山頭火 (已結業)

2008-10-22山頭火，幾出名，但食完，都只係覺得比起出面o的一般街坊貨色好，未算得上是頂級o係出面輪椅子咁等o左幾個字(好煩o架其實)，剔定單，有位坐低就只需等o野食$75 牛油帶子飯定食：飯對路，帶子好似無咩味……醬油湯底o既拉麵算不錯，但叉燒認真麻麻伴菜咪伴菜囉，隻蛋清清o地但整體有種清新感配合$38 五隻餃子，無咩驚喜無加一

看過飲食男女介紹，昨天去了吉之島的山頭火，約七時去到，真的如雜誌所說排45分鐘吃15分鐘。入到去地方不大，先來了客餃子，餃子皮很薄，但太熱，我覺得都是一般。之後便是鹽味拉麵，一吃下去果然與眾不同，湯底很濃、很香，叉燒半肥廋很好味，麵條沒有鹼水味，有點咬口，但吃不慣的便可能覺得有點硬。

(22/10/08)為左唔洗等,又食得舒舒服服,「大清早」開門11:00無耐就黎,才可以達到目的。其實第一餐就食拉麵,胃口確實未到。不過除左我,都有三枱人已在坐。吃了餃子+鹽味义燒拉麵。餃子好失望,淡味又無肉汁,點解會有咁多人讚架!?「王將」好食好多!(我心目中,在香港食到的日式餃子No.1)鹽味义燒拉麵,由於湯底是以豬骨、豬腳、肥豬肉熬足16小時,依足日本店做,不過實在太油太油喇!好似傳統雲南米線,要有一層油o係面咁,感覺上油味蓋過湯味,how come!?另外那北海道拉麵,「硬」既!?唔夠腍,要咬耐d先敢落胃。所以我把湯撈飯好過。而那片豬頸肉义燒,的確不錯,據聞有「豬肉拖羅」之稱,一層肥一層瘦,很juicy,可惜肉類真係唔係我杯茶,吃了兩口已放下。Over-all,湯的濃度,係好rich,與在日本食到的,係幾相似;麵就真係麻麻,未熟透咁,湯濃極也沒用,做唔到「”湯”麵”」合為一體效果。

上個星期又去大戶屋，今次我就試咗個新嘅set，唔記個名，內容有一碗細size嘅鹽味叉燒拉麵，一碗牛油帶子飯，鹵水蛋(前菜)個麵一如水準，正，不過個飯都好好味，帶子好香牛油味，而且非常彈牙，唔似平時一舨食到嗰啲好似霉霉哋咁。其實仲又好幾款combo set，下次一定要試埋佢。

平時勁多人，星期六下午茶時間可以不用排隊，我叫了一個餃子拉麵餐$83，選了鹽味湯底拉麵，湯底不夠惹味，义燒是很肥的兩小件，不夠吃亦不好吃，最好另外加义燒，湯很熱很熱，吃得我滿頭大汗。餃子皮薄餡靚，OK喎！最討厭是附送那半隻熟蛋，好普通，如果是溫泉蛋就好了，少有的免收加一。但是，不值得排隊去吃它的拉麵。

大約7點鬆d去到已經要排隊嚕/__\我地叫左咖喱飯+鹽味拉面 & 餃子鹽味拉面set咖喱都ok啦~無乜特別, 有d似日本超市買到個d一盒盒咖喱鹽味拉面無其他兩隻味咁咸, 但我地都係覺得咸左少少, 不過拉面有彈性, 幾好味~~餃子我地覺得好食啊!! 總括都不錯~~會再幫襯既~

如果要跟「味精」拉麵比較，當然這邊比較好吧但其實如果到日本，每間拉麵店都可以做出這種水準跟男朋友到這裡排長龍，足足排了一小時排隊的時候已經叫你先點菜所以當我們真正到店內坐下，就算怎樣慢慢嘆最長只吃到 20 分鐘，而且環境麻麻味道一般吧，拉麵不錯湯底不太濃，我喜歡呢，但咖哩飯就很一般其實總括來說，這間拉麵店只是很一般的日式拉麵店但總好過吃「味精」拉麵的

記得第一次嘗到山頭火拉麵的滋味, 是在東京的一個風雨交加晚上, 那種味道仍是記憶猶新, 對這家店也特別有感情. 聽到朋友提及在香港開了分店, 馬上就去試試了. 想不到人龍都幾長, 差不多等了一個小時. 香港店跟日本店有點分別, 除了拉麵之外, 仲有好多其他0既野食, 不過我只對拉麵有興趣. 我同女朋友分別叫左豉油拉麵(加大) + 鹽味拉麵加溫泉蛋 + 餃子. 拉麵很有日本0既風味, ,麵唔會淋, 湯好好味(可能有人會覺得多油), 同日本食0既相比, 有8,9成似呀. 但已經好過好多香港其他0既拉麵店. 下次一定會再去呢

晚飯去山頭火, 因為店面細, 要排成半粒鍾!, 不過都係值得的!辣的拉面set (配飯) & 叉燒拉面set (配飯)日本米煮得夠出色彈牙; 拉面冇驚喜, 嫌唔夠香味又咸左少少餃子(有5隻)不嬲麻麻地餃子, 但係山頭火的餃子真係好好味皮夠薄, 肉又香, 食落唔太油,暫時係香港食到最好的一間 日本~山頭火~的餃子煎得燶d, 皮硬d, 反而香港呢間仲啱我口味d甜品: 士多啤梨配杏仁豆付勝在夠凍, 士多啤梨都夠新鮮可惜本人麻麻地杏仁, 如果係普通豆付仲正侍應服務幾好, 店面偏細, 8點半~9點到截龍, 要食趁早少少!

