居食屋「和民」 (皇室堡)

營業中

休息中

是日正值情人節，我倆齊齊休半天假去JP睇戲。N年無幫襯過「和民」了，lunch就揀呢間喇！我倆1點几到了餐廳，客人甚少，好自然地有寛落卡位坐！Lunch時段有多款set lunch供應，惠顧麵套餐，仲可以加錢追加日式單品呢！睇落巧豐富，點番個麵套餐來感受一下先……1.山芋温泉蛋冷烏冬＆蒲燒鰻$81：温泉蛋嫩滑非常，蛋白軟軟滑滑的，流心嘅蛋黃，伴著山芋烏冬而食，配搭唔錯！可恨嘅係冷烏冬，麵質過硬，嘥晒隻温泉蛋！蒲燒鳗魚卷，肉質軟嫩，夠味有鰻香！可惜飯身偏實，即時扣分！加15蚊有碟加州卷，但賣相跟menu有偏差！蟹籽少不在話下，飯身過於腍實，未食已知中伏了！沙律菜，ok的。餐飲: 揀咗熱柚子蜜，有淡淡柚子味道，唔太甜！2.自家制鰻魚厚燒玉子$68: 唔知點解碟玉子燒咁水汪汪呢？！玉子厚身好好食，但內饀既鰻魚超薄少，而且一夾便散開，太失策嘞！整體差勁，要blacklist了……

星期六LUNCH，都好少人，唔駛等位。入到黎都諗唔到食乜，叫左個二人餐。個套餐固定有季節前菜(唔太啱食，又食唔出咩味道)、意式薄切鮭魚刺身(好好食，個人鍾情三文魚，都幾大片)、凱撒沙律(新鮮)A. 一品料理，揀左黑椒糖脆雞全翼，炸得脆，有少少糖漿，甜甜地幾好食B. 鍋物，揀左牛肉壽喜燒，得幾片牛肉，底下都係葱同蔬菜C. 主食，惡魔熔岩鮭魚卷，俾個名吸引左，原來即係一舊飯包住青瓜蘿白，面頭放一片三文魚，再加一啲天婦羅脆漿碎同芒果汁。好搵笨，亦唔好食，好失望。甜品-朱古力雪糕，好食飲品-巨峰提子梳打，香甜美味如果唔係"惡魔熔岩鮭魚卷"，成個餐都幾好食既。四百蚊個二人午餐，一人二百蚊，但個主食得六件小卷，食完唔係好飽 應該揀其他主食會好D

今日放工後要去皇室堡Fuji Film睇下相機，有啲肚餓，近近地響皇室堡四樓既居食屋和民搵食。好好彩唔使等位。點了一個幾特別的山葵風鱆魚籚荀冷意粉，鱆魚切粒用山葵汁撈勻拌在冷意粉內，加了些籚筍，小小蝦，上面有些脆脆，像炸過的意粉，橯勻來食，個汁幾好味。因為胃口不太佳, 不想吃太多肉類，點了個簥麥冷麵和枝豆，兩樣都係正常一般最後朋友話唔夠，佢加咗個豚肉丼，但未趕得及影相，巳差不多給他掃清。

I had the beef udon and mini rice set. At $88 including a drink it was great value. The udon soup was very tasty, it came with about 4 slices of hotpot style beef and a raw egg. The rice bowl also tasted good, obviously for this price the salmon quality wasn't the highest however it was still fresh. The salmon had been marinated in a sauce that complimented it's taste and was not overpowering. The sushi rice underneath was addictive and I couldn't stop eating it. Recommended for a reasonably pri

