居食屋「和民」 (已結業)

d串燒麻麻..同餐\牌張相差好遠叫左個牛肉粒都唔係幾好. 太熟但個pizza就好好味! 有沙律醬係面ga仲有個麻醬冷麵都幾好!大大碟幾抵食其他野都係細細碟. 下次去要叫多d先夠.

(14/7/05)一行四人嚟食晚飯, 等左半個鐘多d, 都唔明點解間間和民, 都咁多人。一口芝士, 幾得意, 味道一般。明太子薯絲, 完全無明太子味, 似鼓椒味。魷魚軟骨燒, 意料之外好味, 唔似骨嘅, 但唔夠熱。明太子年糕燒餅, 好好味, 煙un!!牛油焗帶子, 好鮮甜, 墊底有d菇, 哩個得呀!和風海鮮焗飯, 最差的一個! 睇menu相完全估唔到size細得咁交關, 芝士多過飯, 都唔知海鮮喺邊。星鰻魚天婦羅卷, 都唔錯, 不過又唔夠熱, 汁亦唔夠。麻醬冷麵, 麵質好煙un, 是最好的一項。

Went with 4 friend on the 29th May, Sunday, wanted to try some sushi for dinner that day but everywhere was full, so we chose this restaurant. The potion of food was quite small, and the price is a little expensive, so we didn;t dare to order too many. Not too many sushi available so I was a little disappointed, but we sat for a long time and had a long chat. The waiters and waitresses kept refilling our cups with tea, quite good service. The food is ok, not particularly good.Overall, not a pla

last nite had dinner wiv my old buddy. long time haven't come here. we weren't that hungry, so just ordered 3 dishes wiv 2 drinks(buy 1 get 1 free be4 6:30pm):* 和民沙律(half): d 汁好似比之前salty 左d...n the size is smaller than before!* 和風pizza: 退步.... 冇料ga! 得一粒鷄肉同少少cheese n 蔥... also it was cold.. 有d難食..* 炸芝士薯餅: 新出, 所以試下. 得5小塊, 食唔到cheese 味(雖然見到少少)... *Pina colada: my frd said it's so watery, no taste at all*cookies n cream shake (forgot the exact name): same quality as the pina colada.. the texture was

20050611 5pm跟男友落老銅有o的事搞, 行足一日, 好支力.下午茶order 大menu 上面野食, $38 以上就送一杯得飲.2人吃-* 和民沙律(大) - o黎親都食, 都仲未食厭.* 串燒拼盤- 醬燒, 果然比鹽燒好得多, 男友十分欣嘗個雞軟骨, 我比較愛雞腎~* 巨峰提子梳打* 柚子梳打- 我飲呢個, ok 不過淡o左o的.埋單$90, 冷氣可唔可以火息細o的?

星期六陪媽咪睇完醫生已經三點幾,未食野又熱又攰自然想搵間好坐既休息下,在人多如螞蟻的百德新街抬頭一望,唔駛諗啦!就和民啦~午飯時間已過都全場滿坐,可見和民仍然係好受歡迎,事實呢種居酒屋形式既食店的確有巿場,起碼環境較舒適又可以慢慢坐,食物質素已經係次要. 兩個人叫了燒魚翅、清酒煮蜆同蒜香帶子蝦炒飯. 可能繁忙時間已過,食物上得有點慢,不過既然唔趕時間又冇乜所謂. 燒魚翅以前已食過,再叫只因媽咪想試,個人覺得口感可以但味道太濃(甜&咸),只係一般. 炒飯份量唔算多但好足料,帶子同蝦都幾多又炒得幾香,只係稍為油了一點. 最喜歡都係煮蜆,蜆又大又鮮甜,一粒沙都冇,好味!如果唔駛排隊又想坐得舒服一點,和民都算係一個好選擇

都有好一排無黎哩間和民分店，之前都久不久黎下。兩個人叫左：- 牛肉火鍋（例牌必叫）- 菠菜千層- 蘆筍帶子盒- 紅豆雪糕- 紅豆+ 豆腐雪糕火鍋都無乜唔同，一樣夠味。菠菜千層裡面d肉好鬼似餃子d肉，但都好食。帶子盒有三個，好大個。外面炸成一舊，裡面有芝士，蘆筍，帶子同洋蔥。紅豆雪糕都好味，但豆腐雪糕就淡左d。兩個人坐的"L"字位，都幾唔舒服，行完街想伸直條腿鬆下都踢到對方。我覺得個位都幾細幾迫下。。。

