屋喔 (已結業)

放假睇完戲想食野, 朗晴坊知道好多餐廳但咁耐都未上過去, 一於過隔離搵食先. 有一輪時間無食台式野, 所以黎左呢間台式店.環境好悠閒, 好多卡位坐得舒服, 仲有戶內外坐位, 不過出面爆晒所以坐左入面."棉花糖巧克力"$30, 睇見面頭既棉花糖心情已經開心, 七彩繽紛, 啱晒夏天. 棉花糖煙煙韌韌, 唔會溶到一PAT野, 有咬口. 朱古力唔算太濃, 亦不太甜, 幾解渴."鹽酥花枝丸"$42, 鹽酥機本想都係台式主打, 炸到熱辣辣好香口, 面頭既粉幾惹味唔係辣亦唔會太咸. 花枝丸好爽口大粒, 食到墨魚粒, 口感十足."台式糖芯蛋肉燥飯"$58, 賣相幾特別, 以為一兜份量唔多, 食左大半已經開始飽飽地. 糖芯蛋夠糖芯爽口, 肉燥夠惹味唔會太咸, 飯夠熱一粒一粒既, 撈埋肉燥雪菜一齊食剛剛好.

蘋果乳酸 草莓乳酸$32乳酸酸味不太濃，容易入口，酸酸甜甜，底部有小許像啫喱的物體。屋喔窩夫$68貌相十分值得相機先吃，粉紅色的草莓乳酪雪糕，酸甜感味道討好。

朋友一早已諗住去試下，看食評已覺好壞參半，已經不抱期望，本着即管試下嘅心態book左晚上九點…去到一看，地方好細，卡位就尚算過得去，地上座放一把風扇係咁吹，即是冷氣不夠，因地方細少關係，厨房水吧距離人客相當近，可想而知空氣味道是點…叫了一個黑松露野菌蚵仔燉飯(因多人推介),味道算是不錯！另叫了一個烤雞扒配薯菜，薯菜原來是炸薯仔皮，仲要是唔熱的，塊雞扒除左咸味，講不出有其他咩味道！肉質鞋！两杯飲品叫了香芋奶茶同薄荷朱古力！飲一啖後，同朋友異口同聲：水黎嘅！正确黎講，是有少少香芋味嘅水同些少薄荷味嘅水！咁嘅味道配咁嘅價錢…已經沒有期望，點知是更加失望！

其實都想試屋喔好耐架喇，細佬話陪我試就一於會會佢啦!7點零鐘去到都吾洗等位，正!睇左陣餐牌掙扎緊食牛肉麵好定肉燥飯好，見到隔離枱個肉燥飯好得意咁，就食佢啦 落左order冇耐個飯好快泥到，賣相真係好得意既糖芯蛋夠入味，蛋黃好creamy，好想食多隻啊!!肉燥味道我就覺得一般啦，撈埋雪菜一齊食都幾好食既，不過飯就糊左d。吾好睇佢細細兜咁，食左一大半都已經覺得好飽。野飲叫左野莓優格沙冰，沙冰質地幼細，優格味濃過野莓味，要好認真飲先飲到野莓味咁，冇d人講到必試咁誇張囉。下次都係食番茶木好過 

想起都有一年沒有去台灣，也懷念台灣的美食，雖然如此，香港既然是有「美食天堂」之稱，當然都會有一些cafe 主理台式食品，今天我放工後去了一間樓上的「屋喔 O'Casa」的台式cafe 食下野，順便休息下打下遊戲機，它位於朗豪坊旁的一幢大廈「朗晴坊」的4樓，交通方便又易找到。 一打開lift 門都已經看見有店中的menu ，當中有洋風烤排、屋喔的台式美食、沙律、甜品、咖啡、花茶、台式飲品等....款式都混入西方美食，食物款式更多元化!環境多數都是卡位，從窗中可以觀看到旺角的鬧市，仿如現在已經遠離繁囂，拋開工作的壓力正在一邊聽下餐廳播的歌曲，一邊放鬆心情享用個人的下午茶，真是人生美好大事。 點好食物後，等了一會，店員送上杯凍藍蝶花蜜梨茶($32)，賣相真是好鮮艷，用了碎冰配合了藍蝶花、蜜梨的成份，以薄荷葉及蘋果片作裝飾，我先吸了兩口，嚼中的碎冰真是好香甜，有蘋果的清新微酸，梨蜜的潤喉讓我感到好舒適又冰涼可口。 另外再想嘗試下一些熱飲，個人喜好愛飲花茶，薄荷玫瑰洋甘菊茶($36)以一個透明玻璃壺奉上，壺下的爐底有小爉燭可以把茶助熱，玫瑰花粒加上了洋甘菊，有清熱明目、肋掃走鬱悶的心情，

