山東小城 (埃華街)

營業中

休息中

-{黃店💛全港首創墨魚餃子}大角咀嘅黃色地圖真係好多選擇🙆‍♀️今次唔想食飯麵就試左餃喇😙見Kiki and May介紹就po埋佢😍🤤墨魚荸薺餃🤤 ($55)一共有10隻！第一次食墨魚餡餃 墨魚滑加馬碲口感好豐富😍仲有少少汁添☺️有d芫荽味 覺得唔加醋會好味d 醋味少淡 唔太夾墨魚滑👀👖褲評: 8.6/10尚算不錯！餐廳有列埋餃子嘅功效😜但食完都唔太飽 好似食麵會抵食d 不過食左招牌菜先！下次再試🥳性價比: 8.6/10服務: 7.4/10環境: 7.6/10🔔小tips: 不設5粒5粒雙拼架！🚩山東小城🚩地址: 大角咀埃華街101號大衛樓地下A1號舖 #fuudjai #fuudjai黃店 #fuudjai中菜 #fuudjai大角咀

天氣凍最想食返啲熱辣辣嘅嘢！同樣去到附近嘅大角咀搵食，呢度真係有好多黃色小店，今次就去咗《山東小城》啦！都冇乜點食過山東嘢食，隨意點咗砂鍋雲吞雞、墨魚荸薺餃酸辣湯 、千層醬豬耳同熱豆漿！個砂鍋雲吞雞唔好睇佢細細鍋咁，但都幾足料的，入面有成六粒雲吞同大約四份一隻雞，仲有菜，個雞湯好鮮甜，雞肉又夠滑！另外個墨魚茡薺餃皮薄餡靚，食落彈牙又爽口，而個酸辣湯又夠晒開胃！亮點係個千層醬豬耳度，真係超好食，比一般豬耳好食幾倍，而且又夠薄身，感覺冇咁肥膩，仲要大大碟的！食咗咁多嘢埋單都只係HK$211蚊！即人均百鬆蚊，絕對係抵食之選！仲有有yellow card 抽！正呀！💛💛💛

星期日無聊走落大角咀諗住食越南野，點知無開，見隔離間餐廳幾特別就走入去試首先入到去叫咗1.酥炸豬扒擔擔面好食分數7/10味道方面豬扒好入味，又厚但份量就比較小而湯底花生味好重👍🏻但湯比較多油扣小小分2.酸辣湯雲吞 好食分數 7/10酸味夠重 但我個人唔太喜歡份量都比較多，一個人食唔曬但水餃夠大隻，多肉👍🏻👍🏻👍🏻坐位較小，但都闊落一路食野既時候，有好多人買淨水餃，店舖都主要做外賣生意整體來講都不錯👍🏻

中午用openrice app叫定外賣 糖醋排骨擔擔麵同埋拍青瓜。食物準時預備好。拎咗十幾分鐘腳程返屋企，冇倒瀉、而食物質素都冇問題排骨俾咗豬軟骨，即係唔係好似傳統排骨咁杉口擔擔麵香花生味有少少辣味麵質亦好好；唯一會挑嘅係，佢嘅糖醋排骨比起傳統嘅冇咁濃味。傳統嗰種會更酸甜。不過整體上係唔錯了。青瓜成幾十蚊但因為openrice 買滿某價錢有 discount 所以都叫咗。分量係一個飯盒咁多！！適合幾個人分享。如果有小食有小分量選擇然後係十幾蚊會更好。。味道同用料都好好。有啲芫茜同埋洋蔥令到佢更加香，又有啲紅蘿蔔絲令到賣相更加靚，總之就係好滿足如果住得近啲應該會成日幫襯。。。

