山下菓子 (T.O.P This is Our Place) (已改名) 查看

訂了帽子，剛好去T.O.P取因為另一半喜歡蛋包飯跟梳乎厘所以選了這家飯還好，沒有什麼問題下單後，店員A(男生)跟我們說十五分鐘前廚房整錯了一單，問我們介不介意，另一半說要新的，因為我腸胃不好。到上檯時，面那件是稍為暖的，底那件是完全凍的！我們就知道他是把做錯的給了我們吃！都吃了一半只好吃完，但結賬的時候，付完錢我們就跟店員說，這樣根本是欺騙顧客！而且吃了一半才發現下面是凍的，暈。絕對不會再光顧，你這樣的價錢給我這樣的質素，超離譜的

我第一次試這間餐廳，我見裝修都OK，所以入去試下，入到第一感覺都OK坐低後看餐牌我落咖喱豬扒飯再叫飲品都oK，繼續睇餐牌點知有個員工呀姐好無禮貌話有最低消費，我答佢我未叫完，請問貴公司是否只可一次落Order不可再落，同時你員工咁工作態度是否要檢查下，貴公司食物幾好食旦員工這樣態度是否趕客走，希望貴公司檢查一下員工對客態度。

山下菓子 Kingsley Cafe and Meal⬜️無錯！又係山下菓子😂其實係食佢地既主餐之前，都已經試過佢地既甜品一次😂依家就連埋上個post一齊出埋先🤓⬜️抹茶紅豆蕨餅梳乎厘班戟($88)空氣感吾多，質感鬆軟，食落帶點蛋香味，甜度適中，配埋忌廉都幾好食，都ok👌🏻而配料方面既蕨餅就夠煙韌，伴有幾粒紫薯仔。⬜️法式多士（$48）好好食😍！超推薦大家食！質感鬆軟，蛋香味濃郁，會想再食多次！感覺上比Gram更好食😂😂而且性價比確實高！！🤩⬜️上兩個post忘記提及到呢間餐廳既服務質素，上網都見到好多評論都話佢地既服務態度都係幾差，質素實在係欠佳🙄⬜️地址：旺角彌敦道700 號T.O.P This is Our Place 3樓315號舖。⬜️為食指數:7（10分為最多)抵食指數: 8◻️#fp旺角#旺角#山下菓子#matcha#m#梳乎厘班戟 #舒芙蕾#梳乎厘pancake #梳乎厘鬆餅 #梳乎厘#grampancake#グラムフレンチトースト#frenchtoast#プレミアムパンケーキ#pancake#クラシックパンケーキ#souffle#soufflepancake#hk#hkfood#h

山下菓子 Kingsley Cafe and Meal⬜️咖喱蛋包飯（$68）蛋包飯份量都適中，吾算話好多，咁岩一陣吾會食到好飽又食吾到d甜品🤣而咖哩汁係山下菓子自家製嘅，都係微辣既，味道都幾好味😋而且蛋方面亦都整得好嫩滑👍🏻⬜️日本蛋汁卡邦尼意粉（$78）卡邦尼意粉個醬汁都係整得好好食🤩十分推薦呀！食落好creamy，而且味道都好濃郁😍⬜️地址：旺角彌敦道700 號T.O.P This is Our Place 3樓315號舖。⬜️主餐🍽：為食指數:8（10分為最多)抵食指數: 7.5◻️#goeat旺角#旺角#旺角美食#旺角好去處#山下菓子#KingsleyCafeandMeal#卡邦尼意粉#甜品放題#蛋包飯#matcha#greentea#抹茶甜品 #Omelette#Carbonara#hk#hkfood#hongkong#foodie#food#香港美食#followme#followforfollow#like4like#hk#hkfood#hongkong#hkfoodie#foodstagram#drinkstagram#Eeeeeats#FoodPhotography#food

食品飲品賣相都滿意，可惜請著某d態度超差既服務員，令整體度完全下降到唔想再幫襯😡😡😡請貴店好好重視及培訓有關係員工既服務態度，今次遇到我哋唔出聲既客人，請問遇到一個癲既客人，真係唔知會唔會出事。

