屋喔 (已結業)

去左旺角行街睇戲，食飯時間去左好近朗豪坊嘅朗晴坊搵食，本嚟想去某層食米線，不過又悶悶地就上左4樓食西餐，ocasa。原來都好多人食呢間，要排隊，不過應該係好食先會多人排，成層4樓都好多人，勁丫，不過其實好快就入得，店員手腳都好快，等一陣就入得去食。我食嘅係軟殼蟹蟹肉燉飯，想講份量岩岩好，惜食真係好重要，另外燉飯口感軟身，岩晒我食，因為我喜歡軟棉棉嘅，另外飯入面蟹肉好多，充滿蟹味，主角軟殼蟹都好好食，炸得好香脆，吾錯。另外小食嗌左芝士花枝餅，睇menu見圖已經好吸引，原來上碟都一樣咁吸引，一上碟就好香，切好一半方便食，而且即炸好香口惹味，入面仲有吾少芝士，味道更好之餘，仲增加了口感，價錢合理，可以推介嘅。整體滿意，環境浪漫，適合情侶或年輕朋友嚟食。

今日晚上約左中同傾計，因為佢係文青黎所以就帶左佢去ocasa 一入去嘅環境比較安靜，仲有室外空間tim啲座位坐得好舒服Set餐一個98蚊，有湯野飲同甜品跟，加番都唔算費我叫左一個鳳梨魚柳，一上碟賣相好吸引！咬落酸酸甜甜，啲魚柳嘅份量都十分多魚柳咬落唔係死實實，好軟熟啲飯都好甘香，唔硬野飲叫左冰藍碟香，我個人就覺得偏甜左啲但個味就岩岩好balance到個主菜而且份量好足，飲極都飲唔哂最後抹茶cheesecake都幾有驚喜綠茶味唔會太濃大甜淡淡地好甘香

身為台灣菜fans，好耐之前系pnd睇到有介紹呢間，一直心思思想食。今次同fd去旺角就提議去試。一搭lift上到去，就有陣伏味（油煙味）撲面而來，幻覺黎嫁姐，嚇我唔到既！一開始坐系室內，但fd覺得出面有feel d，個侍應都好好甘幫我地轉左位。點知，我地唔應該開心得甘早。同fd一人叫左一個dinner set，包左主食、甜品、飲品。飲品好快上左，水果茶幾好飲，同茶木水準差唔多。但我個fd杯蝶豆花就。。。靚系幾靚，但d冰好實，完全飲唔到，淨系飲到d融左既糖漿。之後噩夢開始。我同fd三個人，佢地兩個既餐等左一陣到左。但我個set，我等啊等，等到望穿秋水，都未到，個時已經9點，我杯飲品就黎飲完。之後終於黎左，但出錯餐，系我唔想食既野。我唯有叫佢換返，點知過左一陣，個侍應又上返同一樣野俾我，我真系得啖笑。之後再講多次，又經過漫長等待，等到我覺得上天系咪懲罰緊自己（好彩我d fd有share野食俾我），我個餐終於黎左。呢個前菜技巧高超，佢看似好濃味，食落居然清過清水，食完都唔知食左咩味。鹽水雞唔入味，但舊菠蘿幾好食（雖然鹹食好怪）個tiramisu簡直可以用虛浮黎形容，唔明？去試下咪知！

距離上次食台灣野食都已經有一段時間。今日又食台灣野。叫左個黑松露柯仔飯。一上菜已經好香啦。中間既黑松露真係超濃。黑松露飯整得夠濕，夠埋柯仔原來可以咁juicy咁鮮甜。味道夹得超好，呢個飯係有創意既，好味！跟住再叫左個炸雞拼盤，好多炸雞，好幸福。佢個蜜糖芥辣唔會好攻鼻。甜甜地帶陣芥辣香味，鍾意冇咁刺激芥辣既朋友會好鍾意，因為我好鍾意。炸雞可以整得再多汁啲，不過溝埋醬食都好味。涼陣陣的天氣，叫杯熱辣辣薑母茶，好暖，好幸福。薑母茶好好飲，吹吹下水，不知不覺坐左兩個鐘，寫意的星期日。

