岩盤牛扒ミディアムレア ステーキ (Mikiki)

營業中

休息中

今日，我地去咗食牛扒牛肉：分別有美國肉眼部位、西冷部位、牛柳、牛板健、日本和牛肉眼我叫咗西冷，店員在我哋面前手起刀落直接切肉。原來仲要揀埋蔥油 or 洋蔥油 or 蒜油，我揀咗蒜油。我朋友揀咗燒西冷丼，再加$15升級定食Set (揀咗餐湯&可樂)。黎呢間當然食西冷，我哋兩個都叫咗西冷。比完錢之後，店員比咗部機仔我哋。部機響，就可以去櫃枱拎野食。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽西冷部位：哇~西冷好大份、又好厚，同埋超多蒜油，望到都好滿足。鐵板好處就係自己鐘意幾成熟就幾成熟 自己決定。塊鐵板凍咗，我地拎返個餐去櫃枱，店員會換咗一塊新既鐵板比我哋，咁又可以繼續燒塊肉🥰。食落塊西冷一啲都唔煙韌，啲肉唔會攝係牙縫，記住食果陣要點埋佢嗰燒汁好好味燒西冷丼配定食Set：薄切西冷跟西冷牛扒好大分別，完全係兩種唔同我味，薄切好好味溫泉蛋整得好好，撈飯一流，再配埋薄切西冷，哇～正到爆餐湯：是日餐湯係羅宋湯，超足料味道酸酸甜甜可樂：100ml可樂罐好可愛呀 「係愛呀」，可樂一定好飲啦～唔洗多講啦🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽食完之後，要將餐具放返去指定位置，地下有清晰指示。CP值🌟高

牛肉飯我係幾鐘意食，所以有得食丼，我都會選🐮牛肉丼。於新蒲崗工作除左交通不太便利，另一樣就係唔易搵到餐價錢合理，甚至勝價比的午餐🙈個門面夠晒🐮感，食慾已湧出👍價錢於新蒲崗黎講都好實惠咁可留意再加蛋價錢，有時組合上會有啲位，可能有著數架，可去發掘下🤫點左個溫泉蛋燒牛丼，因我見到人地點左，燒牛好似惹味啲，夏天食燒烤野，我鐘意囉！外賣帶回公司食，打開飯盒，幾好喎！keep 到個食相2，感覺良好，加上少少薑，係幾好味😊,開餐又有多一個選擇👍

之前都食過類似既牛排專門店，見呢一間新開張當然要試下！餐廳點菜相當有特色，以自行點餐方式挑選所需既牛排部位及分量，等一陣就有新鮮熱辣既牛排送到。牛板腱肉經廚房將外層烤得熟透後放上鐵板上繼續加熱。賣相相當厚實巨型,充滿坑紋既牛板腱牛扒配上一陣陣牛香既熱氣真係份外吸引，令人垂涎欲滴。牛板腱係牛肩胛骨後面既一塊肉，由於呢個部位既活動量較少所以肉質相對細嫩而且密佈油花。食起上黎口感油潤有嚼勁而不過韌，入口充滿牛脂甘香，鮮香多汁。簡單地配以海鹽及胡椒已經令整塊牛排調香。配菜帶粒糕香甜粟米,感覺無咁單調。除牛排外可自行挑選調味，今次就試左蒜油。蒜香味都幾香濃而且沾少少係牛排上亦令整體風味更香。

對於牛魔王既我黎講呢一類熱石板燒牛排都係我既最愛！不僅可以食出牛肉天然香味及感受到啖啖肉既滋味,唔需要添加額外既調味已經夠晒惹味.STEP1:牛柳 tenderloin $300g牛柳呢一個部位永遠係我既首選,基於一頭牛只有2條牛柳而且亦係牛隻身上最幼嫩的部份.牛柳特性係肉筋及肥肉非常少,不含多餘牛脂.入口帶出陣陣酥軟口感,咀嚼絕不廢勁.3成熟既牛柳放係熱板上按自己喜好加熱,切間中間滲出粉嫩細緻既肉紋及肉汁,入口香嫩細膩.充滿牛香.STEP2:配上蔥油更增加鹹香同時亦唔會搶去牛自己香味.STEP3: 加$28可以係6款中自由任選3款配搭.珍珠米飽滿,入口煙煙韌韌充滿米香.配上鹹香濃郁既麵豉湯化減肉膩感.