餐廳環境尚算可以，沒有壓迫感。因為有好多客人，所以影相不太順利，會影響其他客人用餐。食物賣相及味道不過不失。款式及價錢正常，可接受範圍內。員工的服務態度正常、滿意（當日全都是女員工）；不過可以再好些。這餐廳好適合父母帶子女來，享受家庭樂。好可惜，不是每張枱都有聖杯（聽說是香水），原本想試下的。我覺得如有加一服務費的話，應該是職員送單過去結帳。但要客人出去結帳就好像是茶餐廳或快餐店的感覺。我點了午餐（日式蛋汁卡邦尼意粉+檸檬綠茶）@下午茶（雜果朱古力法式多士+抺茶），用餐時間75分鐘（入座時，職員已說明）。意粉（正）好滿意（廚師有心煮）。法式多士（尚可）外層好香脆，內裏口感一般，不平均，嘗不到甜味，不是正宗法式多士。兩款飲品味道正常。

午飯同友人黎到旺角top商場用膳餐廳近旺角中心走廊呢間算係一間cafe類型既餐廳唔知係咪成日都會主題今次既主題係百變小櫻餐廳嘅裝修係滿滿既粉色系好岩打卡影相我地係星期日黎 估唔到都有set lunch 可以選擇日式咖喱吉列豬扒飯 $58好重嘅日式咖喱味 係嗰種甜甜嘅咖喱而啲吉列豬扒亦都好脆 係啱啱炸起嗰種日式咖喱蛋包飯 $58 呢個相比吉列豬扒飯稍為有點失色因為佢除咗蛋同埋飯 就冇其他餸了口感上面差少少質感午市套餐再包一杯嘢飲 揀凍飲都唔使加錢我哋叫咗一杯凍咖啡同埋凍橙汁 唔夠飽嘅可以再加$38加追小食不過食物嘅份量都好大份啲飯亦都好足夠所以我哋食完之後已經加唔到小食唔需要加一服務費60蚊食到一個lunch set都幾滿足🤣

來自日本Cremia既雪糕，每次去日本見到都一定會食，真係好掛住佢呀。點解咁好食？因為佢乳指特別多，有12%+，又用北海道牛奶原料，所以特別香濃好味，仲超級滑仲可以係原味雪糕上面撒上朱古力，抹茶味等等，因為唔想搶左主角既奶味，所以我多數都食原味就已經好滿足有別於其他軟雪糕既脆筒，佢係用類似白之戀人既餅底黎做個筒，成件事都好夾！

難得1/7出旺角行下,上左TOP廣場見到月野兔餐廳於是入去試下卡幫尼又凍又乾,便當盒同樣好乾,原來話可以拎走既係得個盒明太子雞亦叫做好少少,但應該係交貨飲品又淡,餐具同SOFA都好污糟員工黑口黑面,只顧玩電話,要叫先會過泥真心冇可能咁樣做餐廳客人比一定既價錢,唔係比番相應既野,都唔係爭太遠吧如果唔係門口有月野兔,點樣吸引客人冇下次了

👨🏻‍🍳食物：美少女主題食物係有D格硬嚟， 插左月亮餅， 美少女紙牌仔/ 墊左美少女牛油紙就係變咗主題食物， 似兒童餐多D， 反而正常餐牌的味道就好好多。 🏙環境：好好彩坐到角落位，有個Q版月野兔cushion 攬住影相！ 全間餐廳都貼上美少女畫/ 紙牌， 但地方太細， 如果坐滿人時， 好難影得靚， 同埋會阻住人食野。 我揀左晚餐最後果段食，先影到多啲啲。🤵🏻服務：人手不足； 全餐廳得二至三個人serve 12-24 人。 另一扣分位，俾膠碗share 食物， 膠碗有蕃茄污糟。💰價錢： 🙅🏻‍♀️🙅🏻‍♀️注意： 每人必需叫至少$150美少女主食物， 先可以換美少女餐具。 而每款美少女主題食品比普通餐牌markup $20-$30；我個人認為唔抵食， 不過為左美少女又冇理由唔食！