日日返工好想去旅行，好想去台灣夜市食食食今次黎朗晴坊終於唔係食某連鎖米線店，因為目標已經鎖定，就係係四樓既台！灣！野！下午時間，有午市套餐叫，主要分兩大類，左邊係台式食品，如最普通既肉燥飯或者各種常見既台灣麵類；右邊既就係西式既意粉等，當中有唔少夾雜着台灣特色元素，例如黑松露燉飯就結合左蚵仔，感覺幾特別，而且價位都好合理，平均四五十蚊有找，幾抵食。除左午市套餐，仲有唔少其他既單點食品，例如台灣著名小食鹽酥雞或者台灣腸咁，好想食哂佢地當去左夜市而鹽酥雞除左普通咸味之外，仲有唔少創新元素，好似其中一個最吸晴既係彩虹色既炸雞粒，配埋墨西哥脆片，有點fusion既味道。黑糖鹽酥雞$52既然有咁多創新款式，當中最吸引我係呢個黑糖鹽酥雞！甜味炸雞就係韓國菜常點既，但鹽酥雞甜既就真係第一次試咯！五十二蚊，有成盤雞粒，大概起碼十幾件，而且每粒size唔細，唔會話得層皮無肉果種情況，皮好脆口，而且口感似麵包糠咁粒粒狀，唔係就咁一塊厚厚既炸漿皮。雞肉夾雜着適量脂肪增添滑嫩感，唔會過肥。一開始見佢表面黑糖汁唔算多，但平均掛於雞粒面，本身驚唔夠多汁會唔夠甜味，但反而咁樣唔怕整淋脆皮同太甜，性價比高甜甜地輕易啪

前幾天與一眾友人到旺角聚餐，一大班人要找地方吃飯也不簡單，最後揀了屋喔這間cafe。坐下後由於人未齊，所以先點了兩個小食填一填肚，分別是黑糖鹽酥雞與起司培垠焗薯條。先來的黑糖鹽酥雞賣相不算吸引，吃下去果然有黑糖的味道，又甜又咸，味道出奇地配合。後來的薯條看上去很可口，吃下去芝士味道不濃，但配上幾款醬汁卻味道多樣，很快就清光。人齊後大家各自叫了一個dinner set ，我就點了蟹肉奶油闊條面，面條的賣相普通，味道也普通，比起先前的小食可謂失色不少，反而是友人點的三杯雞飯與黑松露蚵仔燉飯更加美味。最後點了brownie 作甜品，味道還好，但賣相遠不及友人點的tiramisu 特別。埋單每人需付約一百四十，以旺角cafe而言也有點貴，未必有下次。

想在朗豪坊睇戲前食個lunch但又冇咩idea , 係openrice search 見呢間台式cafe 幾多好評而且又近，就上來一試吧。星期六的中午11點半，cafe 都只是剛剛開門，基本上冇咩客人。中午有lunch set供應，我們點了鮮茄海鮮燉飯和黑松露野箘柯仔燉飯，再加小食起司雞排兩個燉飯都太多汁太濕了。鮮茄海鮮燉飯，其實用茄汁煮的，味道偏甜。黑松露燉飯好少配料起司雞排是即炸的，雞肉都不會鞋。只有表面上有一點起司，但食落冇咩起司味。百果香芒果沙冰味道ok, 不會太甜。

想念台灣人肉燥飯的味道所以到了O'casa dinner主打台式美食, 其實也有好多西式食物所以就order了兩個dinner set台式糖心蛋肉燥飯美國安格斯肉眼牛排肉燥飯十足台灣的味道另加了一些雪菜 更惹味糖心蛋亦非常入味 👍🏻👍🏻牛排一般, 有點筋肉眼排應該不是這樣？但薯條及配菜都好好吃飲品方面要小心選擇奶茶不錯, 但乳酸味道不太好！到這裡還是點台式食物較好價錢合理, 地方小小但裝修有特色有機會encore 😊

