岱民康盛店 (裝修中)

某日嘅晏晝接近6點左右去咗康盛嘅岱民幫襯，當我準備行入店內，間店舖非常乾淨整潔，一眼望去廚房入面，個廚房真係非常乾淨，簡直好似屋企嘅廚房一樣，完全唔似係一間食店🤣。我再睇吓啲餸，真係好多，又係有接近30款左右嘅小菜款式，而且有部份小菜係喺其他嘅岱民分店係未有出現過，例如金蒜豬扒、一字骨、粟米條、蘿蔔牛腩、西芹雞柳、冬瓜炆火腩等(呢啲小菜的確係喺其他嘅岱民分店好少好少出現)。我當日買咗個3餸飯，要咗蘿蔔牛腩+金蒜豬扒+涼瓜炒豬腩片配白飯，餸嘅份量非常之多，好大盒！食材水準全屬中上水平，白飯軟硬適中，3款小菜嘅味道相當對辦，而且冇咁油膩，呢吓真係幾理想。