住係大角咀嘅我，每當想食水餃，我幾時都會去山東小城，無他，就係因為好好食。今日食京蔥羊肉餃、墨魚馬蹄餃同埋芹菜餃，每一款都獨當一面。 京蔥羊肉餃咬落去澎湃嘅肉汁湧出嚟，散發著羊肉獨有羶香，同埋些微京蔥嘅辛辣。 墨魚餃外表其貌不揚 ，但因為皮揉合了墨魚汁， 所以零舍爽彈 ，入面爽滑嘅墨魚膠混合咗脆脆馬蹄粒，每一口都鮮味十足。 芹菜餃在三者入面最清新嘅 ，芹菜霸道嘅香氣撲鼻而來 ，完全食完唔會有飽滯感。人多就嗌埋酸菜魚，同出面川式嘅唔同，呢到係以酸為主嘅味道，湯頭清澈無油，係健康清新嘅做法。拍青瓜估唔到咁大碟，淨係佢都食飽一個人，夠晒健康！飲埋自家山楂茶，微甜口味啱晒我，開完胃可以食多啲💛💛咁好食既一定多啲懲罰

唔推介大家來食 香港有山東菜食的地方唔多，前幾日我就去咗間叫山東小城的餐廳試下佢啲山東菜得唔得。由於呢間黃店比較細間同晚市的關係，所以我都等咗10分鐘先可以入去點餐。而呢間餐廳的內部有少少污漬，唔太想係入面坐太耐。首先，我就點咗一道幾特別的料理香煎墨魚餃（$55/10隻）我等咗起碼20分鐘個煎餃先送到來，呢個煎餃望落去的確賣相幾吸引，而餃子的size就比一般的煎餃稍為迷你一點。我一食落去就發現個墨魚餃的皮都真係幾難咬開下，同埋個餃食落去都好油膩下，搞到我要用纸巾印乾啲油，我估應該落咗好多油落去煎。坦白講，呢個煎餃都真係令我幾失望下。(🍖🍖🍖🍖🍖 為 滿分）價錢：🍖🍖🍖（唔算太貴）味道：🍖(個皮唔單止好硬，仲要偏油膩）抵食分數：🍖🍖(真係唔好食，但10件餃都夠填夠個肚既）回頭分數：🍖(唔會再食）京蔥羊肉饀餅($28/件）都係同一個問題，我等咗15分鐘個饀餅先至送到來。個羊肉饀餅的確幾多汁同肉既，一咬落去啲汁即刻爆出來，可惜啲羊肉好似有啲唔新鮮，食落去的時候有少少怪味。而湯汁都係同一個問題，太太太太太油啦！我唔知係山東菜本身係重口味定點，但個饀的湯汁真係油到一個點。同埋個餅比較細個，個人

難得幾日長假期去左探索下大角咀呢啲好少去既地方既美食😋竟然比我搵到極黃店而又賣中國傳統野食既地方💛.入到去真係好有中國風味但有大量文宣完全係香港特色🇭🇰菜式黎講有少少似上海野但又唔係完全既上海野食.🥢酸辣湯黑糖黑醋排骨麵 $52一直都好鐘意食酸辣湯既我覺得呢個麵好出色🌶酸辣程度係岩岩好 (我係唔食得太辣既人)而且都非常足料 豬紅木耳等等都好多個排骨個汁其實整得幾好食🥩有幾舊好淋 連軟骨都咬得開🤩但有幾舊可能太大舊就好硬同埋佢甜甜地就咁加埋落個酸辣湯度好唔夾 分開上會好啲🍜.🥢紅油抄手 (8隻) $48友人話呢個係整得好好味大大隻而且夠曬辣🌶味道又夠曬濃.🥢京蔥羊肉餡餅 $28熱食個餡餅係好出色🥠個表皮一啲都唔硬 仲有少少脆口個羊肉係超多汁 仲有啲湯係入面添🐏.🥢青瓜粉皮 $40呢個一開始食好開胃🥒麻醬好夠多 多到食完剩返曬係度個粉皮完全係入曬味加埋啲大蒜同洋蔥係super match🧄🧅.🥢豆漿 $8🥢山楂茶 $8豆漿幾濃唔算好甜山楂茶就相反酸少少 但我覺得酸先好味🥤