20050424 3pm又o黎呢間和民, 因為想坐得舒服, 下午茶時段3pm-6pm, 叫menu $38以上食品送一杯飲品, 無限refill, 不過選擇唔多, 都係咖啡或茶果o的.同男朋友2人食-* 和民沙律(大, $38) - 呢個我同男友o既最愛, o黎親都食, 今次呢個亦係得手. 其實最緊要係的菜夠新鮮je.* 星鰻天婦羅卷($38) - 賣相唔得, 切得好醜樣. 味道就幾好啦.* 炸雞軟骨($25) - 呢個最得, 即叫即炸勁熱氣但係好好食.* 凍檸茶x 2 - 無選擇之下o既選擇, refill 得慢, 好似好不情不願咁. 其實唔想做refill 何苦要set 個咁o既promotion?overall OK, 最後埋單連tips $120. 諗諗下一個人要$60 的話又要有無限refill o野飲, 去返Dan Ryan 果o的美式餐廳會抵o的, 起碼無話限時限刻丫~

幾鍾意去和民食野，因為佢D 野食不果都幾有水準~但係我次次去食既日子都咁0岩係閒日~有一次，我有個fd 生日，我地就同佢慶祝，呢日就係假0黎既~ 我地一班fd 去，都叫左唔少野食~ 但係唔知點解，呢度D 野食0係閒日同假日既份量都唔同既!!!!!! 即係同一個價錢，但係0係閒日食同0係假日既食物份量就唔同!! 點解要做到咁喎!?????如果真係咁既話，咁我以後去都唔會0係假日去食喇~~ ><"同其他分店一樣，態度好好。^^

上次同三個老死談談天說說地,所以就揀呢度食飯!!咁某信用咭有優惠,四個人食八樣再坐四個鐘先係位位$55, 真係有唔好意思不過我想讚waiter都幾好招呼,令到我食得好開心多謝!!

20050403 9.30pm銅鑼灣一日遊最後一站就梗係食o野啦.同女仔朋友2人吃-* 串燒盛合- 有雞軟骨+雞腎+雞翼+三文魚+一串唔記得咩, 由以雞軟骨最好食, 醬燒又好過鹽燒.* 廣島燒餅(48) - 好正, 超飽肚, 我係鍾意食呢o的濃味o野.* 炸軟殼蟹沙律($48) - 春之特撰系列, 菜少到以為係伴碟, 軟殼蟹好一般, 仲有o的炸蝦仔好似零食密語買上o黎o既咁, 請勿受騙, 早知叫返和民沙律.* 海鮮斧飯- 春之特撰系列, 上桌時waitress 點火千叮萬矚唔好開個蓋等20mins, 中途o的煙係咁出feel 到佢入面滾滾下好得意, 等足20mins 熄火開蓋落荵花同紫菜碎撈埋, 好香, 食落又飯夠煙韌海鮮又足料, 好得. 推介!* 朋友飲- 梅酒+橙汁($28), 超搞笑, 比半個橙自己搾汁(!!!), 朋友comment 好飲係幾好飲, 但係半個橙咁少, 比夠一個得唔得?* 我飲- 巨峰提子酒+梳打($28), ok啦. 我個得襯梅酒好飲o的.食到好飽, total 埋單$260.有酒飲又食得飽坐得又舒服又平, 真係正~p.s. 10pm後全線食得煙, 煙民喜訊.

同朋友慶祝生日，所以黎和民食飯。計埋我一共4個女仔，都叫左幾多野食。最滿意係佢個刺身拼盆，三文魚好新鮮，其中最美味係甜蝦。另外，個芝士焗飯都好好吃，芝士夠多，但係唔怕漏。不過個芝士年糕就麻麻地，我同朋友都覺得太韌，好難咬，我諗趁熱食應該好d。仲叫左好多野食，不過唔記得lu~最後每人吃左個雪糕，我覺得豆腐味雪糕最好味，清清地咁，很好。d野全部細細碟，岩晒唔大食既女仔。和民既服務都好好，我同個朋友叫d去拎位，其他兩個朋友遲成半個鐘先黎，我地等埋佢\地黎先叫野食，d waiter都冇唔滿意。見我地點緊生日蠟燭，仲好醒目咁俾碟同叉俾我地tim~

遊遊蕩蕩又來這裡食飯,一個人食飯不想對自己太差,結果點了個燒餅食,再加了個牛油帶子.原來燒餅再加Ｄ沙津醬是很好味的.大家不防試試貪這裡碟頭細細,一個人食飯一碟太少,兩碟啱啱好.

食左牛油焗帶子,有6粒架,算幾多波菜千層麵,都幾好食,不過肯定唔係日本野蜆肉麵包,蜆肉白汁浸住d麵包,不錯牛肉奄烈飯,一般la芝士薯仔餅,唔覺有芝士味豆腐布甸,淡d,都預左la朱古力軟心蛋糕唔夠熱law,不過可能都係d員工冇跟足,希望下次好d la和民好在d野細碟,兩個人都叫到咁多野,食物水平都幾好,不過就唔似日本野,壽司都唔多款揀

裝潢靚，食物個樣都靚。豬扒窩送旦俾客自己整係有心思，但越整會越易咸，呢個都要留意。坐得好舒服，環境比食物還要好少少。