呢日放工之後返到屋企，唔想煮野食，就自己一個去左屋企附近呢間專門食石板燒牛肉既餐廳食dinner。見到佢既櫃入面有大大塊既牛扒，好吸引。呢度係自助點餐形式，要去櫃檯到點餐，之後再自己拎野食，食完就要記得自己放返餐盤去個托盤處到。打開餐牌，見到呢度有好多石板燒肉既選擇。除左石板燒，仲有好多款唔同既丼飯。我見到有個櫻花丼飯望落都幾吸引。就點左呢個燒西冷櫻花丼，丼飯份量適中，女仔食唔洗驚太大碗，丼飯上面有好多片牛肉，仲有我至愛既流心蛋啊。牛肉既口感非常好，夠哂嫩滑，牛肉味亦都好香濃，又juicy，正啊。食丼飯既時候將流心蛋拮穿，等啲蛋汁流落牛肉同白飯上面，撈埋一齊食，好惹味。呢度每張枱都有充電制，好貼心！

点了兩份牛柳，肉質夠淋，但肉味不夠濃郁， 鐵板嘅熱度也不是很足夠。 食了不到三分一，鐵板便變冷下來了。但價錢都尚算合理，200g的牛柳約hkd80元 另加hkd28元可添加白飯沙津飲品等。此外，也点了櫻花丼，是使用日本米和蛋，美国牛，份量適中，適合女仕享用，肉質也夠淋，賣相不錯，但味道卻一般的普通。全店自助形式 落單店員態度沒有專業服務可言，沒有笑容，没有最基本飲食服務業的礼貌，可能是公司的定位是走平價路線罷。總括而言，沒有驚喜，一試無妨。

今日同朋友去新蒲崗行街 入去到mikiki商場係LG層見到呢間自助式鐵板燒，係香港都開咗幾間分店，於是就揀咗呢間嚟食！間嘢隔離就係一田超市，好易搵到！入面要自己搵位坐，之後行去切肉區落單，周不時都會有職員黎清潔張枱，衛生程度都唔錯。佢餐牌主要有2種，一種就係食牛丼，而另一種就係自選要咩牛部位同師傅講要幾多g，即場切畀你，係你面前磅，十分均真，可以根據自己啲份量去叫。而隔離亦都有餐衣比你。我同我朋友一個揀牛柳，一個揀西冷，兩個都叫咗300g跟套餐，叫完之後佢會比個計時鐘號碼比你，當有餐果陣就會響。我朋友果個係西冷配蒜油，一黎到十分之香，職員都好細心提我地件西冷有三成熟，如果想熟啲可以煎鐵板耐啲，因人而異，西冷食到有咬口，牛味好濃郁，啖啖肉，好正😍😍😍佢個溫泉蛋都好流心，撈飯一流！而我係牛柳配蔥油，食到軟腍嫩滑，唔錯唔錯食完記得將餐盤放番好！總括而言值得一試

🍴牛柳（200g)配沙律+麵豉湯+溫泉蛋 HKD 104大大嚿新鮮牛肉 放曬係雪櫃 有多個部位可以揀🙈牛肉大部分都200g起跳 想食幾多可以自己叫👍👧🏿就叫左200g牛柳配洋蔥油🧅落完order之後 店員會即時切肉 磅重 再交入廚房略為煎一煎🔥牛扒放係熱辣辣嘅鐵板上邊 可以自己控制生熟😬係味道方面 牛柳都好淋 冇咩筋 但係牛味就略為欠奉😣食落係有肉汁 但係牛肉味一D都唔濃 不過呢個價錢要求又唔可以太高 叫做合格啦🤣

