岩盤牛扒 ミディアムレア ステーキ (新領域廣場)

營業中

休息中

今日特登去到位於荃灣嘅新領域廣場來食個岩盤牛扒午餐。 餐廳內佈滿牛的日文部位分佈圖，尤如置身於日本嘅感覺。 環境非常安靜、乾淨衛生，唔會煙霧彌漫及有搶喉的油煙味。店員服務亦非常之有善，主動介紹不同牛扒嘅分別。當你選擇完想要的牛扒款式後，亦會比建議你用幾多成熟去幫你煎塊牛扒係最好味。店內有多款牛扒選擇，例如美國安格斯或日本和牛肉眼扒、西冷，另外，還可叫美國安格斯牛柳、牛板鍵、後腰三角肉、封門柳等。 選好牛扒類別後，可選青蔥/生洋蔥/蒜蓉配在牛扒上。 最後我選了300克嘅美國安格斯肉眼扒， 再加$28 選擇了其中3款食物。 白飯、可樂及沙律。鐵板上嘅肉眼扒係熱熨熨嘅鐵板上不停抖震，黑椒汁在旁邊陪伴著。 店員推薦下，叫了三成熟的肉眼扒。出奇地三成熟嘅肉眼扒唔會血淋淋，煮到剛剛好。 牛筋及脂肪在肉眼扒上分布均勻，令到肉質嘅口感唔會太韌、非常鮮嫩彈牙及超濃牛肉味。 再伴隨蒜蓉嘅香氣令肉眼味道發揮到最鮮。 白飯採用日本米、唔會煮得太冧、亦唔會太硬。食得出米飯係剛剛新鮮煮出嚟! 還有新鮮嘅日式沙律。 日後會再帶其他朋友來試試、以解日本旅遊的思鄉情懷。

今日同咗老公嚟食晏，一直都知荃灣有好多好嘢食，但平時都懶得搵又懶得諗，通常都係食米線。但自從老公搬咗嚟荃灣返工，我哋就開始搵吓新嘢試，今日誤打誤撞就嚟咗哩度放肆吓食吓牛。一睇menu先知原來佢哋有幾間分店，但我哋之前都從未見過或聽過，真係井底之蛙⋯我哩個芝士控梗係叫雙色芝士燒牛丼啦，而老公就叫咗泡菜燒牛丼。嘩！嗰層芝士，一望未食就知道有份量，好香濃，最初嗌嘅時候有啲擔心芝士會喧賓奪主，但最後食落就覺得芝士同牛肉係相輔相成！牛肉好有肉汁，好新鮮好香，燒得亦啱啱好，好嫩唔會老或靭。啲飯都好好食，軟硬適中，好有飯香，本身我唔太鍾意食飯，但最後竟然全部食晒，大滿足呀。我老公都食到舔舔脷，啲泡菜好惹味，同埋啲飯一齊食真係一流！下次一定會試吓佢哋嘅牛扒

1）點了五個歺, 但收銀員只比了四個歺既取單單. 回去問她是否少了一個歺, 佢就話「有五個歺,只係冇比單你,有冇都冇所謂啦!」吓...跟号碼取歺喎!你吾比我,我点知咩号碼取歺?!另外又冇比正式收據.又只可收現金!依家好少人帶甘多現金係身喎!2）有3個歺的牛扒点了300g重,全部也340g多,我明白好難切到100% 300g,但三件也是多甘多,會不會有問題啦?!3）冇紙巾提供.冇清水提供.d牛一拎來,會熱到彈汁,比張歺巾好d喎! 4）加$28跟歺,d鑵裝氣水係迷你版,但menu又冇寫明! 有被騙的感覺.5）d牛非常生,約2-3成熟, 如果有5成熟比較好. 因個鐵板好快不熱,根本不能將d牛熱熟.需然可以換板.但我估一個人起碼要換2次.6)地方算大

公司附近新開的岩盤牛扒，好好奇商業大廈會有多小人Lunch入去食牛扒?今日冬至沒有帶飯就入去一探究竟啦!門口大大的牛頭形狀燈牌入口，型。一入門有牛肉分析圖，都係日文睇唔明。入到去先知，原來係要先自己去櫃台點餐。櫃台有好多牛扒等緊你來食佢。餐牌，見到"期間限定"就決定食佢啦，lunch 鋸扒好似誇左d!和風咖喱吉列牛柳$78餐盤擺盤好靚吉列豬扒就食得多，吉列牛柳咁大個人都係第一次食。牛柳8分熟，帶粉紅色，好食好juice。不過炸皮太硬，要扣小小分。咖喱有小許辣，就咁食咖喱+飯都好食，但對唔食辣的我來講係要一邊食一邊飲嘢的辣度。+15 可選汽水/沙律/味噌湯/餐湯 4選2我選了蘋果汁+沙律沙律我只能講好大方....醬係我食過最多的一盤沙律食完記得拎返餐盤返去"返卻口"﹐結束飽飽的一餐。