有時睇住身邊d朋友周圍去周圍食自己就留起香港🙄好彩香港係美食之都，想食咩都有又唔難搵今日同家姐去mk又想食台灣野就搵到屋喔試下。。。呢到係朗豪坊隔離不過就比較舊樓feel 入到去，因為係下午茶時段人好少見到餐廳都幾大，外邊坐就應該可以呼吸我同家姐當然坐入面空氣清新d啦睇一睇下午茶餐都係麵呀飯呀由於都就5點，夜晚要番家食飯都係叫兩杯飲品加d小食算。。。家姐點左杯檸檬愛玉清清地，我家姐都幾like愛玉其實係好似啫喱咁。。。淡淡地無咩味咁我點左杯水果茶。。。好可惜中伏了。。。🙄🙄🙄入面有好多料嘅。。。又士多啤梨又火龍果又檸檬乜乜乜可惜係個味好怪，我諗係加左兩粒梅好怪好怪。。。又酸又咸又甜茶味就一d都無。。。香港最好的水果茶都係咖x弄🤗算啦！可能我期望過高我我點左兩個小食鹽酥雞同炸花枝丸雞就唔錯，好香又唔會硬份量都可以花枝就還好，只係味道比較淡。。。價錢都比較高，要$42 但只有5粒好好賺🤑杯野無飲哂就走lu本來想食埋窩夫。。。可惜太飽下次有機會試下囉😝😝😝

台灣味道，不知怎的香港是吃不到！朗豪戲院傍有一棟隱蔽的食廈，屋喔ocasa，主打台灣風味，可以一解心癮。有室內室外，趁未熱到溶，坐室外都不算辛苦(其實都有風扇冷氣的)，適合煙民一族。而且室內其實比較擠擁，我覺得某程度上室外是個不錯的選擇。食物是主流台灣的牛肉麵，肉燥飯等。我的茄子肉燥，大量茄子，整齊的一條條排好，淋上肉燥，再另外一碗白飯，牛餐來說份量好大呢。肉燥半肥瘦，味道嘛，我覺得不俗的，只是依然不能複製台灣的味道。朋友的鹽酥雞肉燥，我沒試，不過已鐵盒盛飯，甚有台灣風味。配台式特飲，一般的珍珠，胚芽，乳酸，應有盡有了。味道和街上買到的都差不多。幾位少女share一份招牌窩夫甜品，窩夫呈ocasa的logo幾特別，蛋味甚濃，外脆內綿似蛋糕。附有一球oreo雪糕，鮮忌廉，蜂蜜，和一個小冬甩。份量一個女生真的沒可能ko！價錢合理，味道ok，旺角來說已經很不錯了。有機會會試一試牛肉麵的！ 

行街行得攰就熙係買小食食下喇,今次經過叫左個 台灣紫心香芋丸 $42 一粒入面頗多香芋蓉 出面黃黃地個層都甜甜地😀個人覺得幾好食 口感係煙煙韌韌～亦唔會太甜 不過就稍嫌有點油膩total有6粒 都算抵食！