之前細個d幾次見到都覺得好吸引，但又怕貴唔敢入😩今日比男朋友拉左入去🏃🏻‍♂️，雖然間餐廳唔係特別大，但又幾多位下，而且仲係幾種位，bar 枱又有，大枱都有，分成三區，幾有格調咁😁大枱坐落夠曬舒服，主打係食🍽牛肉但係佢仲有鰻魚飯食，所以我地一人一款牛扒個份揀左一set，要可樂，飯同溫泉蛋。🍚🍚飯唔大，但溝埋個溫泉蛋份量就好match 唔會過多過少🥚🥚🥤🥤可樂係mini version, 岩曬我e d 貪吃飲唔多但又想飲嘅人🙈🙈🙈🙈講番正題牛🐂專登揀冇咁肥嘅，食到有咬口，夠juicy上面嘅蒜香加埋個燒汁好唔錯。男朋友話如果想熟d 要早d 襯仲熱跟個陣砌小塊燒熟d😆😆😆🐟鰻魚飯嘅飯量相比之下就多好多了，汁量都隨之增加，食到最底都有味，唔會變左食白飯（依點對我黎講真係好重要）個汁調得好味，鰻魚嘅份量都可觀架，感覺幾抵食

上星期去左新蒲崗MIKIKI既牛扒食燒牛扒，好開心近近地開左一間，所以特意去食！！！餐廳是自助形式，所以搵位，落單，取餐等等服務刀系由自己負責的。400G西冷部份：期待左甘耐既燒牛，當然要食個最大份量既400G喇～份量果然足！依間餐廳所準備左既燒牛熟度吾會太熟，岩晒一陣自己慢慢食慢慢燒既過程。西冷口感好彈牙，而且牛香味重；由於是半食半燒，所以做到半生半熟；而口感彈牙啊！另外，仲可以自行有三款選擇－溫泉蛋、白飯、波子汽水(+$10)。溫泉蛋夠大隻，個人喜歡加落白飯中一同食用，白飯吾會太乾，波子汽水好解渴啊！

今日收工同同事去咗新蒲崗呢個商場行，都好多店鋪呀，跟住又光猛，舖頭又新都幾好行我哋見到一田隔離有間食日式鐵板牛，好似好正， 二話不說就入咗去啦！！佢係我係疫情下，見到少有地多人嘅鋪頭佢嘅模式呢係全自助嘅，首先要自己揀位啦，坐位都寬得嚟又乾淨，坐低咗之後呢，我發現原來呢要自己放返啲食完嘅嘢去一個回收嘅櫃度超有日本feel我哋叫咗一個300 gram嘅牛柳, 配葱油，溫泉蛋同埋波子汽水， 佢個溫泉蛋非常之出色， 佢仲有少少時候豉油配住溫泉蛋，好正， 佢舊肉上碟三成熟，跟住之後就靠之後嘅鐵板煮熟佢，所以唔會有過熟情況嘅出現佢個波仔汽水勁有小時候嘅感覺！！另外，再叫咗個300gram嘅西冷， 今次係配蒜油，好香，最後 個白飯真係要讚一讚 個飯底好好食！！佢仲有生啤，雪糕嗰啲可以食，不過今次就食唔落啦😂

係mikiki開左間新嘅牛肉店，愛牛嘅我當然要去食一食啦😂帶埋小朋友幾個人點左啲丼同一個扒。牛扒放係鐵板上，keep住食都係熱辣辣，不過唔知係咪太熟呢，反而有少少韌。芝士牛丼，芝士夠哂多，啖啖都拉絲😍溫泉蛋牛丼，半熟溫泉蛋拌飯小朋友食到要點佢名下次要再食😂鰻魚飯，大大件鰻魚，一啲都唔孤寒，鰻魚亦都厚肉。餐廳係自助形式，入去搵左位先再去買野食，然後比個牌仔返位等就ok喇😜記得食完之後要自己收搭返架