本人可算是個拉麵癡，可惜在香港地道的日本拉麵店并不多見，難得現在山頭火就開在家門口，當然要試一試。 個人以為吃拉麵最主要看三種元素，湯底，拉麵和肉質。叫了自己最喜歡的Miso Ramen，湯底夠濃香噴噴，拉麵比較幼細，叉燒半肥瘦而且口感鬆軟。整體感覺不俗，絕對比味千好得多。唯一可惜的是店內座位少得可憐，食飯時間都要在門外排長龍等候入座。

終於試返佢重開既山頭火..之前佢係銅鑼灣時我都有食開..我琴日去試左...我覺得比銅鑼灣時比有少少進步..不錯..鹽味既豬頸肉拉麵...很好...佢d 豬頸肉比佢既普通既肉好..值得一試...d 湯好香..雖然係有少少味精..但d d 係街食既野一定無可避免...可能大家一直都接受左港式拉麵既味..例如味千果d...我本人就覺得味千係非常難食...所以請大家唔好用味千黎比較比較...香港都有幾間好日本味既拉麵店..大家可以認真試下..尖咀拉麵八八八..中環 札幌..尖咀domon...仲有d間山頭大...

原本去大戶屋食晚餐既~因為剛剛去咗書店睇書,發本書講拉面喎,又提到山頭火呢間嘢~所以我BB話試下喎~但無理由成日叫BB就晒我既.....所以我今次破例啦己經預早嚟~6:30 己經排晒隊丫....結果等咗一個鐘......(唉! 為乜???) 最慘就係要企定定等位呀 @@ 到咗我吔嘞...我叫咗個咖喱定食(,跟一個迷你反和拉面) 阿B叫咗個餃子定食個咖喱就OK 好味~ 拉面就揀咗鹽味拉面(人人話好味喎) 好普通的拉面者因為叫咗少油關係,餃子都OK 無油膩~ (都可一試)但阿B最終都話味千的豬骨拉面好味D 喎

我同我先生剛剛買了今期"飲食男女"介紹拉麵,見到吉之島開咗閒火頭山,一心冧住去試吓,點知搞到我哋很失望仲打死唔再去!我都知道要排４５分鐘,所以提早６:00門口,去到6:35pm都已經排長龍,排到去買豆沙餅鋪頭,到7:30pm我哋オ入到去,叫咗一碗"正常"麵鼓拉麵($58),一客餃子($35),同一個套餐(細碗拉麵+三文魚飯$98),我吔知道餐牌寫"可叫小Ｄ油"於是我哋落單時同待應講"少Ｄ油"來到我哋嚇了一跳!套餐個碗麵同我叫那碗"正常"麵鼓拉麵個size一模一樣,好唔抵食,加上我食食吓走咗隻"蚊滋"浮出來!!真離譜!!而且我講明少油,碗麵到咗我都要去自己隔油,我老公食完成碗麵個胃好唔舒服!!又話出名,簡直令人失望至極!!

第一次來時，人龍勁長，看到已沒心機等；事隔數月再來，同一時段，人龍已不復勇，只是等了約 15 分鐘便可以入去。點了麵豉湯底和鹽味各一碗，男友的鹽味要了加大，份量都頗多；略嫌湯底過濃味，吃完都有點口乾的感覺；麵條幼身有勁，幾好，但如果要我排成個鐘，我覺得不是太值得。

已過中秋，相信會是今年最後一道冷麵，地方卻是以豬骨湯底馳名的山頭火。一心想試這人氣店的豬骨湯拉麵，奈何最近大局連連，對著泥濃湯底定必吃不甘味，無謂浪費大好的一碗湯拉麵，就要了中華冷麵。一時許，店外仍排著長龍，獨行俠若肯搭檯要找個位置亦非難事。坐到二人檯，後見吧檯有位，即轉陣，侍應瞬即送來餐牌及冰水，服務效率幾高的。吃中華冷麵要比湯麵多點耐性，等上了十餘分鐘，冰涼的五彩中華冷麵以玻璃大碗盛著，色味極為誘人。幾款配料，最香著的是蛋絲，當配起粗身鹼水蛋麵效果出奇的好，麵爽韌帶著微微蛋香卻不著粉渣口感，是好貨色，配上甜甜的糖醋汁，暑氣未退時嚐此品，大有減輕了胃納負荷之感，當然冷麵汁若酸一甜又下一點芥末的話，風味更佳。叉燒、火腿等配料切得不夠仔細，印象麻麻，卻是聊勝於無，但個人覺得叉燒浸在湯中吃，才夠鬆腍美味，伴冷麵發揮不出應有的作用。埋單七十，免收加一，會再找個閒日來吃豬骨湯拉麵的！