已忘記了有幾多年無幫襯過呢間曾經是我首選的日式料理。今日放工6點幾去到皇室堡揾食，見到唔駛等位，於是入去坐低， 餐牌已經和多年前截然不同，細看之下，樣樣都好似好給引。結過我們兩大一細點了牛肉烏冬， 親子飯，炸雞軟骨，燒蘆筍和鰻魚玉子燒，餐牌上還有很多給引的食物， 只是眼闊肚窄，唯有等下次吧。過了幾分鐘，侍應先放下烏冬，配料全是生的，即場以gas爐自行煮熟。湯底清甜，烏冬夠彈牙，非常好吃。炸雞軟骨炸得比較黑，感覺上是油比較污糟的關係，味道除了有少許萬年油味，仍然是ok的。消露筍以牛肉包著，賣相ok, 味道很好，露筍配合充滿油香和海鹽的味道。生鮮熱辣的鰻魚玉子燒好正， 肉子軟綿綿，配合鰻魚甜甜地的醬汁，層次豐富，最重要是熱辣辣煎起，其實好難唔好食。最後的是親子飯， 可惜只是中規中舉， 雞胸肉太過"鞋", 味道亦比較淡。這裡整體侍應態度親切，招乎亦很周到，環境舒適，餐牌選擇多， 值得再來幫襯。

睇完祖記，行完街晚餐食咩好見有和民就食和民喇叫咗個2人前店長推薦有和民卡只係$406沙律我地揀咗凱撒沙律普普通通一品料理揀咗黑椒糖醋雞全翼好食到唔記得影相燒物: 原條魷魚燒好味又唔韌鍋物: 牛肉壽喜燒味道唔錯，如果加埋個白飯更好主食: 石鍋黑椒牛肉飯正啊，最鍾意呢個撈完有啲飯焦仲好味甜品仲有雪糕飲品方面叫咗巨峰梳打又係唔記得影相

星期六lunch，個場已經唔係滿，野食都要等勁耐，碗拉面半個鐘都出唔到。未計野食又貴又細份又唔好食。拉面成個面餅就咁出。bad list。以前都唔係咁，真係以後都唔會去。

第一次去呢間和民，比起 6，7年前去過amp 既和民裝修好吾同，個間坐得舒服好D，私人度好多，而家D位好窄下，，，好彩個員工比左4人卡位我咋! 我地兩個人，可能見到我行路不便，用緊支拐丈，佢好好人!仲有入到去好大油煙味，本人好怕廚房油煙味，如果我知道係咁我就吾約朋友去個度食，，，，佢地擺定晒D 碗比人用吾大衛生，我隻碗仲 有野食癡係度．我真係冇諗過會咁吾乾淨啫，不過我費氏講咁多，只有放回原位，留番下一手用啦，吾想投設，，，希望佢地下次檢查好D碗冇問題先比客人用啦，，，D野食吾錯，我鍾意D串燒，好新鮮，即叫即燒，好好味! 服務吾錯，員工成日為客人加茶，好好!

成日都好想食和民不過次次去都好多人，今次再去碰碰運氣，終於不用等得太奈有位叫咗牛肉鍋同埋冷面。牛肉鍋味道濃郁,亦唔會太咸，牛肉鮮味配上蛋汁，配飯一流。可惜今次忘記了追加牛肉，我唔係陪幾碗白飯都未必可以。冷麵份量亦都好足夠，麵質亦都非常彈牙，冷麵source 亦不會太鹹，清清地。好想快啲再去食啊

喺皇室堡街完街，太肚餓見到呢間就入左去。呢舊銀雪魚成百蚊，上到枱時會問「點解要甘貴？」食落係好滑，煎得入味，但只食到醬油味，好咸。我覺得唔值。鰻魚窩好食。上枱時好夠鑊氣。蛋好滑 鰻魚亦多肉，嫩而甜。炸豬排蛋窩都唔錯，蛋好滑，撈埋豬排食好夾。豬排浸左湯汁就要快d食。因為炸左既外層好快會稔，食落口會變左一團粉。

之前同朋友聚會，想去食壽司，結果揀左和民。什錦壽司，一次滿足所有願望。所有魚生都好新鮮，完全冇雪藏味。最緊要係片片都好厚，大滿足呀！之後點左個魚生，可惜得幾片，食完唔多夠所以補叫左一大盤，呢盤大約有二十幾片，每片都幾大片，唔會有啲碎放係底。都幾抵食之後加左個邊爐，份量有啲小，啲肉有啲硬，不太推介