蕉糖燉蛋味道並不太甜,我覺得都好味蜂蜜綠茶蜂蜜和綠茶好平衡,蜂蜜味道亦都重,亦不會太甜,十分好飲牛肉麵牛肉，煮得好淋,我覺得好吃,牛肉味道又不會太濃,我十分愛吃麵，用了粗身麵條，掛湯都掛到又不會一夾就斷，麵條好味湯,味道不是太濃郁，又不會完全冇味 ，十分啱我喜歡清淡湯底旳人 ，我差不多飲了半碗,飲完又冇口喝芝心丸炸得太實了,味道就一般糖心蛋味道一般,欠缺糖心蛋應有流心功效。似吃熟蛋今日和好友去了旺角行街,我和好友行完街之後想找一間cafe店坐下慢慢傾計 ,我想起之前去過屋喔,就決定去屋喔吃下午茶，屋喔在朗豪坊隔離，十分容易找到旺角店,我和朋友上到去時候，客人並不太多又不用等位,我和好友分別叫牛肉麵/芝心丸/糖心蛋/蜂蜜綠茶/意式泡沫咖啡，這裡地方都還可以，牛肉麵首先來到，麵採用粗身麵，麵質都OK,掛湯都掛到不會一夾就斷，它的湯底不是太濃味,啱我的口味，起碼飲了不會有好口喝，牛肉的肉質好淋兼且味道都幾好吃,芝心丸就反而麻麻,炸得太實了,味道較為一般，糖心蛋味道都一般 ,糖心蛋似吃熟蛋 ,冇了糖心蛋味道，蜂蜜綠茶覺得好飲 ,甜品亦都OK,服務亦還可以，我覺得不及上次來咁好味,味道整體都OK

「屋喔」你會諗起咩呢? 對於七八十後黎講，應該會諗起當年好興既ICQ。「屋喔」呢間台風餐廳，位於旺角朗晴坊，係正朗豪坊隔黎，除左台灣菜外，仲有台式西餐，座位方面，有室內同室外，室外地方仲係半露天，但係有冷氣既。是日星期日，同朋友睇完戲之後黎食個late lunch，下午兩點鐘黎到，餐廳都唔算太多人，唔洗等位，真係好。我地2個每人叫左一個餐，再叫多左個甜品share。套餐包一杯飲品，可以揀柳丁綠茶或者蘋果雪梨烏龍茶，如果要配其他飲品就要加錢。蜂蜜桂圓紅棗玫瑰:花茶口味款式多，有透明既茶壺煲住，可以慢慢嘆，蜂蜜桂圓紅棗玫瑰花茶好香玫瑰味，加埋紅棗，味道清新又香甜，開胃醒神！榛子咖啡:榛子咖啡等候需時，上檯時熱辣辣，咖啡味香濃，值得一讚。台式湯麵配豬軟骨:湯麵湯底好濃，豬軟骨食落好咬口，麵係用闊條麵，好彈牙 ，好有口感，好有地道台灣風味。台式肉燥飯(雞排):肉燥飯用一個細鐵桶裝住，好有舊時工廠女工午餐飯盒既feel，飯量都幾多下，配埋味道濃香惹味既肉燥同溏心蛋撈匀一齊食真係🏻非常好食。屋喔窩夫:呢度既窩夫唔係格餅，而下用自家製既模整食既，呈茶壺形狀咁， 好厚食落軟綿綿，切開中間仲有D吉士醬，

網上睇過貌似安全，原來伏到冇人有叫左個珍珠奶綠，一黎熱嘅⋯上面d冰已溶到得翻一點點，飲落勁淡😨大伏，落樓下買貢茶好過芝士鹽酥雞扒，雞冇醃，芝士勁少，，太乾，50幾蚊一塊，勁唔低食，大伏牛肉麵，我未食過一個個湯無味的牛肉麵，平時d牛肉麵，一夾起d麵已經可以掛到湯，呢個連湯食都勁淡味，d湯好似水咁，d牛肉肉質ok但同樣冇味😰大大伏最後一個黑松露雜菌大蝦(全晚算最食得入口)大蝦得3隻，其餘都係雜菌，黑松露醬幾香，蝦都幾入味，但有d乾環境方面，坐左戶外，(都有冷氣)但不夠，戶外同廚房同貨倉相連，帳篷又走冷氣，食到出哂汗，見到其他枱d人要拿風扇環境食物都唔ok同樣價錢我食返茶木，抹茶館好過！😤