上年同朋友去完台灣後一直想再食台式料理~今次朋友推薦D間台式西餐，位處旺角，地點非常方便。一上到去個環境都舒服，只係卡位反而窄左D 。食物款式都唔少，朋友主要想食西餐，三個人就叫左三款食物。卡邦尼培根意大利麵 - 就是正常味道的卡邦尼煙肉意大利麵，只係偏淡左D。茄汁燴水牛芝士意大利雲吞 - 水牛芝士味道一般，意大利雲吞果然係得塊皮，就算分量多都冇用。Mixed Salad - 食肉前先來個沙津，都幾開胃架。 美國安格斯肉眼牛扒 - 雖然叫左7成熟，但結果都係得5成熟左右，好彩味道唔錯，肉質嫩滑，而且分量都好大分，甚至薯條同紅蘿蔔都超級多，只係薯條落得太多調味粉，反而變得太濃味，有少少弄巧反拙的感覺。整體而言，環境算舒服，食物都OK大分同抵食，係個三五知己相聚的好地方。

Came here for lunch- it was quite empty with maybe only 3 or 4 other tables of people. Perhaps it was a bit early or because it's Chinese New Year. I ordered the O'Casa beef noodle which was really yummy- broth was very fragrant and tasty and the beef was so soft you barely had to chew it. It would be even better if they could make it spicy but even without that, it was really flavourful! I also had a hazelnut coffee which was nice- it didn't taste very strong so I would have liked a stronger co

龍蝦麵的蛋麵是咖喱味，麵條很乾，跟蟹子和蛋麵不配合，龍蝦肉質還可以，只是整個菜的調味有點奇怪。豬排肉質乾和散，吃不出什麼味道。麻油雞翼是冷盤，少許辣，味道還可以。炸雞偏乾，味道又是一般。有預先訂枱，所以不用等候便能入座，未點餐已提示用餐時間90分鐘，但最後亦沒有趕交枱。餐廳有部份的位置座位不太理想（近廚房，有膠/帆布位置），侍應有禮貌和主動，價錢中上，總的來說，食物方面真的有待改善。

屋喔! 屋喔!對於老人家一輩的我, 聽到"屋喔"第一時間諗起的,就是當年傾到三更半夜的ICQ接收msg時所發出的聲音! 聽到覺得非常親切~然而, 來到後期的msn, 至今的skype, 已沒再用ICQ了~每次經過朗豪坊見到呢個招牌, 都好想去試下, 但是夜市7-8點一定是很多人, 而且很怕樓下等lift的又迫又窄的地方, 不過今日早到來, 6點多尚不多人, 一於要試試!下午6時多沒人等位, 啱哂我地未到聖誕節已有聖誕佈置, 好靚入座時侍應已說明用餐時間只得45分鐘, 我們不是談心的, 所以沒影響, 也不想霸著人家一張檯阻人做生意呢晚市有set dinner, 快點快來的上餐服務, 確是有效率友人點的set dinner, 卡邦尼雞柳義大利麵"每條義大利麵都黏上香濃的卡邦尼醬汁, 滿足到佢口味, 因為佢鐘意汁多的面頭灑上一點鮮橙色口感脆卜卜的蟹籽, 混合在每條義粉上, 咬落份外有口感雞柳份量也不少, 套餐還包含一份小沙律, 餐飲及甜品, $118 成個set都幾抵餐飲可以飲台式奶茶, 好像是$32內的, 如超過就要補回差額我的仙草奶茶, 很好, 又不會過甜或沒味道!而我點的都是set d