利申番先，我係叫外賣既。自己叫咗個麻醬雞絲冷麵，完全唔夠冷，雞肉切得好大塊，完全唔係雞絲來，食既時候感覺到個醬汁唔係好夠，可能佢唔係主打冷面啦，佢個冷面我會比 3/10，唔會再叫。而我呀媽就叫咗個熱湯麵，佢個酸辣湯好奇怪，唔係正常你會喺譚仔飲到的湯水，而係一碗比較漿，好似八方雲集果啲麵線的口感。而我呀媽就比咗 5/10 呢個酸辣湯麵度。而湯餃，坦白講，個韮菜餃皮實在太厚，我比3/10。唯一可以讚既就係佢個煎墨魚餃，個味道係唔錯，會令你食完之後想再食既，但都係果句，皮較厚，只不過冇水餃果個皮咁過分，我會比6/10。成餐total 食咗$158 蚊， 唔會再買呢間既外賣，等咗30分鐘，應該因為黃店所以多同路人支持.想食酸辣湯我寧願去返譚仔算.

大角咀真係好多野食，某日放工去附近拎口罩順便食埋晚飯，前一日已經睇中左呢間想試😆·朋友之前已經食過，所以推介左手撕雞菜飯。完全唔係手撕雞，係勁多雞😂😂，一個人食應該會好飽，其實我都幾鍾意食菜飯👍🏼佢個醬好野味😋墨魚荸薺水餃。好好彩試到，過左陣就已經賣晒，黑色皮幾特別，雖然無乜墨魚既鮮味不過入面有馬蹄令到餃子比較爽口，都唔錯豆沙餡餅。熱辣辣，豆沙好香，飯後甜品好好味😋下次要試芝麻醬冷麵，天氣熱特別想食凍野😋😋

<山東菜黃店 豬扒飯好食>🐖大角咀好多黃色小店 試完茶記泰菜中菜等等 今次就黎到呢間山東小城 細細間既店鋪好多人點外賣 入面環境長形 偏細 唔闊落但算整齊清潔 👍🏻 食店選擇唔多 都係麵 水餃 豬扒 餡餅 等等 味道十分唔錯🍴酸辣湯墨魚荸薺餃麵59 蚊🦑好耐冇食過上海野酸辣湯 同麵一齊食 首先個麵係上海麵 比較粗身同黏稠 正常口感 酸辣湯好足料 辣湯勁過酸度 木耳麵根 筍等等材料豐富 不過個人覺得傑左少少 但人人有唔同口味 . 墨魚餃就十分唔錯 黑色既 餃皮夠厚似上海餃 同有墨魚味 🦑 入面既墨魚夠彈牙 再加上爽口既荸薺 即係馬蹄 夠哂爽口口感 浸住酸辣湯十唔錯🍴炸豬扒菜飯 48 蚊🔥🐖大大碟豬扒飯 豬扒好大塊 切左件 但應該望落有兩塊 煎得外表夠香脆 保留肥膏既彈牙口感 感度適中 再點 d辣味既自製蒜汁都夠惹味👍🏻菜飯 夠軟淋 菜切得夠碎同juicy濕度同硬度都適中 🥬🍚 個人覺得撈少少豆板醬更惹味🌶️🍴千層醬豬耳48 蚊🐖本身見48 蚊好似有 d貴 跟住見甘大碟開心番😂豬耳係闊切 所以薄但好有口感 嗰 d豬肉凍夠彈牙 入面豬耳口感夠爽 青瓜蘿蔔辣椒絲增加口感

七月中的星期天買了多款飯類的外賣午餐，打算買一款麵類午餐供家中小朋友選擇，由於大約2年前曾經在店內吃過「墨魚荸薺餃子上海麵」，味道非常普通，所以無再光顧，而近年路過「山東小城」發覺有客人在門外等入座，有疑問食物是否有改善，所以在此店再試選購「墨魚荸薺餃子上海麵」作為今次的外賣午餐。首先吃了墨魚餃子，味道較上次改善了，而上湯亦進步了，整體可以說是合格，而且適合小朋友進食。另外如果在上湯方面再加以硏究改良或加入新鮮的配菜等食物豐富整碗麵的味覺層次感，希望可以進入另一個境界。價格上算合理，但對於小出街用饍的家庭算是略高小小。

