岱民西邨店

營業中

休息中

其實返工傾計唔緊要， 但係始終做飲食業， 啲人阿姐向住啲餸菜係咁bili bala bili bala， 傾到咁激動應該噴曬啲口水落去， 注重衛生嘅就唔好買喇， 做街坊屋邨生意係唔太講求衛生

嚟度鴨脷洲，真係要周圍行吓，因為我自己個人本身唔係成日都會去港島南灣嗰邊，今次嚟度就一定把握時間，盡量周圍行吓、睇吓、揾吓有咩好嘢食先。西邨街市入面嘅店舖琳琅滿目，有賣雜貨嘅店舖，又有賣飲品及熟食嘅店舖，場內冷氣夠哂涼爽，就算而家踏入夏季暑假階段，天氣非常炎熱，嚟呢度食午餐或晚餐都唔會覺得辛苦。西邨街市都有岱民嘅分店，不過唔係喺街市入面，係喺街市外面嘅舖位，因為岱民係專做外賣飯盒，只有個別分店會提供堂食服務。我目測睇到，岱民西邨店都有唔少嘅小菜款式，有炸翼、煎肉餅、炒滑蛋(係真正滑蛋)，炒菜、炆豬腩肉、蒸魚等等。兩餸飯$25，3餸飯$30，淨兩餸$35，惠顧小菜飯可另外加錢換購各式飲品或例湯。