第一次同朋友喺呢間舖頭食下午茶, 步入到環境昏暗嘅門口見到一名waiter喺度撳電話,我同朋友望住佢相隔咗分鐘後佢終於放低個電話問我哋幾多位帶我哋入座, 當問佢下午茶個menu有冇飲品跟, 有呆咗兩秒好唔肯定咁話有, 落完單之後佢有返埋同一個位置喺門口撳電話完全感受到唔想返工又想賺錢, 對工作冇熱誠但又想出糧嘅辛酸, 以窮為動力上班.(有邊個香港人唔係?)我都明白有時舖頭冇嘢做撳下電話都唔係太過份, 但係可唔可以畀少少尊重唔好喺客人面前撳, 同埋有客人入嚟嗰陣畀啲反應？當時環境得兩枱客唔係好多人.食物方面, 本人order 左一個蛋包飯跟一杯熱咖啡, 等候時間短, 但係個蛋包飯一上枱溫度介乎暖去到凍之間感覺好似整好咗之後擺咗一段時間.雖然鋪頭係用動漫主題, 但食物同服務方便大大扣分, 經過呢次體驗應該都唔會再去幫襯*服務質素不關符藍黃店嘅政治取向

如果喜歡美少女就唔好錯過，餐廳全部用美少女做設計，少女心爆棚，本人抱住食裝修心態，對食物沒太大期望，但試咗個咖喱吉列豬扒飯，個豬扒又炸得幾好食，再叫多個甜品，法式多士有驚喜

身為美少女戰士忠粉 點可以唔朝聖一下呢間餐廳預早book左餐廳果日咁岩冇咩人我哋2個都有選擇困難症見到個餐牌真係好掙扎樣樣都想試吓結果都睇左3-4個字點完餐我地就不斷打卡影相 哈哈 初初都冇咩寄望不過佢都真係不過不失個咖喱🍛露娜都ok嫁窩夫都熱既正常窩夫個食物盒可以拎走2杯野飲都好飲既原來喺枱面上嗰聖杯係香水味可以試用食完野 再去買佢啲精品買咗一支香水，碟，袋，都真係好靚好靚好靚 雙眼都發哂光哈哈有得食又有收穫 真係心心眼

食物尚算可以，點咗carbonara同埋野菌意大利飯。carbonara都唔錯，但係意大利飯得幾嚿菌，入口偏甜，唔知係咪落得多糖得滯，但係口感尚算可以。嘢飲杯凍檸茶可以，但係橙汁就完全係溝出嚟，最後都飲唔曬。但店員極度冇禮貌，遊手好閒，成日好似發緊夢咁，埋單唔該都冇聲。完全冇服務可言，埋單要自己出櫃檯買，多謝都冇聲，仲要收加一服務費。真係唔知得罪班店員啲乜嘢，貼錢買難受，美少女戰士都係咁話。建議炒咗啲員工去，尤其係有個又高又瘦嘅靚仔。

蠟筆小新我哋電視就睇得多啦，古唔到開咗一個主題餐廳。入邊全部都係蠟筆小新嘅公仔，無論係環境定係甜品飲品入邊都包含咗蠟筆小新嘅圖案。另外仲有一個蠟筆小新飾品嘅精品櫃，方便大家食完飯之後再買心儀嘅公仔返去。首先我叫咗一個咖喱蛋包飯，佢嗰種係日式咖喱甜甜地，加埋個炒滑蛋包住個飯，蛋味濃郁，超級滑。卡邦尼意粉，佢嘅忌廉係比較重，所以啲汁都係比較結身，但係勝在奶味夠重，食落淡淡忌廉汁。上邊有火腿煙肉同埋芝士碎。重點黎啦，就係為咗蠟筆小新嘅甜品先來呢個餐廳嘅，佢嘅蠟筆小新布甸有佢個樣嘅圖案，芒果味都幾重，唔算太甜。旁邊仲有一個北海道牛乳雪糕，香濃奶味。碟上仲畫咗蠟筆小新嘅屁股好可愛。