三隻馬騮游完水，唔想淨食壽司太生冷，所以去居酒屋！有熱食又多選擇！ 呢間新開，裝修新淨，難得星期六都唔使等位，而且店員仲好好比咗間圓型套房比我哋（可能避免我哋3隻馬騮嘈親人） 間房好有私隱，但要叫人就好難，因為店員行來行去都未必在意我哋間房，所以有個呼叫器，可惜係壞嘅！ 大家都唔太肚餓，小朋友又多，所以叫個二人套餐就夠！食物好快到！$358歡聚套餐 季節前菜：日式煮物，蒟蒻彈牙，荀件爽口！但蘿蔔澀口！ 薄切鮭魚刺身：特別嘅用洋蔥檸檬汁淋面，鮭魚唔肥唔腥，捲埋紅蔥絲一齊食，有啲特別風味，好味過普通刺身！ 特盛芝士凱撒沙律：芝士粉好多，麵包粒好大粒，乾身爽脆，羅馬菜太老，沙律汁唔多，所以沙律較乾身！ 日本南瓜蕃薯天婦：天婦羅中最喜歡蕃薯同南瓜，呢間炸漿唔厚，炸得香脆，南瓜蕃薯夠甜，炸得透！好好味！ 小牛肉壽喜燒：連鍋上，湯底甜，蔬菜款式多，不過我唔鍾意黃芽白！豆腐金菇索晒湯，牛肉半肥瘦唔硬！加埋雞蛋好滑！好味！ 九州豚骨湯拉麵：湯底唔夠熱，豬骨味濃，拉麵粗身有咬口！木耳絲有咬口，雞蛋半熟索晒湯！叉燒較老！ 抹茶雪榚：一早𢳂好雪到實晒，好硬好難𢳂！抹茶味唔濃！呍呢嗱雪榚：無乜呍呢嗱味！

和民今晚好失望，等得耐都算，仲要叫乜無乜，我係因為個和民沙律先去食，點知等完入到去無得賣，都算！繼續係叫乜無乜，叫鰻魚玉子又係無，叫芝士年糕cheese少，無乜味，一凍好硬，要高速食。叫左個cheese漢堡串就好d，入面幾有咬口，肉餅質地咁，但同樣無乜cheese味既？？泡菜牛肉石頭飯，牛肉得肉碎，份量少到傻左，有少量飯焦，泡菜味算濃，但成個飯將價就貨的細，味道普通。綠茶白玉雪糕同樣普通，紅豆算軟綿，雪糕好無聊，普通來貨，茶味不足，白玉無味但正常質地，冰凍但無期望可言。太多客，人手不足，叫了的巨峰梳打等到賣單都未到……

一講起食飯，阿妹就話要食日本野，一時間咩都諗唔到，就你突然醒起好耐都無食既和民，所以我地就去左銅鑼灣既和民，去到就即刻有位，好開心之餘，亦不忙細看有咩新菜式登場，之後就點了數款 包括有入口即溶既和牛壽喜燒日式火鍋 份量比想像中多，和風湯底帶微甜，是我最鍾意既味道！另外牛肉亦切得厚薄適中，肉汁豐富，輕輕在湯中燙過數秒就已經充滿濃厚肉香，加上幼滑的嫩豆腐及其他新鮮配菜之下，就完全是完美的境界，食到我同阿妹都話超讚！而水準極高的和風牛小排丼就更是一流，絕不是吉野家的級別能夠比美，肉質晶瑩之餘，口感更是柔軟而有彈性，每咬一口都能促使口腔充滿新鮮濃烈的肉香，加上當中還留有大量的水分，吃在口中尤感享受，正體來講水準高左好多，可以再食！

來和民我必叫蒜香一口牛，雖未係入口即溶，但呢個價錢食到呢個quality好ok! 今次依舊蒜香飄逸，牛肉好好味！三文魚刺身都幾肥美新鮮，大蝦天婦羅炸得外脆內軟，炸漿吾太多，所以口感吾錯，亦可以保持大蝦的肉汁。喬麥麵有點'孩',口感只屬平平。