/➡️屋喔⬅️/屋喔牛肉麵 $52 ( Lunch Menu)牛肉麵係所有台式餐廳都必定會有既其中一個招牌😎小編當然都要試下味道如何啦😏果然冇失望👍🏻個湯底好濃好重牛肉味 牛肉好實 唔好以為佢肉實就好韌 但係其實係又軟又林👍🏻個麵好彈牙 好有口感 好正👍🏻👍🏻值得一試呀👍🏻👍🏻台式糖沁蛋肉燥飯 $58一上台 好可愛😂😂一個細鐵桶裝住 好有懷舊既feel😂😂以為份量好少 不過對女仔黎講絕對係岩岩好 食完係好飽😂啲肉燥配埋切碎左既酸菜撈匀一齊食好正👍🏻非常好食🙈🙈🙈蒜香炸雞翼(4隻) $40熱辣辣 卜卜脆😂炸野總會吸引人忍唔住食 雞翼冇咩蒜香味 不過面頭有好多炸蒜 唔中意食有蒜味既人都可以試下嫁 真心唔錯😆不過就係貴左少少🙊#foodcatalog咸/📍前往方法🏃🏻🚅🚌：屋喔 (旺角)旺角砵蘭街215號朗晴坊4樓旺角站 exit E1#foodcatalog旺角屋喔 (中環)中環機利文新街26-28號地舖上環站 exit E1/伸俐指數8.5/10x👅

天陰陰,最好去cafe同朋友閒聊之餘,又可以品嚐下小食 今次介紹一間係位於旺角朗豪坊隔離既台式Cafe（係中環都有分店唷）雖然地方細細,但附近係shopping mall,行得累可以上去休息一陣,食少少野,都算方便,而且價錢唔算太貴 ------------------------------ 【野莓優格冰沙】HK$36 好味指數：8.5/10冰沙應該用左好多士多啤梨打碎而成,好重士多啤梨味,而且上面有半粒士多啤梨點驟,賣相幾靚------------------------------【烤大蝦花枝墨汁義大利麵】HK$88 好味指數：8/10大蝦幾爽口,花枝都幾多下,唔會用力都扯唔開果隻,林度適中 墨汁意粉中再加左洋蔥粒,食落幾有口感,而且成碟都幾juicy,墨汁夠哂濃味 ------------------------------ 【屋喔牛肉麵】HK$64 好味指數：6.5/10台灣出名牛肉麵,而且呢個名堂更係呢間食店既推介款式！我點都要一試！首先個湯底好重牛肉味,咬第一啖牛肉,果然係好夠林 冇牛筋,真係冇牙都食到 麵係用闊條麵,有些少口感⋯係一碗台灣地道的牛肉麵----------

挑起條筋好想食台灣嘅牛肉麵又咁岩經過見倒佢個banner有好多碗牛肉麵，於是諗都冇諗就上左去一上到去佢俾我簡坐出面定坐入面，我揀左出面出面嘅環境好有海灘邊果啲餐廳嘅感覺我去嘅時候係夜晚，佢開左啲燈飾好有feel黎到梗係要食翻個牛肉麵啦第一啖就梗係飲下佢啲湯。。。凍嘅，而且好濃味精味啲牛肉林到爛散哂，完全係無口感可言啲麵唔知道佢係真係人手打定點口感唔錯，但痴埋哂一舊舊之後仲有卡邦尼意粉都係凍嘅個白汁好濃芝士味，但完全冇忌廉味鐘意芝士嘅朋友應該會好欣賞，但我就覺得味道俾芝士搶哂仲叫左野飲點知水果茶都係伏一飲酸酸鹹鹹，得啲梅味完全冇水果味，連橙味都冇總括而言，食物唔熱係最大問題

今日冇帶飯同同事出去食午餐, 有同事話食過屋喔set lunch都ok, 冇訂枱下早早出去食lunch.時間未夠一點, 人唔係好多, 唔使等位.快快叫咗牛肉麵餐茶轉飲山楂洛神花蘋果茶.牛肉麵有幾塊好厚既牛展, 有咬口而唔會過淋, 麵係粗麵曲曲地幾得意, 伴菜有小棠菜紅蘿蔔白蘿蔔.山楂洛神花蘋果茶好足料, 加咗糖酸甜適中熱飲好舒服. 飲完先記得影相.