臨時約左個朋友食飯慶祝下聖誕, 朋友要喺旺角拎嘢, 所以搵到呢間食台灣菜嘅餐廳。8點上到去, 都full哂, 要等位, 等左大約30分鐘就有位, 原來佢有限時90分鐘架! 佢餐廳唔算大, 但都有露台位。枱同枱都比較逼, 如果肥啲可能坐得唔舒服。叫左一個台式同一個西式set dinner. 價錢口算貴。台式叫左鳳梨鹽水雞, 有一小碗魚湯娃娃菜同一碗白飯,鹽水雞有5, 6舊, 味道普通, 冇咩雞味而且唔算嫩滑。菠蘿唔係用罐頭嘅, 但似乎用浸左糖水的, 偏甜。西式就叫左西班牙豬鞍, order時侍應有講要等30分鐘。食完鹽水雞等一陣再就有豬鞍喇。豬鞍都幾大件, 肚餓得滯, 即刻切左件食。食落都唔鞋口, 有汁, 但有啲位置肉質比較鞋, 可能係焗嘅時候, 火力唔均勻。配菜有薯條, 甘筍同西蘭花。豬鞍呢個餐都抵食嘅。另外仲叫左鹽酥雞, 份量都正常, 但食落唔似台灣嗰種風味。餐包左$32或以下嘅嘢飲同甜品, 叫左香芋奶茶同仙茶奶茶。甜品有奶凍同芝士蛋糕, 味道都正正常常。奶凍偏甜。PS: 花茶係唔可以加錢叫嘅。基本上冇人等位, 佢都唔會趕你走嘅。

台灣同香港距離大概一個多鐘頭嘅機程，所以M佬周不時都鍾意飛轉台灣，表面就話鍾意食台灣嘢，其實呀…10個香港男仔呀，10個都鍾意台妹架啦！咩溫柔呀？咩靚啲呀？我A姐都樣靚身材正架，所以我信架，我信M佬鍾意去台灣真係因為台灣嘢食架！既然你咁鐘意食台灣嘢，等我一於帶你去屋喔，俾你懷念一吓台灣嘅好西啦！講到台灣嘅美食，又點少得各式各樣嘅台式小食呢！鹽酥雞：鹹味適中，又唔會太油膩，肉質嫩滑，咬落口脆卜卜！麻辣牛舌：麻香味道突出，牛舌香口彈牙，好惹味呀！Shake Shake 黑松露薯條：達處已經聞到黑松露嘅香味，真係同shake shake粉無得比！麻麻醬油雞翼：啲雞翼有好濃郁嘅醬油同麻香味道，好入味呀！其實小食嘅粉量都唔小，食到我A餐都飽飽喇！之但係見到大大隻嘅龍蝦真係胃口再次啟動，呢個西班牙龍蝦海鮮鑊仔燉飯，一啲都唔慳皮，有龍蝦、魷魚、蝦、蜆肉同雞肉等，所有餸菜都吸收哂上湯精華，真係perfect match呀！屋喔牛肉麵：唔知大家知唔知牛肉麵最重要係乜？當然係蘿白啦！蘿白好入味，而牛肉亦唔嚡口，夠哂香濃呀。嚟到尾聲，試埋佢嘅台灣飲品先！荔枝愛玉：唔會話好甜，夾集住荔枝嘅香味，令呢餐飯有一個

見到咁多好評，就揀咗這間台灣店來試，一入去環境是不錯的，好想食台灣嘢，咁來這裡當然要試最簡單的滷肉飯、又叫咗麻醬雞翼，仲有流心芝士墨魚餅（花枝餅，不太記得全名是什麼了）。等咗唔駛一陣就來了滷肉飯，好失望，啲飯好林好難食，滷肉不是滷肉，只是好無味的碎肉稀汁，其實滷肉飯是一間台式料理餐廳最基本的餐點，可以搞到咁難食都真係第一次，麻醬雞翼是冷食的，唔可以話難食，但唔好食，好大陣雪藏味，同埋雞翼唔熟，中間有血😱😱😱，個花枝餅唔錯，但肯定不會再幫襯。