呢晚一枝公喺新蒲崗做完嘢，食肉癮起，喺Mikiki行行下見到呢間主打食鐵板燒牛扒，位置就喺Mikiki地庫一田超市對出，就算唔熟新蒲崗都好易搵到路。如果無記錯呢間店新開無幾耐，因為之前經過都唔覺有。呢到總共有6個牛肉部位可以選擇，分別係肉眼、牛柳、牛板腱、西冷、後腰三角肉同埋日本和牛。有個透明凍櫃可以清楚睇到各款肉類，呢到叫法對香港人嚟講幾新鮮，想食幾多就同店員講，店員就會即刻喺凍櫃攞出嚟切，按返塊肉嘅重量計錢，之後再揀自己想食嘅套餐！我左諗右諗，最後揀咗西冷，塊肉大約200G左右，份量相當足夠，夠晒厚身，而牛扒嘅肉味夠晒濃，肉質鮮嫩，再配上店家特製嘅蒜油，大大陣蒜味好過癮。另外再跟餐有3樣嘢揀，我就揀咗啤酒、沙律同埋雪糕。好大塊扒，哈哈。牛扒墊底有少少粟米，不過記得拎完餐要搞一搞佢，以免痴晒底。呢個係跟set嘅雪糕，食完塊扒先問店員攞。價錢合理，如果有機會再經過呢頭，又想大大啖食肉絕對會encore！

自從前陣子食過大角咀嘅"牛扒", 一直回味。最近仲進駐埋新蒲崗Mikiki, 當然要約朋友去食餐啦!以燈泡組成大大個牛頭形狀嘅門口成為地庫食肆中嘅焦點, 店內自助形式經營, 平日放工晚市時段, 全場坐滿, 等位都要少少時間,自行去點餐處落單比錢, 廚窗放了大大件未切嘅牛, 點餐後, 店員隨即切割再磅, 除左主打牛扒, 仲有丼隻選擇,食肉獸嘅我就當然揀食牛扒啦! 扒餐可自選三款配搭,我揀左【後腰三角肉(400g)】HK$236 (自選蔥油)配白飯、波子汽水、雪糕店員會將所點嘅肉表面先煎烤熟, 再放上熱辣辣鐵板上上檯,沙沙聲加上散發著香噴噴, 令人未食已經流哂口水~400g 果然很有份量, Size有如手掌般大,切開後牛腰三角, 新鮮得血水湧出, 肉質嫩紅, 切少少係鐵板上稍為煎下就食得,   牛味濃郁又富有肉汁, 食落富嚼勁, 夾少少蔥食, 更加香口配上白飯不但增加飽肚感, 更平衡口中濃郁肉味最後食埋朱古力雪糕, 很滿足!!!

以前嘅我哋，一年都會返幾次鄉下，食下好西，血拼下...... 😢🇯🇵 自從上年年頭，就已經冇得再飛啦✈️😭😭😭真係諗起都傷心💔所以依家耐唔耐都會去下日本百貨公司，買下Japanese goods🛍🛒，一解思鄉之愁😟😟 前幾日行行吓，發現basement 開咗間新餐廳🤩🤩 用晒日文字咁，咁日本嘅🎉 行到攰嘅我，即刻9秒9衝入去!!!!!! 原來係專門食牛嘅🐂 佢其中有一樣嘢勁 eye-catching 👀 係和牛啊 ❣️❣️ 啲雪花分佈好均勻，望落好似好正咁!!!! 😍😍 個厚度就略嫌薄咗少少，不過又咁講，呢個世界一分錢一分貨，三百幾蚊有塊和牛食，已經夠抵啦👏🏻👍🏻 點可以同嗰啲喺鄉下過千蚊嘅和牛相比!?!?!? 坦白講，呢塊黃牛真心交到功課，入口即溶，而且勁甘香!!!! 超級rich 呀!!!! 呢塊扒絕對滿足到我，完全解開咗我嘅homesick 😆