睇食評以為ok 於是叫外賣要咗個酸辣湯手撕雞面以為手撕雞會分開上點知全部都撈埋落碗麵度 整碗麵只係兩個字 ... 難食真心後悔俾50蚊食碗咁嘅嘢手撕雞咁樣撈埋落去完全食唔到雞味而且份量好少

🇭🇰山東小城·有連儂牆有文宣既小黃店💛本身我地好想詩個墨魚荸薺餃加好似好得意咁 但係我地去到已經賣曬😭😭店員話佢地11點半開舖 通常12點幾1點就會無曬 如果大家想食就要早D去啦😗·黑糖黑醋排骨菜飯 $48我一開始係比呢個吸引到既 覺得佢個豬軟骨好似好吸引咁🤤佢個豬軟骨都整得幾lum幾入味既 不過我覺得可以再加少少甜度會再正D🤩佢個菜飯係比較健康個種 本身唔係話太多味 所以我覺得要撈埋D排骨汁先好食D🤭😈😈·鮮肉西洋菜餃 (5隻) $28佢個餡入面超多菜我幾種意 口感唔錯同埋都多肉汁既 不過佢係比較似北方個種水餃 所以我覺得個皮係稍微厚少少 我自己中意皮薄個種多D姐 但係我男朋友就幾中意😏🤣·京蔥羊肉餡餅 $28呢個我男朋友又係超中意 佢入面係多湯到不得了 差唔到有一半都係湯 超級juicy 佢個餡又係調得好出色 羊肉唔會太騷得黎口感唔錯 中意食羊肉既應該超中意😏.📍大角咀埃華街101號大衛樓地下A1號舖

今次介紹呢一間出名食山東菜嘅小黃店位於大角咀。係我餃子達人食過最唔錯嘅餃子之一🤑！！高度推介俾大家💛！！·原本想試佢哋嘅墨魚荸薺餃，結果冇晒，就轉戰佢哋嘅西洋菜餃同埋煎韭菜餃🥟不得了，啲餃子貨真價實！勁大隻！勁Juicy ！勁多料🤩·佢哋嘅煎餃子係煎到外皮啱啱好脆卜卜，內裏就keep住Juicy仲有啲汁，配埋韭菜散發出嚟嘅香氣，好意外竟然可以喺小店有咁嘅質素🤩🤩·至於西洋菜餃仍然係大大嚿—西洋菜多過肉，完全食唔出任何味精味，反而就咁點啲醋同埋辣椒醬食已經好滿足😗·手撕雞飯就勝在大分夾抵食，如果手撕雞撕得再幼少少就好😌不過配埋佢哋個必點嘅蒜蓉芫荽醬，成個飯都好開胃㗎🥳·整體來講，我覺得大角咀食平價中菜最吸引都係呢一間，亦都好滿意佢今次冇令我哋失望💛大家去開大角咀就試吓啦💛-鮮肉西洋菜餃（10隻）｜$48鮮肉韮菜煎餃 （5隻）｜$28手撕雞菜飯｜$48-山東小城大角嘴埃華街101號A1地下-

咁岩去大角咀就試下酸辣湯可以嗌湯餃麵或湯餃都得嗌左個酸辣湯羊肉餃麵，都好大碗，所以都唔敢嗌全餃，全餃八隻，跟麵四隻，麵係似米線樣但就粉d，好明顯中式麵，個餃就皮有少少厚，但肉汁拉高晒分，真係好多汁，同勁重羊味，我鍾意丫隻餃係有heart既，酸辣湯就個人覺得可以重味d，但其實而家都夠味既。下次可以再試埋第二d野食，佢個手撕雞都好似出名。食緊都已經同朋友講，正最重要有兩個字陪我一齊食香港人就是這麼簡單！！