙，一於入去試新野！餐廳環境乾淨企理，自助斟水，地下仲有個布箱俾你放袋，原本呢個服務通常係拉麵店居多，難得得度都有，值得加分。本人係非常鐘意食喇沙，佢呢度款式算多，正猶豫緊揀邊款好時，留意到有款叫珍寶喇沙，咩料都有，啱兩個人食，咁就唔使諗啦！唻到賣相相當唔錯，同埋值得一提既係佢係摻摻，即係粗麵溝米粉。第一啖試湯，少少辣，但略嫌椰味唔夠，香度亦麻麻，算係一個僅僅合格既湯，麵同米粉普通。不過餸菜非常足，尤其是份雞翼，非常入味香口，強烈推介！當中魚蛋彈牙，魚味不俗，可惜份魚腐就似係炸咗既魚蛋，有啲普通！其他料算正正常常，不過坐得舒服，服務搭救，加起上唻算正評！

呢間峇峇娘惹曾經同朋友黎食過個咖央多好食！諗住黎試下佢其他野啦點知出事門面油麻地區黎講幾靚既而且位同位之間唔迫！男朋友嗌咗個海南雞飯唔平架！記憶中都成$70點知呢雞又鞋口（睇相都知）重點係d飯乾到一粒粒咁又無雞油味美心都好食過佢最差係我呢個招牌燒肉喇沙湯唔濃。個色同味道不相乎土司工房好食過佢多多聲重點黎啦佢 舊 燒 肉 有 洗 潔 精 味！舊舊都有 我男朋友都覺得好怪！！完全食唔落仲話招牌幾想換過呢間店black list 求不錄用

娘惹喇沙食過好多次了，食到好似上癮咁呢碗燒肉喇沙一定要推介，椰香撲鼻，椰香濃郁，中意食椰子得你，不容錯過，加上一杯新加坡特色奶茶，煉奶溝(茶走)，茶和奶得比例剛剛好，工作左半日，係要來一杯醒醒神!

呢排都冇乜食過馬來西亞嘢食而今次行油麻地見到一間幾吸引嘅名為峇峇娘惹😆😆 而我地兩個都係嗌左香茅雞翼滲滲叻沙（$48）呢嗰叻沙真心唔錯，嗰湯底好濃味而且又唔太辣，好適合我呢啲唔太鍾意食辣嘅人，而香茅雞翼配埋嗰湯都出乎預料地夾，油麵加埋爽滑嘅米粉口感唔錯，覺得幾新鮮，魚片頭同豆卡都因為有好嘅湯底更加入味，加分不少。惠顧滿$28就可以優惠價$8-$10配一杯飲品我朋友就揀咗要熱嘅馬來拉茶，而我就揀咗要凍嘅馬來拉茶，不過我就覺得凍嘅有少少淡，可能因為冰嘅問題，熱嘅就幾好。

路經油麻地 見到呢間叫 峇峇娘惹的餐廳而全間餐廳最特別的就只有佢舖頭的名字他的出品簡單係差東南亞食品以香濃美味名聞於世而呢間野的食品顏色就夠深但竟然有色無味實在令人難過參峇醬炒通菜廉價的通菜餐廳竟然無將難吃而污糟的尾段切去照俾客人食參峇醬 本應惹味 富咸鮮的醬竟然食落只有味精的甜味海南雞喇沙滲滲滲滲即油面撈米粉我咩喇沙都食過cheap至化學湯包喇沙強至大師傅做的喇沙都有食過但從未食過有色無味的喇沙簡直嚇人白咖啡 跟餐加10蚊如水一樣 不值一提。總結呢間野的出品認真做壞灑東南亞菜的名難怪d人咁鍾意譚仔因為其他野太難食

同朋友去油麻地搵平晚餐食 見到呢間幾特別 又好耐冇食肉骨茶 就入左去我地叫左4樣野 加埋一人50蚊都吾洗 晚餐黎講仲要食得飽 算係好抵 講番味道先 大家都叫左肉骨茶 我想清淡少少 就叫左個瘦肉嘅 黎到一喝落去好濃胡椒味 心諗 如果係冬天就正正了 而且瘦肉瘦得黎又完全吾鞋 湯亦都好清 近乎一滴油都冇 另外值得一提嘅係佢有比埋啲油炸鬼比我地送湯 出面好多都冇比 算係好貼心 讚另外食左個小食 煉奶油酥餅 都幾吾錯 但感覺太薄 口感欠奉 如果厚番啲啲會完美好多

經過這間峇峇娘惹，見店舖門面裝修不俗，裝修新派簡約，就吸引了內進一試。店舖吃的是馬來西亞菜，因為外面下著雨比較冷就決定點豬肋骨肉骨茶。肉骨茶除了肋排，亦有豆腐卜和冬菇作配料。按常理馬來西亞的肉骨茶應該藥材味較濃，但這間的肉骨茶並無濃厚的藥材味，胡椒味亦不算重，湯底略淡味，較為失色。叫了大碗的肉骨茶，豬助有4條，肥瘦適中，可惜不太入味。肉骨茶本身不連白飯，要另外加配。見跟餐飲品半價就點了杯熱拉茶，拉茶白滑，不過偏甜。

由於我本身都幾鍾意食馬來西亞菜，之前雜誌介紹這間餐廳的時候，我已經想試一試了。今晚，終於有機會與朋友親身到這間餐廳試食一下。一坐下，就發現其實餐廳本身都不是太多人。拿起了餐牌，點了一個他最出名的喇沙及招牌雞肉及燒肉，另外在配多了一個油飯及肉骨茶。先講講那碗喇沙，個人覺得味道跟馬來西亞當地食的偏淡了一些。但由於本人不是太喜歡濃味的食物，所以覺得可以接受。食材還算新鮮，但可惜那個燒肉和雞肉不是太好味。首先雞肉還滲着去水，燒肉也太乾身了，口感十分硬，可以講得上是不能入口。味道也只是一般。肉骨茶則比較稀了一些，與馬來西亞當地食的肉骨茶相比，也只是很一般。整體這餐也只是一般的水平，老實說，還有很多進步的空間。